إعـــــــلان

تقليص
لا يوجد إعلان حتى الآن.

الاجازات الصيفية و ما أدراك ما الاجازات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الاجازات الصيفية و ما أدراك ما الاجازات

    السلام عليكم و رحمة الله

    مع بداية الاجازات الصيفية تنلقاو بعض الناس تيفكروا غير كيفاش تعامل مع اصحاب المغرب كيفاش تعامل مع ام الزوج و خوتو
    و تلقاها ضاربة ألف حساب و حساب ، عندها الحق فالحقيقة راه ماشي ساهل
    و شو ماجبتيو من الهدايا تيقولو نون كحل العيون واش جبتي شي حاجة حيت على بالهم راه ساهل
    و حنا حيت نمشيو الى تسلمنا منهم شي هدية راه ماقالها حد لحد

    المهم ما علينا في سبيل الله يرجع كل شيء

    المهم كل وحدة تقول لينا مناياش خايفة وشنو اللي كيراقبو فيها أكثر شي و كيفاش كيعاملوك أهل زوجك؟
    و بشحال تتجلسي فداركوم؟
    و بشحال تتجلسي فدارهوم؟


    بالنسبة ليا كيبداو حاطين عليا فتصرفاتي كلها يا لطيف الطف و بدون ما يبينو كل شي تحت الدف و لكن كنحس بيهم و كنخلي كل واحد منو لله
    و ثاني شي كيهمهم الغلظ بشكل فظيع و انا ماشي من النوع ليتيغلاظ بسرعة و انا وائقة من نفسي الحمدلله و ماكيعجبنيش الغلظ بزااف حيت كيكبر في السن بلا قياس
    فالى كانوا يبغيوه بيناتهوم المهم عندي شنو كنبغي انا فقط و الحمدلله و الشكر لله و حاجة اخرى شقا الدار يا لطيف و كيديرو بحال الى انا ليخاصني نقابلهوم ايوة الحمدلله و الشكر لله و الله يهدينا و يهديهم

    ايوة جا دوركوم
    فشو قلبكم هنايا
    نتمنى يلقى تفاعل




  • #2
    أختي بالنسبة لينا حنا بحكم المسافة بعيدة ما كنسافروش كل عام يعني كنكونو عززاااااااااااااااز هههههههه

    الله يرحم من زار و خفف يعني الكونجي ما كيفوت شهر ايوى حنا كنقولو ليهم السلام عليكم بسلامة عليكم ههههههه






    سأغيب لمدة ، لا تنسوني من صالح دعائكن أحبتي

    تعليق


    • #3
      اختي ام يحيى واش نتينا مغتربة....؟؟؟ بالنسبة للهدايا غير خليها على الله خصك دبقى 3 شهور قبل مادهبط نالمغرب ونتينا كدجمع,,, انا معنديشي مشكل هوما ماشي متطلبين فالهدايا يعني ماشي ضروري دكون غالية,,اللي جبتيها يقبلوها , ولكن هوما بزاف , اخوات راجلي وولاد ختو وناس اخرين من العاءلة ديالو,, انا مكرهتشي لو كانو يزولو هاد القاعدة دالهدايا ونديو غير الشوكلاط, حيتاش متعبة ماشي غير من الناحية المادية ولكن حتى تمارة فالشري وخصك دختار هادي وهادي وهادي دعجبوم وهادي لا ,,,

      تعليق


      • #4
        السلام عليكم..
        الموضوع فيه نقاش وليس هنا مكانه ..نقاش وابداء اراء لا باس ان ينقل لقسم النقاشات الجادة ..ونقول بدوري باني غير مغتربة ولكن عند سفري عند اخي مثلا عادي ان اشتريت هدية لصغيريه مثلا ..لان النبي صلى الله عليه وسلم تيقول تهادوا تحابوا...الهدية عربون حب وعربون تذكار وعربون اننا لم ننس الاخرين وهم اقاربنا..الهدية لها ذوق خاص وطبع خاص...ولا تشغلي بالك انيقتي بملابس او باشياء ان تقومي بها فهي لن تنقس من مدخول زوجك شيئا..هو يعمل ويكد ويريد ان يفرح ابناء اخوته..ربي يحفظهم لبعضهم يارب ..هذه عادة محمودة وليست متعبة ان فكرنا باننا نقوم بذلك لوجه الله تعالى ....

        استودعكن الله الذي لا تضيع ودائعه
        ام نسرين واخواتها اللهم اجمعنا في ظلك يوم لا ظل الا ظلك
        امة الستير طهورا حبيبتي

        تعليق


        • #5
          انتن انيقاتي هل لكن وجهة نظر مختلفة ...

          استودعكن الله الذي لا تضيع ودائعه
          ام نسرين واخواتها اللهم اجمعنا في ظلك يوم لا ظل الا ظلك
          امة الستير طهورا حبيبتي

          تعليق


          • #6
            إوا أش غادي نقول ليك أنا لي شريتو كيقبلوهم و بعض المرات هما كيقول ليك أش خاصهم
            قبل منولد فاش كنهبط مكيديها فيا حد و مكيتسوقوش ليا كنبقا غي فدارنا أما مني ولدت ومع ولدت بنية و عكوزتي ولدا غي الولاد ولا كينوض صداع إلى ممشيتش عندهم مع راجلي مكيبغينيش نبات فدارهم مع كينين خوتو


            تعليق


            • #7
              انا كنت كنمشي بزاف عند واحد صديقتي اخواتا كلوم مجوجين وكنت كنسمع ماماها ملي كدعلق على النسا دولادا وهاد الشي فادني بزاف وحاولت نتجنب بزاف دالاخطاء, مثلا ملي كنكون مع عاءلة راجلي, ملي كنوض من النعاس اول حاجة نعملا نجمع فراشي , وخا نكون خارجة ولا مزروبة , حوايجي ديما مطويين , ملي كدنوسخ شي حاجة نصبنا بيدي , خصني دايما نبان انيقة قداموم, شعري معوط ونلبس فداروم القفاطن اولا العبايات, ملي نكون داخلة عندوم ندخل شي حاجة فيدي, ,,,, المشكلة بعض المرات كنحس براسي ماشي مرتاحة لان فشي مواقف كنحس براسي بحال اللي كنتصنع, لان انا الشخصية ديالي بسيييطة وعفوية بزاف, وكنميل للصمت, وهوما تبارك الله كيهدرو بزاف, فالاول ملي دخلت لدار عاءلة راجلي جتني فشكل هوما كيهدرو بزااااف وانا غير ساكتة واللي كان كيبقا فيا بزاف انني فشي لمرات كنجبر راسي كنفهم حسن منوم ولكن غير ساكتة ومع الوقت ولفت راسي نهدر بحالوم, لدرجة انني فشي مرات كنهضر وهوما ساكتين هههه, عاءلة راجلي مزيانين معايا هوما ناس الله يعمرها دار , زعندي عزازين , لحد الان عمرنا مدابزنا ,من غير شي مواقف كانو وقعولنا فالاول, وانا كان بامكاني نتعاند ومنتسامحشي ولكن قابلت كلشي بابتسامة , هوما رغم معاملتهوم المزيانة الا انني متأكدة من انهم كيهدرو فيا وكيعلقو على تصرفاتي, لان ماماه وخواتو ماكيفلتوشي شي موقف بلا ميعلقو عليه, و كبداو بموضوع ويدورو على المواضيع كلهاااا, ويبقاو يهدرو بالسوايع, وكيعلقو على الناس . وبينهوم وبين راسوم هوما ماكيهدرو فحد هههه, وعاد انا شحال من مرة حصلتوم كيهدرو فيا, وعاد ماماه ماشي مرة ماشي جوج كدبت عليا, ولكن انا مكنقولالاشي, كيبقى فيا الحال ولكن عاود كنقول الحموات والواسات كملين كيعملو هكدا مع مرات ولدوم وخا دكون عندوم عزيزة.

              تعليق


              • #8
                وملي تزوجت راجلي كان فالخارج وانا فالمغرب, وماماه كانت دابا وساعة كدعيطلي نجي عندوم لان كنفكرا بولدها, معنديشي مشكل فالكلاس فدار ماماه , نقدار نبقى معاها مثلا اربع ايام ونبقى فدارنا 3 اسابيع عاود نرجع عند عكوزتي. , الصراحة كنتونس معاهوم فالدار لانها كدكون عامرة وعاد كيتهلاو فيا, وملي كيجي راجلي كنبقي الاكثرية دالوقت معاه فدار والديه,ودابا ملي طلعت معاه نفرنسا وكنهبطو نالمغرب عاود تفس الشي,,, الشغول ددار مرة مرة كنعاون, المهم كندخل نالكوزينة وكنعاون على قد اللي نقدر عليه,,,, المهم عكوزتي عندي عزيزة بزاف وكنتوحشلا وكنفرخ ملي كنهدر معاها حتى خوات راجلي نفس الشي وكنشجع راجلي لتهلا فيها , ولكن بعض المرات كيبقى فيا الحال من شي تصرفات كيعملوها ومن شي هدرة كدكوز من مورا ضهري , ولكن كنعمل راسي ما سيقا خبار ههه,

                تعليق


                • #9
                  اختي ام الصالحين شكرا على مرورك الطيب, بالنسبة للهدايا انا لا اتذمر لانها مكلفة ماديا, بل لانها تصبح كالهاجس الثقيل, فرحة بسفري للمغرب ولقاء الاحباب, لكن فرحي يقابله التفكير بالهدايا, اشخاص كثيرون, فءات عمرية مختلفة واذواق مختلفة, وعلي ان اخصص اياما للخروج فقط لشراء الهدايا, لو كانت مرة في السنة لا مشكل, لكننا وخاصة انا اسافر للمغرب ثلاث او اربع مرات في السنة وفي كل مرة يجب ان ناخذ هدايا, تصوري اننا في بعض المرات نضطر لننقص من امتعتنا وملابسنا لنجد مكانا نضع فيه الهدايا,

                  تعليق


                  • #10
                    اخواتي في الله
                    السلام عليكم ورحمة الله وبركاته
                    انا عجبني الموضوع وحبيت نعطي فيه راي وخا انا ماشي مغتربة ..
                    وقبل من كل شئ حابة كدالك نشد على يد امنا ام الصالحين ونشكرها كثير على وجهة نضرها التي تؤكد على انها امراة صالحة
                    تبارك الله اسم على مسمى

                    نرجع للموضوع

                    انا متنفهمش علاش الاخوات كيتدمرو من هاد القضية المتعلقة بالهدايا وعلى الخصوص الى كانت كيخصو بها احباب الزوج.....!!!!
                    لكن ان كانت تهم احباب الزوجة فلا مشكل في دالك.... علاش هادشي??
                    انا قلت هاد الامر لانه عندي نمودج حي لهدا الامر.
                    والله العضيم الا كتسيفط لدارهوم غير الفن ..دالفن.... لدرجة اختها حوايجها كلهم من الخارج
                    ومني كتجيب شي حاجة لينا نحن احباب الزوج كتجيب شياطة دالشينوا
                    ومع كلنا عندنا تبارك الله اللوليدات... الله يخليهم ويبارك لينا فيهم..
                    كتجيب الاقلام الملونة وستيلويات...هههههههه ولينا احنا قلنا لخويا لايباقي يجيب لحتى واحد شي حاجة راه كلشي هنا موجود و ماكدبتش .... وتهنينا...
                    انا معاكم انه الى كانت العائلة كبيرة كيكون الامر صعب شيئاما... لكن يكون عدل في التعامل بين اسرة المراة و اسرة الراجل حيث لولاه هو ما كانت تعرف اشنو هو داك الخارج
                    و الله ثم والله حتى الراجل كيرد البال لكل شئ وخا تتكول عند بالها راه مدا مجاب بالحق كيخرجهم منها غير بشوية عرفته السم دالرجال منعاودش ليكم
                    اما بخصوص التعامل والله حتى كنعاملوها كيف اختنا واكثر و الله شهيد على ما اقول
                    مني كيجيو وهما فالعرايض عندهادا والاخر ناهيك على الهدايا الغالية والرائعة لي كنوضو ونطيحو ونشريوها لها وللاولاد اي مني كتجي وهي مهزوزة فوق الراس مكتحط يدها فحتى حاجة
                    لكن كل في وجه اخي قليل وقليل بزاف
                    المهم انا كنتمنى من كل اخت مغتربة انها في اقتنائها للهدايا ديال حباب راجلها انها دير فبالها باغا تشري لاخواتها وتكون بنت الناس بحق.....
                    راهما مامحتاجيش لهاد الهدايا.... لكن كما نقولو كيبقى le geste qui compte
                    اعتدر للمشرفات على هاد العرنسية انا معرفتش كيفاش نعرب المثل
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X