لالة..شحال كتخسري في الشهر كامل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لالة..شحال كتخسري في الشهر كامل

    حباباتي كيفكم وكيف حال ما عز عليكم
    موضوعي هو مصروف الشهر
    بغينا نستافدو كاملين.
    شحال كتخسري الالة في الشهر كامل بالريال وخوه?
    وكيف كتقسمي ميزانيتك?
    بغينا نحلو مشكلة التبذير
    لام مروان ولينا كاملين علاش لا.
    لي بغات تدخل.
    وعندها الاجر الى عاونات اخواتاتها.
    ماتكونوش متكتمات.
    شحال داللحم او الدجاج او الحوت ولو رابعة
    هنا شي ما كيعرف شي كتعجني او كتشري الخبز
    شحال كتخسري تقريبا في اليوم
    وشحال كتوفري كتشري غير الجديد او لابد من حوايج البال
    اسماءنا كلها مستعارة اذن مافيها باس الى خبرتينا بالتفصيل
    وحنا نختارو المراة الحادكة فينا ونمشيوا ان شاء الله على طريقتها الى اتفقنا انها الافضل
    راه ما كنلغيش موضوعك اام مروان غير بغيت ندير استفتاء نتعاونوا بيه على الزمان
    ايوا شكون تبدا
    بغيت نبدا ولكن الوقت زحمني وماغنكون ان شاء الله حتى لبعد غدا عاد نعرف اش كاين
    ونتمنى النساء يتجاوبو مع هذ الموضوع
    ماما نور

  • #2
    زوينة هدا الفكرة تانا باغا انشارك امعاكم واش تا اللي ساكنة في الغربة تقدر اتقول المصاريف اللي كتخسر

    تعليق


    • #3
      هادا موضوع مهم بزاف و شحال من وحدة ممكن تستافد منو . انا غانبدا معاكم و نعطيكم تجربتي الخاصة على الله يكون عندكم طول البال حيت عندي كتير ما نقول.

      بصراحة انا كنصرف تقريبا 4 الاف درهم في الشهر و ديماكنوفر و كلشي موجود.
      كيفاش؟؟؟؟؟؟؟؟
      الطحين(الفورص 10 كيلو) و السكر 2 قوالب وأتاي 2 باكيات كبار ماركة جيدة و الزيت ( 5 ليتر تدوز لي 3 أشهر) شمبوان أريال زرقللترقاد أريال ماكينة/ أو سكيب و تيد لغسيل المواعن. جافيل نشري بيدو 10 ليتر يدوز 6 أشهر وبيدو سنيكروا 5 لتر بحالو ليكوش لبنتي الصغيرة نعملهم بالليل باكية كبيرة في شهرينو ليكوش لخرين لبنتي الكبيرة . القطاني على حسب الرغبة ماقارونية و الروز و السميدةالرقيقة و السميدة د كسكسو الشعرية الصينية هادو ماكنشريش اكثر من كيلو و ديماكاتبقى منهم شي حاجة للشهر لاخر.
      هدي هي الرافيتايما د الشهر(غنكون نسيت شيحاجة) كنشريها مباشرة من لهري و كلشي ناقص فالثمن مقارنة مع الحانوت. كنعمل ميزانيةفيكس لي بقا منها كنحطو فواحد الجوا باش نعرف كل شهر شحال صرفت فيه .


      يتبع
      ما شاء الله

      تعليق


      • #4
        موضوع مهم

        تعليق


        • #5

          ميزانيةاللحم كنشري كلشي من بداية الشهر الدجاج و الكفتة و الحوت ... حسب الظروف ولكنمانفوتش 300 درهم و ديما كايبقى منها.
          كنعمل ميزانية للخضر و الفواكه 200 درهمفي الأسبوع و كندير بحساب 5 أسابيع فالشهر .
          و كنعزل مصاريف الماء والضو.............
          كنعمل واحد القدر للقرعة (دارت) كل شهر.
          كنحط واحد شوي فيالدار للمفاجآت .
          نعطيك مجموعة د النصائح باش توفري:
          نبداو بالشهور لي كتكترفيها المصاريف.
          الدخول المدرسي: الكتب لبنتي الكبيرة ديما نوجدهم من آخر السنةالدراسية نشريهم قدام و نبيع لي عندي الدفاتر كنشري الباكيات و نهني راسي الأدواتالأخرى كنشري الجودة باش يدومو..... و لكن منين كتفرقي هاد المصاريف ماكتحسيش بيهاو في الغالب كنشريها من داكشي لي وفرت من المصاريف الأخرى .
          رمضان الميزانيةديالو كتكون ديما واجدة عندي: كل شهر كنحط في واحد الجوا 100 درهم يعني كل عامكنجمع 1200 درهم كتعاوني على المصاريف د رمضان.
          العيد الكبير: كنعمل نفس الفكرةبحال رمضان غير هو كنحط 500 درهم عاد نبقى نزيد 100 درهم كل شهر و ملي يوصل العيدكنشوف واش الميزانية كافية أو بزايد هاد الميزانية كندخل فيها الحولي و الحوايج و المصاريف الأخرى لي زايدة في العيد. غير كنجمع فلوس العيد ديال هاد العام نحط ديالالعام الماجي ان شاء الله.....


          يتبع
          ما شاء الله

          تعليق


          • #6
            ميزانية العطلة كيتكلف بها راجلي حيت حتى هو كيعمل قرعة و لكن ماكتكونش غالية حيت في الغالب كندوزوها مع العائلة ديالي و ماكيخليونا نصرفو والو..
            دابا نقول ليك كيفاش كنوفر و يبقى الخير.
            نبدىبالسويقة كنشري الخضر و الفواكه ديال سيمانة و لكن الى لقيت شي حاجة رخيصة بزافنشري منها و نحتافظ بها في الفريكو او بطرق أخرى.
            كنشري القمح و نقيه و نطحنو و كنعجنو بالنخالة كيدوز بزاف ( كنشريقنطار في العام ) كنشري كدلك الدرة و الشعير و نطحنها .
            كنشري الزيت د الزيتونمن المعصرة د الزيتون لي تدوز لي عام كنشري العسل الحر عند ناس ثقة .

            -
            الحوايجتاهما كيديو ميزانية انا مضروبة على حوايج البال كنلقى فيهم بياسات غزالين الصباطعمري مانشريه من الجديد.
            -

            المواعن كانتعامل مع واحد كناخد عندو و نبقى نخلصوبالشهر من داكشي لي و فرت و لكن غير لي ضروري.
            -

            ملي كاناخد القرعة(دارت) كنعملبيها شي حاجة مهمة خاصاني فالدار (الفراش أو شي أجهزة.........
            ملاحظة: انا ماكنشريش الدهب او تكاشط الخ عندي غير ماهو ضروري .
            الا جاب الله شي فلوس زيادة كنخزنها لبناتي عاملة ليهم كارني صندوق التوفير هوباسمي ولكن ملي كل واحدة تبلغ سن الرشد ندوزو ليها باسمها.
            و لكن عندي واحدالحاجة نوصيك بيها و هي لي كتعمل البركة في الرزق:
            ماتكونيش مبدرة لي بقات لك ماتلوحيهاش راه كلشي كاينفع.
            يكون رزفك حلال و تكوني مخلصة في عملك و تصدقي منفلوسك للي يحتاج أكثر. ديري مرة في العام واحد الترياج في حوايجك لي مابقيتيشمحتاجاها صدقيها (في المقربون أولى) و بلا ما تمني....
            كثري من الصلاة و الدعاءراه هما لي يفتحو باب الرزق و يجعلو كل خطواتك مباركة.
            هدي هي طريقتي في التدبير المنزلي و خا كترت عليكمبزاففففففففف.



            يتبع

            ما شاء الله

            تعليق


            • #7
              تبارك الله عليك اختي
              ما عندي ما يتسالك واش نتي خدامة او غير الزوج ديالك هو للي كيصرف
              و كيعطيك 4000 درهم في الشهر نتي كدبري بيها امورك
              sigpic

              تعليق


              • #8
                كاينين شي حوايج أخرى نشريهم غير مرة مرة ماشي ديما مثلا الزبدة كنشري ديال سنطرال د العبار باكية فيها 2 كيلو ونص ب 100 درهم الكمنفتير نصايبو راسي بجميع الفواكه ملي تكون رخيصة.وفي الطياب ما كنستعملش بزاف ليدام كانعاون بالزبدة و زيتالزيتون. أما جافيل مثلا كنعملو للحوايج البيضين و ملي نشللهم نزيد شوي التيد وسانيكروا عليه و نحك بيه الحمام اما التشلال دأريال ( حيت انا عندي غير ماكينةعادية ماشي أوتوماتيك يعني انا لي نشلل ) الماء د التشلال نزيد عليه سانيكروا و نسيق بيه كترجع الداركتشعل و ريحتها زوينة .القهوة نشريها باكية مرة مرة و لكن كناخد سمر كوستو قرعة كبيرة كنعمل بها كبوتشينو. الفرماج المثلث نشري باكية كبيرة ديال ساندويتش تدوز بزاف. الفرماج الأحمر نشري كورة ديال كيلو أو 2 و نحكها كاملة و نفرقها في بلاستيكات دوز بزاف. الكاشير نصايبو فالدار. نشري الشكلاط و كاوبيل المسوس و الخميرة د الحلوى و مستلزمات الحلويات بزايد و تبقى عندي مدة طويلة....
                ملاحظة حنا 4 في الدار...
                غانكون نسيت شي حاجات الا تفكرتهوم نعاود نرجع.
                ما شاء الله

                تعليق


                • #9
                  موضوع مهم مشكوووووور والله يعطيك الف عافيه


                  تعليق


                  • #10
                    تبارك الله عليك اختي
                    ما عندي ما يتسالك واش نتي خدامة او غير الزوج ديالك هو للي كيصرف
                    و كيعطيك 4000 درهم في الشهر نتي كدبري بيها امورك


                    4000 درهم من عندي حيت انا خدامة و هو كنبقى ننتف منو كل مرة شوية و ننشري بها شي حاجة أو نخبيها ...
                    ايه نسيت .. هو كيخلص المدرسة د بنتي الصغيرة 300 درهم و الدعم للكبيرة 300 درهم..
                    ما شاء الله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X