وظيفتك أو دارك سؤال لكل إمرأة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وظيفتك أو دارك سؤال لكل إمرأة

    السلام عليكم انيقات ليوم بغيت نطرح موضوع لعصر بين المخطوبين أوالمتزوجين ألا و هو وظيفة المرأة . واش لبنت إلى تخطبات أو تزوجت تخلى عن وظيفتها وتجلس ف دار أو تبقى ف وظيفتها ( لدواير زمان + مكانتها فل مجتمع) أنا حابة نعرف أرائكم باش كلنا نستافدو وكل وحدة تعاود لينا تجربتها باش نستافدو منها و مانطيحوش ف نفس المشكل
    استغفر الله العظيم
    sigpic


  • #2
    السلام عليكم.
    المراءة الموظفة يجب عليها ان لا تتخلى عن الوظيفة.
    احكي لك عن تجربتي .يا اختي كنت موظفة وكافحت حتى اعطاني الله كل ما طمحت اليه.
    اختي ازمن غدار .انا ندمت على الوظيفة لحقاش سمعت لراجلي وخرجت ولكن اغدر بيا وخلتي ومشى لوحدى اخري
    واختك عندها غي التقاعد النسبي والله حتى الندامة فيا كتقتل وحتى الا بغيت نخدم الان انا كبيرة في السن وحتى واحد
    ما يبغي يوظفني عند.ندمانة وما نفعني الندم .اياكم ثم اياكم والثقة فالراجل راه غدار.
    الظروف كتحكم على الانسان والله وما تبقا خدامة ولا الدل.

    تعليق


    • #3
      وميض شكرا بزاف حيت شاركتينا تجربتك .أنا طرحت هاد لموضوع حيت كنت خدامة وقال خطيبي كلسي و كلست و دابا ندمت وبغيت رجع نخدم محد مازال صغيرة و ديبلومي مازال جديد وخفت نفاتحو فل موضوع ونكون غالطة أو نولي ندم من بعد
      استغفر الله العظيم
      sigpic

      تعليق


      • #4
        انا كنفضل نجلس وما نخدمس حيت ختكم خوااافة كنخاف من المرا تخرج ما عرافتس علاس يمكن الزنقة ما فيها امان هد زمان
        وزيد انا كنخاف من خيالي هههههههه
        الدار اولى بيها الى كان راجلها متعها
        وماسي رجال كلهم غدارين

        تعليق


        • #5
          اختي اش غادي نقول ليك على حسب ظروف المراة لانه كاين الي راجلها يقدر يغدرها ومتيقش فيه يعني خاصها علاش تعول من بعد الله والي راجلها موفر ليها كلشي وحتى الا قدر الله وقع شي مشكل معاه وعندها على من تعول من عائلتها معندها لاش تبقى مكرفصا راسها فالخدمة وكتبقى كلها وظروفو والناس اشكال والوان

          تعليق


          • #6
            أختي على حسب ظروف كل أخت كاين الي تتخدم باش تعاون راسها ودارهم أو زوجها على دواير الزمان وكذلك باش يكون عندها مدخول مستقر الي تستنفع بيه وتقدر براتبها - نسبيا - تظمن مستقبلها أقول نسبيا لأنه الله هوالضامن وهو الذي يعلم بالغيب والمستقبل.
            إذا كان الزوج ِنعم الخلق والدين وميسور الحال فإنني أرى أن بيتها وأولادها أولى ويمكنها من خلال المصروف اللي يعطيها راجلها توفر منو أو كاين اللي تيكون محدد لها مبلغ شهري خاص بها بوحدها من غير مصروف البيت دون أن ننسى أنه عليها أن تهتم بنفسها وبدينها وثقافتها وجمالها حتى ولو جالسة في البيت
            عامة أظن أن المرأة عندما تنجب تفضل أن تبقى في البيت لتربية أولادها ورعايتهم ، خصوصا مع ما نسمع من أخبار عن كوارث الشغالات مع الأطفال (ضرب، حريق، قتل الله يحفظ)
            إلا إذا كانت هناك ظروف قهرية لا تسمح بذلك وتجبرها على الاستمرا في شغلها
            أو نرجع ونقول حتى واحدة متبغي تكرفيص الله يكون فالعون وربي يدير تاويل الخير
            هذا رأيي
            لا إله إلا الله محمد رسول الله

            اللهم لك الحمد والشكر يا رب العالمين
            اللهم إني استودعتك طفلي فاحفظه من كل شر وسوء إنك أنت خير الحافظين



            [IMG]
            [IMG]

            تعليق


            • #7
              صباح نور انيقات المنتدى أش نقولكم نتم كاملين على صواب سواء لمرا جلست ف دار أو خدمت . الجهة ديال راجل هي لقطعت الحكم فل أخر أنا قلت فل أخر ماشي فلول يعني ممكن فلول مايخصها خير معاه ويوفر لها و كلشي و ممكن يجي نهار ويقلب عليها .يعني مايمكنش لينا نعرفو نتيجة من لول ههههه .و من هاد المنطلق خصنا نديرو ب دواير زمان سواءا خدمنا أو جمعنا فلسات وحنا جالسين ف دار لي نقدرو نديرو بهم شي حاجة إلى كتاب علينا لمكتاب .تنعي نفكر وقلقا هاد لمسألة بحال شي تجربة فيزيائية ماتقدر تعرفي نتائجها إلا ف أخر التجربة
              استغفر الله العظيم
              sigpic

              تعليق


              • #8
                حبيبتي المراة سرها دارها و راحتها عن تجربة و المراة لا يمكن ان توفق بين دارها و راجلها و عملها بالمرة و عن تجربة عاد خلي الوليدات تيعيشو مساكن بعاد على امهم المهم اختي لا كنتي عارفة الزوج يقد بيك و بمصاريفك احسن ليك تجلسي معززة مكرمة فدارك اما لا كان يالاه بادي مافيها باس اختي تعاونيه و تعاوني راسك




                " اللهم بلغنا وسلمناإلى رمضان وسلم لنا رمضان وتسلمه منا متقبلا "

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X