إعـــــــلان

تقليص
لا يوجد إعلان حتى الآن.

هل وجدت نفسك في موقف مرغما بتقديم رشوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هل وجدت نفسك في موقف مرغما بتقديم رشوة

    اصبحت ظاهرة الرشوة متفشية في مجتمعنا ,فكم من الصفحات تناولت الموضوع وخلصت الى ان الظاهرة اصبحت امرا مسلما به فانت ملزم على التدويرة للحصول على رخصة او وثيقة او تسريع الاجراأت,كما انها تعفيك من دفع غرامات عن مخالفات لا توجد الا في اذهان شرطي او دركي
    والخلاصة اننا احيانا ملزمين على ذلك شئنا ذلك ام ابينا
    هذه دعوة الى الحديث عن تجاربنا في ارتباط بالظاهرة باجابتنا عن السؤال
    هل وجدت نفسك في موقف مرغما بتقديم رشوة

  • #2
    30 مشاهدة ولا تعليق
    الم يسبق لكن ان سمعتن عن موضوع الرشوة معكن او مع احدى الاقارب او الجيران او الاصدقاء او قراتن قصة في الموضوع,,,,,,,,,

    تعليق


    • #3
      السلام عليكم اختي شكرا على الموضوع اختي بعض المرات كاندفعو الرشوة من غير مانحسو بيها متلا فاش تبغي تدوزي البيرمي بمجرد تدخلي لمدرسة لتعليم كايقوليك المبلغ زائد الرشوة بغيتي ولا مابغيتيش الرشوة صارت متفشية بشكل كبير الله المستعان تقبلي مروري
      sigpic

      استغفر الله الدى لا اله الا هو الحي القيوم واتوب اليه
      لا اله الا انت سبحانك اني كنت من الظالمين

      تعليق


      • #4
        مشكورة اختي على مرورك الله يهدي الجميع

        تعليق


        • #5
          موضوع الرشوة أختي موضوع كبيييييييير بزاف و متفشي للأسف في المغرب ماكين غير الرشوة ، كيف ما قالت الأخت أحيانا تنرشيو بلا ما نشعرو ، أما كاينين شي أشخاص يقولوها ليك عاين باين ، كيف ما وقع لي أنا ملي بغيت نعمل عقد الزواج في المغرب ، أقسم بالله إلى شد لي الوثائق ديالي مابغاش يعطيها لي قال حتى تعطيني 500 درهم ، إوا واش هذا ماشي منكر ، مشيتي بغيتي عقد الازدياد يقول ليك إوا عطينا قهوة بعدا و زيد و زيد ، هذا هو أ ختي الجانب إلي ماكانبغيش في المغرب ، الله يهدينا على بعضنا و خلاص
          تقبلي مروري أختي
          اللهم إجعل والدي ممن تقول له النار اعبر فان نورك أطفأ ناري














          تعليق


          • #6
            سؤال جرئ اختي وموضوع مهم جدا
            الجواب ديالي ليس بعد لانني لا اتعامل مع الادارت بشكل كبير اللهم الجماعة يلا بغيت شي وتيقة متيطلبو منا والو غي مصاريف التمبر
            ولكن سبق لي خدمت وكنت كاتبة فعدد من المؤسسات كيجي شي حد تيجبد 20 درهم تيمدها لي بدون سابق انضار وتنرفض او يجي شي حد ويقول ليك واش نجيب ليك شي قرعة الموناضا انا في الاول تيتصحاب لي هادشي لطف و كرم منهم ساعة راه حتى هو داخل فالرشوة
            يوا الله يهدي ماخلق
            اختي بغيت نشير موضوعك مميز ولاتهتمي بعدد المشاهدات وتقارنيها بعدد الردود
            دمتي متميزة



            تعليق


            • #7
              انا في نضري هو سبب الوحيد
              كي انهي اموري بسرعه
              لاني لا اطيق الوقوف كتير في المقطعات او بعد المكاتب التى اتوجه لها
              لهدا اضحي بشئ من النقود كي اربح اعصابي ووقتي
              وأضن هدا شيئ معروف لدي المغارب او حتى في بعض الدول المتقدمه
              وللاسف ما زالت هده الضاهرة تحتل المراتب الاولة رغم الحملات التى نضمة تحت اسمها
              تقبلي مروري
              يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






              فهرس وصفاتي مصور إهداء للجميع **متجدد بادن ** الله

              تعليق


              • #8
                السلام عليكم اختي غير سكتي ظاهرة الرشوة او كيفما تايسموها المغاربة التضويرة ولا القهوة هههههه راه ظاهرة وللاسف منتشرة كتير تصورو انا كنت نازلة للمغرب ومر السفر على مايرام وغير وصلت للجمارك الي بمطار محمد الخامس تصورو اش قال ليا واحد الضابط وللاسف راه كراض كاين شي درهم شي ريال شي دولار انا تعجبت قلت ليه ماعندي والو حقاش استغربت علاه تايسولني عاد هو يجيني ديركت قال لي عندك ولا نسوس الشوانط وانا نقولو هاديك خدمتك دير الي بغيتي اهو يالالا رون الشوانط ودفعهم وانا امراة لاحول ولا قوة الا بالله وانا نلقي واحد السيد اجنبي قلت ليه عافاك ساعدني قالي مافي مشكل وهو يعاوني قال لي ايةا جيبي شي واحد من الحمالة الي في المطار يعاونك طمعتي في الراجل يسااعدك وانا يطلع ليا الدم وجاوبتو مافيها باس الى عاوني الراجل الحمد لله كلنا عرب ومسلمين وخوت قال ليا هداك الاجنبي مافي شك اختي ووصلي الاغراض عند اهلي في المطار الله يجازيه خير ويكتر من امتالو ايوا كيجاتكم قصتي الرشوة عيني عينك الله يهدي ماخلق ةتنوض الحكومة تراقب المطارات راهم دايرين مابغاو في الناس مساكن
                sigpic

                تعليق


                • #9
                  اختي الرشوة ولينا عايشين بيها بشكل يومي خصوصا فالادارات الى بغيتي تصايبي شي ورقة خاصك تسخسخي وتسناي ويديوك ويجيبوك حتى تدوري معاهم عاد يتقاد ليك الشغل وهادشي تيتعمدوه اما اللي رشاهم من الاول فهاداك فالبلاصة تيتقاد ليه الغرض والمشكل فين كاين دبا ولينا تنعطيو الرشوة بشكل تلقائي بحال الى حاجة عادية انا شخصيا عطيت الرشوة فالمقاطعات واللي عطاني رخصة البناء والمسؤول اللي شافني عملت تغييرات فالبناء مخالفة للبلان ديال الدار وزيد وزيد وزيد ولكن اللي تفكرتو دبا كنت مشيت نصاوب واحد الورقة ومع الاسف عند الامن الوطني واحد السيدة عمرت ليا شي وراق وهي تشوف مكان الاقامة ديالي فايطاليا وهي تقوليا واش جبتي معاك شي قهيوة من تما انا راه تتعجبني لافاسا ونا نقول ليها وخا المرة الجاية نجيبها ليك وهي تقول ليا وخا ماشي مشكل دبا عطيني غير فلوس المركوب باش الراجل اللي خدام معايايمشي يقضي ليك الغرض بالزربة وبصراحة تنعاود ليكم هادشي ونا ما حملاش راسي حيت انا فين عايشة معمرني عطيت الرشوة لشي حد وتنتمنى تحيد لاننا كلنا تنتمناو الخير لبلادنا الحبيبة
                  وشكرالك اختي على هاد الموضوع المهم جداجدا واسمحي لي اختي على الاطالة


                  تعليق


                  • #10
                    وقفة مع أنفسنا تصديا للرشوة!!

                    الرشوة المغرب /المغرب الرشوة
                    مع الأسف موضوع كيحشمنا وينزل قيمتنا بين بعض الدول
                    أنا لما قريت موضوعك أول مرة صراحة استحيت أتدخل أحسيت كأنه مجاهرة مني بإثم إذا أنا ذكرت حادثة اضطرتني للرشوة لأنه إثم على كل حال للراشي والمرتشي ونستطيع بمجاهدة منا أن نتصدى له
                    هذا لايعني أني أنزه نفسي عن هذا الإثم لكن أحور مجرى حوارنا لنرتقي به لكيف نتصدى بأنفسنا لهذه الظاهرة الخطيرة التي ملعون فاعلها والمفعولة به والحديث واضح صريح: لعن الله الراشي والمرتشي والرائش
                    نعوذ بالله من لعنة الله
                    مثلا موقف الأخت لينة أليس قويا؟! هي تدري أن موقفها سليم ولو يقلب الضابط شنطها أسفل أعلى بالأخير ليس له عليها سلطان ولن ينال منها شيء
                    وأنا تعرضت لهذا الموقف من سنين حين دخولي للمغرب فقط أنا وابني رضيع وعوض أن يسهل علي ويساعدني ماطلني بحجة أن أغراضي كثيرة ماذا فيها؟؟ أقول له هدايا لأهلي ليس إلا وأنت شوف بنفسك وليست تلك الهدايا الثمينة وإنما هي على حد تعبيرنا تفكيرة
                    بالأخير تعب مني لما شافني مستميتة وواقفة موقفة ليه الناس وأنا معايا الرضيع يعني انتبهن ياأخوات ( ممكن أقول عندي عذر وأسلك نفسي بمئة درهم أو حتى خمسين يرضون بها وممكن أقل !!!!) لكن كان يهمني المبدأ وهو راجع معلوماتي بالجواز مرة ثانية وقذفني بكلمة: آآآآه معلمة!!! طبعا أنا أتبسم داخليا وأقول لنفسي معلمة وأفتخر
                    وحتى هذا الموقف يتعرض له زوجي الذي هو مع الأسف غير مغربي ويحز في نفسي طمعهم المستمر وهو يستميت ويتركهم يفتشون : مرة واحد منهم شاف مصحف زوجي وسجادة .. قال له : آآآه انت من هذوك !!
                    يعني نحتاج أن نكون صافيين ومواقفنا قوية حتى نتصدى للرشوة ولانتحجج بالزحام وطول الوقوف بالإدارات لأننا بذلك نكرس الوضع على ماهو عليه ونضيف عليه لمساتنا التي سنسأل عليها أمام الله
                    جزاك الله أختي صاحبة الموضوع لإتاحة الفرصة لمناقشة موضوع نحتاج فعلا أن نتصى له لس بالشعارات والأيام الوطنية ولكن بوقفة مع أنفسنا لنستقم كما أمرنا ولانبالي ولنحتسبه من الجهاد في سبيل الله ولانخاف في الله لومة لائم

                    تعليق


                    • #11
                      السلام عليكم اختي العزيزة
                      اولا اود ان اهنيكي على انتقائك لموضوع شائك ومهم وللاسفيدخل في ثقافة مجتمعنا المغربي
                      الرشوة حرام هدا رايي مافيها لا قهوة ولا حليب هده غي هدرة كنبغيو نسترو بيها هاد الفضيحه
                      والعيب ماشي غي على الي تيقبط الرشوة
                      العيب اختي على المسؤولين من فوق الي الفساد متفشي منهم هم الاولين ايلا تصلحت الامور من فوق
                      غادي تبقا هابطه شوية بشويه تتقاد حتى توصل للمقدم الحومه ويولي يحشم على عراضو حتى هو ومايسعاش 20 درهم
                      وباركه عليا لانمشي فيها فهاد الموضوع ديالك هاد الليلة عاوتاني ههههههه
                      اما بالنسبالي اختي العزيزة مزال لحد الان عمري ماعطيت حتى درهم ديال الرشوه وعمري ماتحطيت فهاد الوضع
                      او الله ينجيني منو لاني بصراحه غادي نحشم فبلاصت هاداك الي غادي يشد مني الفلوس كرشوة
                      واخيرا الله يصلح امورنا ونشوفو المغرب مزيون نقيقي متقدم في احسن اوضاعه
                      دمتي في رعاية الله عزيزتي
                      لكي مني كل الورد والحب
                      sigpic

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X