طرائفي في مجال التدريس

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طرائفي في مجال التدريس

    [frame="7 80"]
    إيلا سوّلتي شي آستاذ على الطرائف اللي كتوقع في الأقسام تلقى عندو بزاف
    أحنا هنا نحاولو نقولو ليكم حوايج باش نتبادلو البسمة أو الضحكة ......
    تفكرت فاش يالله بديت فالتعليم عطاتنا الإدارة ملفات فيها معلومات عن التلاميذ و كل معلم ينادي على دياولو إيوا كلشي داز مزيان إلا أنا بقى عندي ملف عييت و بَحّيتْ و أنا نعَيَّطْ - ب.. أحمد - والو ماكاينش كنحسب كنلقى ملف باقي عندي و نعاود نعَيَّطْ بلا فائدة قرّبت نحماق و لكن قلت نتسنى باقي الزملاء و الزميلات حتى ينتهيو إيوا و نشوف هاد الملف ........سالا l'apelle و بقى تلميذ واحد عيطت - ب.. أحمد - وكنشوف فيه وهو كيحنزز فيا قلت موحال هو و أنا نشوف الصورة لقيتها ديالو وقلت نحقق مزيان جيت قدامو وحدى وجهو كنعيط بلغوات والو لا حياة لمن تنادي و فكّرت ياكما صمك أو زيزون و سولتو: واش أنت -ب... أحمد ؟- جاوبني لا .!!!!!!!!!!كانت حدايا صديقتي قلت ليها شوفي هاد الصورة واش ديال هذا أو للا؟ ها ودنيه عينيه نيفو راسو هههههه و أنا نْوَّريه الصورة و سوّلتو : شكون هذا ؟ جاوبني أنا ..... عاود سألتو : سميتك - ب...أحمد ؟ جاوبني للا ...صافي قلت مع راسي راهم تالفين في الإدارة و بغيت نصَحْحْ الغلط و طلبت منو الإسم ديالو .عرفتو آشنو قال ليا !!!!!!!!!!!!!!! أنا سميتي - ب ....سي أحمد - -بغيت نخرج منهدومي خللاوها خوتنا المصريين- و طلع ليا الدم و قلت ليه واش أنت مصطي
    أو مالك ؟عذبتيني نص نهار و أنا صوتي الله العلّام . قال لي راه أنا شريف قالت ليا ماما خص الناس يعيطو ليا سي أحمد واللي عيْط ليا أحمد نّخْلو .......وعبر عليا نخلني
    هههههه

    [/frame]


  • #2
    [frame="7 80"]
    ما شاء الله
    44 مشاهدة ولا رد واحد
    [/frame]

    تعليق


    • #3
      احسن عوانك معاه فالدروس..

      تعليق


      • #4
        آسية قتلتيني بالضحك الله يخليك ديما ضاحكة ومبروك الحمل الله يجيبوا على خير
        كن ابن من شئت واكتسب أدباً[COLOR="cyan"url=http://tickers.doctissimo.fr/][/url][/COLOR]sigpic
        url=http://tickers.doctissimo.fr/][/url]

        تعليق


        • #5
          ضحكتني قصتك انت معذبة راسك والسيد هو مبرد
          إذن كل حصة لازم تعيطي سي محمد بدلا عن محمد
          لمدة السنة الدراسية كلها ههههه

          تعليق


          • #6
            هههههههههههههه قتلتني بالضحك اختي الله يخلي ايامك كلها ضحك و نشاط!!
            .

            تعليق


            • #7
              هههههههههههههههههههههههه
              يا ما في التعليم من مظاليم
              الله يصبرك






              تعليق


              • #8
                اوا تانا نعاود ليكم واحدة وقعات ليا.

                كنت ندرس اللغة الإنجليزية في مؤسسة خصوصية و في القسم 4 كان واحد التلميد يا الله لتاحق بالمؤسسة كان عندو شي مرض و انقطع عن الدراسة و من بعد والديه رجعوه يكمل في قطاع خاص باش على الله يتوفق.
                المهم هو كان كبير في السن بالمقارنة مع الآخرين و راعيت الحالة ديالو و جلستو بجانب واحد التلميد مجتهد.

                الولد مسكين واخا نعيا ما نبسط و نشرح ليه ما كيفهم والو.

                عملنا واحد الامتحان بسيط و ملي بديت نصحح الأوراق تصورو انه نقل كلشي من صاحبو حتى الإسم..................ههههههههههههه

                هادي و الله ما نكتة و قعات بالصح...........
                ما شاء الله

                تعليق


                • #9
                  السلام عليكم

                  وخصوصا ميدان التعليم فيه بزاف ديال الطرائف والأحداث ههه

                  مسيرة موفقة في ميدانك

                  تعليق


                  • #10
                    الله يعطيك الصحة أسية ضحكتيني، إيوا عنداك ما تعيطي عليه سي أحمد وتجيك ماماه
                    الطرائف كثيرة ولا حصر لها




                    لتنظيم المسابقات

                    [





                    بداية الحمية في 12/06/2012[/CENTER]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X