البنات ساعدوني بغيت نعلم بنتي تجمع الكلمه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البنات ساعدوني بغيت نعلم بنتي تجمع الكلمه

    السلام عليكم البنات عافاكم اللي عندها تجربه توريني اختكم حايره انا مقيمه في السعودية
    بنتي عندها 4 سنين كنت باغه ندخلها حضانه ومع هاد المرض تخلعت عليها وقلت خليها تا العام الجاي وكنعلمها الحروف خديت ليها كتب ديال الحروف العربيه والانجليزيه وحملت ليها براكج ومواقع المهم طولت ياك
    هي تعلمات الحروف الحمد لله ولكن ما عرفتش كيفاش نعلمها تجمعه باش تقرا كلمه مزيانه
    متلا تقول حرف الالف راء نون باء ولكن ما تعرفش تجمعهم تقول ارنب متلا فالبنات اللي يعرفو ما يبخلوش عليا عافاكم

  • #2
    السلام عليكم ورحمة الله وبركاته
    ختي الغالية انا كظن فالأول خصك تعلميها الحركات يعني الضمة كيفاش كتتقر والفتحة كيفاش كتتقرا والسكون ......
    ومن بعد كتكتبي ليها الكلمة بالحركات وكنضن غادي يجيها ساهل باش تقراها
    كنتمنى نكون ساعدتك اختي
    ونتمنى من باقي الاخوات يزيدو يساعدوك

    تعليق


    • #3
      السلام عليكم.كيف ما قالت الاخت اولا علميها الحركات من بعد كتبي ليها مثلا با ملي تقراها كتبي حداها با/بابا بالحركات طبعا جيها ساهلة في النطق من بعد كتبي ماما باب......ولكن تقرى بحرف بحرف من بعد تجمعهم .بداي بالجمل الصغيرة ثم الاكبر حتى تعلم.الله يخليها ليك ويحفظها من كل شر.

      تعليق


      • #4
        ربي يخليكم البنات الله يحفظكم من كل شر ويجازيكم خير انا كنجرب معاها وانشا الله خير

        تعليق


        • #5
          ويتي ويتي على الكتيكيتة الله يخليها ليك
          اختي بحكم تجربتي في التدريس
          وليدات اربع سنوات يا الله كيكونو في القسم الاول روض
          والكفايات لي خاصها تكون عندهم هي
          يعرف على الاكثر 10 حروف طول السنة الدراسية والحركات ايضا
          وركزي على حرف الميم
          بالاضافة الى التعرف على اسماء الاشياء والحيوانات و... انطلاقا من مشاهدة صور واعادة الكلام
          مثلا جيبي ليها شي كتاب فيه صور حيوانات وحطي صبعك وقولي هذا ارنب هذا ديك هذاعصفور وهي تعاود كل كلمة ومن بعد بداي تحطي صبعك وسكتي وهي غتقول الكلمة لي عقلات عليها غالبا ما غتعقل على 3صور الى كانت ذكية وبقاي كل نهار تديري ليها حصيصة صغيرة في الصور
          باقي الحال اختي على تهجي الكلمة وجمعها
          ركزي على كثرة الصور راه هاد المرحلة ككونو فيها الوليدات بحال شي فوتوغرافي كيلتاقطو بسرعة عبر العين والاذن دائما تكرار الكلام واعادته
          راني قريت الوليدات في هدا السن وكثير كنستافد من الاساتذة الكبار والمفتشين
          وانا واجدة الى بغيتي شي حاجة

          تعليق


          • #6
            اختي خدي الدفتر او رسمي ليها امواج و خطوط ////////////// واقراس وs فقط ضعي النقاط او هي تبع عليهم باش تعلم الاول كيفش تشد القلم او ايضا علميها الاحرف فالوحة استمري على هاد الحال تقريبا 3اشهر او غتلقايه مستعدة باش تعلم الحروف اومنبعد الكلماة او متنسايش الارقام حتى هما ضرورين بالتوفيق

            تعليق


            • #7
              شكرا البنات كلكم بدون استسناء على اهتمامكم وفعلا اختي كبيره اخواتها راه تعدات المرحله ديال الصور ماشا الله ولات كعرفهم كاملين حيت كنشري ليها الكتوب ديال الاطفال والرسوم باقي ليها غير الارقام اللي ماباغاش تحفظهم راني نحاول معاها بشوية بشويهتا يحن الله وطلاريقه الحساب اختي يجازيك الله خير كيفاش نعلمها تحسب
              ومــــــــــــــــــــــــشــــــــــــــــكـــــــــــوريـــــــــــــــــــــــــــــــــــــــــــــــــــــــن

              تعليق


              • #8
                لا شكر على واجب وماشاء الله لا قوة الا بالله على البنية

                مزيان
                الحساب تبداي معاها بالنقط
                خذي شي ملف وقطعيه قطع مربعة متوسطة
                خذي قطعة ورسمي فيها نقطة واكتبي حداها 1
                القطعة الثانية رسمي فيها نقطتين واكتبي حداها2
                الى ان تصلي للعدد5
                ووقفي من بعد كملي الارقام الاخرين حتى10 فقط
                اما عمليات الجمع راه باقي مغتقراهم حتى لاخر السنة من الاول اساسي يعني التحضيري
                وتخدم الاصابع
                راه باقي الحال على الحساب والحساب الذهني
                نصيحة اجبارية
                ما تبلوكيش البنية كل نهار تكتشف حاجة او كل اسبوع تكتشف حاجة احسن من انها تكتشف كلشي في مرة وما تاخذ والو من داك الشي
                دمتي بحفظ الرحمان

                تعليق


                • #9
                  شكرا اختي الغاليه على نصائحك وانشا الله نبدا معاها الارقام كي قلتي وربي يوفقها ويوفق جميع الاطفال اللي في سنها

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X