إعـــــــلان

تقليص
لا يوجد إعلان حتى الآن.

بجدية هلمي لنكتب قصة بلهجتنا المغربية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بجدية هلمي لنكتب قصة بلهجتنا المغربية

    بسم الله الرحمن الرحيم..
    هاد القصص ماخودة من الواقع..
    وربي نساله يلطف بنا ويكتب فراسنا خير ..فيها المحزنة وفيها كل خير وفيها دروس وعبر..
    العنوان

    وضحات مي غيثة
    القصة الاولى

    كان يمكان فهاد العصر يا احباب ام تتعيش فسعادة مع وليداتها..كمل عليهم الله قراو مزيان سهرت عليهم الوالدة ورباتهم من بعد ما مات الوالد ديالهم..كانوا يلبسوا ارفع لباس ويعاشروا حسن الناس..الوالدة ديالهم ما كفاهاش تقاعد الزوج الله يرحمه وبدات تخدم فبيع الخضر وتتعب باش تحقق لولادها كل ما يتمناو وما تشعهمش بالحرمان..تعبت كثير ويديها تفلحو ورجليها تعبو بزاف ومرضات لكن شي باس ما كاين تتصلي الصبح فالسوق اللكبير وتتنوض وتوكل على الله وتخرج تستف سلعتها وتبيع وتولي للدار حتى لشي وقت لكن كانت تتساعدها اختها فالطبخ والاعتناء باليت ..ماع لينا تخرجو لوليدات وجا وقت باش تفرح بهم..زوج بنات فحال القمر تقدمو لهم احلى العرسان وصممت الوالدة مي الضاوية باش تكريدي لهم وتشري لهم ارفع اثاث للبيت وبحق ربي ما قصراتش لكن مسكينة كانت مجبرة تاحذ بالتقسيط لكريدي وتمة فين كاين المشكل .داز العرس وكلشي فرح ومرح لكن الوضعية ديال مي غيثة تازمت باعت لي قدامها ولي موراها باش تخلص الدين لكن جا الوقت باش تودي لانها سنات على شيكات بدون رصيد وملي كملت القضية مي غيثة قدام الناس وفواضحة النهار هزوها البوليس ..كلشي الحومة بكات عليها لكن عليها دين كبير وكثير وما لقاتش الجهد وفالاخير تحكم عليها بالحبس..وليداتها مشاو لحالهم والام ديالهم حشمت بهم ..اكيد ما يرضاوش يزورها فالحبس هدا يمس كرامتهم وكرامة ازواجهم لانهم خدامين فمراكز حساساة..مسكينة مي غيثة فحال يلا عمرها ما ولدات...شكون عرف شجال مزال لها باش تخرج عندها عشر سنين حبس ..ومنين دخلت لا حس ولا خبار ولا رسالة ولا تلفون غير الجيران مرة فالشهر يتناوبو ويجيبو لها قفة على قد الحال والاخت ديالها مرة كبيرة عينيها عماو من البكا..حسبنا الله ونعم الوكيل..
    ومازال شلة حكايات ولكن كلهم من حياتنا ومن واقعناوانتم واش عندكم ما يتقال...

    استودعكن الله الذي لا تضيع ودائعه
    ام نسرين واخواتها اللهم اجمعنا في ظلك يوم لا ظل الا ظلك
    امة الستير طهورا حبيبتي

  • #2
    القصة الثانية
    مرات البو
    مشات الايام وجات الايام ووتغيرت الاحوال با محمد طلق مراتو وبقى فالدار مع وليداتو..كان يمشي لخدمة ووليداتو يمشيو للمدرسة وفالعشية يتلاقاو فالدار ..كانو لوليدات تيقراو فمدسرة خاصة وتيتغداو فيها..الفلوس ماشي هم السعادة..الاب كان تيدير كل ما فوسعو باش يفرح ولادو لكن البسمة خرجت من قلوبهم وهجرتهم..نسيت ما نقول لكم با محمد كان طبعو قاسح..لكن حنين بزاف.يشري لولادو كل ما يتشهاو وكل ما يتمناو..كان تيلبسهم على قد الحال باش ما يكبروش مفششين ويخسرو..الدار كبيرة فيها المساعدة وهي ماشي كافية ..بدا السيد تيفكر فشكون يجيب تربي له ولادو..وليداتو ساكن ما يقدروش يعبرو ولا يطلبو منه يرد لهم الوالدة الحنينة..قلت لكم كان صعيب بزاف ..مرة خرج مع ولادو للمخبزة وشرى ارفع الخلويات وخداهم فزيارة لواحد الاسرة من فاس ..الاسرة فرحات وواستقبلت هو وولادو وتغداو مجموعين وبنت موالين الدار قدمات هدايا للصغار..اه هنا فين كاين السر ..علاش هدات لهم قشاوش وشلة حاجات وعلاش تتبوسهم وتتفرح بهم..والفاهم يفهم..راه الوليدات منين رجعو للدار رجعو فرحانين ومن بعد شي يومين قالهم باباهم كيف جاتكم وفاء ..ياك الله يعمرها دار..بقاو ساكتين وقالو كلهم بصوت واحد ايه زينة وبغيناها تجي لعندنا..والسيد فرح وجد راسو وعرس وجاب لهم السيدة..كانت برهوشة وكانت تتبغي تلعب وتجري وتتغير من الصغار وتتخربق فالطياب وحتى حاجة ما تتبين بانها مولات الدار..لكن قدرت تلعب بقلب مول الدار ..من بعد شي ثلت سنين جابت لهم اخ زوين وحبيب على الجميع..تغير كلشي السيدة تتحكم وتتهلى فولدها كثر من القياس وربيبتها لكبيرة كانت فحال الخدامة وما تقدرش ترفض له طلب لان با محمد صعيب ودابا فرحتو كبيرة حيت جاه وليد جديد من الحبيبة مراتو ..سبحان الله ما عرفتش علاش المرة فاش تتزوج براجل بولادو تتحب غير الراجل وولدها والوليدات الاخرين لهم الله ..للا مولاتي عملت كل ما فوسعها وبدات تكحل لقلوب وتزوق الكذوب وتكره الاب فولادو..نجحت وفرقت وصدقت قادة بشغلها..كلشي عنده بالحساب ..من كاس ديال اتاي حتى لطرف الخبز.ويا ويل ويلو يلا مشى شي واحد من الدراري حتى جاه الجوع بين الوقات..فوقات الماكلة حدا الاب كانت لحلاحة وتعطي لكلشي حقه وتقدم الفواكه وتبالغ ولكن يا سيدي ربي فاش تتكون راسها راسهم ..ديك لولاد مساكن شي مرات كانو تينعسوا جيعانين ..لانها كانت تتدير الرجيم وتتحب الخبز يصبح باش ما تشريش الكومير هههههههههه.لعجب مرة ما خصها خير وكلشي عندها وقلبها جيعان..اما الخدامة فاش كانت تتجوع يلا ما سرقت ما تشبع..باختصار ولاد با ممد تشتتوا وخرجو من الدار وكل واجد فيهم لقات لو حجة وقالت بانها مسكينة ما تبغي عيب مع الحاج ومع ولادو..تزوجات ختهم لكبيرة ..لوليدات رباتهم الزنقة مرة يمشيو لعند الوالدة ديالهم وحتى هي تزوجات ..ومرة يمشيو للداخلية وفالاخير خرجو من القراية واجد مشى لفرنسا ولاخر مشى عند يمه..ما يخفاكم سلكو طريق المخدرات..والحاجة شبعت حجات وتهلات فولدها وصار راجل نسيت دبا هو مهندس كبير قرا فالمدارس العليا بالفلوس .مرات باهم كبرت ومازالة صحيحة فصيحة وشرات سيارة وصاحبتي فاش عشت معها قصتها حقت على مرات باها..وكرهت كل ام تخرج وتخلي ولادها وكرهت كل اب يتفارق مع المرة الاولى من بعد ما يولدو ولادهم..صاحبتي تزوجات وكبرات وسكنت فكندا ولكن كل ما تجي فالصيف وتلاقني تسترجع الماضي وتتطلب من ربي ينتقم من مرات باها لانها فلعا تسببت فتشتيت الخوت وفرقات البو على ولادو..ومات با محمد وولادو يدعيو لو بالخير حيت مسكين تغلب على امرو وصح المثل لي يقول ما يقد على شي عيالات غير لي خالقهم..

    استودعكن الله الذي لا تضيع ودائعه
    ام نسرين واخواتها اللهم اجمعنا في ظلك يوم لا ظل الا ظلك
    امة الستير طهورا حبيبتي

    تعليق


    • #3
      ومازال شلة حكايات ولكن كلهم من حياتنا ومن واقعناوانتم واش عندكم ما يتقال...

      استودعكن الله الذي لا تضيع ودائعه
      ام نسرين واخواتها اللهم اجمعنا في ظلك يوم لا ظل الا ظلك
      امة الستير طهورا حبيبتي

      تعليق


      • #4
        القصة الثالثة
        ومشات مع الشات
        بهية بنت دارهم..تتقرا مزيان تتحب الخير ..الوالدة ديالها سيدة اعمال وما مقصراش فحقها..والوالد ديالها مهندس كبير ..بهية نجحت بميزة جيدة والوالدة ديالها السيدة رجاء هدات لها كمبيوتر اخر صيحة..بهية فرحانة لان اليوم فالثلاثة دخلت الكونكسيون للدار..على فرحة حتى هي عندها لانترنيت ..حتى هي غدي تبقى تشاتي وتبقى تشوف المغنين وتهدر مع ولاد قسمها ..اه هاهي دبا فعطلة وضروري تصل بفاتن باش تعطيها عناوين القسم كله...واو ماماها وباباها ما تيكونوش معها فاليل فبيتها وممكن تسد عله االباب وها القسارة..صبحت بهية مدمنة على الشات لكن غير مع صحابها وصخابتها..والديها متفتحين ما عندهمش مانع لان بنتهم طالعة لاولى ثانوي وكبرت وتتعرف مصلاحتها وماشي معقول يعقدوها...
        بهية تتنعس حتى لربع ديال الصبح وما تفيق حتى للظهر وكل نهار نفس البرنامج موسيقى وشات وضحك وتفليا..سمحت لها الوالدة تمشي للمسبح مع صاحبتها لان الخدمة ديال باباها تتعطيهم واحد التخفيض للمسبح التابع للمديرية فاش هو..هنا بدات القصة..الصحابات بزوج تعرفو على زوج الشباب من الخارج جاو يدوزو العطلة فالمغرب..عندهم سيارة صغيرة ااخر صيحة وكل لقاء فالمسبح كل صديق تينفرد ببنت..وهكا صبحت بهية وفاتن من البنات المهمات لانهم قدرو يتحررو ويديرو الصحاب..ولات الحياة عادية بين الاربعة وكانهم متزوجين ..اكل مجموعين خروج فالسيارة ذهاب لمقاهي وملاهي ومراقص ومريضنا ما عندو باس..واحد النهار البنات بكاو بزاف لان الصديقين صافي غدي يمشيو لكندا وحتى لعطلة صيفية اخرى عاد يرجعو..كانت وعود باش يبقاو على اتصال ويبقاو مخلصين ويحافظو على الوعود فاش يرجعو كبار يتزوجو هههههه..الوالدين فدار غفلون..والوالدين ديال بهية فاتم السعادة لان بنتهم كبرات وفهمات وعرفات شنو المزيان من الخايب ..ولي ما قدروش يعرفوه هو ان بهية صبحت بنت من نوع اخر..واحد الصباح مع الفجر ناضت الام كعادتها دير تمارين رياضية وسمعت الهدرة فبيت بنتها وسمعت النككت والضحك..ما صدقتش ودنيها وعرفتش راسها باش تبلات..ورغم دكشي مشات غير بشوية ودخلت على غفلة ولقات بنتها فحالة تتحشم وشاعلة الكاميرا والطامة الكبرى هي نها تتدخن ..انهارت الام وتخلعت من المنظر وبكات وتصدمات..لكن من بعد ما فات الفوت بنتها اصبحت مدمنة على الشات واصبحت تتدخن وما تديرش بحساب الهدرة ديال والديها..بنت الفشوش قدمو لها كلشي وعطاوها حرية وما راقبوش بنتهم وها االمور فين وصلت ..اذن شكون المسؤول على ما يوقع لوليداتنا..حنا مع الاهمال وكثرة الثقة والتشبه بالغرب..بل الاكثر من هذا وليداتنا ما بقيناش تنلقاو لهم وقت..

        استودعكن الله الذي لا تضيع ودائعه
        ام نسرين واخواتها اللهم اجمعنا في ظلك يوم لا ظل الا ظلك
        امة الستير طهورا حبيبتي

        تعليق


        • #5
          ومازال شلة حكايات ولكن كلهم من حياتنا ومن واقعناوانتم واش عندكم ما يتقال...

          استودعكن الله الذي لا تضيع ودائعه
          ام نسرين واخواتها اللهم اجمعنا في ظلك يوم لا ظل الا ظلك
          امة الستير طهورا حبيبتي

          تعليق


          • #6
            القصة الرابعة
            بنتهم فمريكان

            الزوج والزوجة بزوج فالتعليم..
            وليداتهم كبار واكيد ان فيهم لي فالتعليم العالي ولي فالثانوي والاعداي.
            هاد الدار مواليها ما فيهم ما يتعاب.....
            والوالدين تيضربو المثل بوليداتهم .لكن ماشي عيب نتدخلو كل حين باش نسيروهم ومصحوهم ونقدمو لهم الخير ..عندهم ثقة كبيرة فولادهم ..والحمد لله لبنيتات متفوقات والابن مابيهش..الام والاب منخرطين فعدة انشطة مدرسية ونقابية ومحاضرات ..وولادهم طبعا تيتعتارفو بان الاوالدين مساعدنهم فكلشي..حصلت يسرى على الماستر وتيسرت لها الظروف باش تعمل فامريكا..الاخ الصغير ما وافقش باش ختو تمشي بلا محرم وقلبو حس بانه ختو غدي تضيع..كلشي ضحك عليه..ما علينا مشات البنت واصبحت مرسمة فامريكا شي سنوات ودارت الجنسية .لكن المفاجاة كانت لما استدعت والديها ورسلت لخوتها ثمن التذاكر ديال الطيارة..فعلا جاو لامريكا وكلهم شوق لبنتهم لانها ما نزلاتش للمغرب من خمس سنوات وكانت تتهدر مع الدار والخوت غير فالنت وتتشوفهم وكلشي..نرجع نقول بانهم فرحانين لانها استقبلتهم بحفاوة وقدمت لهم واحد الاسرة امريكية طيبة ..تتسكن معهم ..واحسنوا اليها وهم بمثابة الوالدين ديالها...افلليل كلشي مشى نعس ولكن الام ما بغاش يتهضم لها بانهم ضياف فالدور الثاني فضيعة كبيرة ..فالغد كانت المفاجاة فبنتهم قدمات لهم ببرودة زوجها الامريكي ..بنت تزوجت بلا خبار الوالدين وبلا خبار الخوت من عاماين هادي والاهل اخر من يعلم .والمصيبة انه غير مسلم.............

            استودعكن الله الذي لا تضيع ودائعه
            ام نسرين واخواتها اللهم اجمعنا في ظلك يوم لا ظل الا ظلك
            امة الستير طهورا حبيبتي

            تعليق


            • #7
              ومازال شلة حكايات ولكن كلهم من حياتنا ومن واقعناوانتم واش عندكم ما يتقال..

              استودعكن الله الذي لا تضيع ودائعه
              ام نسرين واخواتها اللهم اجمعنا في ظلك يوم لا ظل الا ظلك
              امة الستير طهورا حبيبتي

              تعليق


              • #8
                يرفع

                استودعكن الله الذي لا تضيع ودائعه
                ام نسرين واخواتها اللهم اجمعنا في ظلك يوم لا ظل الا ظلك
                امة الستير طهورا حبيبتي

                تعليق


                • #9
                  القصة الخامسة
                  والجارة ما تتصليش
                  كانو زمان تيقولو سول على الجار قبل الدار.
                  جارة للا مينة مرة طيبة ولكن مسكينة بعيدة على ربي ..تتزورها من حين لحين تتصارف معها تتحبها لكن للا مينة ما تبغي الا المعقول ..كل نهار فاش الجارة تهبط عند للا مينة يهدرو ويضحكو ووفاش يوذن الاذان ديال الصلاة للا مينة توضا وتطهر وتقيم الصلاة ولكن الجارة نعيمة الله يهديها ولادها هم حياتها تتبقى معهم وما تصلي وما توضا..للا مينة فكرت مزيان وقالت بانها غدي تاخد الذنوب يلا ما نصحت جارتها باش تصلي ..وكل مرة تنبها وتقول لها اختي نعيمة سيري صلي وانا نقبط لك ولادك وضروري تقدمي الصلاة على ولادك وعلى خرجاتك وعلى ناسك وعلى طيابك ..تتقولها الجارة وربي يسمح لنا رني تنوعد راسي غدا نبدا الصلاة حيت دبا خصني نتحمم..كل مرة الجارة تتهرب من الصلاة ومرة تصلي وعشرين لا ..المهم للا مينة حضرت لواحد الدرس فالجامع وسمعت الاستاذة تتقول بان سيد النبي صلى الله عليه وسلم تيقول //ما ياكل طعامكم الا تقي//
                  للا مينة حارت وخافت حيت غدا يوم القيامة غدي تساءل على جارتها..المهم نعيمة مفرطة فصلاتها بمعنى الكلمة ولكن تتعرف الحلال والحرام غير الصلاة تتجيها ثقيلة على قلبها الله يعفو..وهي من النوع لي تيحب الضياف والكرم والخروج والتسوق ولكن اش من فايدة وهادشي بلا صلاة ..لا حول ولا قوة الا بالله .فشهر رمضان مسكينة كانت مفتونة ابتلاها ربي فولدها وهو ولد الفشوش ومرات الله يحفظ نعيمة تتعاملو فحال شي عدو ربي يصلح ولادنا يارب ويهدينا ويهدي كل الامهات..المهم ولدها عند9سنوات كان غدي يدير عملية على الكلية وكان غدي يبثرها لولا عناية الله عز وجل.تقلقت للا مينةلان نعيمة لم تشاركهامشاكلها ديال ولدها مع العلم انهم كثر من الخواتات..فولاد للا مينة تيتسخرو لنعيمة ويخدموها ويكونو عندها وقت ما بغات منهم شي خدمة كان يعتنوا بصغارها بحكم ولاد للا مينة كبار تبارك الله ..نعيمة طلع ما فيها فايدة مسكينة وخلات للا مينة تتالم حيت ولفتها وولفت صغارها خصوصا الصغير عندو عامين يحب بكثرة دار للا مينة وحرمته اولادها من الذهاب ولا اي اتصال وكلشي هدا علاش حيت للا مينة بغات لها الخير وتذكرها بالصلاة وبملك الموت..
                  المغزى من هاد القصة انها واقعية وكثير ديال الناس مصاحبين وتيغفلو مسالة الصلاة فحياتهم..راه يلا كان شي حد مايصليش ضروري من النصيحة كل وقت لان مثلا هاد الجارة كبيرة وام ..ومستحيل نبقاو ساكتين ونبقاو غير نهدرو ونتفلاو وحنا غافلين ونقولو كل شاة تعلق من رجلها..اكيد ان ترك نعيمة فيه خير لانها للا مينة دارت بالمثل لي يقول وريه وريه يلا عما سير وخليه..
                  والاهم من هدشي كله ربي سبحانه تيقول فالقران الكريم //الاخلاء يوم اذن بعضهم لبعض عدو الا المتقين// ونعم بالله.

                  استودعكن الله الذي لا تضيع ودائعه
                  ام نسرين واخواتها اللهم اجمعنا في ظلك يوم لا ظل الا ظلك
                  امة الستير طهورا حبيبتي

                  تعليق


                  • #10
                    ومازال شلة حكايات ولكن كلهم من حياتنا ومن واقعناوانتم واش عندكم ما يتقال...

                    استودعكن الله الذي لا تضيع ودائعه
                    ام نسرين واخواتها اللهم اجمعنا في ظلك يوم لا ظل الا ظلك
                    امة الستير طهورا حبيبتي

                    تعليق


                    • #11
                      امي الغالية ام الصالحين ماشاء الله عليك قصص رائعة و الروعة انها تحكي الواقع الاجتماعي الدي نعيشه و خاصة انها بالدارجة المغربية تبارك الله عليك يا ام مريم




                      " اللهم بلغنا وسلمناإلى رمضان وسلم لنا رمضان وتسلمه منا متقبلا "

                      تعليق


                      • #12
                        قصص جد رائعة وتحكي واقعنا الحالي
                        شكرا على موضوعك الرائع





                        Demande de regroupement familial : 04/04/2014
                        Attestation de depot : 07/06/2014
                        Test de francais : 13/06/2014
                        Complement de dossier : 25/06/2014
                        ٍVisite de logement : 27/06/2014
                        Avis favorable: 25/09/2014
                        visa : 22/10/2014

                        تعليق


                        • #13
                          تبارك الله عليك الأم الغالية فعلا قصص مفيدة جعلها الله في ميزان حسناتك





                          تعليق


                          • #14
                            قصص من الواقع اللي كنعيشوه كل يوم و فيها عبر
                            شكرا ام الصالحين ربي يكرمك













                            مايا 04 سابقا

                            تعليق


                            • #15
                              تبارك الله عليك الميمة ، تسلم الأيادي على هاد القصص الأكثر من رائعة

                              اللهم إني أستغفرك من كل ذنب تبت إليك منه ثم عدت فيه وأستغفرك من كل عمل أردت به وجهك الكريم فخالطني فيه غيرك وأستغفرك من كل نعمة أنعمت بها على فاستعنت بها علي معصيتك وأستغفرك يا عالم الغيب والشهادة من كل ذنب أتيته في ضياء النهار أو سواد الليل في ملأ أو خلاء أو سر أو علانية يا أرحم الراحمين .. اللهم أمين يارب العالمين.



                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X