إعـــــــلان

تقليص
لا يوجد إعلان حتى الآن.

الانيقات المتزوجات زواج مختلط انا محتاجة لمساعدتكم و للخبرة ديالكم الله يجازيكم بيخير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الانيقات المتزوجات زواج مختلط انا محتاجة لمساعدتكم و للخبرة ديالكم الله يجازيكم بيخير

    السلام عليكم و رحمة الله تعالى و بركاته
    الانيقات سمحوا ليا الى كنت غادي نبرزطكم معايا اشوية
    لكن حنا مسلمات و المسلم كيحتاج اخوه المسلم في بحال هاذ الظروف
    و الله يجازي ابخير كل وحدة غادي تسمع لقصتي و غادي تفكر معايا في شيء حل و تعاوني
    انا بنت مغربية عايشة في المغرب اتعرفت على واحد الانسان طيب و متخلق و هو ماشي مغربي هو سوري لكن عايش بالمانيا بعد مدة طويلة من التعارف ديالنا اللي دخلوا فيه حتى واليدينا و لقينا بان حنا ولينا كنبغيو بعضياتنا قررنا نتزوجوا طبعا بموافقة اهلنا مبدئيا
    لكن عندنا مشكل كبير
    خطيبي هذا مزوج المانية طبعا ماشي زواج كامل لكن الى بغيتوا تقولوا زواج ابيض كيف كنسميوه لانو دفع فلوس كثيرة لهذيك الالمانية و لكن المشكل ماشي في المراة المشكل انو الاوراق ديالوا مازال ما كملات و مازال غتاخد وقت طويل تقريبا شيء سنتين و حنا بغينا نتزوجوا دابا
    خطيبي تكلم مع واليديه و اقترح عليا باش يجي باباه للمغرب و يجيب معاه وكالة من ولدوا قصد الزواج و نتزوجوا هنا بالمغرب عن طريق الوكالة اللي غادي يوقع فيها الواليد ديالوا بلاصتو هو
    و من بعد نتلاقاو في سوريا حيث هو يقدر يسافر لسوريا وقتما بغا لكن للمغرب مازال ميقدرش يسافر حتى تكون عندوا اقامة مفتوحة
    انا ابصراحة مترددة بزاف مع اني كنبغيه و بغيت نتزوج بيه لكن خايفة اشوية و المشكل اني ما عارفة على هاذ المسالة حتى حاجة
    يعني محتاجة لمساعدة كبيرة خصوصا اني متوترة بزاف مكيواسيني غير ماما مسكينة هي اللي كتحاول تهدئني اشوية
    بغيت نسولكم ا الانيقات واش عمر شيء وحدة فيكم سمعات على موضوع بحال هذا او حضرات لشيء حاجة بحال هاكا و الى كانت فيكم شيء وحدة تقدر تفيدني الله يجازيكم بيخير
    ابصراحة انا محتاجة ليكم بزاف و جيت قاصدة بابكم و المقصود هو الله نتمنى تساعدوني و ميخيبش رجايا فيكم من بعد الله

    و انا كنشكر كل وحدة عطاتني من وقتها حتى لو مرداتش على الموضوع لاني عارفاه طويل و غياخد من وقتكم

    تحياتي و حبي الكبير

  • #2
    نسيت ما قلت ليكم اني وعدتوا بالاستعداد ديالي الكامل اني نبقى ما بين المغرب و سوريا هاذ الفترة ديال عامين اللي غادي يوجد فيها وراقوا و يطلق النصرانية باش يعمل لي انا وراقي و نمشي معاه ل المانيا
    دابا المشكل المطروح واش غادي نقدروا نتزوجوا بطريقة الوكالة هاذي واش هاذشي ممكن و لا لاء يا ريت تكون شيء وحدة منكم عندها دراية بهاذ الموضوع اتفيذني
    بصاح راني حايرة ربي اللي عالم بيا
    انا اليوم عندي موعد مع واحد المكتب سياحي بغيت نسولهم على شيء اسئلة
    و ف ينفس الوقت الى كانت عندي شيء حاجة غادي نقولها ليكم هنا
    باش نستافذ انا و تستافذوا حتى انتوما
    العالم الله تقدر تكون شيء وحدة بحال يو حتى هي محتاجة للمساعدة
    نديروا يد في يد و نتعاونوا بيناتنا
    ياك ا الانيقات

    تعليق


    • #3
      السلام عليكم أختي إش غانقولك باين عليك فكرتي وقررتي انك تتزوجي وتضحي الله يعينك ونتمنى ليك التوفيق لكن سمحي ليا نقووولك. لا تخلي حبك واقتناعك بخطيبك ينسيك إلي هو المهم والأصعب واش تقدري تزوجي بواحد مازال مصيره ماتحدد واحد مزوج وأوضاعه القانونية فعلم الغيب وانك تعيشي بعيد عن زوجك وبين دولتين أختي الزواج رآه صعيب ونرجع نقولك الله يوفقك ويقدم ليك لي فيه الخير وسمحي لي
      sigpic

      استغفر الله الدى لا اله الا هو الحي القيوم واتوب اليه
      لا اله الا انت سبحانك اني كنت من الظالمين

      تعليق


      • #4
        شكرااختي انا فاهماكو مقدرة الموقف ديالك
        لكن انا امراو قوية و هاذشي اللي خلا زوجي حتى هو يضحي معايا و ما يفارقنيش
        حنى بوجهة النظر ديالنا احسن شيء اننا نتزوجوا امام الله و الشرع و نتسناه هاذ العامين و لا نبقاو في اطار كلمة مصاحبين يعني محملناهاش الى بغيتي تقولي واش فهمتيني
        يعني هو كيقول اللهم مراتي في الشرع و تسنايني و لا نبقاو غير صاحبت يو صاحبي و محال واش نقدر نتسناه عامين و انا غي صاحبتوا
        كنتمنى من الله يوفقني في هاد المسالة راني عارفة واش هاذشي صعيب بزاف لكن انا محتاجة انكون اقوى من هاكا حيث بصاح حاسة حالي متوترة
        دعيو معايا ربي يوفقكم

        تعليق


        • #5
          اختي نصيحتي فكري قبل ماتاخذي اي خطوة ماتخليش الحب يعمي ليك حقيقة الموضوع السيد غارق في موشكيل الاوراق ويمكن تحل من هنا عامين ويمكن اكثر انا متافق معاك بانكم ما بقيتوش قادرين تهظرو مع بعضكم بدون عقد يعني وليتو حاسين بانكم كترتاكبو معصية نصيحتي بلا متزربي والله ينول ليك كل ما كتمنايه اومصاب يكون كيستاهل كل هاذ الحب والتضحية

          تعليق


          • #6
            ابصراحة انا حايرة معرفتش
            انا في نظري هو كيستاهل هاذ التضحية و اكثر
            غير هي حاجة وحدة ممتافقاش معاك فيها حيث قلتي ممستحملينش المعصية حنا اختي الكريمة معمرنا معصينا الخالق و معمرنا معملنا شيء حاجة تخل عن الادب و لا حتى قلنا شيء كلمة تخجل واحد فينا
            هو انسان محترم كثر مما يمكن ليك تتصوري و يمكن هاذشي اللي خلاني نتمسك بيه اكثر
            عموما شكرا ليك و شكرا على الدعوة ديالك انا محتاجة لدواتكم
            ربي هو المستعان

            تعليق


            • #7
              اختي فكري مزيان انا راني مشيت سوريا عقدت فيها وشفت لعجب للاسف المغربيات حالهم ما يسر لا حبيب ولا عدو والكارثة العضمى انهم مزوجات بسوريين تم استدراجهم بوهم الزواج و وقعو فمشكل مالو حل ومعضمهم بين قوسين اصبحن يمارسن الدعارة الله ينجينا وينجيكم ونجي جميع بنات المسلمين والله يستر بناتنا ويلاقهم مع ما حسن منهم انا مشي بغيت نخوفك والله شاهد عليا ولكن بغيت نحدرك ونصحك كبنت بلادي وما بغاش نعمم ولكن راه اغلبية سوريين ماشي متقيين الله وكلهم فيهم تحريميت ويلعبو عالبراني انا من تجربتي المتواضعة جرالي الكتير واستغلوني انا وخويا وراجلي لانهم شعب شلاهبي بصراحة الا من رحم ربي

              تعليق


              • #8
                السلام عليكم,,,انا موضوعك حيرني ,هاد السيد اش داه اقلب على بنات الناس واخليهم اتعلقو بيه وهو عارف راسو ماشي ديال راسو وهاد الزواج واش بصاح زواج ابيض,,في راسك بلي النصرانيات مكيبغيوش اتفارقو مع لي مزوجات بيه وهادشي شفتو كتشد بايديها وسنانها,,هاد الوكالة واش مسموح بيها في المغرب.. تقدري تزوجي وتمشي عند راجل لدولة اخرى وتبقاي تسناي عامين كيما قال حيت مماكدش..والاب ديالو فين كاين في سوريا اولا المانيا,,الى كان في المانيا زعما ولدو معندوش اوراق اقامة,,اختي تريثي ومتقوليش انا قوية راه صدمة وحدة تهرسك,,دازو عليا اشكال كنشك غير شوية كنسلت ومكنعطيش اعذار حيت الى كان انا لي عندي مشاكل اكيد هداك الرجل مغديش ابقا اضحي ,,فهميني والله لي عالم خايفة عليك..مصيرك مع هاد السيد مجهول يا ريتك مدخلتيش واليديك في الموضوع,,,ياربي شي ولد الناس ادق بابك دابا وتمشي بلا تعقيد

                تعليق


                • #9
                  أختي الكريمة صراحة مانعديش باش نفديك في الموضوع و لكن ملي قريتو لقيت بأنك متمسكة بهاد الراجل و كتكلمي و تقولي زوجي إلي باقي ماشي زوجك ، أختي مشكلتك عويصة نوعا ما و كيف قالت الأخت زينة راه النصرانية راها مايمكنش ليها تسمح فيه راه بنات الحرام و هذا واقع لمستو أ ختي هنا المغاربة مساكن و معامن عايشين على قبل الأوراق ، حبيبتي مصيرك و مصير هاد السوري مجهول . و نتي اشنو يضمن ليك أنه في ديك الفترة ملي يدير أوراقه غادي يدفع ليك نتي باش تمشي لعندو و اشنو يضمن ضامن ليك على أنه هاد الزواج أصلا غير زواج أبيض ، عامين و نتي كاتسايني أ ختي و تشوف تشوف واش تكون شي حاجة أو لا لا ، أختي سمح لي أنا تكلمت معاك كأخت و خايفة عليك و مانبغيش ليك المضرة و كيف قلتي حنا مغاربة و بغينا ليك غير الخير ماشي وقفنا ضدك و لكن جلسي مع راسك و خمي مزيان و شوفي إلي غادة تسلكك و نساي العواطف و الحب الكلام الرومانسي .الله يدير ليك تاويل ديال الخير
                  اللهم إجعل والدي ممن تقول له النار اعبر فان نورك أطفأ ناري














                  تعليق


                  • #10
                    صباح الخير الانيقات كلكم
                    نتمنا تكونوا ابخير اليوم
                    و هانيهنا كنتسنا الاراء و الانتقادات ديالكم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X