كنت شيخه فاصبح شيخي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كنت شيخه فاصبح شيخي

    السلام عليكم و رحمة الله و بركاته . حياكم الله جميعا. هذه قصة حقيقة قراتها في احدى المنتديات فاعجبتني فسانقلها لكم ان شاء الله هنا لعلنا نستفيد منها جميعا.

    بطلي القصة هما أخين أحبّا بعضهما في الله - يوسف وخالد - في العشرينات من العمريوسف يعمل في بقالةوالده ، وخالد أخ يعمل إمام مسجد صغير ومحفظ للقرآن .



    المشهد الأول( بقالةيوسف)


    خالد: السلام عليكم كيف حالك يايوسف



    يوسف: وعليكم السلام ورحمة الله وبركاته الحمد لله بخير كيف حالك انت ياخالد



    خالد: والله في نعمة أخبار الشغل معاك ايه



    يوسف:تعبان والله ياخالد حاسس اني في طاحونة ومش عارف اخرج منها



    خالد: ليه بس



    يوسف: بشتغل من العصر لقبل الفجر ولا عارف اصلي بخشوع ولا عارف اعمل اي حاجة حاسس اني ضايع خالص



    خالد: لازم يايوسف تعمل ليك هدف علشان يبقا لحياتك معنى



    يوسف: زي ايه مثلا



    خالد: انك تحفظ القرآن مثلاً



    يوسف : هههههههههههههه



    خالد: بتضحك ليه



    يوسف: ياعم هو انا فاكر انا أكلت ايه امبارح, تقولي احفظ القرآن,أنت مفكر كل الناس زيك ولا إيه



    خالد: الله يهديك ربنا يقول (ولقد يسرنا القرآن للذكر فهل من مدكر), وبعدين أنت مفكرني حفظت بسهولة , دا أنا طلع عيني لماختمت



    يوسف وهو يحك ذقنه: بس انا ياخالد مش هنفع انت شايف شغلي عامل ازاي مش هنفع خالص



    خالد: لا هتنفع ومين يعلم يمكن يجي اليوم وتبقا فيه الشيخ بتاعي في القرآن



    يوسف:هههههههههههههه انت النهاردة مش طبيعي خالص!!! شيخك ايه بس دا أصغر ولد عندك في الكتّاب يبقى شيخي



    خالد: مين عارف يايوسف مين عارف!!! المهم أنت ناوي ؟؟



    يوسف: طبعاً ناوي بس بشرط انك تتابعني



    خالد:أكيدأنا مش هسيبك بس لازم تعرف أن كل حاجة في أولها صعب يعني مش تمشي شوية وتقلي اناتعبت ومش قادر



    يوسف: الله المستعان, ربنا يعينا بقا



    خالد: اللهم آمين, هاتبدأ امتى



    يوسف:الأسبوع الجاي إن شاءالله



    خالد:لا هتبدأ بكرة إن شاءالله



    يوسف:دا انت صعب ياخالد



    خالد:ياعم يوسف لازم تستغل انك نشيط دلوقتي قبل ما تهبط تاني



    يوسف:ماشي هبدأ من البقرة



    خالد:لا هتبدأ من جزء عم علشان لو بدأت من البقرة هتقف لأنها صعبة عليك دلوقتي



    خالد:مش احنا قلنا لازم هنتعب في الأول وبعدين أنت مفكر أنك هتبقا حافظ لكتاب الله بالساهل كدة لازم تتعب



    يوسف:الله المستعان طيب ادعيلي بالله عليك



    خالد:ربنا يوفقك وتبقى من أهل القرآن



    يوسف:اللهم آمين

    ----------------------------------------------------
    انتهى المشهد الأول
    تابعونا للمشهد الثاني ....

  • #2
    جميل أنا متابعة غير ما طوليش من جزء لجزء راه كايضرني راسي ههههههههههههه







    كل من تقرأ توقيعي تدعيلي بالدرية الصالحة تؤنس وحشتي و تقر بها عيني



    إنما العلم بالتعلم و إنما الحلم بالتحلم
    و من يتحر الخير يعطه و من يتق الشر يوقه

    تعليق


    • #3
      اللهم ارزق الأخت بلسم بالذرية الصالحة إنشاء الله

      تعليق


      • #4
        بارك الله فيك اختي
        اللهم اجعلنا من حفظة القران





        تعليق


        • #5
          السلام عليكم جزاكم الله خيرا على مروركم واخا الالا هانا مغنتعطلش


          المشهد الثاني ( المسجد )

          خالد: يوسف يوسف اصحا اصحا انت نمت

          يوسف: مفزوعاً ايه في ايه , هو أنا فين

          خالد ينظر باشفاق: أنت في المسجد يابني

          يوسف: شوفت ياخالد أنا قايلك اني مستحيل أعرف أحفظ قرآن بسبب شغلي

          خالد: قوم ياااااد وبطل كسل اتوضا وتعالى صلي الضحي واقعد كمل حفظ علشان هسمع لك

          يوسف: طيب ياخويا مش عارف ليه ياخالد بحس ساعات كدة أنك مرات أبويا

          خالد:مرات أبوك بكرة ان شاءالله لما تختم هتبوس ايدي وتقولي ربنا يكرمك ياخالد

          يوسف: يارب يجي اليوم ده

          خالد: إن شاء الله يلا قوم اتوضاوتعالى

          يوسف:حاضر
          يوسف راح اتوضا وصلى الضحى وقعد خلص الورد بتاعه بالعافيةوجه يسمع

          خالد: يلاسمع
          يوسف بدأ في التسميع , وخالد كل شويةيرده ,
          يوسف زهق فقاله ياعم أنا مش نافع دا مخي شبه علبة الكانز اللي عربية دايسة عليها

          خالد: يابني سمع وبطل تهبط في نفسك شوف يايوسف أنا هقول لك حاجة ,
          الحفظ ده زي لعب الحديد بالظبط, أول لماتيجي تلعب حديد بتشيل أوزان صغيرة وشوية شوية بتلاقيك دخلت في التقيل لان لياقتك بتعلا كل شوية والحفظ زي كدة بالظبط ,
          حاجة تانية أن مخ الإنسان ممكن يحفظ كتب تغطي وجه الكرة الأرضية

          يوسف : يالهوي كل ده أما الواحد مخه مصدي صحيح

          خالد: علشان كدة لازم تصنفره ياعم الحاج

          يوسف: حاضر نصنفره , بس ايه ياواد ياخالد المعلومات دي , دا أنا حاسس اني قاعد مع لاب توب

          خالد: واد طييييييب والله لوريك دا انا يااااااااض الشيخ بتاعك انطق بدل ما أجيب الفلكة

          يوسف:هههههههههههه , أبوس ايديك بلاش الفلكة

          خالد:خلاص يبقا تحفظ وتلم نفسك أصلورب الكعبة أظبطك

          يوسف:طيب طيب هظبط نفسي وبدأ يسمع
          -------------------------------------
          انتهى المشهد الثاني تابعونا....

          تعليق


          • #6
            متابعة ان شاء الله
            الله يوفقك


            سبحان الله وبحمده
            سبحان الله العظيم

            تعليق


            • #7
              المشهد الثالث (بقالةيوسف)



              طفل صغير: عاوز كيلو جبنة وب 2 جنيه بيض

              يوسف وهو يضع المصحف من يده: حااااضر
              بس برضه مكنش مركز كان بيكرر في الآية اللي كان واقف عليها
              طراااااااااااااخ وقع كرتونة البيض كلها

              أبوه كان قاعد امام المحل دخل على الصوت: دخل شااااااف المنظر

              يوسف (بيكلم نفسه): ياخبر أبيييييييييييييييض استعد للصورايخ يايوسف

              أبوه بصوت جهوري : انت يااااااااااااااااااد مبتشوفش شغلك كويس ليه
              عاجبك الخساير دي , يكونش مفكر نفسك الشيخ الحصري ولاايه

              يوسف وهو يقبل يد أبيه: معلش يابا مكانش قصدي والله ,
              وبعدين انا لما احفظ القرآن أنت هتلبس في الجنة تاج الوقار ,
              والتاج ده بس للي أولاده حافظين القرآن

              أبوه متعجباً : بعد ما شاب ودوه الكتاب , دا أنا غلبت معاك
              وأنت صغير يايوسف وانت كنت بتهرب من الكتّاب , وكنت
              بتشتم الشيخ بتاعك, عايز الوقتي وانت عندك 25 سنة تحفظ القرآن!!!!!!!

              يوسف وهو منكس رأسه في الأرض: هو أنت لازم كل شوية
              تفكرني بالموضوع ده , أنا اتغيرت يابا ونفسي أنك تشجعني
              وتدعيلي علشان ربنا يكرمني


              أبوه: حاضر يافالح هدعيلك بس أهم حاجة تشوف شغلك وتبطل
              شغل الدراويش اللي أنت فيه ده, قوم نضف البيض اللي أنت كسرته ده

              يوسف: حااااضر



              كان هذا الموقف بعد كلام خالد ليوسف عن القرآن ب 4 شهور ,
              خالد كان اشترى ليوسف مصحف التجويد صغير الحجم علشان
              يبقا معاه في كل مكان , وكان اتفقوا ان يوسف يحفظ كل يوم وجه من الصفحة


              (المسجد )

              خالد بيقرأ علشان يوسف يقرأبعده
              يوسف سرحان خالص ومش مركزبالمرة

              خالد: مالك يايوسف في ايه انت النهاردة مش معايا خالص

              يوسف : حاسس اني طالع جبل وكل الناس بتشدني لتحت

              خالد: ليه بس

              يوسف: أبويا كل شوية يكسر في مجدافي ويقول لي ابقا قابلني لو نفعت

              خالد: ههههههههه , انت كسرت ايه تانيامبارح

              يوسف: ههههههههههههه, كرتونة بيض

              خالد: يابني صحصح شوية عنده حق برضه لما انت كل شوية
              بتكسر حاجة في المحل بسبب انك مش مركز يعني خساير على الفاضي

              يوسف: يعني أعمل ايه يعني , الوجه بتاع كل يوم لازم اكرره
              كتير علشان احفظ

              خالد : أيوة بس ركز في شغلك برضه, تعرف لماأبوك هيشوفك
              مركز في شغلك و مهتم بالمصلحة بتاعته هيقول ياريت كل
              ولادي زي يوسف وهيدعليك ان ربنا يزيدك من القرآن اللي خلاك
              تبره وتهتم بشغلك, يعني في المرحلة دي مش عايزين مشاكل
              احنا عندنا هدف وعايزين نركز فيه مش عايزين حد يشغلنا عن هدفنا

              يوسف: والله عندك حق

              خالد: طيب انت بتحفظ بقالك كام شهر

              يوسف: 4 شهور الحمد لله خلصت جزء الشورى امبارح وهدخل في سورة فصلت النهاردة
              خالد: ممتاز , أنت كدة حفظت خمس القرآن يعني قطعت خمس الطريق احساسك ايه الوقتي

              يوسف: احساسي اني كل يوم بيبقا عندي ابن جديد لان كل صفحة
              بحفظها هي ولد من اولادي, بس أنا فرحان أوي اني وصلت لكده

              خالد: كويس انك تفرح بس اوعا تكسل لسة في مشوار طويل لازم نمشيه

              يوسف : الله يبارك فيك ياخالد ويجزيك عني خير

              خالد : اللهم آمين , يلا اقرأ علشان تصح وردالنهاردة

              --------------------------------
              انتهى المشهد الثالث تابعونا ....

              تعليق


              • #8
                شكراااااااااا زوينة خلاص عاد بالكلام المصري ههههههههه
                شكرا ختي زهرة فاتي الله يعطيك ما نويتي في خاطرك امييييييييييين







                كل من تقرأ توقيعي تدعيلي بالدرية الصالحة تؤنس وحشتي و تقر بها عيني



                إنما العلم بالتعلم و إنما الحلم بالتحلم
                و من يتحر الخير يعطه و من يتق الشر يوقه

                تعليق


                • #9
                  مشكوووووور والله يعطيك الف عافيه

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X