إعـــــــلان

تقليص
لا يوجد إعلان حتى الآن.

النظافة في احيائنا السكنية ؟كيف نحافظ عليها؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • النظافة في احيائنا السكنية ؟كيف نحافظ عليها؟

    السلام عليكم ورحمة الله وبركاته


    اخواتي الكريمات بغيت نعرف رايكم في موضوع رائج في بلادنا وللاسف وخصوصا في مدينة الدار البيضاء الي كتعرف نمو سكاني واقتصادي كبير. موضوع النظافة. ايه النظافة مع انني كنخجل نتكلم على هاد الامر الي المفروض يكون بدون نقاش بما اننا مسلمون .
    كنلاحظ وكنظن ان الامر كيزعجكم حتى انتما ان معظم الناس كينظفو بيوتهم ويوسخو ما حولها ظنا منهم انهم قاموا بالواجب والغريب انني كنشاهد اصحاب شواهد عليا كيقوموا بهاد الظاهرة يعني الامر مكيخصش غير الاميين وانما عامة الناس .
    الموضوع شاسع وظنيت اننا من خلال المنتدى ممكن نعطيو امثلة لي ممكن اي انيقة منا تطبقها في مجتمعها باش نرصخو مبدأ النظافة والحفاظ على الاحياء بالمظهر الي يليق بها وخصوصا في التجمعات السكنية الجديدة الي للاسف صبحات كتوحي بانها قديمة الى شفناها من زاوية النظافة.

    بجد محتاجة للردود والافكار لانه امر كيضر في الخاطر

  • #2
    عزيزتي وغاليتي

    النظافه من الإيمان

    لو إهتم كل شخص بالنظافة أمام بيته



    لأصبح كل حي نظيفاً


    وعلى ألامانة القيام بواجبها بإخلاص وعدم تمييز أحياء

    عن غيرها


    وغرس حب النظافه وتعليمها للأطفال من صغرهم له دور

    كبير


    والتعاون بين الجميع هو الحل الأجمل

    تحياتي لكي وفائق التقدير والاحترام
    خالة سندس

    تعليق


    • #3
      اشكرمرورك العطر خالة سندس

      ليتنا نعلم ابناءنا ان النظافة ليست امرا خاصا بالبيوت فقط بل نظافة الحي واجب من واجباتنا ايضا ولا يجب الاعتماد على الغير قي القيام بذلك

      تعليق


      • #4
        أختي نبيلة راك تعزفي على الوتر الحساس كما قالو هههههههه

        قضية النظافة راها واضحة وضوح الشمس غير حنا كندرقوها بالغربال هههههههه

        شتي على أمثلة دخلتلك بيهم ههههههه مجهدة ياك ؟

        المهم أختي راه المشكل عندنا فالعقلية, رجع عندنا عرف ننظفو الدار و نوسخو المدارس و الطرقان و الادارات و الحدائق و الشواطئ, نحافظو على الملك الخاص و الملك العام منديوهاش فيه !!!
        تحضرنا فاللباس و صممنا أحلى موديلات, و تحضرنا فالأثاث و شرينا الأحسن و الأروع, تحضرنا فالأفكار و العقول و رجعت المرأة مساوية مع الراجل.... و أنت مزال كتسولي على النظافة ؟!!!
        الله المستعان أختي راه كلشي رجع بالمقلوب.

        شخصيا لا أجد أي مشكل في نظافة الحي و لله الحمد, هادي الحاجة للي زوينة فالعيالات للي ساكنين فالحي ديالنا, محافظين على نظافتو و يوصيو وليداتهم و كيخرجو كل مرة بعدما نتفقو كاملين و نقيو الحي من *أ* الى *ي*
        بصح طرقان المدينة و السوق وزيييييد و زيد راه حدث ولا حرج
        واحد النهار كنت مزال نقرا و كانت معايا صاحبتي خديتا كاطو و كليناه و مللي ساليت درت الكاغط عندي فالصاك و بقات تضحك عليا و جاها العجب !!! قالتي كتحافظي على البيئة بطريقة استفزازية . انا سكت ومابغيتش نكتر الهدرة الخاوية و هي مزال تقولي راه كلشي كيرمي فين غادي يبان الكاغط ديالك انت بوحدك... ايلا بغينا نتغيروا هذا هو الأساس للي نعتمدوه و كل واحد يربي راسوا و كاع ميديها فالناس و يقلدهم فقلت العقل و الحوايج السلبيين....

        و من ناحية الاقتراح بخصوص الحياء السكنية أنا شايفا الطريقة للي دايرين عيالات الدرب عندنا مزيانة, نتفقو مرة فالأسبوع على حسب اهتمامات الأغلبية و ايلا غابت وحدة أو جوج ماشي مشكل نعدرو بعضياتنا و كل مرة الدور على وحدة و هادي هي الدنيا

        تقبلي مروري المتواضع حبيبتي نبيلة على صفحاتك الطيبة و ساعتك مبروكة

        نتمنى من الأخوات تفاعل أكثر حيت الموضوع غاية في الأهمية و لربما كان عندو دور كبير في تجديد الهمة


        كريدي البنك شنو غير فحياتك ؟

        تعليق


        • #5
          المشاركة الأصلية بواسطة نبيلة21 مشاهدة المشاركة
          اشكرمرورك العطر خالة سندس

          ليتنا نعلم ابناءنا ان النظافة ليست امرا خاصا بالبيوت فقط بل نظافة الحي واجب من واجباتنا ايضا ولا يجب الاعتماد على الغير قي القيام بذلك
          فعلا هدا هو المشكل كلشي منا
          شككرا لك غاليتي

          تعليق


          • #6
            شكرا لمرورك حبيبتي بشارة خير
            في الحقيقة الامر مهم وطارئ للغاية لهذا وجب التفاعل بشدة. بالنسبة للطريقة الي قلتي رائعة خصوصا انها كتعبر على التعاون والتازر الي لازم يكون بين سكان الاحياء.
            عندي ليكم خبر جميل فيما يخص سكان عمارتنا الكرام .الحمد لله وبعد نقاشات كثيرة معاهم توصلنا الى حل وهو اننا نخصصو مبلغ بسيط ونعطيوه مرة في الشهر للسيدات العاملات في النظافة باش يقومو بتنظيف شامل من السطح الى اسفل العمارة مع الععلم انهم كيقومو بعملية التنظيف مرتين في الاسبوع الا انها لا تكون سوى تنظيف سطحي للدروج .والمصاعد.
            خالة سندس لا داعي للشكر اسعدني مرورك

            تعليق


            • #7
              النظافة من الايمان والوسخ من الشيطان عبارة نرددها فقط لكن لا نلمسها في محيطنا بل يمكننا أن نقول ان الاوساخ أصبحت سمة و صفة تميز مجتمعنا العربي الاسلامي
              بينما في المجتمعات الغربية أول ما يشد انتباهك هو النظافة وبريق الشوارع , رغم أن ديننا الحنيف يدعونا للنظافة


              انضري الى واقعنا




              اللهم طهرابداننا وقلوبنا..اللهم اجعلنا من التوابين واجعلنا من المتطهرين...





              " اللهم بلغنا وسلمناإلى رمضان وسلم لنا رمضان وتسلمه منا متقبلا "

              تعليق


              • #8
                كنشكرك اختي الكريمة على طرح هذا الموضوع الهام
                فعلا في مجتمعنا كنفتقدو ثقافة نظافة الحي والاماكن العامة, انا بعدا كيضرني خاطري بزاف مني كنشوف الاحياء متسخة والازبال مرمية هنا وهناك و كنستغرب تصرفات الناس ليكرميو الازبال في اي مكان
                فعلا النظافة تربية وثقافة كل واحد منا يحاول يوعي الناس لي دايرين بيه وليداتو خوتو جيران... باهمية النظافة ويكون قدوة ليهم
                اللهم اهدينا يارب
                حسبي الله لا إله إلا هو عليه توكلت وهو رب العرش العظيم

                تعليق


                • #9
                  المشاركة الأصلية بواسطة اناقة ريم مشاهدة المشاركة
                  النظافة من الايمان والوسخ من الشيطان عبارة نرددها فقط لكن لا نلمسها في محيطنا بل يمكننا أن نقول ان الاوساخ أصبحت سمة و صفة تميز مجتمعنا العربي الاسلامي
                  بينما في المجتمعات الغربية أول ما يشد انتباهك هو النظافة وبريق الشوارع , رغم أن ديننا الحنيف يدعونا للنظافة


                  انضري الى واقعنا




                  اللهم طهرابداننا وقلوبنا..اللهم اجعلنا من التوابين واجعلنا من المتطهرين...

                  شكرا حبيبتي على المشاركة في صفحتي المتواضعة
                  بالفعل اصبحت الوساخة تميز العالم العربي عن غيره فلا نكاد نجد مكانا نظيفا مع ان ديننا يحث على النظافة بجميع انواعها واشكالها

                  تعليق


                  • #10
                    المشاركة الأصلية بواسطة اسماء77 مشاهدة المشاركة
                    كنشكرك اختي الكريمة على طرح هذا الموضوع الهام
                    فعلا في مجتمعنا كنفتقدو ثقافة نظافة الحي والاماكن العامة, انا بعدا كيضرني خاطري بزاف مني كنشوف الاحياء متسخة والازبال مرمية هنا وهناك و كنستغرب تصرفات الناس ليكرميو الازبال في اي مكان
                    فعلا النظافة تربية وثقافة كل واحد منا يحاول يوعي الناس لي دايرين بيه وليداتو خوتو جيران... باهمية النظافة ويكون قدوة ليهم
                    اللهم اهدينا يارب
                    شكرا حبيبتي اسماء لتشريفك لي

                    حتى انا اختي كنتالم كثير لما نشوف مظاهر الاوساخ في مجتمعنا مع اننا بحركات بسيطة جدا ممكن نحافظو على جمال بلادنا والله عز وجل كرمنا ببلد من اجمل البلدان غير نعرفو نحافظو عليه

                    تعليق


                    • #11
                      أختي نبيلة فكرة زوينة ديال عاملات النظافة خاص غير التفاهم فالخلاص و الالتزام ( حيت عارفين الشركة بين الجيران شنو فيها ) و هوما يتقنو العمل و الله الموفق

                      و يبقى مشكل الأحياء و الأماكن العامة مطروح دائما و للأسف


                      كريدي البنك شنو غير فحياتك ؟

                      تعليق


                      • #12
                        السلام عليكم ورحمة الله وبركاته
                        اختي بشارة حنا كنحاولو نقنعو السكان باهمية الموضوع والله تعالى هو المستعان
                        الله يهدينا باش نفيقو ونلتازمو بما هو مفيد لبلادنا راه خاصنا نخدمو مجموعين لان الحكومة وحدها ميمكنش تعمل خصوصا الى الشعب غير مبالي ومكرفس
                        الحمد لله انه كاينة شركات الي كتقوم بالواجب ديالها غير خاصنا نتعلمو منخربوش الي كيصلحو الاخر

                        تعليق


                        • #13
                          و عليكم السلام ورحمة الله تعالى و بركاته
                          بطبيعة الحال خاصنا الوعي و التوعية باش نحافظو على الممتلكات العامة وبلا جينا ناقشو هاد النقطة حتى هي راه كااااااااااااااااين مايتقال, شي مرات كنعدر الحكومة ونقول شحال قدهم هاد المسؤولين ( مع العلم أن أغلبيتهم مقصرين ) مايجيو فين يكملو شي ساحة أو حديقة حتى تكون أعمال الشغب و اللامسؤولية حطمت كلشي و يبقى المنظر مخرب عاد و تمر سنييييييين باش يقررو يصاوبوه و عادو نفس الشئ... الله يهدينا و يهدي الجميع

                          و بخصوص النظافة راه مغاديش الحكومة تخصص عمال يتبعونا حنا نلوحو و هوما يجمعو راه خاصنا حنا نكونو نقيين و نسهلو عليهم الخدمة للي كيديرو عاد باش نحاسبوهم

                          الله المستعان


                          كريدي البنك شنو غير فحياتك ؟

                          تعليق


                          • #14
                            السلام عليكم ورحمة الله وبركاته

                            عندك الحق حبيبتي بشارة الى بقينا بالشكل الي حنا فيه خاص كل مواطن يكون عندو عامل نظافة تابعو باش يجمع الي لاح هو
                            الله يهدينا
                            الي كيحز في القلب ان معظم المخربين من حاملي الشهادات العليا الي كان واجب يكونوا قدوة للباقين .

                            صباحك مبروك اختي بشارة وجمعة مباركة اوصيك ونفسي بتلاوة سورة الكهف

                            تعليق


                            • #15
                              الله يبارك فيك و يطول عمرك أختي نبيلة . وذكر فان الذكرى تنفع المؤمنين , و سورة الكهف و لله الحمد كل جمعة راها فالبال, الله يثبتنا و يثبت الجميع على طريق الحق.

                              أعمال الشغب و التخريب ولات عندنا بحال شي فيروس للي كيتنقل من الصغير للكبير بسرعة مروعة لوكان شي حاجة ديال الفايدة مغاديش تنتشر بهاد السرعة!!!!

                              عندنا فوجدة واحد الطريق كتدي للحدود ايوا ياختي صاوبو الطريق و صبغوها ومللي سلاو دارو واحد المصابح زوينيييييين فالديكور ديالهم على طول واحد القنطرة فوسط الطريق ايوا ياختي دوك المصابح فيهم الزجاج على 4 واجهات, و الله العظيم ماجاو فين يساليو الأعمال ديالهم حتى كانو دوك المصابح فخبر كان كلشي تهرس و تفتت !!!! الله أعلم علاش ؟!!!

                              زيدي عليها سطول ديال الزبل (أعزكم الله) كل مرة تلقايو مرمي فجهة و حالو حاااااااااااااااااالة يا إما الغطاية مهرسة أو هو كامل مشقوق ... و الحيطان مساكن لوكان يهدرو راه حالتهم تبكي و المشكل الكبير فالشوارع الرئيسية تتمشاي و تشوفي الزواق و الألوان و العجب المعجب ها فلان يبغي فلانة, ها تيكتونيك , ها أسماء المغنيين و المشاهير , أما الأفكار الماركسية فحدث و لا حرج ....

                              نسأل الله الهداية لنا و للجميع
                              راه التغيير يمس بزااااااااااف ديال الجوانب فحياتنا اليومية


                              كريدي البنك شنو غير فحياتك ؟

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X