و الله الا تعجبت من هاد النوع من الحب.......فالقلوب بيد الله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • و الله الا تعجبت من هاد النوع من الحب.......فالقلوب بيد الله

    اخواتي السلام عليكن عواشيركم مباركين ومسعودين

    غادي نحكي ليكم هاد القصة اللي وقعات في الدرب عندنا واعطوني رايكم
    فقنا واحد الليلة تقريبا الساعة 3 تاع الصباح بلبلة وخصومة وبكاء ، هو ينوض راجلي نزل باش يشوف آش واقع..... لان المشكل عند جارتي امراة عجوز ولكن طيبة وعندها اولاد كبار باقيين بلا زواج......فوجد زوجي فتاة جميلة تصرخ انا كانبغيك آ عزيز........علاش ماتزوجش بيا والله مانخسر ليك خاطرك ......هو يقول ليها راجلي مالكي مصدعانا ومنوضا درب في هاد الليل
    وهي تجاوبو راه ضيع ليا 7 سنين من عمري علاش كاي يضحك عليا
    انا والله من نتفرق معاه ....... ماتفرقنا الا الموت....... المهم خوتو جراو عليها وشبعو فيها تصرفيق
    راجلي خاصم على الجار وقال ليه حرام عليكم ما ضربوهاش ...... وعلاش كتضحك عليها
    كما كات تمشي عندها ما تجيش عندكم
    المهم مشات الفتات وباتت في الزنقة وفي الصباح لقيتها باقة عاسة على عزيز وقاعدة على حافة
    احد الابواب.
    وسالت جارتي العجوز وقلت ليها راها زوينة علاش ماتستريهاش وتزوجيها لولدك ، قالت ليا
    ماتليقلش ليه راها بنت الزنقة ، كون كانت بنت دارهم كاع ماتجي في الليل مع 3 تاع الصباح
    قلت ليها مسكينة ما خافت من لاراف ....... ما خافت من الشمكارة تاع الليل....... كاي بان ليها غير ولدك ...... راه جابوهم من الفنادق وداروهم في الصنادق
    المهم مرت 4 شهور وعادت الفتاة وباتت امام عتبة دار عزيز..... وفي الصباح سمعتها تقول للعجوز عافاك آ مي فاطنة زوجيني ولدك ....... والام كتقول ليها سيري فحالك بعدي من ولدي
    وهي تقول ليها الفتاة ما بغيتيش آ مي فاطنة ....... أنا غادية نمشي عند زوجك ونطلبو لان زوج العجوز كاي يسكن في البادية
    المهم واحد النهار دقت علي اخت عزيز يعني حبيب الفتاة وقالت ليا مرحبا بيك آ لالا عندنا
    قلت ليها آش من مناسبة وهي تضحك راه خويا عزيز تزوج
    بمن ؟؟ وهي تضحك وكالت ليا ديك المسطية ....... آش غانديرو زوجناهم
    خديت معايا هدية بسيطة ودخلت وكنت الوحيدة من الجيران ....... واستقبلتني العروس وعنقتني
    اسمها نعيمة........ وكانو اهلها وجيرانهم ناس بسطاء...... باينة مهورة غير كتضحك
    وجابو القصعة ديال العروس اللي جابو اهلها....... قصعة ديال الكسكس مزوقة بالفانيد والمصاصات
    والمساكي على الطريقة التقليدية ......
    وملي بغينا نخرجو جات امها عند اخت العريس وقالت ليها ....... الله يسترك كيف سترتي بنيتي
    وقبلتو عليها الله يفرحك بالجنة ...... فحسيت بالبكاء في هاديك اللحظة لانه باينة الام مقهورة........ ما ليها حيلة مع بنتها
    هاد الحب اللي حمقها وهترها........ وتبارك الله عليها غير هي بوحدها فيها جمعية نسائية ناضلت من اجل حبها ...... وربحات ........ من هنا اكتشفت ان الله حفظها من مصائب الليل لان القلوب بيديه ...... المهم مبروك عليها والله يستر ويحفظ بناتنا وبلا ما نتعجبو.

  • #2
    سبحان الله الله يكون مع المبتلين ويسترهم يا رب والله يعمر قلوبنا بمحبة رسول الله
    واش غنقول ليك ختيتي عزة النفس ولا بد منها والحشمة واكبرياء الفتاة عطاه ليها الاسلام الراجل هو لي يجي يخطبها ماشي هي تجي لدارهم ولكن الله يعفو ربما البنية مسيكينة ماشي لخاطرها الله يهنيهم

    تعليق


    • #3
      المشاركة الأصلية بواسطة كبيرة اخواتها مشاهدة المشاركة
      سبحان الله الله يكون مع المبتلين ويسترهم يا رب والله يعمر قلوبنا بمحبة رسول الله
      واش غنقول ليك ختيتي عزة النفس ولا بد منها والحشمة واكبرياء الفتاة عطاه ليها الاسلام الراجل هو لي يجي يخطبها ماشي هي تجي لدارهم ولكن الله يعفو ربما البنية مسيكينة ماشي لخاطرها الله يهنيهم
      شكرا اختي على مرورك
      معك حق فيما قلتي,.........ولكن الله غالب

      تعليق


      • #4
        اختي هاد الزمان البنات ولو في شكل مابقات عندهم عزة النفس ،ممكن يديروا على الزواج اي حاجة،تصوري تلقاي بنت عندها 14 سنة وبغا تزوج وقادا توقف في وجه والديها غير باش تزوج .سبحان الله اوالله يستر وصافي.
        sigpic

        رب إني مغلوب فانتصر، و اجبر قلبي المنكسر، و اجمع شملي المنتشر، إنك أنت الرحمن المقتدر، اكفني يا كافي فأنا عبدك المفتقر

        تعليق


        • #5
          المشاركة الأصلية بواسطة matilda مشاهدة المشاركة
          اختي هاد الزمان البنات ولو في شكل مابقات عندهم عزة النفس ،ممكن يديروا على الزواج اي حاجة،تصوري تلقاي بنت عندها 14 سنة وبغا تزوج وقادا توقف في وجه والديها غير باش تزوج .سبحان الله اوالله يستر وصافي.
          واييه آ اختي والله الا بصح
          كاي سحاب ليهم الزواج ساهل غير عكر وانعاس...... الراجل راه طفل كبير الخاص لمرا تكون دبلوماسية معاه وصبارة
          وحاضية ومرة مرة تدير ميكة متحكش على الضبرة ..... تدير بحال شي قبطان ديال السفينة ..... ملي كا توقع شي كارثة في البحر القبطان كايبقى هو الاخير في القانون ما يمكنش ليه باش يهرب هو الاول باش يعتقها خاصو يعتق اللي معاه واللي راكبين ويبقا هو الاخير

          تعليق


          • #6
            اللهم استرنا واستر بناتنا واستر بنات المسلمين أجمعين
            اللهم استرنا فوق الأرض وتحت الأرض ويوم العرض يا رب العالمين
            الحمد لله ستروها ودخلوها دارهوم أحسن ما تبقا في الشارع والشرع لا يرحم أبداً
            sigpic

            تعليق


            • #7
              الله يهدي جميع بنات المسلمين وشبابهم إلى الصراط المستقيم ويجعل منهم جيل يعتز به الإسلام
              نسأل الله لنا ولهم الستر في الدنيا والآخرة
              مشكورة أختي

              تعليق


              • #8
                االله يستر بنات المسلمين و يرزقهم الزوج الصالح ايوا مسكينة ضيعات 7 سنين من حياتها راها تدير كثر من داكشي باش تتزوجو ايوا الله يوفقهم

                تعليق


                • #9
                  اللهم استر بناتنا وبنات المسلمين واستر من سترتها وساعدتها ااااااااااااااااااامين
                  اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

                  تعليق


                  • #10
                    اللهم استرنا واستر بنات المسلمين

                    العيب ماشي دائما في البنات انما في العائلات بالدرجة الاولى ثم في الرجال الي ماصبحات عندهم كلمة ولا رجولة الله ياخذ فيهم الحق

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X