"اوطو سطوب"

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • "اوطو سطوب"

    السلام عليكم اخواتي
    اليوم عندي موضوع انا شخصيا كيهمني و بزاف

    الا و هو "الاطو سطوب" اشنو رايكم فيها و في الناس اللي كيديروها
    واش تقدرو ديرو اوطو سطوب شي نهار

    و انتي الى كنتي كتسوقي و شفتي شي حد داير اطوسطوب واش توقفي ليه او لا

    مؤخرا كنت في الطريق بالليل تقريبا في مكناس واحد السيدة وقفات في الطريق و انا وقفت ليها و في الظلام طلباتني نوصل بنتها لاقرب محطة سولتها انا فين ماشية قالتلي للدار البيضاء قلتلها حتى انا ماشية للدار البيضاء و قلت ليماها غادي نوصلها هي او واحد المعلم راجلي بقا كيخاصم عليا و قالي الى وقف ليك شي حد سيري و خليه انا بقات فيا ساكنة فشي دوار و هي معلمة بالرباط و كان هداك الوقت شي التانية او التالتة صباحا و في الخلاء او واقف في جنبها معلم حتى هو كينتظرماشي للرباط قالي وصليني غير للمحطة قال ليه راجلي لا نوصلوك ماشي مشكل وصلتهم في سبيل الله و فاش نزل مسكين بغا يخلصنا قلنا ليه لا و حتى البنت هاكداك..........................................موراها كلشي عاتبني و لاموني و قالولي كنغامر بروحي لكن انا بقاو فيا في هداك الخلاء و فوقاش بغا يدوز الكار عاد واش يهزهم او لا ايوة و ماماها مسكينة مخرجة معاها الولد صغير و هي ماشي غير جات و خلاتها تمشي معايا و بقات كل شوية كتصل بيها كتسولها فين وصلنا ...............لحد الان كنحكيو مع بعضنا

    لكن كنسمع ان بزاف ديال الناس تعرضو للسرقة او القتل غي ب "الاطوسطوب"

    لحد الان الى شفت شي حد و خاصة التلاميد من نكون في الطريق كنوصلهم معايا

    لكن اليوم خفت و مقدرتش

    بغيت نعرف رايكم في "الاطوسطوب"
    واش عمركم درتوها؟؟؟؟ظ
    واش عمركم ركبتو شي حد وصلتوه في طريقكم؟؟؟؟؟
    واش كتسمعو على السلبيات ديالها

    نحاولو ناقشو هاد الموضوع

  • #2
    السلام عليكم
    بنسبة ليا أختي عمرني مدرتو ولا هزيت معايا شي حد
    لاننا اصبحنا نسمع الغرائب والعجائب
    والكتير من الناس تعرضولضرر من هده الناحية
    بصراحة فعلا انكي تعملين خيرا ولكن ليس كل مرة تسلم الجرة
    فهناك عدت طرق لفعل الخير دون ان تعرضي نفسكي للخطر
    تقبلي مروري
    يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






    فهرس وصفاتي مصور إهداء للجميع **متجدد بادن ** الله

    تعليق


    • #3
      ختي شنو غنقول ليك، حتى أنا كيبقاو فيا الناس بزاف، وداكشي لي درتي هو لي كيخصو يدار، ولكن الحوادث لي كتوقع لا حصر لها، غير مع مالين الطاكسيات مساكن، شحال من واحد تسرق وشحال من واحد تقتل
      وشحال من واحد ضربوه وداو ليه طوموبيلتو
      وما كتقدريش تحكمي على الواحد من المظهر ديالو، كيبان نقي ودرويش ولكن هو فالحقيقة ناوي الغدر

      تعليق


      • #4

        حبيبتي غاديا نحكي ليك حكاية يالله سمعتها اول امبارح من ضيوف كانو عندي وجات على لسانهم وهي
        كانو غاديين للرباط ووقفو باش هزو شي واحد بقى فيهم وفي الطريق وقفهم البوليس وشك في الراجل وملي قلبوه لقاو عندو جنوية كبيرة مخبيها تحت منو وماتصوروش اش وقع بداو هوما كيطلبو عليه وفعلا طلقوه ووصلوه ودازت مدة طويلة وتلاقاو بيه فالدار البيضاء وعرفهم وقال ليهم واش فات منكم هزيتو واحد الراجل في طريق الرباط قالو اه وعقلو عليه قال ليهم هو انا وراه كنت غادي نضربكم بالجنوية من اللور ولكن ملي وقفنا البوليس وعملتو فيا الخير تراجعت ..... وكاين اللي كيهز شي حد وهو حامل للممنوعات وكيتطورط مول السيارة ووووووو اللهم السلامة واللي بغا يوصل يخرج بكري والمواصلات كاينة الحمد لله وشكرا على الموضوع الجدير بالنقاش
        اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

        تعليق


        • #5
          بالنسبة ليا درت اوطوسطوب الاف المرات بالحق ماشي بوحدي حيت كنت كنقرى فلفاك وكانت بعيدة واحيانا كتلقاي الطوبيس مشى عليك وكتضطري توقفي في لوتوروت باش يوصلك شي واحد والحمد لله معمر وقعات شي حاجة وبالعكس هاذيك الطريق ولات معروفة بالاوطوسطوب والناس كيديرو الخير بدون مقابل وحتى حنا راه كنموتو بالخوف ملي كتركبي مثلا مع غريب مكتعرفيش اشنو فراسو بالخصوص ملي كنكونو 2 ديال البنات كنخافو شي حد يهرب بينا ولكن الحمد لله ربي ماكيلاقينا غير مع ولاد الناس ومعمرني تفكرت راسي هزاتي شي مرا بصراحة والانسان كيبان من وجهو وشكرا على هذا الطرح



          تعليق


          • #6
            حتى أنا أختي كانت لافاك بعيدة و الطوبيس قليل و كنا كنضظروا نديروا أوطوسطوب و لكن كنا كنكونوا بزاف بنا طلبة و طالبات و الحمد لله عمرنا ما طحنا فشي مشكل
            دابا أنا الحمد الله عندي سيارتي ولكن في الصراحة عمري ما هزيت معايا شي حد أنا خوافة و الوقت خيابت بزاف

            تعليق


            • #7
              موضوع جدير بالمناقشة
              الصراحة هاد الوقت مابقات ثقة. وليتي ماتقدريشي تفرقي بين الانسان المزيان و الخايب
              ووقعوا مصائب الله يستر بهاد القضية ديال الاوطوستوب
              الصراحة انا مانزعمشي نديرها سواء نهز و لا نتهز.













              مايا 04 سابقا

              تعليق


              • #8
                انا كانشوف بزاف الطلبة كايديرو اطوسطوب يوميا كانلقاهم صراحة كايبقاو فيا بزاف وكانقول مع راسي شكون غايوقف ويوصلهم
                انا ماكرهتش ندير داك الخير ولكن هاد الزمان ما بقات فيه ثقة والوقت خيابت بزاف
                ما تعرفي بنادم اشنو تحت راسو تقدر تهز معاك شي مجرم ولا مجرمة الله يحفظ
                ودابا ولاو شفارا من نوع اخر
                مفركسين والحالة والعطور و فالاخير شفار
                كانصحك اختي ماتهزي معاك حد الاحتياط واجب واللي بغا يدير الخير راه كاينين طرق اخرى
                الله يحفظنا ويبعد علينا كل شر
                بدئنا المنافسة يوم الجمعة 18 يونيو 2010






                سبحان الله وبحمده عدد خلقه ورضا نفسه وزنة عرشه ومداد كلماته

                تعليق


                • #9
                  المشاركة الأصلية بواسطة الأخت سلسبيل مشاهدة المشاركة
                  حتى أنا أختي كانت لافاك بعيدة و الطوبيس قليل و كنا كنضظروا نديروا أوطوسطوب و لكن كنا كنكونوا بزاف بنا طلبة و طالبات و الحمد لله عمرنا ما طحنا فشي مشكل
                  دابا أنا الحمد الله عندي سيارتي ولكن في الصراحة عمري ما هزيت معايا شي حد أنا خوافة و الوقت خيابت بزاف

                  ايوة زعمة متقدريش كانو الناس كيهزوك و دابا انتي مكتقدريش تهزي شي بنت معاك توصليها

                  انا عمري مدرت اوطو سطوب في حياتي
                  لكن نهار درت السيارة كنت كنهز معايا البنات الى شفتهم كيستناو في الطوبيس دائما
                  و حتى سكنت في وجدة مكنعرف حتى حد كنت هزيت واحد السيدة شي زوج د المرات لكن كنعرفها دابا ساكنة قريبة ليا

                  غير البارح كنا خارجين و احنا طالعين من واحد الطريق انا و اختي و شفنا 3 بنات طالعين على رجليهم باش يشدو الطاكسي و انا عارفة هاديك البلاصة خايبة و باينة عليهم برانيات
                  وقفت ليهم قلت ليهم نقربكم لمحطة الطاكسيات
                  زوج دغيا طلعو و التالتة بحالي مباتش خافت قلت ليها متخافيش غير طلعي
                  عرفتي طلعو لقيناهم من المدينة و كيعرفو دارنا وحدة برانية جاية من فرنسا عندهم و تعطلو في القهوة الطريق كلها مشافوش شي طاكسي
                  وصلناهم و مشينا

                  تعليق


                  • #10
                    تبارك الله عليك اسارة انا معنديش طموبيل لا والو غير توقفني شي مراة تسولني فزنقة تنبعد شوية عاد نجوبها تنقول يكما عندها شي فشفاشة دوخني بها ههههههههه راه الوقت قبيح بزاف




                    سبحانك اللهم وبحمدك ، أشهد أن لا إله إلا أنت أستغفرك وأتوب إليك
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X