إعـــــــلان

تقليص
لا يوجد إعلان حتى الآن.

مساعدة فخصوص الفيزا الى أمريكا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة فخصوص الفيزا الى أمريكا

    اليلام عليكم
    عافاكم يا اخوتي بغيت استفسار على الفيزا الى أمريكا
    أنا دايرة العقد في المغرب و لاكن زوجي دفعلي فيزا خطوبة k1 محيت قالولو هيا اللي ساهلة بعد ماسول بزاف ديال الناس واش مكاينش موشكيل فالمقابلة
    و شحال ديال لوقت باش يجاوبونا لاحقاش دابا 3 شهور و حنا كنتسناو مكاين حتى جواب
    الله ييسر الأمور و يسهل على الجميع
    شكرا

  • #2
    salam okhti ila knti dayra act f mghrib
    ghadi yrfdo lik hadik lvisa
    ghir kaday3o lwkt dialkom bla walo

    hit mli ydiro ba7t ghadi ylkaw bli nti dayra act yaani mtzwja o ghadi ygolo lik nhar interview siri df3i dial mariage koni mt2ka may9blohach like


    mohim ana naatik 7al goli rajlk ydfa3 lihom form i130

    l maktab dialhom o ytasl bihom ygolihom bli bgha ydfa3 lik visa zawaj li hiya k-3

    ghadi yaamr ghadik form o ysiftha lihom hit visa k-3 kat3mari haadik dial 129 o dial i130 o wata2i9 lokhra
    mohim ntmna nkon fdtk ayi soal ana rahn ichara akhti

    hiya bnisba soal dialk rah visat kamlin wolaw tiyakhdo nfs al moda li hiya 8 mois ola 6 mois baad khtrat

    o had lvisa li dfa3ti nti mn chorot dialha anakom tkouno mamzwjinch fhamti yaani katmchi 3ndo bach tzorih o ti3tiwk 90. youm mn nhar tdokhli amrika bach tzwjo o tdf3o lora9 dial green card ntmna akhti nkon fdtk o ayi soal ana nrjaa n9ra tani lah yasar lik o lina jami3an ya rab

    تعليق


    • #3
      o matnsawch tdf3o maaha hta act dial mariage mtrjem wo 3a9d zdiyad mtrjem b english o sowar 5/5

      تعليق


      • #4
        shokran a khti 3la had tafser walakin hna ma3walinsh ndf3o l'acte lehom bhal gher khotouba o ela swlouna ghadi ngololihom drna acte fe maghrib pour la famille dyali walakin hna baghyen acte amriki o 3arss amriki hadshi fe halat ela swlouna 3lash madf3nash K3

        تعليق


        • #5
          haki tjriba dial wahed lbnt yalah mchat machi bzaf



          T3araft 3la rajli par Internet w ri Moira dyal 6 mois w ja khtabni w madarnach acte wedfa3li visa talbouli 7ata tsawar dyal khoutouba walakin 7naya maderna walou 9alouli jibina e-mails w history dyal chat w rasail w ay 7aja kadal 3la 3ala9a dyana w 7ata chawahid mouwata9a dyal walidina wes7abna anana tekhtabna fi3lan rwiiiiiiiiiiiina ri soukti.lmouhim mchit interview w zidi tarjama dyal jami3 wata2i9 lenegliziya ya3ni mosiba dyal leflous Iwa mchit interview sawlouni 3la ada9 Gagarin dyal rajli w daz koulchi mezyan men ba3d 8 mois jaw 7ata lemdina dyali kaysawlou Wach 7naya makhtoubin wela mzawjin w kankadbou Bach nakhdou visa fiancée w men zahri l9aw ri khalti fedar dawkhoha b9awat taswal 9alou liha kifach tsiftou bentkom m3a rajal ma3a9adch 3liha hiya meskina 9alet lihom la radi ta39ad 3ad temchi iwa w da3li dosi wemchaw mazadouch 3aytouli 7ata dazet chi 2 mois w 3ayat rajli lihom 9alou lih 9alouna radi t3a9dou 9bal matemchiw Iwa wedabez m3ahom fetilifoun w rwina wech7al dyal tisalat 3ad 3aytouli w tab3ouli w akdou 3liya mandirch acte fi maroc w 3ad tfakina w jina 39adna fi USA wedfa3t green card kharjatli men ba3d 8 mois.lkholasa ndamna 7it derna visa w daya3na 3am dyal intidar a7san 7aja acte w 3ors w def3i 7 mois w ha green card fyadak wetji wila khefti madirich dokhla ya3ni ri acte w 7afla w safi sayni wri9atek w 3rd kamlou zwajkom.kanatmana

          تعليق


          • #6
            smhili akhti ngoulik bli ila knto mzwjin wakha madf3ich act rah tidiro ba7t o ta7ariyat 3lach homa tit3tlo bzaf bach yjawbouk awal mara rah matijiwch o yjawbo koni mt2keda rah madirihach bihom homa rah mtawrin ktr mn 9yas o 3arfin ach tidiro warah nas dayrin act o 3ndhom adila o kolchi o tikhafo trfad lihom visa fama baloka b act o visa fiance

            akhti mn ahsan df3o k-3
            ana k-1 o dayrin act bzaf bnat trfdat lihom o3awdo mn awal o khsran flos

            تعليق


            • #7
              Salam okhti
              Ana kan 3endi l39ed orajel teleb liya visa fiance omlli dazet chi 5moi chit l entretient galouli maymkenech ne3tiwek visa fine hitachach ntiya mezerja had lvisa naw3dyaleha k1. Ogalouli khaki visa k3 ohiya lirajelek khasso idfa3 ilk owahed lhaja rah ila derti visa fiancé. Kaytalbo ilk chahadat al3 ozouba ohit mezewja lay
              Oumekin tdiriha.

              Iwa ahbiba fnadari Goliath lrajelek idfa3lik visa k3 la diy3i dour 6 mois d visa fiancé whir hack o visa k3 ahsan katji l USA otsennay green card dyalek ila majatekech beaker obagha tsaferi kay3tiwek travel document bah terj3i l USA bioma etcheddi green card dyalek Ana ahbiba hack deret
              Bitawfi9 ahbiba*

              تعليق


              • #8
                salam o 3alikom
                shokran bezaf 3la tafserat wllah ma3rft shkoun li sheh mhet shi shabo daw 3yalathom haka kano dayrin acte o daro k1 msha mais wahd sahbo akhor kan dayer acte mais o dfa3 dyal k3 o glasat 2ans 3ad daha o homa taydewha o yejiboha hta hmlat 3ad 3tawhaliha.wllah ma3rfat daba shno nder mhet rahna daba 3 mois daf3en visa fiancée

                تعليق


                • #9
                  salam khti ca va

                  rah hadak ymkn gha sou2 tafahom rah mimknch ykono dayrin act o yaatiwhom visa dial k-1

                  imposible ima kdbo alih ima maarfoch ina visa aslan alach tihadro

                  b khosos k-3 rah makinach chi whda khdatha ala 2 ans
                  hit fl 9anon l9dim kant k-3 hiya asra3 visa
                  ama daba rah wlaw kamlin tiyakhdo nfs almoda

                  ghaykhliwk hta twsli interview o yaarfok mzwja y9adro yrfdo lik hit tidiro ba7t o raki 9riti bnat o tajari dialhom li copit lik

                  mohim hdri maa rajlk o golih yzid yswl ala hadchi machi yjibokom hta lkhr o tkhsro flos o fl akhr yrfdo likom hadik li khayba o homa li rabhin ontouma li khasrin hit homa flos lvisa rah dkhloha jiyobhom o ntouma taawdo mn awal o jdid

                  ntmna nkon fdtk o swli ktr ala rask bach matzarfich alah ysahal lomor akhti

                  تعليق


                  • #10
                    salam okhti kidayra khti asan haja idfa3lik rajlek visa mariage hsan raha tatkhraj daria ana khrjatli f 7 mois bla maday3i lwa9te f visa fiancee lianaha fiha 9awt tla3 ohbat ovisa mariage taytsawbolik wra9 kamlin otatkoni mhanya mn tatji l usa, wahd sahb rajli kan dfa3 lmrato visa fiancee b9at moda tatsana oman jat hna l9at mochkil f green carte odazte wahd lmoda obrat tamchi lmaroc oma9dratch lianaha jat ri b visa fiancee omazal mat9adoliha lawra9 l9at rwina kbira, lahoma khti daf3i visa mariage ohni rasek, alah yjma3 chamlek brajlek

                    تعليق


                    • #11
                      salam
                      wllah ma3raft dakht l mohim daba ghanshrah hadshi li rajli 3afakom daba ana mhet kont daf3a visa fiancee daba kef nder ngolhom nrdha mariage wash n3atolihom o ngololihom bghina k3 shokran

                      تعليق


                      • #12
                        salam ana nit daba daf3a lvisa fiancy walakin ana madertch act ghir khotoba o safi daba 5 chhor hadi bach dfa3t o ba9i makayn walo fima tay3aytlhom rajli tay9olo lih chhar jay o daba tantsena 3la lah fi had chhar 4 yjawbouh 3rafti saraha ndemt 3la dertha kont 3and bali ghi 4 o tatghrouj sa3a bane liya tatakhod wa9t bhal marriage en plus kif 9alou lik bnat ghadi tmchi o ghadi tzewji hili def3i l green cart o hadi makantch fi khbari ana ya3ni fi modat 2ans ma3andekch ha9 tsafri chi dola akhra men ghir usa lah ysaweb lik a khti

                        تعليق


                        • #13
                          السلام عليكم و رحمة الله
                          اختي وداد حتا انا جيت عند راجلي بفيزا خطوبة , و فعلا كيما قلتي هي اسرع من فيزا الزواج
                          انا خرجات ليا في 6 اشهر
                          و صراحة من رايي انها مزيانة , انا ماكنتش دايرة العقد و لكن حتا انتي قولي لهم مادايراهش
                          انا دوزو معيا الانترفيو حالات بحالك و شدوها
                          كتجي عند راجلك , كديري عقد امريكي , و كدفعي للكرين كارد و كتخرج ليك دغية
                          و بالنسبة للاخت لطيفة , الكرين كارد راه وحدة بحال فيزا الزواج بحال فيزا خطوبة , ماعندكش الحق تسافري بها إلا لكندا , وتسناي الجنسية 3 سنين الا بغيتي تسافري دول اخرين

                          تعليق


                          • #14
                            lbnat 7adari olah kasam
                            whda sa7bti l daba mazal makhrjt liha green card
                            o raha b9at 7asla rah mn nhar daro had 9anon jdid wlaw ti3kso
                            daba visa mariage li mdmona

                            tasli bihom akhti
                            o ygolihom rajjlk baghi k-3

                            ama rah homa machikonab ola kalakh
                            kon kano ydiroha bihom nas korah kolchi mcha
                            machi wahed 3ndo visa mariage o tirfdo lih
                            fama baloka b fiance

                            rah ytb3o m3ak marahil kamla o ykhliwk hta interview o ykhsro 3lik klmat raki mzwja siri goli rajlk ydf3 lik mariage onti li khasra

                            bnisba visa fiance kanetttttttttttttt mzyana
                            fl 9anon 9dim ama daba la
                            katmchi onti o zhrk wech takhd green card ola la mohim hadi nasi7a ontouma t3rfo

                            تعليق


                            • #15
                              7aja khora nsiteha visa khotoba kantttttttttt sri3a

                              ama daba mli bdlo hadchi
                              wlaw kamlin kiyakhdo nfs almoda i130 w k-3 w k-1

                              moda w7da

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X