إعـــــــلان

تقليص
لا يوجد إعلان حتى الآن.

سكيتش بعنوان :الرشوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سكيتش بعنوان :الرشوة

    الممثلون 3: الضمير الحي - الضمير الميت - ميس الرشوة .
    النص :
    عند رفع الستارة ,يظهر الضمير الحي واقف في ركن من اركان الركح وكل ملامحه تدل على خيبة الامل والاسى والحزن وعدم الرضا لما يجري.
    بعد دالك يظهر الضمير الميت (شاب غير متزن يقوم بحركات تدل على عدم الاهتمام والامبالات ....).
    تباغته ميس الرشوة.
    - ميس الرشوة: بغيتني ؟راني موجودة في كل مكان وفي كل وقت .امر .اش حب الخاطر؟

    - الضمير الميت : شكون انت؟

    - ميس الرشوة: انا؟ماعرفتنيش؟انا كلشي كيعرفني.انا دهن السير يسير.انا حك جنبك تقضي حاجتك .انا بلابي ما تكون حتى حاجة. وانت؟ شكون اتكون؟

    - الضمير الميت : انا الضمير.

    - ميس الرشوة: الطيف . الطيف . وجاي تدير في السكطور ديالي؟
    - الضمير الميت : ما تخافيش.

    - ميس الرشوة: كيفاش ما نخافش وانت سميتك الضمير؟

    - الضمير الميت : انا غيييير ضمير مستتر , يعني ميت.

    - ميس الرشوة : والحي ؟

    - الضمير الميت : راه مسكين وحدو كيتالم. وانت اش كديري هنا؟
    - ميس الرشوة: انا عضو نشيط في المجتمع. انا اللي كنساعد على السرقة,على القتل .على الظلم.على الزور,وحتى على حوادث السير اللي كثرت في بلادنا.انا كنخلى هداك الرجل اللي كيكون وقف وسط الطريق ,لابس لبسة زرقة وداير كاسكيط على راسو ما كيشوف والو.اللى بغا يحرق الضوء الاحمر من حقو ,واللي بغا يضوبل على اليمين او على اليسار من حقو ,وحتى الاسبقية كتخضع لمزاج السائق واللي غادي يدفع اكثر.
    اما في المستشفيات وفي الادارات وفي المحاكم الخ ,الخ,الخ,الخ, الخ.....فحدث ولا حرج.الاستقبالات كتم بوجودي, والمواعيد بحضوري.والتوقيعات حتى كنتسيف على شكل ورقات ,ورقات .
    اما بعض المعلمين والاساتذة ,اطلقوا علي اسم الساعات الاضافية احتراما للمبادئ,واش عمركم اسمعتو ساعات اضافية في قسم التحضيري.الخ, الخ, الخ....

    - الضمير الميت : ما خلتيش حتى مكان للزبونية والمحسوبية؟

    - ميس الرشوة: ما كتفهمش,هاذوك وقتهم محدد,وقت الراحة ديالي .

    - الضمير الحي : كفى .كفى .اش هاذ المنكر؟ اش هاذ المنكر؟فاين قيمنا؟ فاين مبادئنا ؟ فاين احنا ؟ فاين انتما ؟ شوارعنا توسخات وثلوتات. مدننا تهمشات. شبابنا يائس.شيوخنا في عينهم دمعة.حازنين وقانطين.اطفالنا حايرين.فين النقا ؟ فين التقى؟ فين الصدق ؟ فين الامان ؟ فين الحق ؟ وفين ؟ وفين ؟ وفين ؟ حتى لاين ؟ حتى لاين واحنا ساكتين ؟
    قوموا نديروا يد في يد ونقدوا البلاد.
    قوموا نديرو يد في يد ونقيو البلاد.
    نردوا الامل للشباب والفرحة للقلوب. قلوب الشيوخ وقلوب لاطفال.
    كلنا مسؤولين. كلنا مسؤولين .يد واحدة ما تصفق .يد وحدة ما تصفق.

  • #2
    شكرا أختي فاتحة الخير موضوع جميل و الله يبعد علينا الرشوة والضمير الميت وخصوصا انهم كتار
    الله إكترمن الضمير الحي وخصوصا حيت ماكينش منو بزاف

    تعليق


    • #3
      مسرحية هادفة و روعة

      تعليق


      • #4
        رد: سكيتش بعنوان :الرشوة

        mawdo3 rai3 jidaaa okhtah

        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        يعمل...
        X