إعـــــــلان

تقليص
لا يوجد إعلان حتى الآن.

مساعدة الله يخليكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة الله يخليكم

    السلام عليكم
    البنات الله يخليكم الي عارفة شي معلومة عن المدرسة العراقية فرباط شحال فيها من عام دلقراية و شحال تخلص واش لشهر ولا لعام و واش دخلها بلا باك تفيدني حينت انا بغيت نشد الباك ضروري و لا شي معلومات عن باك حر الله يخليكم جاوبوني راني حيرانة

  • #2
    والوووو حتى واحد ماجاوبني حشومة عليكم مايمكنش مايكون حتى حد ماعندو فكرة على هاد الاسئلة واخة غي يعطيني فكرة صغيرة على الباكلوريا حرة انا بغيت ندير الباك وسمعت على بزاف المدارس ولكن ماعندي عليهم فكرة بحال المدرسة العراقية و غصن الزيتون حتى هي كاين فرباط ولكن ماعندي اي فكرة عليهم وانا ماسكناش فرباط
    و سمحولي على الاطالة و جاوبوني[

    تعليق


    • #3
      السلام عليكم
      اختي انا راني ماشي من الرباط ولكن سبق لي وعملت باك حر ولكن مدخلت حتى مدرسة غير تسجلت عمرت وحد الملف ودفعتو على ما اتدكر في نيابة او الاكاديمية شي حاجة بحال هاكا معقلتش وكتدفعي فاول السنة بالنسبة ليا معنديش الباك لاني منجحتش فيه ولكن اظن المهم يكون عندك المستوى اي نيفو باك على العموم الى قررتي تدفعي لباك حر اول حاجة تمشي لتانوية لقريتي فيها وتاخدي شهادة مدرسية وتما سولي راه غيقولو ليك على هاداك الملف لي خاصك تدفعي وعلى كل الاوراق اللازمة وتنظن الاجل تيبقا حتى لشهر 11 والله اعلم
      اسفة الى طولت عليك الله يوفقك وينجحك

      تعليق


      • #4
        وعليكم السلام
        اختي lay123 شكرا على الرد ديالك واش هاد الباك حر مضمون و الا نجحت فيه واش يكون عادي بحال الا شاداه فثانوية عادي
        وشكرا

        تعليق


        • #5
          بسم الله الرحمان الرحيم

          حبيبتي طالبة رضى الله
          أنا لست من سكان الرباط ولا أعرف شيء عن المدرسة العرقية هناك ،أتمنى أن تفيدك أي أخت بالمعلومات التي طلبتيها
          بالنسبة للباكلوريا ،فبإمكانك أن تنجزيها حرة ،سواء منتسبة لأي ثانوية حرة أو غير منتسبة ،في النهاية ستحصلين على بكالوريا معترف بها في المغرب ،ولا فرق بين بكالوريا حرة وغير حرة ،الفرق يوجد في الميزة المحصل عليها








          تعليق


          • #6
            السلام عليكم
            اختي ام سارة جزاك الله خيرا على الرد ديالك
            اختى واش هاد الباك يمكن تقرايه غي فدار و الامتحان الوطني وحدو الي دوزيه فثانوية ولا كاع الامتحانات

            تعليق


            • #7
              [align=center]
              بسم الله الرحمان الرحيم
              يمكنك أختي أن تحضري بكالوريتك في البيت ،لكن امتحانك سيختلف قليلا عن التلاميذ المنتسبين للمدارس
              لأنهم أنجزوا الامتحان الجهوي قبل ذلك بسنة ،بينما التلاميذ الأحرار ،أقصد أنت ستنجزين كل بكالوريتك في أيام متتابعة ،يمكن خمسة أيام ،ثلاثة أيام مثل الجميع ويومين للأحرار فقط
              أتمنى أن أكون وصلت لك الفكرة
              [/align]








              تعليق


              • #8
                السلام عليكم
                فعلا اختي الكلام لي قالت ام سارة صحيح كتحفضي جميع المواد
                الاساسية كتدوزيها مع الامتحان الوطني بحال التلامد العادين والمواد لبقات كيدوزو الاحرار بوحدهم يعني الى كنتي علمية فالمواد العلمية تدوزيها مع العلمين فالامتحان الوطني بحال بحال والي بقاليك كيزيدوكم يومين تقريبا تكملو فيهم باقي المواد
                والباك الحر باك عادي من طرف الدولة بحالي غتدوزي اول مرة مكاين فرق غير اجتاهدي وان شاء الله تخبرينا بنجاحك

                تعليق


                • #9
                  أختي طالبة رضى الله نصيحتي ليك ,إياك والمدارس الحرة
                  عن تجربة تسجلت فيها ثاني ثانوي وشهرين من الثالثة ثانوي كنت علوم تجريبية , راه ماعندهم قراية تيهمهم غير لفلوس يعني اذا بغيتي دوزي لباك ماخصك تعتامدي عليهم لان الامتحان النهائي تدوزيه بحال الطلبة العاديين فالمدارس الحكومية واذا ماكنت راجعتي بحالهم فاكيد غتصدمك اسئلة الامتحان

                  ومادمت انك محتاجة لمجهود شخصي فتحقيق نتيجة طيبة اذا لاداعي ضيعي فلوسك عليهم ففي جميع الاحوال التوفيق من الله ثم باجتهادك و راه الاساتذة غالبا مستواهم ضعيييف وكثييييري الغياب واخر حاجة تتهم الادارة او الاساتذة هي الطالب
                  كنا نشتكي للاستاذ باننا متاخرين عن الطلبة الحكوميين فكان يقول ( ماشي مشكل كاين الطريقة السحرية ) وكان يقصد بها نسخ الدروس
                  واش المواد العلمية من فزياء او رياضيات تنتعلموها بالنسخ :confused: لا حول ولا قوة الا بالله

                  انا ما كملتش الباك معاهم واحمد الله على ذلك لان المدرسة الحرة طلعات غير مصرح لها و شواهدنا صارت غير معترف بها ولو انني ما كنت نعتمد عليهم وكنت ندرس مع صديقاتي اللي فالمدارس الحكومية
                  هذا رايي الشخصي ولو يسر لي الله الاسباب لقدمت طلبي لاجتياز الباكالوريا الحرة

                  توكلي على الله وقدمي طلبك انت كذلك فما شاء الله عليك حبيبتي باين ان عندك اصرار وعزيمة قوية للحصول على الشهادة وانشاؤك موضوع خاص تطلبين فيه النصح والتوجيه خير دليل على ذلك وان شاء الله تفرحينا بنجاحك السنة القادمة ان شاء الله
                  [blink]السلام عليك ورحمة الله وبركاته ومغفرته[/blink]

                  تعليق


                  • #10
                    السلام عليكم
                    ام سارة
                    lay
                    المهــــــــــــــــــــاجرة
                    جزاكم الله خيرا على الرد ديالكم فعلا ساعدتوني الله يساعدكم انا محتارة بزاف حيت بغيت نشد الباك ضروري

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X