إعـــــــلان

تقليص
لا يوجد إعلان حتى الآن.

قالوا زمان، أمثال شعبية مغربية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قالوا زمان، أمثال شعبية مغربية

    السلام عليكم ولرحمة الله تعالى وبركاته
    هده اول مشاركة لي يارب تعجبكن:o

    • * اللي قالك لا تقولو و اللي سولك لا تعطيه خبار.
    • * معرفة الرجال كنوز.
    • * يلى شفتيهم دورو علينا عرف حاجتهم فينا.
    • * اللي زرع الشوك تيحير فاحصادو.
    • * اطلع تاكل الباكور انزل شكون قالهالك.
    • * العمش فدار لعمى بعينيه.
    * الحر بالغمزة و العبد بالدبزة.

    * ما مور الشدة الا الفرج.
    * اللي تيتسحر مع الدراري كيصبح فاطر.
    * حاول على حميرك تحج عليه.
    * اللي فاتك خليه لبناتك.
    * الله ينجيك من المشتاق يلا فاق.
    * دوز على الهرهوري و لا دوز على الساكوتي.
    * السلطان بالتاج و كيحتاج.
    * اللي عضو الحنش كيخاف من الحبل.
    * خدم يا التاعس لناعس.
    * اللي كيربي ولاد الناس بحال اللي كيدق الما فالمهراز.
    * نوضوها تشطح دارتها بصح.
    * اتاي لعشية خير من بقرة مشوية.
    * حسابتني كرمة وفيها الكرموص سعا هي خربة و فيها الناموس.
    * الي ما عندو هم كتولدو لو حمارتو.
    * يد في الطبق و عين على من زهق.
    * تعلمو يا الحجاما فروس ليتاما.
    * بحال الي تيسعى بولدو على كتفو هو تيقول انت على الله و ولده تيقول الله يجيب.
    * جبنا القرع ينوسنا عرى راسو و هوسنا.
    * دابزو يا الفيران على خميرة الجيران.
    * الزواج و الموت هم لا يفوت.
    * المراة الحرة ما تاكل غير من يد زوجها.
    * الراجل بدراعو ماشي بمتاعو.
    * اللي حبك حبو و لقلبك زوجو و اللي جفاك جفيه و تعداه و دوزو.
    * تهجالت لعناية و لا زواج الدل.
    * خود بنت قرابة و لا تاخد بنت غرابة.
    * يا الطامع في الزيادة رد بالك من النقصان.
    * ابنادم دربو على حلقو ينسى اللي خلقو.
    * يلا كان خوك عسل ما تلعقوش كلو.
    * التربية في الصغر كالنقش على الحجر.
    * العصى ما كتخلي من يعصى.
    * ولد ولدك زوين ما تعدمشي اللي يبوسو.
    * لهلا يورينا فولادنا ميخلعنا.
    * ادعاوي بارشاوي.
    * عيطت على ديالي جاني عيطت على ديال الناس مشى و خلاني.
    * اللي كثرو همومو كثرو اعجوبو.
    * يلا بغيتي اتوحش صاحبك سلفو.
    * اللي درقك ابخيط درقو بحيط.
    * تيدور الزرع حتى كيدور وكيرجع لعين الرحى.
    * يلا امشا الزين كيبقاو حروفه ويلا امشا المال كيبقاو خروقه.
    * الخير كيجلس والهم كيكمش.
    * كيدق ويقول شكون.
    * كيبيعو الارض ويضحكو على من شراها.
    * الغربة كتلوح حتى لبلاد الشلوح.
    * ما يحس بالمزود غير اللي واكل بيه.
    * اللي دارها بيديه يفكها بسنيه.
    * قالو اشخصك يا لعريان قالو الخاتم يا مولاي.
    * ما بين اللقمة و الفم تيريد ويحكم.
    * الضحك كيفصخ البيع.
    * اللي حبك ما بنالك قصر واللي كرهك ما حفرلك قبر.
    * اللي تيكون اناني تيبقى وحداني.
    * اللي اربحتيه تاكله و الدين باش تخلصو ؟
    * اللي ما جابتو المحبة ما تجيبو الحزارة.
    * اللحية مكترفد اللحية غير لقبر.
    * اليد اللي طعمتنا الحلال تيكونو ناسها قلال.
    * خليني نبلع ريقي حتى نعرف عدوي من صديقي.
    * اللي ربط حمارو مع الحمير كيتعلم الشهيق و النهيق و الخروج على الطريق.
    * اللسان طويل و الدرع قصير.
    * اش يقدك من الصلاة يا البايت بلا اعشى.
    * الجمل ما كيشوفش حدبتو كيشوف غير حدبت خوه.
    * ما ينفع غير الصحيح اما الراشي كايديه الريح.
    * اللهم اعمش ولا اعمى.
    * اللي شاف شي يقول الله يستر.
    * مول البنات ما يبات هاني.
    * ازرب تعطل.
    * لو كان الخير فيا ما يتزوج راجلي عليا.
    * كان راجلي واصبحت انعشقو.
    * يعيى من يعطي وما يعيى من يشد.
    * اللي حبابو عريانين عمرو ما يتكسى.
    * ملي كطيح البقرة تيقواو السكاكن.
    * اللي احشم فما ضرو الشيطان غرو.
    * لو كان الخوخ يداوي لو كان داوى راسو.
    * الله يجيب اللي يفهمنا ولا يعطنشاي.
    * هاك ابوه رجليه جابوه.
    * حتى يخلاق عاد نسميوه عبد الرزاق.
    * الله يعطينا شي نقرة فين يغبر نحاسنا.
    * حتى قط مكيهرب من دار العرس.
    * الصنعة يلا ما غنات كتستر واقيلة كتزيد فلعمر.
    * اشعند الميت ما يدير قدام غسالو.
    * شحال ما طال الليل كيصبح النهار.
    * جلسة احسن من وكلة.
    * نقا على نقا ما تيورد شقا.
    * الزيادة من راس لحمق.
    * كول بشهوتك و لبس بشهوت الناس.
    * قالو اشمتك قالو اعرفتك.
    * شد تصيب ما اتحل.
    * اللي احفر شي حفرة كيطيح فيها.
    * اللي ما لقى الخير فركانو يكون الخير فلسانو.
    * ما دير خير ما يطر باس.
    * شطارت الكوزينة كتشري مدينة .
    * حاسبني حساب عدوك و جلسني بلاصت خوك.
    * دهن شواربك بالسمن و دوز على عدوك مصبن.
    * اللي ماجي لعندك لا تمشي عنده.
    * اللي اتخدمو طيعو و اللي اترهنو بيعو.
    * كن اسبع و كولني.
    * يلا شفتيها بسعدها عرفها مكملا من عندها.
    * ما تشري حتى تقلب و ما تصاحب حتى تجرب.
    * امدح صاحبك قدام الناس و لوح صحبك الراس فالراس.
    * العراضة سنة و العاقل ما كيدنى.
    * حج و حاجة و قضيان حاجة.
    * يلا فاتك الكلام قول اسمعت ويلا فاتك الطعام قول اشبعت.
    * كل غيبة كتزيد هيبة.
    * عز الخيل مرابطها.
    * اللي تيركب لحصان كل الناس اتوسعلو لمكان.
    * العز والنصر والسكنة فلقصر.
    * الموت بالردم ولا معاشرت لخدم.
    * سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.
    * ديرها فالرجال وترجاها و ديرها فالنسا و لا تنساها.
    * مراة المنحوس ما هية مطللقة ما هية عروس.
    * حالتي حالت النافخ العافية على قلبو و الطيقان فجنبو.
    * ملي تنحتاجك يا وجهي كيخبشوك لقطوط.
    * الجوع و النوع و البكا بلا دموع.
    * منحوس منحوس و لو على راسو فانوس
    * عمرو ما احبى وملي احبى طاح فلبير.
    * رضينا بالهم والهم ما رضا بينا درناه عند راسنا صبح عند رجلينا.
    * الحنة حرشة و الحناية عمشة و العروسة فيها بو تفتاف.
    * محيلي المكتوب وانا انتوب.
    * حسدو العمى على عكازو.
    * عاند ولا تحسد.
    * السفيه ما كينطق غي بلي فيه.
    * ودن صمة و الاخرى فيها الماء.
    * اللي ما شاف من عين الغربال اعمى.
    * غرزة زايدة فيا و هم لعرى فايت فيا.
    * القرع بفلوسو ارى ديك الراس نبوسو.
    * ادفع ما في الجيب يجيب الله ما في الغيب.
    sigpic
    لِّيْ ما يكون عَنْدُو العسل في دَارُه يكون عَنْدٌو على طرف لْسَانُو
    :p

  • #2
    اغلب هذه الامثال يرافقنا في الحياة اليومية و بعضها مضحك جدا

    تعليق


    • #3
      امثاااااااااااااااااال غاية في الروعة والحكمة
      تسلم ايديك


      لا دار للمرء بعد الموت يسكنها === الا التي كان قبل الموت بانيها

      فان بناها بخير طاب مسكنه === وان بناها بشر خاب بانيها

      تعليق


      • #4
        الله يرحم اجدادنا الاولين فاقوالحم حكم بليغة

        تعليق


        • #5
          انا عزيز علي نحفظهم وداب جبتي مجموعة كبيرة تبارك الله عليك

          تعليق


          • #6
            بسم الله الرحمن الرحيم

            ماشاء الله على قلب زوجها
            هذا تراث حكيم مخاصوش يضيع يا سيداتي الانيقات...خصنا ماشي غي نحفظوهم بل نستعملوهم بحال جدودنا الله يجدد عليهم الرحمة
            sigpic

            تعليق


            • #7
              مشكوووووور والله يعطيك الف عافيه ونزيدك الحر بالغمزة والعبد بالدبزة

              تعليق


              • #8
                الله يعطيك الصحة

                اللي قالوه بالصح




                لتنظيم المسابقات

                [





                بداية الحمية في 12/06/2012[/CENTER]

                تعليق


                • #9
                  سمني و ابزاري يطيبو لي حجاري
                  صباح الخير أجاري انت فدارك و انا فداري

                  تبارك الله عليك ا ختي قلب زوجها أمثال رائعة كن كل أخت تكتب مثل كتعرفو نديرو موسوعة رائعة فالمنتدى

                  تعليق


                  • #10
                    لاهم اعيني علادكرك و شكرك ( lahoma a3ini 3ladikrik wa chokrik)

                    تعليق


                    • #11
                      نوصيك يا واكل الراس في البير ارم عظامو
                      اضحك والعب مع الناس فمك متن لو لجامو

                      تعليق


                      • #12
                        بهوت النساء بهتين من بهوتهم جيت هارب
                        يتحزموا بالأفاعي ويتخللوا بالعقارب

                        تعليق


                        • #13
                          تبارك تبارك تبارك الله عليك
                          اللهم بك أستعين وعليك أتوكل
                          اللهم ذلل لي صعوبة أمري وسهل لي مشقته وارزقني
                          من الخير كله واصرف عني كل شر
                          رب اشرح لي صدري ويسر لي أمري ياكريم

                          اللهم يسر لي الخير حيث كنت وحيث توجهت
                          اللهم سخر لي الأرزاق في كل وقت وساعة ويسر علي كل صعب وهون علي كل عسير فإن تيسير العسير عليك يسير

                          تعليق


                          • #14
                            زوينييين بزاف كيعجبوني
                            الحمد لله الحمد لله الحمد لله الحمد لله ياربي تكمل رجايا من عندك و تسهل و تفتحلي ابواب الخييير

                            تعليق


                            • #15
                              السلام عليكن ورحمة الله وبركاته



                              أمثال رائعة وخالدة تستحق الحفظ

                              وان شاء الله تتمكن باقي الاخوات من اضافة المزيد

                              بارك الله فيك اختي *قلب زوجها

                              وهذا مثل كيحضرني الان في الذاكرة

                              حلفت لعروس ماتقبل الحماه حتى تبياض الفحمة:p
                              sigpic

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X