إعـــــــلان

تقليص
لا يوجد إعلان حتى الآن.

قالو علينا ناس زمان

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قالو علينا ناس زمان

    [motr]
    بسم الله الرحمن الرحيم
    السلام عليكم ورحمة الله وبركاته


    [/motr]




    "سوق النسا سوق مطيار يا الداخل رد بالك يوريوك من الربح قنطار و يديوا راس مالك."

    " بهوت النسا بهتين من بهوتهم جيت هارب يتحزموا باللفاع ويتخللوا بالعقارب ".

    " وحدة تجيب الخير معاها ووحدة تطردو بعمود ."

    "ديرها ف الرجال و نساها وديرها ف النسا و تسناها ."

    "اللي طيباتو المعفونة ياكلوه ولادها ."

    "اللي عاش ف الشقا بحال المرا الحمقة ما رفداتها لا دار ولا زنقة ".

    ""الزين ما نتي زينة أنت ظريفة تعجبيني ف قرايت اللوحة و الحروف تابتة ."

    "للي ما عندو بنات ما عرفوه باش مات ."

    "البنات هم حتى الممات ."

    "للي فيك يا ولية رديه ليا."

    "نوض المزيانة وجلس المسرارة ".

    "المرا شاورها ولا دير بريها ".

    "نوضوها ما بغات تنوض ناضت حاروا فيها ."

    "كل قبيلة فيها هبيلة ."

    "للازينة زينة وزادها نور الحمام ".

    "عجوزة وقبطت الشفار ."

    "للي تشطح ما تغطي راسها ".

    "المرا والحمارة ما يضايفوا ."

    "كيد النسا كيدين ومن كيدهم يا حزوني راكبة على ظهر السبع وتقول الحداء ياكلوني ".

    "مزين النسا بضحكات لوكان فيها يلوموا الحوت يعوم ف الما وهوما بلا ما يعومو ."

    "حديث النسا يونس ويعلم الفهامة يديروا شركة ف الريح ويحسنوا لك بلا ما."

    "لا تاخد المرا المعفونة تتعاون هي والزمان عليك ."

    " العجوزة ( أي الحماة) يلا ما هدراتش تدوح براسها "

    "حلفت العروسة ما تحب الحماة حتى تبيض الفحمة "

    "الضيف ا يسلم و مولات الدر تتخمم"

    "البنات زريعة البلدان"

    "العروسة فوق الكرسي ما عرفوها فين ترسي"

    "يلا طلقتيها لا توريها دار باها"

    "حتى الطيابة تتفرق القباب بالوجهيات"

    "المعروضة ف نهارها تقعد ف دارها "

    " الدار عامرة بالنساء والقربة يابسة "

    "الله ينجيك من الساكتة يلا دوات والحاجبة يلا طلت"

    "مرات اللوس دبحك بلا موس"

    "المرأة بلا اولاد بحال الخيمة بلا أوتاد"

    "حمقة وقالوا ليها زغرتي"

    "عيات أم الأحمق ما تعض ف شفايفها قال ليها كوليهم gاع "

    "تيشكي همه لمرات عمه "

    "كفي القدرة على فمها طلع البنت لأمها "






    sigpic
    لِّيْ ما يكون عَنْدُو العسل في دَارُه يكون عَنْدٌو على طرف لْسَانُو
    :p

  • #2
    [align=center]
    الصراحة الأمثال عجبوني كاملين الله يرزقك من خير الجنة
    [/align]






    سأغيب لمدة ، لا تنسوني من صالح دعائكن أحبتي

    تعليق


    • #3
      اللي ما عندو بنات ما عرفوه الناس باش مات لهلا يخطي علينا البنات والعيلات هما الخير والربح

      تعليق


      • #4
        chokran ahbiba amtal raw3a

        تعليق


        • #5
          اختي شكرا ليك على المثال رائعة فعلا
          فيها اللي كينطبق فعلا على النساء لكن فيها اللي................. معرفت كاع كينسمهم
          مثلا قالك "المرا و الحمارة ما يضايفوا"
          "المرا شاورها ولا دير برايها "
          بعدا داك اللولاني فقسني اللا الى ما كنتش فاهماه مزيان
          و تبارك الله عليك اختي انا كيعجبني كلام اللوالا واخة فيه و فيه

          تعليق


          • #6
            مشكورة
            الحمد لله الحمد لله الحمد لله الحمد لله ياربي تكمل رجايا من عندك و تسهل و تفتحلي ابواب الخييير

            تعليق


            • #7
              مشكورة ولكن بعض الامثلة لم تعجبنى ولنى راه عطو صورة خايبة على المراة

              تعليق


              • #8
                تبارك أله عليك يا أختي امتال منها ماهو حقا واقعي و منها مالا أساس له
                ولكن حتى أنا غادي نزيد واحد ولكن أنا غير كانت كانسماع ليه بزاااف فلموجتاماع ديالنا هههههههههههه
                غاليك كل بليا سببها ولية إوا ربي أش بغاو فينا هدو هههههههههه
                فإن ما كانت شي مصيبة خصهم iradoha لينا إوا نسو بالي لمرة هي نصف المجتمع
                أ هي أيضا لي katrabi نصف الثاني


                اللهم اني استودعتك نفسي وجنيني وزوجي وكل ماوهبتنا من نعم فأنت الله الكريم الذي لاتضيع ودائعك اللهم احفظنا من كل شيطان وهامة وكل عين لامة ومن كل سوءاللهم ارزقني ذرية صالحة تكون لي ولزوجي قرة عين و ارحم اللهم والدي وموتنا و موتى جميع المسلمين وأغفر لنا وأرحمنا إذا صرنا إلى ما صاروا إليه آمين

                تعليق


                • #9
                  الله يعطيك الصحة اختى قلب زوجها على هذ الامثلة

                  تعليق


                  • #10
                    يسلمووووووووووووووووووووووووووو حبيبتي
                    اللهم بعلمك الغيب، وقدرتك على الخلق، أحيني ما علمت الحياة خيراً لي، وتوفني إذا علمت الوفاة خيراً لي، اللهم إني أسألك خشيتك في الغيب والشهادة، وأسألك كلمة الحق في الرضا والغضب، وأسألك القصد في الغنى والفقر، وأسألك نعيماً لا ينفذ، وأسألك قرة عين لا تنقطع، وأسألك الرضا بعد القضاء، وأسألك برد العيش بعد الموت، وأسألك لذة النظر إلى وجهك، والشوق إلى لقائك، في غير ضراء مضرة، ولا فتنة مضلة، اللهم زينا بزينة الإيمان، واجعلنا هداة مهتدين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X