إعـــــــلان

تقليص
لا يوجد إعلان حتى الآن.

من الشاوية ... قبائل مزاب تحكي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من الشاوية ... قبائل مزاب تحكي

    مزاب, هيا بلاد الجود و الكرم و الأحباب
    مزاب, هيا بلاد الطعام و الشواء و الكباب
    مزاب, هيا بلاد المتعة و النشاط و التقشاب
    مزاب, هيا بلاد الشمس و الرعد و الضباب
    مزاب, هيا بلاد قرايا العلم و القلم و الكتاب
    مزاب, هيا بلاد القمح و النصاب و الصردي بلا حساب
    ها ابن أحمد ها سيدي حجاج, ها أولاد فارس ها أولاد شعيب
    ها المعاريف ها الغابة, ها رأس العين ها حمداوة ها أولاد مراح
    ميات قبيلة و قبيلة كلهم فاتحين الأبواب
    جيتي ضيف مرحبا, يحطوا ليك ما كتاب
    جيتي الضارب مرحبا, يهرسوا ليك الكعاب
    مزاب تخرج منها الوزير و العامل و النواب
    قالو علينا, مزاب و الكلاب ما مدكورينش في الكتاب
    هدا حسد و غيرة, و جهل بسورة أهل الكهف في أعظم كتاب
    و المش إلى ما وصل اللحم, كي قول اجتمع عليه الذباب
    احنا قبيلة عضيمة و كلشي يدير لينا ألف حساب
    لاش ما جيتينا نجيوك, جي بالضد أو بالآداب
    جيتي لقراية ... تخرجوا من عندنا الوزراء و النواب
    جيتي بالرفق ... استعملوا معاك الدبلوماسية و الآداب
    جيتي بالجهالة ... انزعوا ليك ضراسك بلا كلاب
    جيتي الضد ... نسكونك في المحاكم و نوصلوك المجلس النواب
    جيتي للأصالة ... حنا بلاد العائلة المؤصلة و القياد
    جيتي لشياكة ... احنا بلاد الأناقة و التفركيس بلا حساب
    جيتي للنخوة ... احنا بلاد القاع و الباع و طول رقاب
    جيتي للزين ... الشعر الزعر و العين خضرة و حر البياض
    جيتي لتنوعير ... ألفنا منوا ألف كتاب و كتاب
    جيتي للزعامة ... خيمة وحدة, كتقلب الأرض و التراب
    جيتي الغش ... شحال من منافق و شحال من كذاب
    جيتي للضيافة ... دق و ادفع الباب, و نديرو معاك الصواب
    أشنوا قلتي ... كيف جاوك مزاب

    ليست بقلمي

  • #2
    شكرا عزيزتي على هده الكلمات الجميلة لقبائل مزراب..اتمنى ان ارى موضوعا لهده القبائل حتى نتعرف عليها اكثر.
    تقبلي مروري يا قمر.
    ~ في طريقي...~


    [flash=http://dc05.arabsh.com/i/00758/or0gsa77b30z.swf]width=500 height=300[/flash]



    ستبقين سلطانة الكلمة و سلطانة القلوب
    * أمـــــ الصالحين ـــــــــي *





    نادية

    تعليق


    • #3
      ما عندي ما نسالك

      ضحكتيني
      كنقرا ونكركر

      عرفتي علاش حيت احنا اصلنا مزاب
      واخا الوالد تزاد في سلا وكبر فيها

      امي منين كنا صغار كانت منين كنبرزطوها ونوضو الفوضى في الدار (تبارك الله 6 د الولاد كلشي كينقز ويغوت ويبكي .........)

      كتغوت وتقول

      ياربي غي خيمة من مزاب تتهوس قبيلة وانا درت منهم دوار هههههههههه

      احنا عمرنا ما زرنا البلاد لكن صراحة كنسمع على مزاب واعرين بزاف

      ودابا في الحقيقة مني جبدتيني غنقولك حكاية تيقولوها من قصص الشاوية ودكالة

      كيقول لك الا لا هادا واحد الدكالي مطور جا عند الشاوية (مزاب ) وقال ليهم طالب ضيف الله ومعاه واحد الجمل
      قالو لو مرحبا وزيد للقدام

      دخلوه ضايفوه ونعسوه
      الدكالي نعس وقبل الفجر ناض وغير لبلاصة د الجمل ديالو بلا ما يشوفو تا حد وخلا الوتد الاول في بلاصتو ودك وتد تاني

      مني فاقت القبيلة في الصباح بدا يغوت ويصيح : واعباد الله وعتقوني وامشا لي جمل

      قالو ليه راك جبتي معاك جمل واحد قال ليهم : ايه ويوا وهاد الوتد والاثر ديالاش

      وبزز منهم اضطروا يغرمو ليه جمل ثاني ههههههههههههه

      المهم دارها بيهم احياني عليكم ادكالة (بلا ما تتقلقوا انا امي دكالية)

      ومن داك النهار مزاب لا جاهم شي ضيف تايقولو ليه : قوبع اصغر منك بايتة في الخلا (يعني قوبع اللي هي نوع من الطيور صغير بزاف ومع دلك قادرة تبات في الخلا ) يعني راه ما غنضايفوكش

      اش بان ليك ازهرة القمر ؟

      بعدا واش انتي مزابية ولا غي تتعاودي عليهم؟

      تعليق


      • #4
        [rainbow]
        [align=center]
        شكرا اختي على هد الوصف ديال مزاب انا مزابية و الله اختي مواعرين موالوا راه اي بلاد فيها طوب و حجر و تبارك الله عليك اختي
        [/align]
        [/rainbow]



        تعليق


        • #5
          اهلا اختي سناء

          اهلا بالمزابية

          باين فيك من كلامك ماشي مزابية حرة
          راه عائلة الوالد مزاب وواعرين كنقصد عائلة جدي اما اعمامي وعماتي بحال الوالد تزادو وكبرو في سلا لا بيهشو ولا بينشو ههههههه

          اش كاين ما تعاودي على مزاب
          كي دايرة البلاد هاد العام
          واش كاين شي خير وشي شتا ولا باقي ؟

          تعليق


          • #6
            ههههههههه
            ضحكتني
            تبارك الله عليكم هدشي كولو فيكم
            المغرب كولو زوين باهلو وناس المضيافين
            و الدنيا طوب وحجر

            الرمضانية انت بنت بلادي فيت تتسكني فسلا
            [frame="2 98"]
            اللهم اغفر لوالدتي وارحمها واعف عنها
            واكرم نزلها ووسَع مُدخلهاا واغسلها بالماء والثلجِ والبْردِ
            ونَقّهِا من الذنوب كما ينقى الثوب الابيض من الدنس،
            وارحمنا إذا صرنا إلى ما صارت إليه وجازها بالحسنات إحسانا
            وبالسيئات عفوا وغفرانا وافتح أبواب السماء لروحها برحمتك
            يا أرحم الراحمين.
            [/frame]


            تعليق


            • #7
              المشاركة الأصلية بواسطة مغربية و افتخر مشاهدة المشاركة
              ههههههههه
              ضحكتني
              تبارك الله عليكم هدشي كولو فيكم
              المغرب كولو زوين باهلو وناس المضيافين
              و الدنيا طوب وحجر

              الرمضانية انت بنت بلادي فيت تتسكني فسلا

              اهلا اش من بلاد في البلدان؟ واش سلا ولا مزاب؟ ههههههههه
              انا ساكنة في حي السلام بسلا وانت فين ساكنة يا اختي؟

              تعليق


              • #8
                تبارك الله عليك و على كاتب أو كاتبة القصيدة
                أهل مزاب فعلا معروفين بالكرم و روح الدعابة
                لكن كيفما قالت الأخت "الرمضانية" راهم قاصحين شوية
                لكن الناس اللي تنعرف من مزاب قاصحين في الحق
                هم ضريفين بزاف و كريمين لكن اللي تعدى عليهم يلقاهم
                أستغفر الله وأتوب إليهـ
                اللهم أغفر لي وأرحمني وأغفر لوآلدي و لمن أحبني ولمن
                أحببته ولمن كـآنت لي ذكرى سعيده معه ..

                شاركي معنا بموضـوع:
                الدعــاء لكـل أخواتنـا المتأخـرات عن الحمــل

                تعليق


                • #9
                  المشاركة الأصلية بواسطة دلوعة خطيبها مشاهدة المشاركة
                  تبارك الله عليك و على كاتب أو كاتبة القصيدة
                  أهل مزاب فعلا معروفين بالكرم و روح الدعابة
                  لكن كيفما قالت الأخت "الرمضانية" راهم قاصحين شوية
                  لكن الناس اللي تنعرف من مزاب قاصحين في الحق
                  هم ضريفين بزاف و كريمين لكن اللي تعدى عليهم يلقاهم

                  ياك بعدا ايوا عنداك شي نهار تتعداي علي راك تلقايني هههههههههههه

                  تعليق


                  • #10
                    آسفة كثير لتاخري بالرد

                    لي عودة ان شاء الله

                    تعليق


                    • #11
                      استمتعت بالقراءة وضحكت و لكن اقول كلنا مغاربة اهههههه وكلنا طوب وحجر هههههههههههههه.

                      استودعكن الله الذي لا تضيع ودائعه
                      ام نسرين واخواتها اللهم اجمعنا في ظلك يوم لا ظل الا ظلك
                      امة الستير طهورا حبيبتي

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X