واش عندكم ثقة فتشخيص الاطباء

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش عندكم ثقة فتشخيص الاطباء

    السلام عليكن اخواتي الانيقات
    كيايرات نتمنى تكونو مزيانات ولا باس عليكم
    هذه اول مشاركة ليا في هذا القسم ومعرفتش واش موضوعي مناسب لهذا القسم او لا لا؟
    المهم بلا ما نطول عليكم ندخل فالموضوع
    موضوعي عبارة عن مواقف حقيقية حصلت لي في حياتي جعلتني افقد الثقة في الاطباء وتشخيصاتهم ووصفاتهم الطبية
    اول موقف
    منذ 3 سنوات خويا الصغير دار كصيدة بعيد عليكم كان غادي مع صحابو يصلي صلاة العشاء فالمسجد و هي تطلع واحد الطموبيل فوق الطروطوار وتضربو
    المهم دبا راه الحمد الله
    ولكن ملي خذيناه لطبيب فلاكلينيك كان عندو كسر خطير فرجلو دار عليها عملية وكانت عندو الكلوة متضررة بشكل كبير طلبنا الطبيب نديرو ليه السكانير وفعلا درناه ليه وقالنا بلي خاصو عملية ضروري و فاسرع وقت وحالتو خطيرة بزاف و داك الدكتور اللي فالسكانير سكت ما قال والو وشوية وهو يدخل واحد السيد من العائلة يعرف داك الطبيب ديال السكانير سلم عليه وملي عرف بلي حنا من العائلة وهو يقول لينا من بعد ما خرج الطبيب الجراح بان كلوة خويا سليمة و90 فالمية سالكة غير بالدوايات وفعلا داك الشي اللي كان
    يظهرلي بلي طولت عليكم مازال فالحقيقة عندي مواقف اخرى ولكن نفضل نحكيها من بعد ما نعرف الاراء ديالكم






  • #2
    اختي على سلامة اخوك و الله يخليه ليكم
    راه من احسن الاشياء فهاد الدنيا الإخوة و للاسف الاخ الوحيد لكان عندي مات من ثلاث سنوات و هو فعمر 12 سنة ، هو توفى ب مرض السرطان ، و بسبب الاهمال الطبي دخل فغيبوبة فظرف اسبوع من دخولو المستشفى ، بقاو كيقولو راه فيه la méningite و تأخرو فمعرفة سبب المرض حتى دخل للكوما و بعد اسبوع توفى
    بسبب الاهمال فقدت الاخ الوحيد ليا و كنصبر راسي و نقول مكتابة من عند الله مرحبا بيها.
    الآن ماما حاملة ف 4اشهر و كنطلب من الله يعوضها و يعوضني خيرا فيه ، الان انا خايفة على ماما ملي تمشي تولد و مابقيتش تايقة ف الطب
    و الآراء كتختلف حسب ا لتجارب
    شكرا على الموضوع اختي و مرة اخرى على سلامة خوك حبيبتي
    بهروا الدنيا..

    وما في يدهم إلا الحجاره..

    وأضاؤوا كالقناديلِ، وجاؤوا كالبشاره

    قاوموا.. وانفجروا.. واستشهدوا..

    وبقينا دبباً قطبيةً

    صُفِّحت أجسادُها ضدَّ الحراره..

    قاتَلوا عنّا إلى أن قُتلوا..

    وجلسنا في مقاهينا.. كبصَّاق المحارة

    واحدٌ يبحثُ منّا عن تجارة..

    واحدٌ.. يطلبُ ملياراً جديداً..

    وزواجاً رابعاً..

    ونهوداً صقلتهنَّ الحضارة..




    نزار قباني

    تعليق


    • #3
      افة العصر فقدنا الثقة في الاطباء ....وقطاع التطبيب كلو فقد السمعة ديالو صبح الانسان الا مريض كيمشي عند 4 اولا 5ديال الاطباء عاد اشوف المرض ديالو حتي اقارن بين الاراء ديالهوم....انا كذلك فقدت الثقةكنت مريضة ومزال هادي 6سنوات والى حد الان مازالو لم يشخصو لي المرض ديالي ...اصبحت دبا عايشة معاه ورافضة زيارة الاطباء و التسخسخةديالهم ....ها التحاليل الراديوات الدويان كيعرفو غير احلو فمهوم مكيفكرو فالانسان معندهوم لارحمة ولا ضمير..... وكيعرفو عندو ولا معندو....
      sigpic

      تعليق


      • #4
        دلع
        شكرا احبيبة على هاد الموضوع اللي كيمسنا كاملين حيث كانعانيو من القطاع الصحي و التسخسيخ ديالو.و على سلامت ااخ ديالك الله يخليه ليكم

        eve_ange
        الله يرحم الاخ ديالك اختي و يصبر ماماك و يخلف ليها فاللي جاي.

        اي وحدة سولتيها كتلقايها عانات من هاد الجانب
        و انا الاخ ديالي كان جنبو كيحرقو مشا للطبيب عطاه يعمل تحاليل الكلاوي باش يتاكد, خرجات النتيجة من laboratoire ان كلوة مسالية ميتة و وحدة بقالها شوية و تبعها, ايوا منعاودش ليكم خاي مرض بعدا نفسانيا و صافي قالولو خاصك تزرع كلوة .....فالاخير صدقو التحاليل غالطين و كان هي داربو البردة و طيحو منو النص مسكين.
        و مرة اخرى خاي نيت كانو ناضوليه شي حبوب فالصدر ديالو بحال جليدات, فاش مشا عند dermatologue قاليه خاصك تحيدهم فاقرب وقت ب 400 درهم الوحدة و كانو كثار. حيدهم و دازت ايام و واحد الطبيب فالدولة قال للاخ ديالي هادوك كنزولوهم ب 20 درهم و ف زيارة وحدة .وانا خاي حط مابين التزوال و الدوا شي 4000 درهم.
        اما ايلا مشيتي المستعجلات الله يعافينا كتلقا كلشي ناعس و الطبيب ماكاينش و مايديها فيك حد
        بحال ديك المرا مسكنة اللي مشات تولد و نعسوها فوق الباياس و خلاوها كتغوت بالحريق ماداها فيها حد حتى ولدات فوق الباياس و طاح التيلاد فالارض و اصيب بكسر فالجمجمة و الضلعة و هادا بسبب الاهمال.













        مايا 04 سابقا

        تعليق


        • #5
          المشاركة الأصلية بواسطة eve_ange مشاهدة المشاركة
          اختي على سلامة اخوك و الله يخليه ليكم
          راه من احسن الاشياء فهاد الدنيا الإخوة و للاسف الاخ الوحيد لكان عندي مات من ثلاث سنوات و هو فعمر 12 سنة ، هو توفى ب مرض السرطان ، و بسبب الاهمال الطبي دخل فغيبوبة فظرف اسبوع من دخولو المستشفى ، بقاو كيقولو راه فيه la méningite و تأخرو فمعرفة سبب المرض حتى دخل للكوما و بعد اسبوع توفى
          بسبب الاهمال فقدت الاخ الوحيد ليا و كنصبر راسي و نقول مكتابة من عند الله مرحبا بيها.
          الآن ماما حاملة ف 4اشهر و كنطلب من الله يعوضها و يعوضني خيرا فيه ، الان انا خايفة على ماما ملي تمشي تولد و مابقيتش تايقة ف الطب
          و الآراء كتختلف حسب ا لتجارب
          شكرا على الموضوع اختي و مرة اخرى على سلامة خوك حبيبتي
          اختي ايف بارك الله فيك على المداخلة ديالك
          والله يرحم اخوك ويسكنه فسيح جناته
          والله يفك ماماك على خير ان شاء الله ويعوضكم الله خير




          تعليق


          • #6
            المشاركة الأصلية بواسطة هدوء الطبيعة مشاهدة المشاركة
            افة العصر فقدنا الثقة في الاطباء ....وقطاع التطبيب كلو فقد السمعة ديالو صبح الانسان الا مريض كيمشي عند 4 اولا 5ديال الاطباء عاد اشوف المرض ديالو حتي اقارن بين الاراء ديالهوم....انا كذلك فقدت الثقةكنت مريضة ومزال هادي 6سنوات والى حد الان مازالو لم يشخصو لي المرض ديالي ...اصبحت دبا عايشة معاه ورافضة زيارة الاطباء و التسخسخةديالهم ....ها التحاليل الراديوات الدويان كيعرفو غير احلو فمهوم مكيفكرو فالانسان معندهوم لارحمة ولا ضمير..... وكيعرفو عندو ولا معندو....
            عندك الحق اختي هدوء الطبيعة انا لكان مانمشي عند اكثر من طبيب مانرتاحش نفسيا لدواء اللي كنشربو
            الله يشافيك اختي




            تعليق


            • #7
              المشاركة الأصلية بواسطة maya04 مشاهدة المشاركة
              دلع
              شكرا احبيبة على هاد الموضوع اللي كيمسنا كاملين حيث كانعانيو من القطاع الصحي و التسخسيخ ديالو.و على سلامت ااخ ديالك الله يخليه ليكم

              eve_ange
              الله يرحم الاخ ديالك اختي و يصبر ماماك و يخلف ليها فاللي جاي.

              اي وحدة سولتيها كتلقايها عانات من هاد الجانب
              و انا الاخ ديالي كان جنبو كيحرقو مشا للطبيب عطاه يعمل تحاليل الكلاوي باش يتاكد, خرجات النتيجة من laboratoire ان كلوة مسالية ميتة و وحدة بقالها شوية و تبعها, ايوا منعاودش ليكم خاي مرض بعدا نفسانيا و صافي قالولو خاصك تزرع كلوة .....فالاخير صدقو التحاليل غالطين و كان هي داربو البردة و طيحو منو النص مسكين.
              و مرة اخرى خاي نيت كانو ناضوليه شي حبوب فالصدر ديالو بحال جليدات, فاش مشا عند dermatologue قاليه خاصك تحيدهم فاقرب وقت ب 400 درهم الوحدة و كانو كثار. حيدهم و دازت ايام و واحد الطبيب فالدولة قال للاخ ديالي هادوك كنزولوهم ب 20 درهم و ف زيارة وحدة .وانا خاي حط مابين التزوال و الدوا شي 4000 درهم.
              اما ايلا مشيتي المستعجلات الله يعافينا كتلقا كلشي ناعس و الطبيب ماكاينش و مايديها فيك حد
              بحال ديك المرا مسكنة اللي مشات تولد و نعسوها فوق الباياس و خلاوها كتغوت بالحريق ماداها فيها حد حتى ولدات فوق الباياس و طاح التيلاد فالارض و اصيب بكسر فالجمجمة و الضلعة و هادا بسبب الاهمال.
              اختي مايا شكرا على مرورك
              حتى انا تقريبا مريت بنفس تجربة اخوك مع طبيب الجلد حيت زوجي كان كيعاني من لكزيما فرجلو ومشينا لواحد الطبيب وقالو هذه حساسية خطيرة وخاصك دير 10 ديال الحقنات ثمن الوحدة 500 درهم وهاد الحقن ما كاينينش ف الصيدلية خاصو هو يطلبهم من الخارج باش يجيبهم
              طبعا حنا مشيا ستاشرنا طبيب اخر عطانا دواء ب 150 درهم من تما مارجعت ليه ديك لكزيما




              تعليق


              • #8
                اختي الاطباء مثلهم مثل اي ناس اخرين فيهم وفيهم
                اللهم يا حي يا قيوم، يا ذا الجلال والإكرام، أسألك باسمك الأعظم الطيب المبارك ، الأحب إليك الذي اذا دعيت به أجبت ، وإذا استرحمت به رحمت ، وإذا استفرجت به فرجت ، أن تجعلنا في هذه الدنيا من المقبولين والى أعلى درجاتك سابقين، واغفر لي ذنوبي وخطاياي وجميع المسلمين.

                تعليق


                • #9
                  شكرا اختي على هاد الطرح القيم

                  اختي الحمد لله ما عمرني صادفت بحال هاد المشكل انا الى قلت ما غتيقيش ما تنحملش الطبيب و الحمد لله عمرني ما احتاجيتو الى مرضت تنمشي للفرمسيان ناخد الدوا اما البرد او الراسو صافي حتى نهار حملت عاد علرفت الطبيب تبعت بالحق تبع ليا واحد البروفيسور صاحب راجلي و تهلى فيا مزيان و 9 اشهر وهو مقابلني الله يجازيه بخير حتى ولدت وخى قهرني بالتحاليل الله يعطينا صحيحتنا و الله لا يحطنا بين يدين الاطباء للي ما عندهم لا ضمير لا سمعة و العياد بالله




                  " اللهم بلغنا وسلمناإلى رمضان وسلم لنا رمضان وتسلمه منا متقبلا "

                  تعليق


                  • #10
                    المشاركة الأصلية بواسطة nawrass مشاهدة المشاركة
                    اختي الاطباء مثلهم مثل اي ناس اخرين فيهم وفيهم
                    معك حق اختي نورس الاطباء فيهم و فيهم و داك الشي علاش طرحت الموضوع للنقاش باش كل واحد يقول رايه




                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X