إعـــــــلان

تقليص
لا يوجد إعلان حتى الآن.

دعوة للنقاش = مازال ما درتي العرس واش تمشي مع رجلك ؟؟؟؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دعوة للنقاش = مازال ما درتي العرس واش تمشي مع رجلك ؟؟؟؟؟

    [frame="2 80"]

    السلام عليكم ورحمة الله وبركاته
    من كثرت ما سمعت و قريت على هاد الموضوع حبيت نطرحو عليكم يا اخواتي العزيزات على قلبي
    البنت الى طيحات العقد و مازال ماغاديش تدير العرس مثلا على مدة شوية طويلة او قصيرة
    السؤال واش ممكن تكون خلوة مع لي غادي يكون كيتسمى راجلها مادام طاح العقد ؟؟؟
    لانه في تقاليدنا خاص البنت ما تمشيش دار الرجل حتى تدير العرس او ليلة فرح مع العائلة و هاذ العادة ما شي جات غير هكاك من السماء بل ورد في حديث عبد الله بن الزبير رضي الله عنهما أن النبي صلى الله عليه وسلم قال: "أعلنوا النكاح" رواه أحمد وابن حبان بإسناد حسن . و كتكون الشبهة في دخول الرجل وخروجه على المرأة من غير ما يشهر بين الناس أنه مزوج بها يعني من السنة الاشهاااااااااااااااااااار
    ولكن كتبقاي مرتو و حلالو الا لح عليك شنو تديري ؟؟؟؟؟؟؟
    شنو رايكم في هاد التقليد و شكون فيكم لي مرات من هاد الموقف تعاود لنا باش نستافدو يا اخواتي
    للعلم انا مزال ما تزوجت و مدخلة راسي في الشبوقات هههههههههههه ولكن الاستفادة للمستقبل ماهي عيب ما هي حرام ما تعرف شنو يجيب الوقت
    كنتمى هاد الموضوع ما يكونش مكرر و ايضا ما نكونش غلطت في القسم حسيت هنا ممكن البنات و السيدات يتجمعو اكثر
    وشكرا على ردودكم التي ستشجع اكثر
    [/frame]

  • #2
    السلام عليكم
    الايجابة على سؤالك في موضوعك بنفسو اساس الزواج هو الاشهار بعد العقد النكاح يعني ماشي مهم العرس كحفل متلا انا كتبت العقد و قبل بيومين عملت دوره على العائله كلها ونعلمهم باني غادي نتزوج و العائلة يعني الجد والخالات و الخال و الاعمام والناس اللي تربيت معهم متل الجيران باش الواحد يزيح عنه الشبهات فقط
    و شكرا و كنتمنى ليك ربي يرزقك بالزوج اللي كتمناي
    :)

    تعليق


    • #3
      وعليكم السلام ورحمة الله وبركاته

      شكرا لفتحك هدا النقاش فالصراحة بغينا نعرفوا من الاخوات هاد المعلومات اللي دكرتيها محيت حتى انا مزال ممزوجات وكنطلب منكم باش تدعيو ليا يسهل ليا اموروي ان شاء الله ويسهل على كل البنات اللي مزال ممزوجات واللي فيها الخير ربي غادي يكتبوا لينا

      ارجو من الاخوات باش يعطيو لينا شي نبدة على هاد الموضوع محيت موضوع جد مهم

      مهم انا من الرأي ديالي البسيط وهو ملي يعقد الرجل عقد النكاح كتسمى الزوجة ديالو وهو الزوج ديالها ومن حقهم وحلال عليهم يخرجوا كما بغاو حيت اصلا ملي تيعقد النكاح كيكونو حاضرين العائلة ودبا كما كنشوف تيعقدو النكاح وتيديرو حفلة وليلة، فديك النهار مجموع فيه كلشي ، مهم تتبقى غير ديك الحاجة البسيطة وهي الاشهار بالزواج يعني حفلة صغيرة ( اللي كنسميوها حنا العرس المغربي ) بين العائلة والاحباب

      وشكراااا
      يا ربِّ هيءْ لنا من أمرِنا رشدا واجعلْ معونتكَ الحُسنى لنا مددا

      تعليق


      • #4
        السلام عليكم ورحمة الله وبركاته ,,شكرا على طرح الموضوع
        غي هو الوقت صعيب والتقة ما بقاتش,,بزاف خرجوا مع رجالتهم قبل العرس و وصلوا لشي حوايج معهم وفي الاخير كيسمحوا فيهم,,وكتدفع المرأة الثمن,,كيجيهم الطلاق قبل العرس اسهل,,ولهذا اخذ الحيطة واجب,,

        تعليق


        • #5
          شكرا لكن حبيباتي على تدخلاتكن و كل واحدة كنحترم رايها

          صحيح اختي لؤلؤة الجنوب جوابي في لب الموصوع لكن كل وحدة فينا اكيد عندها قصة او ربما بعض القصص تتشابه و لهذا طرحت الموضوع لكي نستفيد نحن العازبات

          و اختي شادين انا لهدا السبب بالضبط طرحت الموضوع كما قلتي في ردك فبزاف ديال الرجال كيطلقو عيالاتهم قبل العرس مني كيكون فات الفوت
          رغم اننا كنأمنو بالقدر خيره و شره لكن لابد من الحذر و الاستفادة من اخطاء الاخيرا

          ارجو من كل من دخلت ان تدعو مع كل العازبات بالزوج الصالح و منهم انا ههههههههههه

          تعليق


          • #6
            تصورو 125 زيارة للموضوع و 3 ردود حشومة و حنا راه هنا لبعضياتنا علاش كتهربو هههههههههههه

            تعليق


            • #7
              اختي شكرا لطرحك الموضوع

              انا من رايي ان عقد النكاح اشهار في حد داته و قبول من الاسرتين و شرعا و قانونا من حقهما الخروج مع بعضهما

              المشكل ان الفتاة تضع حاجز العرس و الحفلة الكبيرة لما لا حفلة بسيطة و تيسير الامور على بعضنا البعض

              الله ييسر لنا ما فيه صلاح حالنا - امين

              تعليق


              • #8
                الاقتباس غير متاح حاليا
                السلام عليكم أختي ضروري من الإشهار واخا غير عائلته الصغيرة وعائلتك الصغيرة، الناس اليوم كيعملو العراسات كيف دايرة وما كيسلموش من المشاكل عاد ياحصرا تمشي بل والو، وأنا كنفضل يكون غير عشاء بين العائلتين وتمشي العروس مع زوجها ومريضنا ماعندو باس، لأن العروسة لي كتمشي بلا إشهار كتبقى ديمة عليها الهضرة من جيهت الراجل وهدي مايخفاكش أختي لأن الإشهار بالزواج بحالو بحال التوقيع على شي ورقة cachet .

                تعليق


                • #9
                  كنحترم رايك اختي نسمة شكرا لكي

                  اختي نسرين صحيح والله كلامك لانه فعلا كيتولدو شي هضور الى ما درتيش اشهار لا حصر لها
                  ان بعض الظن اثم
                  كنعقل بنت خالتي دارت العقد في شهر مارس و حملات في شهر 7 و دارت العرس في شهر 9 وما سلماتش من الكلام السيئ كل الناس يقولو راها حتى حملات عاد دارت العرس ولكن ما عرفينش انها طيحات العقد شحااااااااااااال

                  تعليق


                  • #10
                    السلام عليكم
                    أختي أنا الرأي ديالي مايكونش عوتاني نهار ديال العقد زيزون، إلى ماكانش الإعلان بالخطوبة و تركاب الخواتم، يعني مازال ما عارف حد و خصوصا الجيران، يتعلن على الأقل عند دخول الدار بالزغاريد و الصلاة و السلام على خير الأنام، و من بعد راها حلالو، ولكن في حدود، ما حدها مازالت ما مشات رسميا لدارها، يعني كل حاجة فوقتها و ليها حلاوتها، المحرم ما عندو حاجة بيناتهم، المداعبات اللي غتألف بين قلوبهم من حقهم و باش عوتاني الراجل يبقى مشتاق لداك النهار اللي غيتسد عليه هو و مراتو باب واحد دائما.
                    إلا ماكانوش ناويين يديرو شي عرس أو كذا هاديك حاجة أخرى.
                    و الله يوفق أي بنت تلقى ولد الحلال اللي يستاهلها و العقبى لبنياتي إنشاء الله واخا باقيين صغارات ٨٨

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X