إعـــــــلان

تقليص
لا يوجد إعلان حتى الآن.

زوجة لي ولاهلي و اخرى لي وللشارع و.....(دعوة للنقاش)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زوجة لي ولاهلي و اخرى لي وللشارع و.....(دعوة للنقاش)

    السلام عليكم
    احببت ان اطرح هده الظاهرة المخزية التي تسود مجتمعنا العربي عامة و المغربي خاصة
    وهي ما يفعته شبابنا لارضاء المخلوق و عصيان الخالق
    فبعض شبابنا يكون على علاقة محرمة مع احدى الشبات وطبعا تكون هده الفتاة موعودة بالزواج وبعد مرور سنة او2 او 3 .......او 5 من هده العلاقة ينوي هدا الشاب الزواج بها الا انه يصتدم بحاجز الرفض من طرف والديه (وطبعا ما شاء الله عليهم لا يعصون امرهم لا حول ولا قوة الا بالله)
    فتدهب الام و تختار له احدى قريبته جمال +حياء ....بصفة عامة بنت دارهم وطبعا هو سيوافق ليرضي امه فيتم الزواج وبعد مرور فترة معينة قصيرة تبدا معاناة الزوجة المسكينة او بالاحرى الضحية من اهمال و تاخر الزوج في الدخول الى البيت ولربما خيانتها امام عينها ..........والمؤسف انها تستمر معه اما لانها قد انجبت معه واما حفاضا على كرامتها
    المهم ان هدا المستهتر لا يجد من يوقفه عند حده
    لمادا ترضى بعض الفتيات الملتزمات بالزواج من شاب ليس له دين لمادا ترضى بهده الاهانات كلها التي لا تستحقها ........................
    لن اقفل الموضوع في انتضار ارائكم و مشاركتكم اخواتي

  • #2
    معكحق اختي في كل كلمة
    انا ايضا اسال نفس السؤال الفتاة المحتجبة المتدينة تعلم جيدا ان الدين هو اساس الحياة السعيدة وان الشاب المتدين احسن بكثير من الشاب اللدي لا دين له
    اظن اختي ان اغلب الفتيات يرضون باي شاب مهما كان فقط لان قطار الزواج قد فاتهن وتيقولو اللهم هدا اولا بلاش وفالاخير تيوقعو فمشاكل
    ولا ننسى حديث النبي صلى الله عليه وسلم من اتاكم ترضون دينه فزوجوه الى اخر الحديث
    شكرا اختي موضوع شيق بحاجة للنقاش اتمنى من باقي الاخوات التفاعل








    تعليق


    • #3
      اشكرك اختي على اتارة هذا الموضوع
      فعلا هناك فتيات ربما عن جهل او عن عمد يتسرعن في قبول اي عريس يطرق بابهن لانه هو الموجود دون التاكد من مااذاكان مناسب ام لا المهم يتزوجن حتى لايقال عنهن عانس لكن المشاكل اللتي تاتي من بعد تكون اصعب عدم التفاهم يؤدي الى التباعد وبالتالي الى الصراعات مما يسمح بدخول طرف ثالث

      تعليق


      • #4
        شكرا لكم على مروركم في انتضار باقي الاراء

        تعليق


        • #5
          كوكوووووووووو
          اين انتم’’’’’’

          تعليق


          • #6
            رد: زوجة لي ولاهلي و اخرى لي وللشارع و.....(دعوة للنقاش)

            الدين هو اساس الحياة السعيدة

            صلوا على حبيبنا المصطفى

            اللهم صلى وسلم وبارك على سيدنا محمد فى الاولين،وصلى عليه فى الاخرين،وصلى عليه فى الملأ الاعلى الى يوم الدين
            عليك الصلاه والسلام يا سيدى يا رسول الله

            تعليق


            • #7
              رد: زوجة لي ولاهلي و اخرى لي وللشارع و.....(دعوة للنقاش)

              موضوع يستحق النقاش المكثف ههه
              لي عودة فيما بعد ان شاء الله
              ربي لا تدرني فردا وانت خير الوارثين

              *
              إِجْعَل لِرَبِّكَ كُلَّ عِزِّكَ يَسْتَقِرُّ وَيَثْبُتُ
              ...
              فَإِذَا اعْتَزَزْتَ بِمَنْ يَمُوتُ فَإِنَّ عِزَّكَ مَيِّتُ
              *





              تعليق


              • #8
                رد: زوجة لي ولاهلي و اخرى لي وللشارع و.....(دعوة للنقاش)

                فعلا حبيبتي حطيتي ايديك على معضلة شائكة في مجتمعنا ولكن
                و الحلقة المفقودة هنا هي غياب الوازع الديني، ملغي نهائيا
                ووراء كل فتنة كاينة امراة الانحلال من المراة هي الي
                تتخلي الشباب ينحل ويتيه على الصح ، البنات غير طلقي
                شعرك و وتبرجي بكل الالوان لا ناهي ولا منتهي وخرجي للشارع
                صيدي الشباب التالف الي لا دين ولا دنيا تابع البنات بحال الكلب
                حاشاكم، الفتنة عمات القلوب وهاذ البنات الي تيتصاحبوا مع الشباب
                عام وعامين و3 هما السبب الى كثرة المحن في البيوت شحال
                من بيت تخرب بسببهم ما خلاوا شباب يتزوجوا ما خالاوا رجال
                مزوجين حتى من الشياب تلفوهم راه المشكلة في البنت الي
                منحلة اخلاقيا ودينيا واش بحال هاذوا الي دايعات في الزناقي
                بكل جراة بلا حيا بلا حشمة تستحق تربي اجيال الكلام كثير وفيه
                بزاف ما يتقال وموسع لان فيه بزاف العقبات وحدة تدخلك لاخرى
                والله لا يغير ما بقوم حتى يغيروا ما بانفسهم

                الولد الي مربي على الدين والتقوى حاشا واش يرضى يربط علاقة
                مع بنت عام وعامين واكثر والتجارب كثيرة بزاف بحال هاذ النوع
                جابتها الفرصة فين نحكي لكم على بنت جيرانا كانت خدامة وبلهجتنا
                المغربية كانت مصاحبة مع زميلها في العمل اليوم نتقدم غدا نتقدم
                حتى دازت 6 سنين انتقل من العمل لمكان اخر في نفس المدينة
                ملي بغات تجمع راسها قال لها انني عامل لك مفاجاة داها لدار شراها
                وقال لها فين بغيتي بيت النعاس بدات تتحلم وفعلا بدات تتفرش الدار
                معاه حتى من البانويات ديال البلاستيك شارتهم بفلوسها
                جات وفاة امها خلاتها تالفة كانت متعلقة بها بزاف دازت شهر ما بقات
                عرفت لا حس ولا خبر على الي ما عرفت باش نسميه واش خطيب ولا صاحب
                ولا زوج عرفي ولا اشنو محله من الاعراب ، ملي قلبت لقات الجواب السيد
                تزوج وحط المرا في الدار وجات حتى للدار ودخلت لقات مولات الدار مفركسة
                وهو قال لها انها كانت متعلقة به ولكن هو ما كانش معمر راسو بها وطلبها
                باش تادب معها وفعلا السيدة ذاك الشي لي كان وبدات تتشوف في دارها في
                الاحلام الي فرشات في الحقيقة وكل قنت حطات فيه بصمتها كان من حق غيرها
                حكات لها كلشي علاقتها به السيدة بقات تتقول لها غير كلمة مسكينة دابا ربي
                يسهل عليك والزواج نصيب والضحية رجعات لدارهم بقات مكمدة في قلبها
                الغبينة شرفات وبقات هي الوحيدة في دارهم بلا زواج السبب هي الي حطات
                راسها في الوحل وفي الوهم الخاوي والله المستعان في كل بنت حلمها انها
                تزوج بعلاقة تربطها بشاب لا يحل لها ويعيشها في وهم ، حبيباتي الى اعطيتي
                لنفسك قيمة وكرامة حاشا واش ربي يخيبك ولا يضيع حلمك في انك تفتحي بيت
                يعفك ويصونك مع زوج تقي انتبهي وهزي راسك وسيري بما يرضي الله
                الاهل الي تيزوجوا الولد ولا البنت لان الزواج راه عائلتين تلتقي ونسب
                تيكبر ملي تيبغيوا يخطلبوا لولدهم تيمشيوا للاصل في الي عارفينها
                لانهم هما الي عارفين مصلحة ولدهم وكذلك الوزر تيكون على
                الاهل ديال البنت الي تيزوجوا بنتهم لواحد ما تيعرف حتى القبلة فين
                جات خاصهم غير يجي يدق عليهم الباب صافي بنتنا تخطبات ارا وجد
                للعرس ومن بعد الطامة الكبرى بنت غير سعيدة بغات ولا كرهت تموت
                ولا تحيى ما يبقاوا يبغيوا يعرفوا عليها والو صافي الي عليهم داروه
                زوجوها تمشي تصبر على الهم الي رماوها فيه راها مشبكة وملبكة
                الله يدير تاويل وفرج من عندو ويهدي عباده لطريقه المستقيم الي به
                تتصلح الاحوال وتقاد به الحياة .

                تعليق


                • #9
                  رد: زوجة لي ولاهلي و اخرى لي وللشارع و.....(دعوة للنقاش)

                  وكون هاذ الزوجة الي تقبل على راسها تكون خدامة في دار زوجها
                  او في دار اهله وتعرف ان زوجها تيخونها وماشي معها لا عقلا
                  ولا قلبا ولا جسدا غير في الاوراق فرحم الله احلام هاذ الزوجة
                  ورحم الله حضورها كانسانة لها حقوق وواجبات، حبيبتي المغربية
                  خاصة ما تكونيش دمدومة راك عزيزة وغالية ، عيشة وحدة كاينة
                  في الدنيا لازم تعيشي بكرامة ما توافقيش على وضع انتي تصدمتي
                  به لا يرضي لا الله ولا العبد ، فيقي خاصك تعرف اننا في القرن
                  22 قرن الغبونية وحنيان الراس مشى ومات ، ما كاينش علاش
                  قاصح احسن من كذاب ، الى قالت انها صابرة فانا نقول لها تتكذبي
                  على راسك الى نصبر على زوج فقير مرحبا ربي يبارك لي في القليل
                  ونصبر على زوج مريض ربي يعوض صبري كل خير نصبر على
                  الرجل مسكين فيه بلية نعاونو باش يوقف على رجليه اما نصبر
                  على انني محطوطة خدامة لاهله ولا ليه لا الحمد لله
                  الجمعيات كثرات والمجتمع تبدلات النظرة ديالو اراك المعقول
                  وخليني من الهبال نحني راسي حتى نجيبها فيه وذيك الساعة سكاتي
                  يخلصني من الي انا فيه نهضر ونوقف ونخرج عيني بالحق لا ضرر
                  ولا ضرار والساكت على الحق شيطان اخرس نقول لهاذ الراجل قدام
                  المجتمع اشنو ذنبي انني نعيش في الحضيض بالعكس كرامتي تخليني
                  نهز راسي وما نرضاش نكون في الهامش والا الفراق الحمد لله ربي جعله
                  اخر فصل وماشي حرام ولا نهاية العالم الله يرزق السعادة في بيوتنا
                  بين الازواج ويجمعهم على تقوى الله وهذا هو الاهم والبنة الاساسية
                  علاش تتقوم العلاقات الانسانية عاد بين الازواج الله يرقق القلوب يارب
                  ويصلح احوال المجتمع بالخير

                  تعليق


                  • #10
                    رد: زوجة لي ولاهلي و اخرى لي وللشارع و.....(دعوة للنقاش)

                    احسنت احسنت ماعرفت ااش نقول اختي ذاكرة والله يلا كلااااامك معقووول....انا مع كلااامك...والله يهدي ما خلق...
                    أم معاذ وإبراهيم


                    تعليق


                    • #11
                      رد: زوجة لي ولاهلي و اخرى لي وللشارع و.....(دعوة للنقاش)

                      فعلا اختي هي ظاهرة كتخزي كتسود وجه هاد المجتمع المغربي لكن أنا كان شوف ان المراة سواء في الوضعية الاولى او التانية هي ضحية وحتى هداك الرجل لي كايبقا معلق حتى هو ضحية فهم كلهم ضحايا التربية والمجتمع الي خرجات عليه العولمة والمسلسلات والانحلال الخلقي هاد الظاهرة هي ابسط نتيجة لهده الأوضاع للي كيعيشها المجتمع المغربي على وجه الخصوص اما بالنسبة للمرأة في الوضع التاني فهي طبقت الشريعة والدين وتزوجت على حسب التقاليد والاعراف بنية الزواج وإنشاء أسرة والاولى فهي خالفت الشرع دارت بالراي ديال لي كأي قول خاصها تعرف الراجل وتسول عليه وهاهي ولات ضحية إدن المسالة هي قضية اخلاق وتربية لا بالنسبة للرجل ولا للمرأة

                      تعليق


                      • #12
                        رد: زوجة لي ولاهلي و اخرى لي وللشارع و.....(دعوة للنقاش)

                        موضوع مشوق للنقاش
                        تحياتي لك اختي
                        sigpicاللهم اصلح لي طفلي محمد ريان وطفلتي الاء وحفظهم وبلغني فيهم غاية املى ومناي
                        ​بحولك وقوتك

                        تعليق

                        المتواجدون الآن 1. الأعضاء 0 والزوار 1.

                        أكبر تواجد بالمنتدى كان 2,525, 26-09-2016 الساعة 21:58.

                        يعمل...
                        X