ذكريات الطفولة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ذكريات الطفولة

    السلام عليكم و رحمة الله و بركاته

    كيدايرين البنات؟ كنتمنى تكونو بخير و في أحسن الأحوال

    هادي أول مشاركة ليا في هاد القسم. كنتمنى يكون موضوعي في المستوى و يعجب الانيقات و يساهمو معايا

    في الحقيقة بغيت نتقاسم معاكوم ذكريات الطفولة الجميلة. و أنا متأكدة كل وحدة فينا عندها ما تقول في هاد الموضوع

    هي أيام جميلة لا تعوض و أول حاجة بغيت نتقاسم معاكوم قراءاتي المتواضعة في فترة الطفولة

    من بين أول القصص لي قريت كانت قصة تأديب الاميرة لعطية الابراشي. و بكيت حتى شبعت ههههه حيت تأثرت بزاف بالقصة. و من بعد قريت المجموعة كلها ديالو

    من بعد قريت شي أعداد من مجلة بساط الريح و لكن ماشي بزاف

    ثم قصص المغامرون الخمسة ( باقا عاقلة على عماد / جلال / وحيد / سعاد و شهيرة و كلبهوم سامبو واقيلا و الرقيب سامي)



    كانت سلسلة زوينة

    و لكن من بعد تبليت بالمغامرون الثلاتة ( ياسر / جاسر و اختهم هند) و كلبهم عجيبة و باقا عاقلة على المربية ديالهم دادة عواطف هههه و عمهوم المفتش عماد



    كنت كنشري واحد القصة و نبقى نبدلها من المكتبة ب 50 سنتيم

    مجلة ماجد حتى هي دوزت معاها أجمل اللحظات و من الشخصيات لي باقا عليها شمسة و دانة / كسلان جدا / زكية الذكية.......



    كانو مجلات أخرى كنقراها مرة مرة بحال باسم / العربي الصغير / براعم الايمان و لكن مجلة ماجد كانت هي المفضلة عندي






    كانت المكتبة الخضراء حتى هي كنتسلفها من عند البنات و زيد و زيد


    هادو كانو بعض الذكريات القديمة. كنتمنى يكون تجاوب من الانيقات و كل وحدة تعاود لينا على ذكريات الطفولة

    ملحوظة / الصور المرفقة منقولة من النت








  • #2
    مشكورة اختي "نحلة العسل" رجعتي بينا لدوك الايام وبرافو عليك مزالة عاقلة حتى على سمياااااااااات بالنسبة ليا كنت كنت نقضي وقتي مع صحاباتي أكثر ومراااات التلفزة لكن بالنسبة لقراية كنت مع المكتبة الخضراء وتنعقل اول قصة قريتها بعنوان "البنت والثعلب" حتى كملت السلسلة خصوصا وان المدرسة جاتنا حدا المدرسة يعني فاي وقت تلقاينا تم بين المجلات وحتى العربي الصغير.
    لكن في القلب مكان

    تعليق


    • #3
      المشاركة الأصلية بواسطة بنت في النت مشاهدة المشاركة
      مشكورة اختي "نحلة العسل" رجعتي بينا لدوك الايام وبرافو عليك مزالة عاقلة حتى على سمياااااااااات بالنسبة ليا كنت كنت نقضي وقتي مع صحاباتي أكثر ومراااات التلفزة لكن بالنسبة لقراية كنت مع المكتبة الخضراء وتنعقل اول قصة قريتها بعنوان "البنت والثعلب" حتى كملت السلسلة خصوصا وان المدرسة جاتنا حدا المدرسة يعني فاي وقت تلقاينا تم بين المجلات وحتى العربي الصغير.
      عرفتي بقيت عاقلة حتى على اسماء الشخصيات حيت قضيت معاهوم وقت طويل ماكنتش كنتفرج فالتلفزة بزاف و نيت حيت بقيت محتفظة ببزاف ديال الاعداد من دوك القصص و المجلات حتى عطيتهوم لولاد اختي. بالنسبة لقصص المكتبة الخضراء معمرني شريتها لكن كنت كنتبادل مع البنات و قريت منها اعداد كثيرة و كانو كيعجبوني الرسوم لي فيها

      شكرا لمرورك احبيبة. نورت الموضوع







      تعليق


      • #4
        شكرا لك أختي نحلة العسل على الموضوع ، صراحة أيام الطفولة يا ليثها تعود ، أنا صراحة كانت طفولتي هادية جدا ، ما بين المدرسة و الدار و صاحبتي إلي هي بمثابة أختي حيث تربينا مجموعين ، كنت نمشي للمدرسة و لما نرجع نبدل ملابسي و كانت أمي الله يخليها ليا تخلي الماعن حتى نجي و نغسلهم حيث بغاتني نتعلم الشقا ، كنغسل الماعن و من بعد ندير التمارين ، أو تجي عندي صاحبتي نلعبو أه أه ، و نهار الأحد نخرج نلعب معاها الأقراص أو لا كان الأب ديالي الله يرحمه يخرجني معاه للسوق أه يا ختي على أيام ، و شي مرات نبقى جالسة لوحدي ملي صاحبتي تمشي تفرج في الأفلام المصرية و تبقى تطلب فيا أجي تفرجي معايا نقول ليها أنا ماكانفهمش أش يقولو ، صراحة أيام لن تعود مهما كان أختي ، تقبلي مروري على صفحتك
        اللهم إجعل والدي ممن تقول له النار اعبر فان نورك أطفأ ناري














        تعليق


        • #5
          المشاركة الأصلية بواسطة mariam11 مشاهدة المشاركة
          شكرا لك أختي نحلة العسل على الموضوع ، صراحة أيام الطفولة يا ليثها تعود ، أنا صراحة كانت طفولتي هادية جدا ، ما بين المدرسة و الدار و صاحبتي إلي هي بمثابة أختي حيث تربينا مجموعين ، كنت نمشي للمدرسة و لما نرجع نبدل ملابسي و كانت أمي الله يخليها ليا تخلي الماعن حتى نجي و نغسلهم حيث بغاتني نتعلم الشقا ، كنغسل الماعن و من بعد ندير التمارين ، أو تجي عندي صاحبتي نلعبو أه أه ، و نهار الأحد نخرج نلعب معاها الأقراص أو لا كان الأب ديالي الله يرحمه يخرجني معاه للسوق أه يا ختي على أيام ، و شي مرات نبقى جالسة لوحدي ملي صاحبتي تمشي تفرج في الأفلام المصرية و تبقى تطلب فيا أجي تفرجي معايا نقول ليها أنا ماكانفهمش أش يقولو ، صراحة أيام لن تعود مهما كان أختي ، تقبلي مروري على صفحتك

          شكرا اختي لمشاطرتك ايانا هاد الذكريات الحلوة. حتى انا كنت هادئة فطفولتي و خوافة هههههههه و مكرضاش يغوت عليا شي حد (ما بالك يضربني) لا من الاهل لا فالمدرسة. اما الرفقة فكانو عندي اخواتي الله يحفظهوم ليا هوما معامن كنت كنلعب حيت متقاربين فالعمر اما الصديقات فكنعرفهوم غير فالمدرسة صافي ماكانت ماما كتخليني نمشي عند حد . ايوا هادوك اجمل الايام







          تعليق


          • #6
            السلام عليكم..
            الطفولة كانت فيها محطات جميلة واخرى ربما لا بالنسبة لي..
            قرات كتب فرنسية للمكتبة الخضراء وربما ما قراته بالعربية كانت ترجمته بالفرنسية وكنت اموت في الرسم وكنت احب ركوب الدراجة وهيهات الايام فالطفولة انتهت بسرعة يعني الطفولة موؤودة ككثير من الابناء الذين لم يوفقوا ليتبوا في حجر اباء مجمعين ..اما لوفاة او لفراق او طلاق..
            السلام عليكم.

            استودعكن الله الذي لا تضيع ودائعه
            ام نسرين واخواتها اللهم اجمعنا في ظلك يوم لا ظل الا ظلك
            امة الستير طهورا حبيبتي

            تعليق


            • #7
              باسم لله الرحمان الرحيم
              الطفولة هي اجمل مرحلة من مراحل الحياة فيها البراءة
              انا في طفولتي قريت بزاف الموسوعات الاسلامية لي كتحكي على الانبياء وقصصهم هدشي باش بديت حيت جاتني هدية
              واللعب ملعبتش بزاف للاسف





              تعليق


              • #8
                أيام الطفولة من أجمل الأيام اللي عشناها ولا يمكن تتعوض كانت فعلا البراءة ماشي بحال دابا كان ممنوع علي نمشي عند أي حد من صديقاتي وخصهم هم يجيوني حيث كنت وحيدة عند دارنا تيخافوا علي بزاف من كل شي وكان تيعجبني نخيط ملابس للمونيكات نهار وما طال وانا نفصل ونخيط وكنت دائما نتسنى اللي يدق علي في الدار باش نلعب معهم قدام باب دارنا ممنوع نزيد القدام وكنت هادئة وعندي صديقات بكثرة لكن القراية كنت أحب ماجد وأي قصة تكون بطلتها فتاة وأتعايش معها وأبكي من قلبي ههههههههههههههه.
                وللأسف الآن أولادي يفتقدون لمثل هذه الفترة من حياتهم كنت أتمنى يعيشوا طفولتهم بحالنا كما عشناها في المغرب.
                ا:s11353:

                تعليق


                • #9
                  صراحة ايام جمييييييييييييييلة بزاف شكرا اختي

                  تعليق


                  • #10
                    المشاركة الأصلية بواسطة ام الصالحين مشاهدة المشاركة
                    السلام عليكم..
                    الطفولة كانت فيها محطات جميلة واخرى ربما لا بالنسبة لي..
                    قرات كتب فرنسية للمكتبة الخضراء وربما ما قراته بالعربية كانت ترجمته بالفرنسية وكنت اموت في الرسم وكنت احب ركوب الدراجة وهيهات الايام فالطفولة انتهت بسرعة يعني الطفولة موؤودة ككثير من الابناء الذين لم يوفقوا ليتبوا في حجر اباء مجمعين ..اما لوفاة او لفراق او طلاق..
                    السلام عليكم.
                    و عليكم السلام و رحمة الله و بركاته
                    افهم من كلامك حبيبتي ان ايام طفولتك لم تكن سعيدة دوما. في الحقيقة هناك ايام لا يحب الانسان تذكرها. شخصيا اتناساها و اتذكر الايام الجميلة فقط
                    اتمنى ان تكون طفولة ابنائك اسعد بكثير يا ام الصالحين. و شكرا جزيلا لمقاسمتك لنا و لو جزءا صغيرا من الماضي
                    جزاك الله كل خير







                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X