راجلي عصبني....

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • راجلي عصبني....

    السلام عليكم اخواتي كنتمنى تكونوا بخير

    المهم ندخل في الموضوع مباشرة
    انا هادي شهر من فوقاش خذيت الفيزا ديالي وباقي مامشيت لعند راجلي كنساين والديا ايمتا ايجوا باش نشوفهم.. حيت مشاوا توريست.. بالاضافة الى ان راجلي يا الله شهر من فوقاش رجع وباقي مخدم وحتى لخلاص باقي متخلصش مزيان وانتوما عارفين الوضع ديال الواحد راجع من المغرب ومع هاد لوريقات ديالي بزاف د المصاريف..اذن خاصني نصبر شوية علاما يتخلص باش ايقطع ليا البيي ويصيفطلي شوية د لفلوس تتقضا بهم اللي خاصني قبل مانمشي اضف الى مشائل اخرى ..صافي لهذا قلنا مافيها باس نصبر شوية حتى يتحسن الوضع خاصة وان الفيزا فيها عام كامل..ايوا دابا شهر من وقتاش خذيتها ووالديا بعد غدا جايين وراجلي غادي يتخلص بعد غدا ان شاء الله والبارح عيط ليا كنتناقشو في هاد الموضوع وشوية هو قاللي حبذا لو تزيدي تصبري حتى لشهر 3 او 4 عاد تجي ايكون الوضع المادي مستقراكثر ولكن انا عرفاك متقدريش تصبري حتى لهاد الوقت..وانا قتلو تهدر تهدر مزيان وفي الاخير تضيعها جا يرد عليا وهو يكمل الرصيد...الصراحة عصبني بزااف وانا من النوع واخا ايكون عندي شنو نقول كيمشيلي كلشي ومكنعرفش نعبر على رايي كما هو في الداخل ديالي وكنعطيها للسكات..
    انا يا البنات قنطانة راني في لعروبية مع احباب راجلي مكاين فين نخرج وحتى الى بغيت نتقضا شي حاجة تناجلها حتى نمشي لدارنا..وشحال انا كنساين في هاد الفيزا وكيسناني مزال نمشي نولف داري ونتعلم اللغة...وهو باقي تيلمح ليا حبذا لو نصبر حتى لشهر 3 او 4 عرفت ان النص فيكم غيقوللي شبعي المغرب وداركم ولكن البنات انا باغيا نمشي حيت عارفين النفسية ديال الوحدة فاش كتكون بعيدة على راجلها اضف عاى ذلك يكفي المدة والوقت اللي ضيعناه بعاد على بعضياتنا واللي مزوجين معانا دارو لوليدات واحنا باقي ...اذن علاش متيفكرش بهاد المنطلق..انا عارفا نيتو طيبة وبغاني فاش نمشي يعجبني الحال ومنلقاش صعوبات مادية ولكن البنات انا صبرت اللي صبرت وحتى الى زدت صبرت الوضع غيبقا بحال هاكا وحتى هو قالي خفت واخا زدتي بقيتي الوضع ميتغيرش ...

    انا معصبة عليه حيت تنعرف اللي موحش مراتو ميزيدش يصبر عليها حتى ساعة بغض النظر عن كل الظروف ولكن انا شايفة العكس والى قلتلو منجيش مثلا حتى للصيف يعجبو الحال بمبرر تتحسن الظروف..
    معرفتش كيفاش نهدر معاه منين اعيط حيت غير كنهدر معاه كيمشيلي كلشي اللي كنت باغا نقولو

    شنو رايكم البنات فشنو قلت ومتبخلوش عليا بنصائحكم القيمة

    انا معصبة من هدرتو وشايفني مصبرت والو

  • #2
    okhti llah ysahal alik
    hia lmaghreb zwiiiiiiiiiiiiiin walakin atabghi tkouni m3a rajlk

    tna9chi m3ah ogoli lih ila bghiti nab9a hta avril namchi ldarna nachba3 men walidiya ba3da
    ollah ysahal
    لا تحـــــــــزن ان ضاقت عليك أمور الحياة
    sigpic فالقمر يزداد روعه كلما زاد حوله الظلام



    تعليق


    • #3
      rah lma3icha ghlat akhti fi lghorba
      yamkan bgha hta ywafar lik dorouf maziana
      لا تحـــــــــزن ان ضاقت عليك أمور الحياة
      sigpic فالقمر يزداد روعه كلما زاد حوله الظلام



      تعليق


      • #4
        هدئي اعصابك و بردي السوق شوية راه الظروف في الخارج واعرة بزاف و ما تزيديش تزيري الحبل على راجلك الى قدرتي تصبري احسن ماقدرتيش بردي و تكلمي معاه مزيان و شرحيليه لي كتحسي به بلطف و انشاء الله يكون خير و الله يتويكم للخير و يرزقكم الذرية الصالحة
        [/][/url]

        [/url]

        تعليق


        • #5
          choufi akhti how mskine baghi y3aychk f ahsan dorouf machi tmchi tma o twli tgouli ndmt lach jite nn a zine o chhar 3 mab9a lo walo ha chhar 1 sala bsalama diri haja glsi chi 20youm f darkom o roj3i ldar hbabk glsi tani chi baraka m3ahom o tlfi lw9t rah lghorba s3iiiiiiiiiiiiiiiiiiiiiiiba o nwasik 3la sbar ina llaha ma3a sabirine binisba l billet ila knti f europa rah kina dik jet4u gha rkhisa bzaf ga3
          ربي لا تدرني فردا و انت خير الوارثين

          تعليق


          • #6
            ربي يكون عوينك يا اختي الحبوبة ديال راجلها وعروستنا الجديدة (:

            شوفي يا اختي انا معاك وعندك الحق غير هو العصبية اانا ما ممأيداك فيها ، راه المرأة في شرع الله كتصبر على راجلها 4 اشهر والى زادو كينقالب الوضع وكتضرر المراة .
            شوفي انتي دابا حسبي راه دوزتي شهر يعني بقا ليك غير 3 شهور فقط وطلبي منو مايتعداها وانتي صبري وماتتعصبي معاه لانكي الان مزال ما دوزتي 4 شهور ديال الضرر وراني عارفا بلي راكي عروسة جديدة ولكن ملي زوجك طلب منك تصبري مزال سايريه غير قولي ليه بلي ما يتعدى 3شهور الي بقات وشرعا راها4 شهور.

            موفقة ان شاء الله ما تبيني لاهل زوجك بلي متضررة من تواجدك معاهم هذي راها فرصة ليك تكسبيس ودهم وتبيني ليهم بلي انتي باغياهم ماشي غير طامعا في الخاريج وصافي .ok يا الزين؟






            [sor2]http://www.quraan-sunna.com/vb/Green/stt.gif[/sor2]

            تعليق


            • #7
              السلام عليكم الحبيبة
              سمحيلي ولكن راكي صبرتي والحمد لله
              وقبطي الفيزا شهر هذا ومزال ممشيتي غير حيت كنت تتسناي والديك ارجعو بالسلامة
              فالحقيقة الي راجلها فالخارج وتتسنى الفيزا امتى تشدها راها حاسة بيك حيت تتسنى انها تولي مولات الدار وتبدا حياتها الزوجية وتفكر ان شاء الله ادير لوليدات وتحمد الله الظروف الحبيبة كلها كاينة من بعد ما وافقوا اعطوك الفيزا يعني الاساسيات كاينة الدار الما الضو كلشي غايبقا غير الماكلة والي غياكلو واحد ياكلوه زوج
              يعني متنظنش بلي كاينة شي ظروف خرى تتمنعك انك تسافري لعند راجلك
              الحبيبة ايلا راجلك معندوش دبا الثمن ديال التذكرة عاونيه انت و شريها وقلبي على ارخص وحدة وسيري عند راجلك ان شاء الله
              شوفي الحبيبة انت ماوفقتي على راجلك حتى بغيتيه كيما هو اليوم عندو وغدا معندوش ماشي مشكل انت وياه تعاونو على الحلوة والمرة وهذا هو الوقت انو تمشي عندو وتعاونيه
              هذا رأيي الحبيبة
              متعصبيش ومتحسيهش بالي انت معصبة ملي تتعصبي او هو ايتعصب مغاديش توصلو لحتى شي حل
              قولي ليه انا صبرت بزاف وبركة انا غادي انجي اوصافي
              بالتوفيق
              الله اسهل عليك
              strasbourg

              67













              تعليق


              • #8
                السلام عليكم قريت القصة ديالك وبقيتي فيا لحتاش تنا بحالك تيقولك سال المجرب لاتسال الطبيب والبعد على راجلك صعيب انا لي مجربة وخصوصا انك ماشي عند عائلتك انا الي مهون عليا انني مع عائلتي وتنتسنى هادشي علاش الزواج من مغربي صعيب خاصك تسنايه عند عائلتو وناصيحتي ليك انك تصبري عليه لانو ممكن ماقدرش يقلك على ظروفو والغربة صعيبة والمعيشة غالية بزاف كما قالو لبنات بدلي الجو شوي عند عائلتك وحاولي تقسمي الشهر نصف عندهم ونصف عند عائلتك باش يمر الوقت بسرعة وتلتاحقي بزوجك وحاولي تساعديه الى بغيتي تمشي لعندو تنازلي قلي ليه بلى مايرسل لك باش تقضاي عدي بلي كان حتال عندو ويتهلى فيك قلي ليه يقطع ليك غير البيي وصافي وقبلي على الي كان المهم انك تكوني معاه وفجنبو بلا ماتبقاي تضيعي الوقت بعيدة عليه كلشي فايت وكلشي يتعوض ملي تكوني معاه غادة تكوني فرحانه كن صبت غير يكمل راجلي وراقو ويجيب ليا الفيزا نمشي اليوم قبل غدا سهلي على راسك ويسري امورك من الافضل التطوال ماشي في صالحك هادي نصيحة من اخت لاختها وربي شاهد عليا الله يسهل عليك وييسر امورك باذن الله سمحيلي لاطولت عليك ولاكين راني بغيت ليك غير الخير الله يوفقك اختي.

                تعليق


                • #9
                  افكار الاخوات الاخريات زوينة بحال قالت ليك حاولي تغيري الجو وتقسمي الايام مرة فداركم ومرة عند اهل الزوج ولكن بالتعادل (:

                  والفكرة ديال الاخت الي قالت تشري التذكرة على حسابك وتلتحقي بالزوج فكرة زوينة بزاف الى كانت ظروفك المادية جيدة.

                  صراحة الاخوات هنا عطاوك افكار واراء في المستوى والقرار ليك يا عروستنا ..اوى تهلاي في راسك وراه الزواج هو عامين الاولى حاولي تملئيهم بالاوقات الحلوة والذكرات السعيدة باش تلقاي مع مرور السنين رصيد من الذكريات تعينك على مواصلة مسيرة حياة الزوجية بوجود اولاد ووو...(:






                  [sor2]http://www.quraan-sunna.com/vb/Green/stt.gif[/sor2]

                  تعليق


                  • #10
                    اخواتي نوضحلكم واحد النقطة هو ماقالليش بطريقة مباشرة نزيد نبقا حتى لشهر 4 او 3 ولكن غير لمح ليا وفضل لو نزيد نبقا هنايا

                    وانا واخا غير تلميح او تفضيل متقبلتوش وعارفني مغنقبلوش فعلاش تيلمح ليا ....

                    معنديش الخاطر نزيد نبقا الانسان كان كيساين الفيزا منين ربي جابها شنو بقا له ما يتسنى

                    كما قالت واحد الاخت مادام الفيزا خرجات اذن الاساسيات ديال الحياة متوفرين انا مبغيتش حياة مرفهة بغيت غييير راحة الباااااااااال والاستقرار النفسي والعاطفي والامان.. اللي محرومة منو كل بعيدة على راجلها..

                    انا عام ونص من فوقاش تزوجت وراجلي بقا فيهم معايا شهرين متفرقين وباقي الايام دوزتهم بوحدي مرة في دارنا مرة في دارهم مع ذلك الوحدة كتبغي تكون في مملكتها وتتصرف فيها كيف بغات وبالخصوص اللي عايشين في عزلة على العالم الخارجي بحالي مكاين فين نخرج ولانقرا فمجبرة اني نتعجل على الالتحاق براجلي على الاقل نبدل شوية المكان والروتين ....


                    كنتمنى تكونو فهمتوني اخواتي العزيزات

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X