أنيقاتي المتزوجات العازبات في حاجة لكم دخلو ساعدوهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أنيقاتي المتزوجات العازبات في حاجة لكم دخلو ساعدوهم

    السلام عليكم ورحمة الله وبركاته

    انيقاتي موضوع اليوم غريب بعض الشيئ ولكن خاصو نقاش طويل وعميق باش الاخوات المقبلات على الزواج او العازيات تكون عندهم دراية كاملة على الحياة وهدشي بفضل الاخوات لي سبقوهم في تجربة الزواج لي خلاني نفكر فهاد الموضوع ترددي المستمر على قسم الاستشارات الاجتماعية والمشاكل لي تيعانيو منها الزوجات مع ازواجهم اخطاء فادحة طاحو فيها ومشاكل معقدة ومواقف صعيبة وبغينا العازبات يكون عندهم درع حماية منكم انا تنطلب من المتزوجات يعطيو نصائح تفيدهم في المستقبل
    نتعمق في الموضوع اكتر
    البنات همهم الكبير الزواج من حقهم بغاو يعيشو حتى هما الحياة الزوجية متتعرفش تختار القرار الصح تتخوض هاد التجرية وتتندم تتقول كنت معمية كنت غافلة ملقيتش لي ينصحني ولي يوقف معايا وانا اليوم واحلة هدا هو هدف موضوعنا دروس هامة في اختيار الشريك
    نتمنى يكون قصدي وهدفي مفهوم و يكون تفاعل بين الاخوات

    احتراماتي





  • #2
    السلام عليكم ورحمة الله تعالى وبركاته
    شكرا أختي على هاد الموضوع، لي غيفيد ماشي غير العازبات، وانما حتى المتزوجات، لأن من التجربة يستفيد الانسان سواء كانت تجربتو هو أو تجارب الآخرين، والزواج هو ميثاق غليظ يجمع بين الرجل والمرأة، باش تكون بيناتهوم المودة والرحمة، ولكن للأسف ماشي داكشي لي كنشوفو
    يقدر يكون سوء اختيار، أو جهل بالمفهوم الحقيقي للزواج، أو عدم فهم طبيعة الرجل بالنسبة للمرأة، والعكس

    أول حاجة غنتكلم عليها هي الاختيار: بما أني مازال مادخلت لهاد التجربة
    قال رسول الله صلى الله عليه وسلم: (اذا جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد كبير)
    انطلاقا من حديث رسول الله صلى الله عليه وسلم، كان الدين والأخلاق هو أول ما تسأل عنه الفتاة الراغبة في الزواج،
    يجب على ولي الأمر يسول على أحوال ذلك الشخص تعامله مع الجيران، وتعامله مع زملائه في العمل، يسول على النظرة ديالو للمستقبل
    وأهم حاجة تكون صلاة الاستخارة

    تعليق


    • #3
      السلام عليكم جمعة مباركة ان شاء الله هو فعلا موضوع مفيد جدا كتلقاي بزاف ديال البنات كيتغضاو على اشياء كتيرة في سبيل كلمة متزوجة و حتى الاهل لدرجة اني كنبقى متعجبة انا عارفة بزاف ديال الناس و حتى في العائلة لي قابلين بنتهم تدي واحد واخا كيشرب متلا او....باش اتزوج و كدلك مهم اكون ميسور ما عارفينشي فضاعة الخطا لي كيديرو...انا اهم شي في الزواج هو الدين ادا ما كانشي كيخاف الله و كيادي فروضو فلا نقاش ادا ماكانشي كيخاف الله را ما غاديش اراعي الزوجة ديالو ...و كدلك اكون ماشي مدخن و ما بالك اكون اشرب او مخدرات...و الاخلاق مهمة جدا و الواحد تعرفيه من خلال تعاملو و مواقفو واش معصب الى غير دلك و في الاخير كيجي الماديات الي هي ماشي اهم حاجة و لكم المهم اعيش الزوجة و يكون قاد بها ماشي مايكونشي خدام او خدمة ماشي قارة اجي اكرفس بنت الناس لا هادي ماشي مقبولة نهائيا ...و البنت خاصها ادا اكتشفت ان خطيبها او حتى ادا عاقدين العيشة معاه غادي تكون واعرة و كلها مشاكل تكتشف انو معصب بزاف و كداب و فيه عيوب كتيرة لي غادي تعيشها في عداب فمن الاحسن تبعد و تنسحب ما تيقاش تفكر في الناس و غادي اقولو و اعيدو را ماشي هما لي غادي اعيشو حياتها هما غير غادي اهدرو و الاغلبية كيقولو بعد الزواج غادي اتبدل او ..او را الطبع يغلب التطبع انا عندي ماشي وحدة و ماشي 2 قراب في العائلة بزاف و في فترة الخطوبة اكتشفو العصبية و الكدوب و الانانية .....و صبرو كيقولو غادي اتبدلو و خايفين الناس و كلامهم و في الاخير جابوها في راسهم بعد سنين تقاضى الصبر و الضحية الاولاد ....الزواج اهم دراسة في الحياة حيت مصير كينتج عليه اولاد و كيكون كيان اسري خاصو اتربى في جو صحي لدلك خاصنا نفكرو مزيان قبل هاد الخطوة ماشي غير حيت فلانة تزوجات و فلا نة اخرى و علانة خاصني حتى انا نتزوج لي يدق الباب لالالالالالا الواحد بعدا ادرس المتقدم اسول عليه اتناقش معاه و اشوف واش مناسب او لا بعدا من بعد واخا خرج ماشي مزيان تكوني درتي لي عليك و كيكون قدر من الله و بلاء و الله اسهل على كل وحدة بلي يستاهلها و لي تتمناه و سمحوليا طولت عليكم






      تعليق


      • #4
        + بارك الله وفيكم كلامكم كله عبر ومواعض وهدا هو المنهج لي بغيت الموضوع يسير عليه والاستفادة تعم الجميع وكلنا نعرفو قواعد واسس الحياة الزوجية واختيار الشريك الصحيح
        كيف قالت الاخت tizelfen الزوج الصالح دو الاخلاق الطيبة بطبيعة الحال والزوج لي يخاف الله اكيد غادي يصون زوجته وبزاف من الفتيات كيف قالت مدام نوال طاحو في مشاكل بسبب تهاونهم وخوفهم من كلام هادا وداك وفي الاخير تقع الطامة الكبرى فوق راس الزوج وتتولي خاصها تصبر والدراري في الطريق وزيد وزيد بغينا المتزوجات تفيدنا كيف قلت ونكونوا غيرنا افكارنا من تجاربهم وكيف يقول المتل سول المريض متسول الطبيب




        تعليق


        • #5
          شكرا على الموضوع القيم,صدقتي القول مدام نوال اغلب بنات هاذ الايام تيقلبوا على الزواج غير بالاسم,حتى وحده ما تيهمها اخلاق ودين وتصرفات الزوج...........كلشي هدفوا يقولوا الناس راها تزوجات وحتى ايلا ما تفاهمتش معاه تطلق تخرج تقلي على راسها فجهه اخرى المهم هو تدوز الفريضه قدام الناس تيفضلوا لقب مطلقه على لقب عانس
          انا شخصيا تنفضل نبقى عانس على انني نقبل نتزوج من اجل ارضاء الناس
          نتشركم على الموضوع الرائع والهادف واللي يهدي البنات ويخدموا عقلهم شويه راه الزواج مسؤوليه وصبر والاهم من كل هذا هو اختيار الزوج الصالح والمناسب
          الله يهدي ما خلق ويسهل على جميع ويرزقهم الزوج الصالح عاجل غير اجل

          تعليق


          • #6
            موضوع زوين من عضوة نشيطة و غزالة
            شوفي شخصيا بالنسبة ليلي اهم حاجة هي الخلق.يعني اختيار الزوج على اساس اخلاقه و اصله.ماشي فلوسه.راه الفلوس من بعد ربي كيرزق و دقة دقة يحمل الواد. حيث كاين اللي تبغي كلشي من الاول الدار و السيارة و السفر و.....ماشي درجة درجة.
            ثاني حاجة هي الاحترام بين الزوجة و الزوج.ايلا احتارمتيه و عمركي خرجتي العيب راه ديما تبقاي عزيزة.ماشي صافي زعفت و طلع ليا الدم مانبقاشي نقشع قدامي و نولي بحال عبد الصمد .....شكون هو عاود هاد عبد الصمد هههههه المهم راك فهمتوا
            ديما الانثى كتبقى انثى نخليوا الصراخ للراجل. و الاهل ديال الزوج ديييييما نحتارموهم و عمرنا نخرجوا العيب.راه تيقوا بيا كلشي يتنسى و العيب يبقى يتجبد. العكوزة واخا تقلقني نعاملها مزيان.بحال ماما واخا شنو يصدر منها على قلبي كيف العسل.ايوا راه هيداك يماه دراجلي .
            ايوا الحاجة الثالثة هي مشاكلي مع راجلي مانعاودها لصاحبة لا لماما لا لاختي.التيقار و نخليهم محتارمينه.لان نتين مللي تدابزي معاه و يقوليك كلمة خايبة مثلا ونتين تعاودها ليماك.راه من بعد نتين تتصالحي معاه و سمن على عسل.ايوا يماك تبقى مفكراهاليه و يطيح من عينيها.اذن نعالجوا مشاكلنا و اسرارنا قلب دايورنا .خلي المشاكل الكبار اللي تحتاج للتدخل ديال رؤوس العائلة الكبار.
            ايوا هادشي باش ماشا انا و اللي تفكرتوا.













            مايا 04 سابقا

            تعليق


            • #7
              المشاركة الأصلية بواسطة المتفائله2011 مشاهدة المشاركة
              شكرا على الموضوع القيم,صدقتي القول مدام نوال اغلب بنات هاذ الايام تيقلبوا على الزواج غير بالاسم,حتى وحده ما تيهمها اخلاق ودين وتصرفات الزوج...........كلشي هدفوا يقولوا الناس راها تزوجات وحتى ايلا ما تفاهمتش معاه تطلق تخرج تقلي على راسها فجهه اخرى المهم هو تدوز الفريضه قدام الناس تيفضلوا لقب مطلقه على لقب عانس
              انا شخصيا تنفضل نبقى عانس على انني نقبل نتزوج من اجل ارضاء الناس
              نتشركم على الموضوع الرائع والهادف واللي يهدي البنات ويخدموا عقلهم شويه راه الزواج مسؤوليه وصبر والاهم من كل هذا هو اختيار الزوج الصالح والمناسب
              الله يهدي ما خلق ويسهل على جميع ويرزقهم الزوج الصالح عاجل غير اجل
              شكرا لك على المداخلة الطيبة بالنسبة كلامك الحبيبة فعلا لا غبار عليه هناك فئة من البنات اهم شيئ عندهم كلمة متزوجة من بعد تشوفيها مكرفسة من بعد مطلقة وهاهي هانية بالنسبة ليها اما المجتمع راه ميرحمش الداخلة الخارجة تحسب عليها وراه ماشي ساهل على البنت اختيار الزوج الصالح بكل المعاني هدشي علاش فكرت نتجمعوا فهاد الموضوع
              شكرا لك




              تعليق


              • #8
                المشاركة الأصلية بواسطة مايا 04 مشاهدة المشاركة
                موضوع زوين من عضوة نشيطة و غزالة
                شوفي شخصيا بالنسبة ليلي اهم حاجة هي الخلق.يعني اختيار الزوج على اساس اخلاقه و اصله.ماشي فلوسه.راه الفلوس من بعد ربي كيرزق و دقة دقة يحمل الواد. حيث كاين اللي تبغي كلشي من الاول الدار و السيارة و السفر و.....ماشي درجة درجة.
                ثاني حاجة هي الاحترام بين الزوجة و الزوج.ايلا احتارمتيه و عمركي خرجتي العيب راه ديما تبقاي عزيزة.ماشي صافي زعفت و طلع ليا الدم مانبقاشي نقشع قدامي و نولي بحال عبد الصمد .....شكون هو عاود هاد عبد الصمد هههههه المهم راك فهمتوا
                ديما الانثى كتبقى انثى نخليوا الصراخ للراجل. و الاهل ديال الزوج ديييييما نحتارموهم و عمرنا نخرجوا العيب.راه تيقوا بيا كلشي يتنسى و العيب يبقى يتجبد. العكوزة واخا تقلقني نعاملها مزيان.بحال ماما واخا شنو يصدر منها على قلبي كيف العسل.ايوا راه هيداك يماه دراجلي .
                ايوا الحاجة الثالثة هي مشاكلي مع راجلي مانعاودها لصاحبة لا لماما لا لاختي.التيقار و نخليهم محتارمينه.لان نتين مللي تدابزي معاه و يقوليك كلمة خايبة مثلا ونتين تعاودها ليماك.راه من بعد نتين تتصالحي معاه و سمن على عسل.ايوا يماك تبقى مفكراهاليه و يطيح من عينيها.اذن نعالجوا مشاكلنا و اسرارنا قلب دايورنا .خلي المشاكل الكبار اللي تحتاج للتدخل ديال رؤوس العائلة الكبار.
                ايوا هادشي باش ماشا انا و اللي تفكرتوا.
                كلامك صحيح اختي الخلق والدين هو الزوج الصالح لي يصونك اما الكمليات تتبقى شيئ جميل تحلي ايامك ولكن التعامل والطيبة في المرتبة الاولى هاحنا نقولو عندك زوج صالح تيعاملك مزيان مقدرك ومفحالوش تتعيشي السعادة الحقيقة يمكن تعاونيه حتى تكونوا روسكم اما زوج ميسول ووسيم ولا تعامل لا اخلاق لا دين مكود هادا العيشة معاه حارة اكيد غادي تكون عنده نظرات مختلفة تصرفات غير متزنة انا متنعممش غير فكرة وصافي نقطة نقطة حتى يحمل الواد شعار جميل تتكون هناك حياة في العلاقة وتتكون اختبارات تتواجهك منها تتعرفي القدر لي تتبغي في زوجك هادي هي الحياة بالنسبة لي
                وندوزوا لنقة تطرقتي ليها وهي مهمة فاش تيوقع النقاش بينك وبين زوجك الا سكتي وحليتي المشاكل بيناتكم تتكوني نجحتي في المحافظة على اسرار زوجك وبيتك اما لضربتي براسك بوق راكي غير تتكوني فكرة خايبة على مولا دارك اولا وعليك تانيا واحترام عائلته تيبقى ضروري باش تعيشي في الهناء
                شكرا لك مريا على النصائح




                تعليق


                • #9
                  شكرا اختي عهدنا منك دائما الجديد والمفيد
                  نصيحة مني الى كل اخت ارتابطات بزوج المستقبل بالعقد فقط دون ان يوفر لها المسكن اي بمخنى اصح ماتمشيش لعند البيت لتايسكن فيه الزوج الا عند دهابها النهائي اليه
                  لان شحال من بنت سمعت عليها وعرفتها حكات على انها دارت الدخلة هي وزوجها دون علم عائلتها اي تكون الخلوة بيناتهم او من بعد كا يوقعو مشاكل وخلافات تتادي الى الطلاق
                  هدا علاش قلت ليك ماتمشيش تعطي شرفك ليه خلي دائما راسك عزيزة الراجل كتعجبو المرة لتتحصن نفسها قبل ما يوفر ليك المسكن لغاتعيشي معاه نهائي
                  انا عن تجربتي الشخصية درت العقد مع زوجي كان دائما تايطلبني نمشي لعندو للبيت اوكنت دائما كانرفض كانت اختي الكبرى تاتقول لي لاش غاتمشي لعندو ماتمشيش تاتمشي بمرة او فعلا مامشيت لعندو تادرنا حفلة صغيرة اوكانت ليلة الدخلة

                  نتمنى من الاخوات المتزوجات لمازال عازبات اومالتاحقوش بازواجهم خصوصا الازواج للبالخارج البلاد احصنو نفوسهم تايلتاحقو بازواجهم
                  و شكرا
                  [SIZE=5][COLOR="#FF0000"][B]
                  حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

                  "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
                  وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






                  تعليق


                  • #10
                    المشاركة الأصلية بواسطة HARAKA مشاهدة المشاركة
                    شكرا اختي عهدنا منك دائما الجديد والمفيد
                    نصيحة مني الى كل اخت ارتابطات بزوج المستقبل بالعقد فقط دون ان يوفر لها المسكن اي بمخنى اصح ماتمشيش لعند البيت لتايسكن فيه الزوج الا عند دهابها النهائي اليه
                    لان شحال من بنت سمعت عليها وعرفتها حكات على انها دارت الدخلة هي وزوجها دون علم عائلتها اي تكون الخلوة بيناتهم او من بعد كا يوقعو مشاكل وخلافات تتادي الى الطلاق
                    هدا علاش قلت ليك ماتمشيش تعطي شرفك ليه خلي دائما راسك عزيزة الراجل كتعجبو المرة لتتحصن نفسها قبل ما يوفر ليك المسكن لغاتعيشي معاه نهائي
                    انا عن تجربتي الشخصية درت العقد مع زوجي كان دائما تايطلبني نمشي لعندو للبيت اوكنت دائما كانرفض كانت اختي الكبرى تاتقول لي لاش غاتمشي لعندو ماتمشيش تاتمشي بمرة او فعلا مامشيت لعندو تادرنا حفلة صغيرة اوكانت ليلة الدخلة

                    نتمنى من الاخوات المتزوجات لمازال عازبات اومالتاحقوش بازواجهم خصوصا الازواج للبالخارج البلاد احصنو نفوسهم تايلتاحقو بازواجهم
                    و شكرا
                    شكرا لك على النصيحة القيم بصح بزاااااااف من البنات طاحو فهاد المشكل وتيصدقو حوامل او ضاع شرفهن واخا تيكون زوجها حلالها ولكن تتجي طايحة لاننا عندنا عادات وتقاليد والا جيتي تفكري ضروري احترام هاد العادات لانها تتحمي حقوقنا وتتخلي البنت دائما راسها مرفوع قدام زوجها شحال من وحدة تتكون معولة على العرش ويكبروا بيها دارهم تيصدقو مصيفطينها بحال لدايرة شي زبلة وراسها في الارض بصح خاص البنات تراعي هاد النقطة بالدات
                    شكرا لك حركة




                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X