قصةحيات ولأول مرة في موقع عربي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصةحيات ولأول مرة في موقع عربي

    [align=center] قصه حقيقيه حصلت لي عام 1417 ايام البنطلونات اللي تحت التنانير والبجامات اللي تحت بلايز الكت ===والله عندي مقطع فيديو امّي مصورتني وانا صغيره وماباقي بنطلون مالبّستني اياه تحت التنوره ..تسمع بالستر عاد قاعده اركض الظاهر بروح لأبوي وفجأه وانا امشي التفت عليها وقمت اشّّر بأصبعي واقول لها لاتصدقونه===طراها احلام يومها بالفيديو كليب
    المهم.. ايام ماكان الوصخ يتجمّع في خشمي ويتدودل بالاسبوع مااحد يمسح لي اياه ...لين يصير يابس وينقلب لونه من اخضر الى بنّي همّن يطيح من حاله===والله لو ان خشمتس شجره
    اذكر مره جاني ضيق تنّفّس وكنت بموت لولا الدكتور الله يعطيه العافيه يوم ودوّني له سوّا لي عمليه جراحيه واستأصل جزء كبير من هالاملاح المعدنيه المترسبه في خشمي...لدرجة ان الدكتور يقول اول مره اسوي عملية الدوده الزايده في الخشم..


    مااطوّل عليكم
    ذاك اليوم دخل علينا ابوي وهو يصارخ ويزعّق ومخبّي يدينه ورى ظهره...وش كان عنده؟؟ تعالو نشوف مع بعض



    **********

    ياعيااااااال....خوييييييلد...مزنووووووووه...محمممم مممد ...ياحررررررمه...مافيه احد بالبيت؟؟ ويييييييينكم...((لقد ارسل لك ابو خالد لتوه اشارة تنبيه))
    طلعت من غرفتي وانا لابسه طاقيّه حمرا بالمقلوب وعندي نفيخه مليانه مويه وقعدت اضحك همن صكّيتها بوجه ابوي
    -عمىىىىىىىىى يعميتس يالتسلبه
    انا: هماك مرسل لنا اشارة تنبيه يقال لك مدمن مسن الحين..قلت اخش معك جو
    ابوي:وين امتس واخوانتس؟؟ روحي ناديهم عندي لكم مفاجأه
    انا:هااااااااه شايف لك صيده جديده؟معرس وجاي تب تحط امي قدام الامر الواقع هاه؟؟==وادقّه بكتفي واغمز له واقول له ترى من ناحيتي فأنا موافقه ماعندي مانع===لعنبوتس هذا وعمرتس 8سنوات وتفكيرتس تسذا
    طبعا انا آخر شئ اذكره بعد هالموقف مقاس نعال ابوي عقبها رحت اركض وانا بالعه العافيه وناديت اخواني وامي عشان نجتمع مع رئيس الولايات المتحده نشوف وش عنده يبينا ضروري..
    رحنا الصاله وكل واحد قعد على كنبه ووقف ابوي بالنص وقعد يناظر فينا وانا اللي اتحمّس واحضن اخوي وابتسي واقول له كنت حّاسه اني حطلع نوميني
    طبعا للمره الثانيه شفت مقاس نعال ابوي عقبها ركدت وبرضو بلعت العافيه واستأذنت من ابوي عشان ارسل السواق يشتري لي كرتون عافيه جديد لأنه خلّص من كثر ماابّلع فيه===ها ها ها
    المهم قال لنا ابوي...بكره تجهّزو واستعدّو بنروح رحله لسوريا...وهالمره بنروح بالسياره..كل واحد يجهّز شنطته ويستعد والساعه 9 الصباح يكون عند الباب..بنقعد لنا يومين ثلاثه وبنرجع..وعلى فكره...بيروحون معنا بيت جيّرانا ابو عبد الله وعياله وحرمته..قمت وخميته وتعلّقت برقبته تسني قرد ورفعت يدينه وانا اقول يعيش ابو خالد يعيش يعيش..
    رحت ادقدق على صديقاتي واقول لهم انّي مسافره سوريا تسان يبون اجيب لهم معي رهش والا حلوى والا درابيل===رايحه الكويت وحنّا ماندري
    عقب رحت اجهّز اغراضي وارتّب شنطتي اللي صارت ربعها ثياب والثلاث ارباع الباقي مفرحات...خبركم توني بزر ويعنّني كييوت وآكل حلويات وتسذا===والكيوت يعني لازم ياككلون حلويات
    بالليل وحنّا منسدحين عالسرير
    انا: خالد
    خالد: نعم؟
    انا: نمت؟ ===لاحظو السؤال
    خالد :لا وانتي؟؟==مااردى من المربوط الا المفتلت
    مزنه: وش رايك يعني؟
    نوره: ياربييه والله انّي متحمسه..تتوقعون متى يجي بكره؟؟
    محمد: بكره
    مزنه: بالله؟؟
    خالد:الحين بيت جيّرانا بيجون معنا بنفس السياره والا شلون؟؟
    محمد: يمكن يروحون لحالهم ويمكن هم في سياره وحنا في سياره
    مزنه: محمد وراه ماترقد وتفكّنا من اجاباتك اللي زي وجهك
    خالد: جهّزتو شناطكم؟؟
    مزنه: ايه انا شنطتي جاهزه
    محمد: للأسف انا شنطتي تفصيل ها ها ها

    فقهقه الجميع ثم اطفئو اللمبه وتلحّفو بالبطانيه ونامو


    ادا كانت ردود اتبع قصتي
    [/align]
    عاشقة تراب

    واصبر لحكم ربك فإنك بأعيينا وسبح بحمد ربك حين تقوم
    أمنيتي اني نشوف
    أم أبو بكر/زهر الخزامى/أم الصالحين ** أم الصالحين بنتك منى رجعت و توحشتك بزاف// إحساسي قوي اني غادي نشوفكم في القريب العاجل أحبكن في الله
    {...
    سبحانك يا رب أعصيك وترحمني ،،
    سبحانك يا رب أعصيك فتعطيني،،
    لك الحمد يا رب ،،
    آنسني بقربك يا رب،،
    ...}

  • #2
    مشكورة على الموضوع




    تعليق


    • #3
      [frame="1 98"]
      [grade="00008B FF6347 008000 4B0082"]شـكــ وبارك الله فيك ـــرا لك ... لك مني أجمل تحية .[/grade]
      [/frame]
      عاشقة تراب

      واصبر لحكم ربك فإنك بأعيينا وسبح بحمد ربك حين تقوم
      أمنيتي اني نشوف
      أم أبو بكر/زهر الخزامى/أم الصالحين ** أم الصالحين بنتك منى رجعت و توحشتك بزاف// إحساسي قوي اني غادي نشوفكم في القريب العاجل أحبكن في الله
      {...
      سبحانك يا رب أعصيك وترحمني ،،
      سبحانك يا رب أعصيك فتعطيني،،
      لك الحمد يا رب ،،
      آنسني بقربك يا رب،،
      ...}

      تعليق

      المتواجدون الآن 1. الأعضاء 0 والزوار 1.

      أكبر تواجد بالمنتدى كان 2,525, 26-09-2016 الساعة 21:58.

      شاركي الموضوع

      تقليص

      يعمل...
      X