إعـــــــلان

تقليص
لا يوجد إعلان حتى الآن.

للِرَّدِّ على حقد إسبانيا:حملة مُقاطعة البضائع الإسبانيه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للِرَّدِّ على حقد إسبانيا:حملة مُقاطعة البضائع الإسبانيه

    بسم الله الرحمان الرحيم
    إن ينصركم الله فلا غالب لكم
    السلام عليكم،
    يجب على المغاربة يْديرو النفس ويْقاطعو جميع السلع الإسبانيه الحاقده على بلادنا ،والضرب على أيدي المهربين الذين يُخربون إقتصادنا مُقابل بضائع إسبانيه جد رديئه كما يعرف الجميع

  • #2
    الاسبان تمادو في الاساءة الى المغاربة ,فاين حسن الجوار الله ينصرنا على القوم الضالمين

    تعليق


    • #3
      السلام عليكم ورحمة الله وبركاته

      اولا بارك الله فيك اختي على غيرتك على بلدنا الحبيب

      واسمحي لي ان اناقشك في مسألة المقاطعة فمثلا انا عايشة في مدينة مجاورة لمستعرة اسبانية ومنها كيخرجوا السلع الاسبانية يعني المنتوج الاسباني طاغي على المنتوج المغربي وان دخلتي اي محل وكأنك في محال اسباني وهذه حقيقة اختي ومسألة أخرى هو ان الشخص احيانا في هذه المدن يحتاج الى منتوج ما لكن لن يجده مغربي طبعا سيكون اسباني كنتمناو يكون الحل
      فنحن طبعا مع المنتوج المغربي
      خلاصة القول اختي اللي يخلينا نشريو المنتوج الاسباني هو قلة المنتوج المغربي وطبعا وهذا ليس مبرر
      وأعتقد اللي عايشين في مناطق مجاورة خصوصا مليلية غيكون ليهم نفس الرد

      تعليق


      • #4
        اسبانيا كتمر بأازمه ماليه اقتصاديه ولو المغاربه قامو بهاد الخطوه غتكون ضربه لاسبانياا
        كلنا عارفين بأن مدينتين تطوان والناظور غارقين بالبضائع الاسبانيه الجايه من سبته ومليليه
        خص المغرب يشجعو المنتوجات المحليات وينمو الاقتصاد الوطني ونخلو اسبانيا تعاني من الخسائر الماديه باش تعرف مره اخرى تدخل سوق راسها

        تعليق


        • #5
          أختي المسلمه سمحي لي نرد عليك
          انا كنسكن ف مدينه تطوان القريبه لسبته وحالي من حالك البضائع الاسبانيه غارقه الاسواق وطاغيه على المنتوجات المحليه
          لكن هادشي مكيمنعش من وجود منتوجات مغربيه محليه
          كاين مرجان وكاين اسيما وكاين الحوانت اللي كيجيبو حتى هوما منتوجات من صنع مغربي
          وحتى ادا مكانش ف هاد الحرب النفسيه والاعلاميه اللي عملتها اسبانيه على المغرب
          انا كنفضل نشري منتوج فرنسي او هولندي او امريكي او اي بقعه ارضيه تانيه احسن مليون مره من المنتوج الاسباني
          حيت هادي هي الطريقه الوحيده اللي نضربوه حتى النخاع وخصوصا اسبانيا كتعاني من الازمه الاقتصاديه
          وعيد مبارك سعيد

          تعليق


          • #6
            طبعا اسمح لك اختي فالموضوع وضح للنقاش

            شكرا لك على الرد لانه فعلا احنا اللي عايشين في الشمال عايشين واقع هاد المسالة

            ذكرت محلات او اسواق تجارية لكن متنسايش انه يمكن تكون بعيد على اغلب الناس وايضا الحوانت مولفين يتعاملو مع المنتوج الاسباني لاسباب ما والضحية هما المستهلك لا احاول ايجاد المبررات لكن هذا هو الواقع اللي عايشينوا

            مسألة اخرى اللي نبغي نشير ليها هو انه اكيد كنستعملوا المنتوج المغربي ولا غنى لنا عنه اختي ولكن صراحة ونحن هنا من اجل سلط الضوء على الوقائع البضاعة الاسبانية اكثر في بيوتنا ولا حول ولا قوة الا بالله

            اما مسألة اننا نشريو بضاعة الدول اللي ذكرتي ولا تنسي انها دول معروفة بعدائها للمسلمين ومنشريوش المنتوج الاسباني فهذه فكرة غير صائبة في نظري وقد يخالفني فيها احد الرأي

            لان سوقهم وحدة الا شريتي المنتوج الفرنسي او الهولندي بحال الى اشريتي الاسباني والى كانت مقاطعة تكون عموميا


            ماشي اليوم نقول نقاطع المنتوج الاسباني وغدا نقول الا معلش غادي نقاطع الفرنسي ونرجع نشري الاسباني

            كنتمى انه يكون كلامي واضح ومفهوم

            شكرا

            تعليق


            • #7
              اللهم اجعل تدبير الكفار تدميرا بينهم..اللهم عليك بهم ..اكيد المقاطعة تاتي باكلها....اللهم انصر من نصرنا واهزم الكفار الطاغين الطامعين في كل مكان يارب واجعل بلدنا امنا وسائر بلد المسلمين .

              استودعكن الله الذي لا تضيع ودائعه
              ام نسرين واخواتها اللهم اجمعنا في ظلك يوم لا ظل الا ظلك
              امة الستير طهورا حبيبتي

              تعليق


              • #8
                مسا الخير عليك اختي المسلمه

                المناطق الشماليه كتعاني فعلا من المنتوجات الاسبانيه وهذا راجع لاسباب كثيره أهمها
                الاسعار الرخيصه اللي كتباع بيها ف متلا سبته المأكولات والملابس ومواد التنظيف رخيصه بزاف وهادشي كيخلي المغاربه
                اللي خصهم يبيعو كيخرجو السلعه ويبيعوها ويربحو منها
                والسبب التاني هو أننا كنشوفو للمنتوجات المغربيه شوفه ناقصه يعني بحال اللي ماعندناش ثقه فيهم

                وانا لما قلت كنفضل ف حالة عدم وجود منتوج مغربي نشري منتوج فرنسي او اي بلد تانيه احسن من الاسباني
                كنت كنقول بأن علينا نقاطعو اسبانيا بالتحديد ف ظل الظروف والحروب اللي عاملاها علينا

                وما بيدناش نقاطعو كل الغرب حيت بلادنا مازال مفتقره لبزاف د الحاجات من بينها هاد الجهاز الكمبيوتر اللي كنتواصلو بيه
                مستورد من الخارج والهواتف النقاله وبزاف د الصناعات الحديثه اللي كنيجيبوها من برا
                اذن طالما حنا مضطرين نستوردو من برا ف نحاولو نبعدو على الدول اللي كتهدد الأمن والوحده المغربيه ديالنا

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X