إعـــــــلان

تقليص
لا يوجد إعلان حتى الآن.

اجي نتعاونو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجي نتعاونو

    بسم الله الرحمن الرحيم

    اخواتي الانيقات حبيت نعطيكم سمية واحد البرنامج تيعجبني بزاف تيديروه فالقناة الاولى**اجي نتعاونو**برنامج شهري رائع
    الفكرة...ان هناك جمعيات كتصل بالبرنامج وتخبرهم على شي احد من ذوي الاحتياجات الخاصةاو اناس اللي كيبغيو يخدمو المجتمع ديالهم ولكن ظروفهم قاسية.....فهاد البرنامج الطاقم كيقدم مساعدات لهاد الفئة بحيث كيعطيوهم ايضا ايصال يحمل شعار البرنامج يقومو حتى هما بنفس الدور حيت يوقفو على رجليهم....شوفوه وردو عليا....وربما تكونو حتى نتوما سبب في ادخال السعادة على قلوب بعض الناس حيت راهم يعطيو رقم الهاتف في آخر الحلقة
    صراحة برنامج يستحق ميدالية ذهبية ....طبعا البرنامج يعاد على الساتل...وتقدمه الممثلة هدى الريحاني....الله يوفقهم جميعا..طاقم رائع

    :):):)
    sigpic

  • #2
    اه فعلا برنامج زوين و انا ديما كنشوفو و كيقدمو مساعادات احنا فالصراحه فحاجه لمتل هاد البرامج



    [fot1]
    بدون الردود

    تجف المواضيع
    [/fot1]

    تعليق


    • #3
      حتى انا شفتو فالصراحة برنامج فالمستوى والله لايضيع اجر المحسنين كاين ناس مساكن حالتهم تتقطع القلب
      الله يعطينا منين نعطيو ويجعلهم فيدينا ماشي فقلوبنا
      يااااااااااربي تشفيني وتشفي جميع مرضى امة محمد وترزق الذرية الصالحة لكل محرومة والزوج الصالح لكل اخت عازبة

      تعليق


      • #4
        السلام عليكم ورحمة الله وبركاته
        شفت الحلقة ديال البارح كانت مع ذيك البنيتة اللي كاتقرا الإعلاميات و كاتطمح تكون مهندسة في هاذ المجال
        صراحة بكيت خاصة منين سمعت الأبيات الشعرية لي قالت
        تأثرت بزاف

        صراحة برنامج من بين بعض البرامج لي كنحب نتبع كل ما سمحلي الوقت
        شكرا للتذكير ومضات


        تعليق


        • #5

          السلام عليكم ورحمة الله وبركاته

          لغتنا هي لغة القرآن، نعتز ونفتخر بأبجديتنا
          كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا



          لا تملكين العربية وتريدين التخلص من اللوحة؟ تفضلي من هنا..
          http://www.anaqamaghribia.com/vb/sho...9246&highlight

          أو هنا :
          http://www.google.com/ta3reeb/?hl=ar
          http://www.leclavier.com/arabe/
          http://www.yamli.com/clavier-arabe/
          http://www.lexilogos.com/clavier/araby.htm
          http://www.arabic-keyboard.org/clavier-arabe/
          http://www.anaqamaghribia.com/arabic

          دليل الأعضاء :
          http://www.anaqamaghribia.com/vb/sho...d.php?t=294105


          التعديل الأخير تم بواسطة ام مريم البتول; الساعة 21-01-2013, 10:37.



          اللهم احفظ لي بناتي و اجعلهم من الصالحين اللهم اجعل بناتي مسلمات صالحات عابدات ذاكرات ..حافظات
          للقران الكريم..واجعلهم بارأت بوالديهم وأهلهم ..اللهم حسن خلقهم وخلقهم .وأعذهم من شياطين الإنس والجن

          تعليق


          • #6
            - احب البرامج الاجتماعية..

            وانا من متتبعي هذا البرنامج حلقة .. حلقة ..

            وصراحة برنامج في المستوى..

            ويستحق التنويه والتشجيع

            وحتى الطاقم خاصة مقدمة البرنامج هدى الريحاني

            تيبذلوا مجهود لابراز ولو نماذج من ناس هم بحاجة لنا وما البرنامج الا يحبب فينا

            حب التعاون والخير والتكافل والتضامن..

            حتى البرنامج يقدم بلا تكلف ولا صنعة ..

            وياليت لو كانوا غير 3 من بحال هاذ البرامج على الاقل كانت تعالجت عدة مشاكل

            وبصراحة حلقة هذا الشهر كانت مؤثرة جدا جدا

            حتى ابرزت لنا المشاكل التي يتعرض اليها الانسان المعاق حركيا

            سواءا بالدراسة حيث بعض المدارس

            عندهم الانسان المعاق من الاحسن يجلس في بيته

            ولكن اثناء الحلقة ملي كان اصرار من تلك الاخت ونجحت في الامتحان الكل تعاون معاها

            وسؤال كيبقى علاش دائما ننظر للانسان المعاق بالدونية او انه عاجز

            او ان مكانه ليس معنا ولكن بجمعيات ..الخ

            علما اننه من الممكن ان يصل الى ما يمكن ان يصل اليه غيره

            خاصة الاخت اللي استضافها البرنامج يعني ماشاء الله

            لغة واسلوب وعقل.. عزيمة .. وتحدي .. ووالله اعطتني شحنة

            واحسست انه ما نتخبط فيه من مشاكل فهي لا تعني شيئا

            وربما رسالتها وصلت الى قلوب الكل..

            فالالم يولد الابدااع

            الله يكمل عليها ان شاء الله وتحقق احلامها..

            ونراها بمناصب عالية.. باذن الله

            فهناك علماء تحدوا الاعاقة.. ومشايخ ايضا

            واذكر على سبيل المثال.. الشيخ ابن باز

            الذي كانت اعاقته العمى.. ورغم ذلك فقد وصل الى ما لم يصل اليه غيره

            واثبت وجوده و اعتلى عدة مناصب..

            //

            برنامج اجي نتعانوا جيد جدا وحبذا

            لو كانت هناك برامج شتى وليس برنامجا يتيما ..

            الله يوفق الجميع للخير والصلاح آمين

            SIGPIC

            تعليق


            • #7
              باين عليه برنامج زوين
              حتى واحد صاحبتي شكراتو بزاف
              للأسف انا عمرني شفتو لأنني ماشي من المهتمين بالتلفاز بزاف وكذلك مكنتفرجش فبرامج القناة الاولى
              ان شاء الله من دابا فوق نبدا نحضرو

              تعليق


              • #8
                بسم الله الرحمن الرحيم

                الحمد لله عندنا برامج ايجابية اللي كتجلب اغلبية المجتمع....واجي نتعاونو نقطة بداية نتمنى من الله تعقبها نقاط اخرى حتى نعيش التكافل الاجتماعي بمعناه الحقيقي...صراحة تقريبا كل حلقات البرنامج مؤثرة جدا لانها تقدم بطريقة سلسة بدون تكليف او تمثيل امام الكاميراهاديك البنت هي وحدة من آلاف كاين اللي لقا اللي يساعدو وكاينين اللي مازالين مقهورين لهلا يقهر شي مسلم...بالنسبة لمسالة الاعانة عن طريق الجمعيات كنظن حتى هي زوينة على اساس يد وحدة متصفقش....مثلا السيد اللي يعامل هاديك البنت كانها بنتو وميبكي في كلامو عليها .....راه كاينين شي بعضين اللي ميخليش الناس دير الخير بكثرة القيل والقال وما اكثرهم....ادنى حاجة كيقولو...زعما غي جا ويعطف عليها شي حاجة تما و زيد و زيد....هذه ماشي نظرة سلبية للامور لكنها واقع كنعيشوه مع الاسف في بعض الاوساط اللهم احفظنا منهم....تبارك الله على طاقم **اجي نتعاونو**واي جمعية عندها نفس المنطق....عذرا عن الاطالة لكنه يستحق
                sigpic

                تعليق


                • #9
                  بسم الله الرحمن الرحيم
                  اختي ومضات برنامج زوين والحمد الله كيف قلتي رغم الكم الهائل تلبرامج لي بل فيدة راه باقي شوية ضو ههههههه
                  ىبي اخليك الحبيبة وعلى مواضيعك انا شخصيا شفت البرنامج مرة وحدة وعجبني بزاف
                  وعندي فكرة هو اجي نعاونوا في منتدنا علاش لا نتعاونو على توعية بعضياتنا والمساعدة وخا عن بعد راه الكلمة الطيبة مساعدة وعلاش لا شنو قلتو في الفكرة ؟؟؟؟؟؟؟؟؟





                  تعليق


                  • #10
                    oum walid

                    فكرة زوينة اختي وحي الخاطر علاش لا نتعاونو ونطبقو قول الله سبحانه وتعالى: " تعاونوا على البر والتقوى "
                    sigpicاللهم احفظهما من كل شر واجعلهما من الأبرار

                    تعليق


                    • #11
                      اختي ومضات فعلا البرنامج زوين فالقناة الاولى وديما كنشوفو وكنتأتر به
                      كاين برنامج ديال دار وديكور فالدوزيم زوين ولكن حبدا لو كيساعدو الناس البسطاء على الاشياء الضرورية وماشي المكملة



                      تعليق


                      • #12
                        المشاركة الأصلية بواسطة oum alawlad مشاهدة المشاركة
                        فكرة زوينة اختي وحي الخاطر علاش لا نتعاونو ونطبقو قول الله سبحانه وتعالى: " تعاونوا على البر والتقوى "
                        ازين يامك حبيبتي ام الاولاد والله علاش لا متعونوش كلنا فهذ الجمع الطيب والغالي على قلوبنا منها ندافعوا على بيتنا التاني اناقة ومنها نساعدو بعضيتنا ونفعو بمنتدنا للامام





                        تعليق


                        • #13
                          السلام عليكم و رحمة الله و بركاته

                          شهادة لله البرنامج رائع و يعطي الكل سواءا المحتاجين او غير المحتاجين للمساعدة الامل و التفائل و اللاحساس بان اهل الخير و الاحسان موجودون

                          الله يجازي الساهرين على البرنامج خيرا و كل المحسنين و شكرا لطرحكم الموضوع

                          في امان الله

                          تعليق


                          • #14
                            بسم الله الرحمن الرحيم

                            شكرا لمروركن...اختي وحي الخاطر فكرة زويتة ولو انه بالنسبة لي راحنا كنتعاونو من اول مكنفتحو صفحة المنتدى...لكن حيت غنحطو موضوع باسم اجي نتعاونو ....غير هو خاص يتوضع برنامج او نقط معينة اللي نقدرو نتعاونو فيها مع بعضنا...وعلاش لا...اللهم يسر
                            sigpic

                            تعليق


                            • #15
                              المشاركة الأصلية بواسطة ومضات مشاهدة المشاركة
                              بسم الله الرحمن الرحيم

                              شكرا لمروركن...اختي وحي الخاطر فكرة زويتة ولو انه بالنسبة لي راحنا كنتعاونو من اول مكنفتحو صفحة المنتدى...لكن حيت غنحطو موضوع باسم اجي نتعاونو ....غير هو خاص يتوضع برنامج او نقط معينة اللي نقدرو نتعاونو فيها مع بعضنا...وعلاش لا...اللهم يسر
                              بسم الله الرحمن الرحيم
                              بوركتي حبيبتي





                              تعليق

                              يعمل...
                              X