الأصول مغربية والتربية أوروبية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الأصول مغربية والتربية أوروبية

    بغيت ناقش موضوع التربية فبلاد المهجر كاينين بعض الناس معرفوش يربيو وليداتهم بإختصار جربو كاع لحلول ومنفعاتش وهذا الشئ كله سبابو الحرية الزايدا عن حدها الوليدين معندهم حق يهضرو ولا ضربو ولادهم يدخلو لحبس والطاما الكبرى ملي يديرو 18 تيبغيو يسكنو بحدهم وديك الساعة أشمن تشويكة فراسهم أشمن حوالق فودنيهم أشمن إنحلال وحتى لعربية متيبقاوش يهضرو بها كتمشي من العقل واش تربية أوربية خربات تربية المسلمين تحت جملة الحرية نتمنى نلقى تفاعل لعضوات

  • #2
    sbah nour 12 lmochahada wla rad ma3jabkoumch had l modo3 hada rah mochkil kbir tayhadad mosta9bal wlidatna lh9ach nas bezaf taychkiw min had lmochkil

    تعليق


    • #3
      صباح الخير اختي امينة المانيا والله انا كيضرني خاطري من كنشوف هدا الجيل تعدى كل الاجيال وشنو غادي نديرو راه ماشي غي أروبا راه حتى المغرب وجميع الدول العربية واش كظني غادي نقدرو نبدلو المجتمع انا وأنت وشي شوية من شبكة مجموع فيها الزوين والخايب راه هدشي غادي وكيزيد مع تطور العلم اللي هضرتي معاه كيقلك انت قديمة او متخلفة او هدشي اثر على الاسلام من الدرجة الاولى اوكان كنا شدين الدين صحيح مايصل الحال على ماهو عليه واش الي كيتزاد حداه التلفاز والكمبيوتر وزيد ..وزيد غادي مايديرش تشويكة والزواهك شغادي نقلك كثير اللي خاصو يقال مع الاسف راه كنشوفو وساكتين وكان نقدرو نبدلو شي حاجة اول شيء وكان بدلنا حال القدس اللي هدا كثر من نصف قرن والصهاينة محتلينو وكنتمنا من الاخوات يتفاعلو معنا وتقبلي مروري

      تعليق


      • #4
        السلام عليكم ورحمة الله
        عيدكم مبارك سعيد و كل عام و انتم بخير
        والله يا اختي الى المشكلة عويصة واخة انا ماشي في المهجر’ لكني مضامنة معاك و متأزمة من الحالة, رأيي انه من الصغر كيخص الاباء يربوهم ويطلعو في معقداتهم العقيدة الاسلامية و يحميوهم من التخلاط مع نوع الاصدقاء’ حتى هنا في المغرب كنا حاضيين ( و الحاضي هو الله ) دائما : متمشيش مع هذاك و متعطلش وعلاش لبستي هذا وسير عند الحلاق وهكذا’ ويارب يهديهم و قدركم على تربيتهم ويعينكم على ذلك
        sigpic

        {إن مرت الايام ولم تروني فهذة مشاركاتي فتذكروني
        وان غبت ولم تجدوني أكون وقتها بحاجة للدعاء }

        **فادعولي**

        تعليق


        • #5
          مسا الخير عليكم
          أولا مبروك عواشركم والله يجعل هاد العيد مفتاح الخير والرزق والسعاده على الجميع

          بالنسبه لموضوعك اختي أمينه راه موضوع مهم بزااف حيت الظاهره اللي هدرت عليها تعدت جميع الحدود

          بناء المجتمع كيبدأ من البيت أولا وباش يكون عندنا مجتمع صالح خص يكون البيت صالح والصلاح كيجي من الوالدين
          لكن قليل فين نلقاو الوالدين كيهتمو أو حطوا ولادهم على رأس قائمة الأولويات
          الأب مشغول بخدمته ومصاريف البيت وكيجي ف اخر النهار مهلوك خصو غي فين يحط راسه ويرتاح
          والأم مشغوله بالعراسات والمناسبات والكوزينه وشقا الدار مكيبقاش ليها الوقت باش تلاحظ التغيرات اللي كتطرا على ولدها أو بنتها
          وهادشي كاين حتى ف المغرب وبكثره
          بالنسبه للخارج مزيرنهم ف قانون ممنوع الضرب ولكن انا مع هاد القانون حيت الضرب كيولد التمرد والولد كل ما ضربتيه كيحقد على والديه وكيتمرد عليهم
          لكن قانون ديال ممكن يعيشو بعد 18 سنه ف مسكن بوحدهم انا ضد هاد القانون حيت حنا مسلمين وبالأخص البنت خصها تكون محفوظه ف دارها مع والديها
          وهداك السن هو بدايه الانحراف والانحلال و حت الدماغ مكينكنش اكتمل ونضج باش الواحد ياخد قرارات لوحده
          وباش ولاد الناس د الخارج يحترمو والديهم خصهم الوالدين من صغرهم يربو ولادهم تربيه دينيه
          راه الشجره المزيانه كتبان ف صغرها والغصون العوجه خصنا نصلحوها ف صغرها حيت اذا كبرت وجينا نصلحوها تتهرس
          لكن هاد الظاهره لو اتكلمنا عليها بشكل عامه راه موجوده ف بلادنا اختي وبكثره
          انا شخصيا ساكنه ف عماره من 16 شقه و واحد الجاره كتعرف ماما بناتها كيجو للدار مع 3 د الليل كتوصلهم التوموبيل فيها العزارى
          وكينزلو يدخلو للدار على مسمع والمرأى د الوالده ديالهم وكتجي تاني نهار لعند ماما كتقولها اه راه كان قصارين مع صحبتهم
          والوالد ديالهم عنده اسبوع دوريه د الخدمه ف الليل واسبوع دوريه ف نهار
          يعني ميكشوفهمش وهاد الجاره نيت كانت عندها واحد البنت ف سني عملت الحجاب واحتجبت لمده سنتين والوالده ديالها بقات عليها حتى حيدتو
          وجات لعندنا كتقول راه بنتي الحجاب مكبرها وانا قتلها خصك أ بنتي تعيشي سنك حيدي عليك ديك الخرقه
          الوالده ديالي كانت كتخيط الفصاله كانت كتنزل عندها تجيب الثوب وتطلب من ماما تفصل ل بنتها الفالده وكانت كتوقف على الراس د ماما وكتقولها زيري لبنتي من هنا
          قصري ليها من هنا وهادشي نقطه من بحر د الناس اللي كنعرفهم بحال هاد الشاكله
          واش هاد الأم اللي بحال الجاره من حقها تشكي من بعد وتهدر على الانحلال والانحراف ؟؟
          راه كنقول ونزيدها التربيه أولا وقبل كل شي جايه من الأم والمراقبه من الأم اذن باقي المشاكل اللي كيوقعو فيها الولاد الأم هي السبب فيها
          المغرب ديالنا بحالو بحال اوروبا في الصيف كلشي عريان ف الشارع كلشي بلا حوايج
          انا ساكنه ف الشمال وف شهر ابريل اللي فات زرت واحد المدينه بدون ذكر الاسم باش ما توقع حتى شي حساسيه
          كنا انا واختي وبنت عمي محتجبات والله القسم جلست ف هديك المدينه اسبوع حسابلي راسي مشي ف المغرب
          حتى بنت ما لابسه حجاب ف الزنقه , كنا كنخرجو صباح وعشيه والله وانا كنحلف ما شفت شي بنت لابسه الحجاب
          والناس كتخلف ف الشارع وكتشوف فينا ف الشارع بحال اللي احنا نازلين من الفضاء وعرفونا بأننا اغراب على هاد المدينه
          حتى نهار الخامس مشينا للمدينه القديمه عاد شفنا شي بنات لابسه السبنيه د حياتي فوق راسهم
          كل واحد حر ف راسه حقا لكن الظاهره ديال الابتعاد على الدين كاينه ف المغرب وخارج المغرب
          وشكرا ليك

          تعليق


          • #6
            سلام عليكم

            شكرا أختي أمينة على الطرح المميز فعلا موضوع شائك و موضوع العصر

            رحم من قال

            الأم مدرسة إذا أعددتها أعددت شعبا طيب الأعراق

            فعلا كلشي من الأم في تربية جيل صالح لكن لا ننكر دور الأب أيضا
            الأسرة الصغيرة هي التي تكون الأسرة الكبيرة التي هي المجتمع الذي نعيش فيه
            صراحة انشغال الوالدين في ملذات الحياة و حاجاتهم اليومية هي ما جعل تلك الهفوة و البعد يضهر جليا ....كيف ل مراهق أن يعرف عن الآداب الإسلامية و هو يرى امه منشغلة عنه في شراء آخر صرعات الموضة و مشاهدت الأفلام و المسلسلات الأجنبية و السهرات الساخنة كل يوم سبت .....كيف ل مراهق أن يعرف الصح من الخطأ و هو يرى مجتمع فاسدا ///الكل يغتاب الكل و الكل يسرق من الكل و الكل يكذب ووو ....
            و الله إنها لكارتا الله يلطف بنا
            و لمن أراد فعلا أولاد صالحين وجب عليه التقرب منهم من الصغر و أن يحرص على تعليمهم العربية و الدين الإسلامي و أن يحببهم في ذلك ....هناك نماذج ناجحة فعلا في هذه المدنية التي أعيش فيها ...فعلا هناك حرص شديد على تحفيظ القرآن للصغار و تعليمهم الغة العربية
            و هناك حلقة كل إسبوع لتحفيظ سورة البقرة و هذا ماشاء الله جد جيد
            من أراد أولاده صالحين فهو يحرص عليهم من صغرهم و من انساب وراء ملذات الحياة فسوف يفقد هويته و يهوي في الهاوية







            تعليق


            • #7
              السلام وعليكم كيف دايرين والله فرحتني ردودكم ماشاء الله فعلا هذا مشكل كبير مكدبتش واحد الأخت تطور والتكنولوجيا خرجات على الناس وشحال قد هذ الوليدين يراقبو وحدا قرات معايا مطلقة وعندها بنت 17 عام فلويكانك كيمشيو للديسكو والإثنين تجي تحكي لينا بقيت كنشوف كيفاش هده الأم اللي خاصها تكون قدوة لبنتها كتمشي هي وياها للديسكو وما اللباس شوهة لميني جوب وصدرها معري وكاين أمهات قدوة ماشاء الله وهدشي تيخلق مشكل عويص تربيهم فدار يخرجو يتلواو عليهم أصدقاء السوء وأوروبا عطتهم لحق بزايد مضربوش متغوتوش يدير 18 يكليك متحكميش فيا ولا يقيد بك والله عمرني شفت لولاد كيقيدو بوليدهم حتى لهذه البلاد وعلى هذا القبال منولدوش لحاصول الله يلطف بنا جميع

              تعليق


              • #8
                من أراد أولاده صالحين فهو يحرص عليهم من صغرهم و من انساب وراء ملذات الحياة فسوف يفقد هويته و يهوي في الهاوية انا معاك اختى ماما سوسو الله يعطيك الصحة على طرحك القيم لابد للوالدين الاب و الام يكونو اسرة متفهمة ماشى كل واحد فيهم كيجبد شى للشرق شى للغرب شيء مؤسف فعلا نرى الام غائبة عن مراقبة ابنائها و كدلك الاب فى ملدات القهاوى ثم يرجع للبيت يجد جميع ابناءه نائمين و الزوجة نائمة لا يعرف شيئا عن المشاكل و المعاناة اللتى تتخبط فيها الام وحدها لابد من الرجوع الى تعاليم ديننا الحنيف اللهم اصلح ابنائنا و ابناء المسلمين امين يارب العالمين

                تعليق


                • #9
                  السلام عليكم و رحمة الله
                  انا لست مهاجرة بالديار الاوربية و لو كان لي اهل هناك فالذي اعرفه عن الصعوبات التي تواجه الاباء لتربية الابناء شهادات هنا و هناك بين من توفق و من لم يتوفق
                  لكن لا يفوتني ان اذكر مثالا حيا لابناء من عائلتنا ولدوا و ترعرعوا في فرنسا و لم يكن والديهما ممن يحرص على تربيتهم تربية اسلامية لكن شاء الله ان يهتدي الولدان الى الطريق القويم بحمد الله فهاجرا الى اليمن لطلب العلم مع زوجتيهما المنتقبتان و اللتان بدورهما نشئتا بفرنسا

                  تعليق


                  • #10
                    تبارك الله عليك أختي الزهراء ومبروك لعيد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X