خانني خانني خانني.........اش هادشي لا حول ولا قوة الا بالله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خانني خانني خانني.........اش هادشي لا حول ولا قوة الا بالله

    السلام عليكم صراحة ماعرفت منين نبدا حيث هو مشكل عويص اصبح بثنا نجده في كل مكان المشكلة اللتي امامكم هي مشكلة الخيانة خصوصا من طرف الازواج رأيت بأن هذا المشكل بدأ يتفاقم بكثر في مجتمعنا الالي واش الرجال مبقاوش كتكفيهم امرأة واحدة؟؟واش البنات اللي في الشارع هما المشكل؟؟بحيث اننا ولينا كنشوفو معظم البنات زيانو واللبس كيفاش ولى كتلقاي البنت كل صباح خارجة وشعرها في لون جديد اما الفورمات منعاودش ليكم اضن ان هذا سبب رئيسي في نظري بحيث ان معظم النساء كتبقى مقابلة غير الكوزينة والاولادوتهمل راسها من كل النواحي .لا لبس ولا شعر ولا اهتماما بالعالم الخارجي اناقتها زعمة بما في الكلمة من معاني .الى تهلليتي في راسك وكل مرة يلقاك راجلك في شكل جديد مغاديش يمل منك وعلاش لا نسيفط وليداتي عند جداهم و لا لشي بلاصة ونصايب ليه واحد الليلة رومانسية دايزها الكلام بالشميعات وبالماكلة الزوينة والهدرة الزوينة ومرة مرة عاوديها خلي في حياتك لذة اخرى منخليش راجلي يشوف غيري الى كنتي عايشة انتي والزوج ديالك وحدكم علاش منلبسش لباس مغري ديما نتهلا في راسي عند الكوافيرة.
    دبا انا بغيتكم تناقشو معايا باش نلقاو حل لهذا المشكل ؟؟حتى اللي كيخونها راجلها تراجع نفسها وتكتب لينا قصتها بالكامل باش نلقاو ليها ؟؟؟
    واحد الحاجة مهمة نقولها لكم الى ماكنتيش كتصلي وتدعي الله معك ومع زوجك ويجعل دنيتكم سعادة بلما تشقي راسك لا تحاوري معانا ولا انتي غادي تلقاي حل لهذا المشكلة ممكن انا نكون قاسية شوية ولكن اللي كيزيد محبة بين الراجل و مرتاو هو الدين والتقرب الى الله نوض اللا قبل لفجر نصلي 2 ركيعات نطلب ربي يهدي ليا الزوج ديالي ويدومو عليا ويجعله مايشوف السعادة الا معايا ومع اولادو وديك الساعة ربي غادي ييسر الامور ان شاء الله

  • #2
    اختي مشكورة على الموضوع علاش داءما كنرجعو سبب خيانة الزوج للمراة بالدرجة الاولي خاصك تكوني مزوقة خاصك تكوني مونيكة خاصك تلعبي كلشي الادوار وخاصك وخاصك وديما هي الي خاصها دير ودير اوا وهو مخاصو والو مخاصوش يراجع راسو ويتقي الله والا كاع هادشي الي خاص المراة كديرو الراجل ممعمرش ليه عينو باقي العيب عليها هي قلبو ليها فين مزال الا كانت المرا متقية الله وكتصلي وتدعي ليه بالهداية وتناقشو بالتي هي احسن وممخليا من جهدها عليه وملبية كلشي ظلبتو وكتعاملو بحال السي سيد اموامرو مستجابة وهو كيقلب على العجب كيقلب على الخيال على الوهم معمرو مايشبع ولا يقنع كل رجال هدا الزمن كيرجعو سبب خيانتهم لزوجاتهم يمشكل فالزوجة هي الولي وهو مشافش راس وسلبياتو حتى واحد منا فهاد الدهيا مخلاق مكمول الكمال لله وحده .والله تعالى قال في كتابه الحكيم: ( وعاشروهن بالمعروف )- وكان صلى الله عليه وسلم أحسن الناس معاشرة لأهله ، وأخبر أن خير المسلمين أحسنهم معاملة لأهله فقال: ( خيركم خيركم لأهله وأنا خيركم لأهلي ) سنن الترمذي.- وقال صلى الله عليه وسلم: ( واستوصوا بالنساء خيرا ) صحيح البخاري.
    - وقال صلى الله عليه وسلم: ( لا يفرك مؤمن مؤمنة. - أي لا يبغض - إن كره منها خلقا رضي منها آخر. أو قال: غيره ) صحيح مسلم.
    - فهذا من حسن العشرة ، لأن التغاضي عن بعض أخطاء الزوجة ونقائصها ، وتذكر ما هي متحلية به من مكارم ومحاسن ، يجعل الحياة الزوجية تستمر. وصدق تعالى إذ يقول: ( وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللَّهُ فِيهِ خَيْرًا كَثِيرًا ).
    ربي لا تدرني فردا و انت خير الوارثين

    تعليق


    • #3
      السلام عليكم اختي عندك الحق فكل كلمة قلتيها لكن كيفما قالت الاخت hidayya مانلوموش غير المراة راه حتى الراجل بخبيزتو كاين لي كاتعمل ليه مرتو العجب ولكن عينه زايغة الحل الوحيد هو ان الزوج يتقي الله فزوجته بما انه قرر يتزوج يجب ينسى كل الخرابيط الى يشوفها فالزنقة شكرا اختي على الموضوع الشيق تقبلي مروري
      sigpic

      استغفر الله الدى لا اله الا هو الحي القيوم واتوب اليه
      لا اله الا انت سبحانك اني كنت من الظالمين

      تعليق


      • #4
        السلام عليكن حبيباتي

        سبحان الله .. هاد الموضوع عاد كنت كنفكر فيه هادي مدة قصيرة جدا .. ودائما السؤال اللذي يطرح نفسه علي بشدة هو علاش دائما يقال أن الزوجة هي اللي بيديها ان راجلها يخونها ولا ميخونهاش ؟؟

        بكل صراحة .. انا ما متافقاش. لسبب بسيط .. أنه ما تلقايش فسنة حبيبنا صلى الله عليه وسلم شيء يشير لهذا المعنى .. الزوج إذا زنى (حيت هي أصلا"زنى" ماشي خان) راه يقام عليه الحد وزوجته لا لوم عليها.

        ولينا كنعطيو مسميات غريبة للزنى (سواء بالفعل او النظرة أو الكلام) وكنقولوا: "خان" أو " أقام علاقة خارج إطار الزواج" أو " بات برا" باش كتخفف الجريمة اللي كيقوم بها الزوج من حمولتها الأخلاقية والدينية.

        على كل, رجوعا لموضوع الزوجة, أنا كزوجة, النهار اللي راجلي يدير شي حاجة ماشي هي هاديك لاقدر الله .. والله لن ألوم نفسي ولو بنسبة 0.1%واخا شي مرات كنكون مشعككة وشي مرات حوايجي مطبعين وشي مرات معصبة وفيا الغوات و زيد وزيد .. حسبي أني إلى فهاد الحالة فلأني بشر ,, ولأني كأي بشر كنعيا و كنمل .. مضطرة تقسمي حياتك وأيامك بين العمل والبيت والأولاد وتجيبي القسمة مضبوطة .. لكن لا يمنع أنه في حالات أخرى ولو قليلة كنحاول نكون محببة و متأنقة وخا في قرارة نفسي عارفة اني مهما تأنقت ما غاديش نبان قدام اللي كيبانو فالتلفزة واللي تجارتهم هي مظهرهم, كيصرفو عليه الملايين فالشهر.

        الزوج إلا ما ردعوش دينه وأخلاقه وعفته .. والله لن يردعه شيء وخا تكون زوجته الزوجة الخارقة.
        و هنا نرجع للوراء .. ونقول أن التحري في اختيار الزوج الصالح هو اللي ممكن يخلي المرأة تتفادى من الأصل أنها تتحط فمواقف مهينة بحال هادي.

        وقبل ما نمشي, يهمني أكثر أن أعرف هل فعلا يمكن للزوجات أن يصبرن على "خيانة" أزواجهم ويعيشوا معاهم كأن شيئا لم يكن؟؟

        نسأل الله أن يهدي أزواجنا ويوفقهم لما يحب ويرضى ويعيننا على حسن البتعل لهم.

        والله المستعان

        تعليق


        • #5
          والله ماخليتو لي مانقول
          خاصكم تعرفو اغلبية الرجال بحال بحال ديما عزيز عليه اسقي عويناتو الى ماكانش من الزنقة راه من التلفزة
          الله اهديهم
          حنا العيالات كانقنعو براجل واحد اتانعطيوه اغلى ما نملك الله ارحمنا واعينا عليهم
          [SIZE=5][COLOR="#FF0000"][B]
          حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

          "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
          وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






          تعليق


          • #6
            كلامك كله صحيح اختي
            لكن غير كاظافة. راه كاين المرا اللي فيها جميع المواصفات اللي كتريح الراجل. الزين و الفورما و مهلية و ديما كيف العروسة و ريحتها غزالة و الشعر مسرح و اللحيمة رطيطبة و......الماكلة بنينة و الدار مجموعة و الوليدات قاريين لابسين ماشطين نقيين ناعسين -الزوجة روبو مسكينة-.هيداك و كيخون و يمكن مع وحدة ماتوصلش لرجليها. فاين العيب ديك الساع.....الخيانة عندها اسباب بزاف منها اللي ذكرتي . يحال ان الزوجة مامعمراش للراجل عينيه و مامهلياش فراسها. لكن كاين حتى غياب الوازع الديني و كاين الدسارة حتى هي. الراجل عاجبه راسه و غير تضحك ليه شي وحدة من دوك اللي مكيخافوش من الله . يجري موراها كيف الكلب. و كاين اللي ادمن على الحرام الله يستر واخا كاين الحلال. وهداك كيولي مريض
            شفتي واحد السيدة كنعرفوها اش غادي نقوليك. اللي حليتي عليه فمك تلقايه فيها.قارية جامعية فنة فنة الطولة و الحداكة و متولة و نقية و....المهم تزوجها و حتى حفا موراها عاد داها.بنت الاصل و المفصل كيف نقولوا. ايوا تزوج بيها و هو كيحماق عليها. و كيفسد عليها واخا هيداك. مللي حصلاته و واجهاته وقالت ليه علاش و شنو ناقصك مني. بدا يبكي تحت رجليها و قاليها العيب ماشي فيك العيب فيا انا. ولا الله يستر مدمن على بنات الزنقة و لابد منهم فحياته. قاليها نتي بنت داركم وانا باغي شيء ثاني نتين ماتقدريش عليه...!!!!! .و منقدرش نعيش بلا بيك حيث كنبغيك. قاتليه نساني انا و سيدي ربي فاين من هادشي كامل....تفرقت عليه و هو ديما يسيفط ليها و يتبعها و باغي يردها وهي صافي ضربت عليه.ومللي كيسولوها مكتقول والو.حنا 2 اللي عارفين علاش تفرقوا.













            مايا 04 سابقا

            تعليق


            • #7
              مسا الخير عليكم جميعا
              اول ما شفت موضوع الخيانه او الزنى بالمعنى الشرعي للكلمه
              تفكرت واحد صاحبتي كانت ملكه في الجمال والشكل والصواب و شغال الدار و كلشي كانت مرا ونص ومهتمه براسها وبحوايجها ومازال صغيره
              وهادي شهاده ديال جميع الناس اللي كانو كيعرفوها حتى الحماة ديالها عاطيه فيها شهاده مزيانه
              والراجل ديالها اكبر مستهتر شوفتو ف حياتي وكل بنات المدينه مصاحب معاهم

              اللي بغيت نقولو هو ماشي ديما المراه هي المسؤوله

              تعليق


              • #8
                لا حولة و لا قوة الا بالله هادشي للي ولينا نسمعو تيشيب ليه الراس حسبنا الله و نعم الوكيل الله يهدي الرجال و الله يحنن القلوب راه كاين بعض الحالات للي خصنا نقولو للمراة ديها فالراجل و تقربي منو و زوقي و ولي كيف المونيكة هادشي لا اعترفت المشتكية او بينات انها ما مهتاماش براسها اما المراة للي دايها فراجلها وهو ما عاجبوش العجب اللهم تقلب عليه دير واجيباتها قدام الله و ترضي الله و هو تديرو ما كاينش تنساه تديها فراسها و فوليداتها حيت كاين الراجل للي ايلا ميكتي عليه يولي تابعك و حامق عليك لهدا علاش ما نقولو ش للاخوات ميكي عليه و ما تسوقيش ليه و اكيد غيولي راد البال معاك حيت هو تفكيرو دالحيوانات حيت هو تيخون تيقول اكيد هاد المراة تتلعب مورايا تيولي دايها فيها و مهتم بيها غير تنفخي يبقى تابعك




                " اللهم بلغنا وسلمناإلى رمضان وسلم لنا رمضان وتسلمه منا متقبلا "

                تعليق


                • #9
                  الزوجة الخارقة هد لجملة قلتها لاخت الهام ووقفت عندها وتفكرت صديقتي ليفيها لمواصفات ديال لمراة لمتالية لجميلة لانيقة ،ورجلها بدلها بمراة اخرى وقالها الى خافتي علي من لحرام انا بغيت نتزوج بها فلحلا ل شنو رايكم وشنو يكون رد لفيعل د اي واحدة فيكم؟؟؟؟؟
                  :

                  تعليق


                  • #10
                    الزوج إلا ما ردعوش دينه وأخلاقه وعفته .. والله لن يردعه شيء وخا تكون زوجته الزوجة الخارقة هد لجملة قلتها لاخت الهام ووقفت عندها وتفكرت صديقتي ليفيها لمواصفات ديال لمراة لمتالية لجميلة لانيقة ،ورجلها بدلها بمراة اخرى وقالها الى خافتي علي من لحرام انا بغيت نتزوج بها فلحلا ل شنو رايكم وشنو يكون رد لفيعل د اي واحدة فيكم؟؟؟؟؟
                    :

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X