قصص ولا فالخيال شاركوني النقاش بخصوصها

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصص ولا فالخيال شاركوني النقاش بخصوصها

    اخيااتي
    مرحبا بكم فموضوعي لي اليوم غادي يكون عبارة عن قصص واااااقعية غادي نرويها ليكم وعليها غادي نبنيو نقاشنا ان شاء الله
    اخواتي
    فهدا الاسبوع المنصرم تصدمت مرتين متتاليتين
    واكيد لما تكملو قرائة موضوعي انتم كدالك غادي يوقع ليكم نفس الشئ

    ابتدئ بالصدمة الاولى
    استمعت عبر احدى الاداعات الجهوية لقصة روتها صاحبتها دون خجل ولا درة حياء ولا اي شئ
    المهم تقول
    انها لما كان العمر ديالها 22 سنة تعرفت عبر الانترنت الى شخص عمره 58 سنة وهو متزوج ومطلق باولاد
    المهم استمرت هدا العلاقة بيناتهم وكانو كايتبادلو نفس الشعور لدرجة مشا لدارهم يخطبها الا ان اهلها رفضو بحكم كبر سنه هو
    افترقو لبعض الوقت وعادو رجعو لبعضهم بعض
    وهنا افتح قوس لاقول ان البنت يعني كتعيش مع هدا الرجل ماحرمه الله اي كتزني معاه وهي مازالت بنت
    كتقول على حد تعبيرها هي انه كيحافض عليها وانه مواعدها انها لما تلقى شي زوج غادي هو يزوجهل به ويقوم لها بالعرس وبكل شئ
    المهم استمرت هدا العلاقة بيناتهم ومكانت تعرف و لا شخص غيره
    ومني وصلات لسن 26 سنة وهنا يكمن العجب العجاب ومركز الصدمة
    هدا البنت فهدا السن جاتها شي خدمة فواحد المكتب وفواحد النهار بينما هي فالعمل ديالها لي كانت تتواجد فيه لوحدها قالت بان الشيطان نعلة الله عليه اوحى لها انها تدخل للمواقع الفالسة
    المهم دخلات وهنا والله ماعرفت كفاش نوصل ليكم ماحدث
    المهم ان البنت لعب بعقلها الشيطان واغتصبت نفسها .....
    و بعد دالك انها سباتها فداك الراجل لي عندها معاه علاقة
    و بحكم انه كيبغيها وعنده فيها ثقة انها لاتعرف غيره قبل هو بهدا وماكان الا انهم اصبحو يتعايشون كالازواج ولا حول ولا قوة الا بالله
    هدا البنت هي الان مني حكات هدا القصة فعمرها الان 28 سنة

    و هادي الصدمة الثانية
    فالسبت الماضي و بالضبض مع الواحدة ليلا كنا انا زوجي سهراني شوية
    و ادا بنا نسمعو واحد الهزة قوية تخلعنا فيها
    ماكان منا الا اننا طلينا من الشرفة
    لقينا طوموبيل ضربات سيارة جارتنا لي كانت مركونة فالشارع وتهزات حتى ضربات سيارة اخرى لجارنا التاني وضارت وضربات العمود ديال الكهرباء وخرجات منها بنت وولد هاربيين
    اش نقول ليكم الى هنا والامور معتادة بمعنى كسيدة خايبة وصافي
    لكن مني نزلو كلهم الرجال ديال العمارة لي انا نسكن فيها باش يشوفو اش واقع
    اوا هنا يكمن الدهوووول
    لقاو فديك السيارة صاحبة المشكل
    لقاو بان البنت والولد لي هربو اكيد واحد فيهم مصاب لان هناك اثر دماء كثيرة
    اما فالامام كان السائق والتي بجانبه حاصلين لان الابواب مبغاتش تتحل لهم
    ومني عاونوهم الرجال وحلو الباب اش يمكن لكم تتصورو انهم لقااااو
    لقاااو يا الاخييااات.....
    بنت وولد باقيين صغااار اي فعمر 17 سنة الولد مني خرجووه عاد هما غطااوه ولبسوووه سرواالو والبنت مهرسة من ضهرها......
    كنتمنى انكم تكونو فهمتو اش كنو كيديرو هدا الاوغاااد نعلة الله وعليهم
    والله مني عاودها ليا زوجي الا بقيت غير حالة فمي مالقيت منقول
    لانهم هما بعدا لي رجاال وتصدمو

    اخوااتي انا لما طرحت هدا القصص ب2 ماشي للتشهير باصحابها
    لا ابدا ولكن هدا ماغايكون الا نقطة فبحر
    لانه ماخفي كان اعضم

    المهم لي بغيت نتناقش مغاكم فيها هي علاش اصبحتا على مانحن عليه
    اكيد غادي تقولو ليا بالدرجة الاساسية هو ابتعادنا عن الدين
    لكن الموضوع اخواتي يهم الاسرة حيث هي لي عطاتنا مثل هدا الفتاة وبحال هدا الاولاد
    ادن شكون لي تشوفوه هو لي قصر فتربية بحال هدا الدراري
    وااااش الام لي ماقايماش او مقامتش من الاول بدورها كما ينبغي
    او الخطا من الاب لي ماحاضيش اولاده وطالق كلشي على الام
    او لا هدا الجيل و هدا الوقت لي صعييبة كتخرج الحاجة من جواها كما نقولو وخى تربي حتى تعياااي

    فاين يكمن الخلل
    وشكوون لي نحمله ما الت اليه اوضااع وليداتنا
    واش الاسرة بمعنى الاب او الام او كليهما
    واش العائلة بصيغة اكبر اي دور العم والخال والجد وكل الافراد لي تتقرب لينا
    واش الجورة و المجتمع بشكل عام


    كنتمنى تشاركوني باراائكم
    sigpic

  • #2
    بارك الله فيك
    الصراحة كيف قلتي هادشي غير نقطة فبحر
    انا تنحمل المسؤولية للاسرة و للتلفزة و الانترنيت و المجتمع...و...
    بزااااف ما يتقال
    التربية تبدلات المفاهيم ديالها
    واش تتلقاي اب خارج و حداه بنته لابسة من غير هدوم خلاها عادل امام هه كثرة الهم تضحك
    و غادي فخور بها و الرجال عينيهم عليها الله يستر يا ربي.هداك هو الديوت
    اشمن تربية غادي تلقى من باها هاد البنت.و هي حتى حد متيقول ليها حرام و عيب
    تتلبس اللي بغات تخرج و تدخل الوقت اللي بغات..تصاحب اللي بغات.عندها هاتف خلوي و بيسي و الوسائل باش تغلط و تنحرف و الرقيب مكاينشي
    لا حول و لا قوة الا بالله
    مابقاشي الاحترام
    البنت ترفع صوتها على الاب و ترفع يدها
    ثقافة الاخ الاكبر انعدمت
    ياك انا غير بنت اليوم و سني 27
    كان الاخ ديالي ايلا كلمني مانقدرشي نرفع فيه عيني
    اما بابا خلاص.كنحشم من خيالي
    هادشي ولا يخلع و مجتمعنا ماشي فطريق العصرنة الخاوية
    و السينيما و التلفزة معاونين فهادشي
    بنت صاحبتي عندها 11 العام.فالاعدادي.قالت ليك عيب عندهم فالقسم اللي ماعندهاشي الفيسبوك
    ربي ايلا ما هي قد الفولة و قالت ليك الفيسبوك.اشمن ربح فيه و فاين هو الرقيب
    حتى ايلا دخلت ممكن اي واحد يكلمها و يفتح ليها العينين و ممكن تشوف شي منظر اللي تتعلق بيها بحكم صغر سنها و انبهارها بعالم مكانتشي تتعرفه
    و الوالدين فرحااانين...بنتتي تتطير فالانترنيت تبارك الله عليها
    ايوا دابا تطير نيت اخلاقها و برائتها الي معرفتوشي تحافظوا عليها
    غير جولة فمحيط شي اعدادية او ثانوية تورينا الجيل المستقبلي
    انعدام الاخلاق و البنات متبرجات بحال ايلا ماشيين للعرس ماشي للتحصيل العلمي
    الطابلية كيف البودي و كلشي باين
    و الماكياج على حقه و طريقه و القهقهات و المداعبات بالايدي
    و الكلام الهابط
    فعلا القلب يتحسر لهادشي


    هاد الامثلة اللي عطيتي صعيبة بزاف
    لان فسن 17 و تيمارسوا الرذيلة...صراحة هادشي تيخلع و بالليل مازال
    فاين اسرة الفتاتين مسولوشي فاين دايعين حتى لشمن ساعة
    و ديك قليلة الحياء اللي تتجهر بالمعاصي علانية.شنو تتسنى من المشاهدين من غير الفتنة و صافي

    الله يهدي ماخلق و يرد بامتنا يا ربي
    اما راه مابقى ما يعجب














    مايا 04 سابقا

    تعليق


    • #3
      السلام عليكم اولا الله يستر علينا وعلى امة سيدنا محمد
      اختي اش غنقوليك راه جبدتي موضوع كبير وقديم فنفس الوقت انا الى جيتي علي راه الوقت تبدلات للاحسن الان وليتي تمشي فالشارع يبانو ليك بنات محجبات مستورات انا كنعقل ايام دراستي كنت نقرا فقسم مفيهش ولا محجبة وحدة وانا كنت وحدة منهم لكن بحكم اني تربيت فمدينة سياحية اواليديا فداك الوقت رغم انهم كانو كيتكلمو على اللباس الا انهم مكنوش كيصرو عكس هاد الوقت حاجة اخرى انا مني كنت مراهقة يعني 10 سنوات هادي اش غنقول ليك كانو فالحي اللي ساكنين فيه سيارات يوقفو يتسناو سيارة اخرى تجيب ليهم فتيات ويجلسو يختارو قدامنا الاولى تمشي وترجع حتى يلقا اللي تعجبو وتمشي معاه نزيدك كانو يبقاو سهرانين عند الباب الماسق والفعايل بحكم انو كانت الدنيا كتخوى بكري حدانا يمشي شي واحد من الرجال يتكلم معاهم يمشيو تجي سيارة اخرى هههههههه غتقولي اشمن حي هادا غنقوليك حي راقي فقلب مدينة اكادير فيه عائلات محترمة وموضفين اختي بالعكس الان كنشوف الناس ولات كتكلم على الدين اكتر ستوعبات معناه والتازمات بيه اما على حال الشباب الان فهو كيف كان قبل كاين لمربي واللي ممربيش كيف شفتي فديك الليلة بنت خارجة وفاعلة ديك الافعال فنفس الوقت كاين بنات مربيات ملتازمات وتقدر تكون مملتازماش باللباس المنصوص عليه فدينا الا انها مربية احسن تربية ومحافضة على نفسها وتقدر تكون فئة اللي متقدرش تجاوز السابعة هي خارج البيت ومن المدرسة للدار راه اصابع اليد ماشي بحال بحال هادا راييي وانشاء الله نتبع اراء الاخوات وبارك الله فيك اختي على هاد الطرح المميز



      اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
      اللهم أحفظهم من أي مكروه يصيبهم ومن كل شرٍ وضرر
      اللهم أحفظهم من الأسقام والأمراض
      اللهم لا تجعل ابتلائي فيهم
      اللهم أجرهم من الفتن ما ظهر منها وما بطن
      اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
      اللهم أغنهم بحلالك عن حرامك وبفضلك عمّـن سواك ،،
      ربي أرزقهم صحبة الأخيار وخصال الأطهار والتوكل عليك يا قادر يا جبار،،
      ربي أبعد عنهم أمراض القلوب والأبدان ،،
      وبلغني فيهم غاية أملي بحولك وقوتك يا كريم يا منان ،،
      ربي متعني ببرهم في حياتي وأسعدني بدعائهم بعد مماتي ،،
      وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

      تعليق


      • #4
        المشاركة الأصلية بواسطة oum ikraam مشاهدة المشاركة
        السلام عليكم اولا الله يستر علينا وعلى امة سيدنا محمد
        اختي اش غنقوليك راه جبدتي موضوع كبير وقديم فنفس الوقت انا الى جيتي علي راه الوقت تبدلات للاحسن الان وليتي تمشي فالشارع يبانو ليك بنات محجبات مستورات انا كنعقل ايام دراستي كنت نقرا فقسم مفيهش ولا محجبة وحدة وانا كنت وحدة منهم لكن بحكم اني تربيت فمدينة سياحية اواليديا فداك الوقت رغم انهم كانو كيتكلمو على اللباس الا انهم مكنوش كيصرو عكس هاد الوقت حاجة اخرى انا مني كنت مراهقة يعني 10 سنوات هادي اش غنقول ليك كانو فالحي اللي ساكنين فيه سيارات يوقفو يتسناو سيارة اخرى تجيب ليهم فتيات ويجلسو يختارو قدامنا الاولى تمشي وترجع حتى يلقا اللي تعجبو وتمشي معاه نزيدك كانو يبقاو سهرانين عند الباب الماسق والفعايل بحكم انو كانت الدنيا كتخوى بكري حدانا يمشي شي واحد من الرجال يتكلم معاهم يمشيو تجي سيارة اخرى هههههههه غتقولي اشمن حي هادا غنقوليك حي راقي فقلب مدينة اكادير فيه عائلات محترمة وموضفين اختي بالعكس الان كنشوف الناس ولات كتكلم على الدين اكتر ستوعبات معناه والتازمات بيه اما على حال الشباب الان فهو كيف كان قبل كاين لمربي واللي ممربيش كيف شفتي فديك الليلة بنت خارجة وفاعلة ديك الافعال فنفس الوقت كاين بنات مربيات ملتازمات وتقدر تكون مملتازماش باللباس المنصوص عليه فدينا الا انها مربية احسن تربية ومحافضة على نفسها وتقدر تكون فئة اللي متقدرش تجاوز السابعة هي خارج البيت ومن المدرسة للدار راه اصابع اليد ماشي بحال بحال هادا راييي وانشاء الله نتبع اراء الاخوات وبارك الله فيك اختي على هاد الطرح المميز
        نعم اختي اوافقك الراي فاغلب ما قلتيه
        بصح حنا ايام الدراسة مكناشي محتجبات و لا تنفكروا فيه اصلا
        ولكن كنا متخلقات و الحشمة كاينة

        و الحجاب متيعنيشي ان البنت متخلقة و العكس صحيح

        بالنسبة لفكرتك ان كاين حركة وعي ديني بين الشباب
        متفقة معاك اختي
        كل ماكاين انحراف فاوساط الشباب كاين صحوة اسلامية فنفس الوسط
        و وليتي تشوفي الحجاب منتشر فصفوف الفتيات و التزام بالدين و كذلك الشبان و ارتياد المساجد و ...
        لكن كل هدا لا يغطي الواقع اللي سبقلي ذكرت













        مايا 04 سابقا

        تعليق


        • #5
          الكل مسؤووووووووووووووول عن هذا الانحطاط
          الاسرة المدرسة الاعلام العالم الخارجي
          اللهم الطف بنا لانه صار من المستحيلات تربي اولادك تربية حسنة فوسط كله مغريات

          تعليق


          • #6
            لاحول ولا قوة الا بالله اقشعر جسمي وانا اقرا القصتين مانقدر نقول الا لا حول ولا قوة الا بالله


            اللهم بارك لي في ولداي واجعلهما صالحين بارين بابويهما حاملين لكتابك الكريم



            طوبى لمن وجدفي صحيفته استغفارا كثيرا

            تعليق


            • #7
              شكرا ماياتي واختي ام اكرام
              نتفق كلنا على ان الوضع فمجتعنا هو وضع لايمكن السكوة عنه لانه يعنينا ويعني وليداتنا بالدرجة الاولى
              اختي ام اكرام صحييح ان الان العديد من الاخوات هداهم الله و صححو طريقة عيشهم وبدالك اصبحو اكثر حشمة فلباسهم لكن هدا لا يعني بالضرورة انهم كانو من قبل كيخرجو عريانيين لا ابدا
              حيث كيما كان الحال لباس الامس خير بكثييييير من ما نراه الان
              و الله حتى ولاو مكيلبسو وااالو انا شفت وحدة بعوينات وحدة غادية بجلابة ياحصرة لكن بيضاء وانتم كتعرفو الابيض واش يستر المهم والله مالابسة تحته غير سوتيام وسليب واسود والله العضيم اش نقول ليكم الرجال غادي يحماقو مكاين غير وقف ووقف وكلا كيتبارى باش يهزها
              لا حول ولا قوة الا بالله
              اختي نزيد نضف ليكم بان البنت صاحبة المشكلة الاولى تقول وتعيد القول انها ويا للحسرة من اسرة محااااااافضة وعندها خوتها وخواتتها لكن لاعلم لهم بهدا وهي تربت على الى خرجت من المدرسة مع 6 خاصها والربع تكون فالمنزل وااالو مكتزهق لوالا بلاصة ومع دالك شوفو اش دارت هدا المسخوطة

              انا كنقول بان المشكل بالدرجة الاولى هو يخص الام
              لان الام كيفما كان هي المسؤوولة على التربية ديال وليداتها صحييح ان الاب حتى هو عنده دور ومهم لكن هو كما نقولو بحال كيجي باش ياكد كل القواعد لي حطاتها الام
              وحتى لنفرض مثلا حتى ان هدا الاب ماشي زياان وماقايمش بمسؤولياته تنلرجع من ثاني لنقول ان الام هي التي تربي وهي لي خاصها تكون دكية وتصاحب مع وليداتها سواء كانو وليدات او بنيتات هدا مع احترام الخطوط الحمراء لي غادة تكون حاطهم كاساسات لبنيان اسرتها

              يقال وصحيح هدا القول مائة بالمائة
              الام مدرسة ان اعددتها اعددت شعبا طيب الاعراق


              انا هدا هو رئ اش بان ليكم وحتى انتما يا المشاهدات 40 ادخلو شاركونا بارائكم
              sigpic

              تعليق


              • #8
                شكرا ليكم فعلا موضوع مفيد بزاف اختي مايا واختي ام الكتامين شكرا لكن /////
                لا اوافقك الراي اختي ام الكتامين هههههههههه///// متخلعيش ///
                اي ام ماتبغي لولادها غير الخير مكاينش شي ام اللي ترضى بنتها تكون......
                لكن اختي الشارع هو اللي كيفسد وصديقات السوء شحال من ام خاوات بنتها اوجات وحدة وفسداتها باغراءات اللي كتلقاها عن طريق الصحبة هادا يعطي ريحة هادا فلوس خصوصا الى كانت البنت اصلا كتعيش فراغ مادي او كيف كانقولو الله يحسن العوان فكتلقاها منجرفا حبا في المال حتى كتوجد راسها داخل حفرة هي من ارادت الوقوع بها
                لكن انا متافقة معاك اختي ام الكتامين انو الشارع ولى كيخلع والفساد نتشر بزاف لكن مقارنة مع قبل ااكد انو قبل كان اكتر واكتر والله اني اخجل نقول مواقف شفتها بعيني باحياء دازت مدة ورجعت ليها لقيت اشياء كتيرة تغيرات انا كنتكلم من وحي معاياشتي الخاصة فواقع وفاماكن مختلفة يعني رايي يعبر عن وجهة نضري الخاصة واختي مايا فعلا كنا قبل مكانلبسوش حجاب ومكنفكروش فيه نهائيا لان مكانش اللي ياكدلنا عليه ويحببنا فيه كيف كنوجدو دابا وليتي تمشي تلقاي اللي ينصحك ويفيدك بلا مايعرفك



                تقبلو افكاري المتواضعة احبكم في الله



                اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
                اللهم أحفظهم من أي مكروه يصيبهم ومن كل شرٍ وضرر
                اللهم أحفظهم من الأسقام والأمراض
                اللهم لا تجعل ابتلائي فيهم
                اللهم أجرهم من الفتن ما ظهر منها وما بطن
                اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
                اللهم أغنهم بحلالك عن حرامك وبفضلك عمّـن سواك ،،
                ربي أرزقهم صحبة الأخيار وخصال الأطهار والتوكل عليك يا قادر يا جبار،،
                ربي أبعد عنهم أمراض القلوب والأبدان ،،
                وبلغني فيهم غاية أملي بحولك وقوتك يا كريم يا منان ،،
                ربي متعني ببرهم في حياتي وأسعدني بدعائهم بعد مماتي ،،
                وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

                تعليق


                • #9
                  الله يستر يارب.
                  ما لقيت ما نقول .
                  ولكن راه فين مامشيتي تلقائ هدشي العالم كله يشكو من هاد الجيل.جيل النت.جيل الافلام الايباحية.جيل نقولو عليه جيل قيمش ما يحشم ما يرمش.
                  بدون تعليق.لا حول ولاقوة الا بالله.
                  لما تغيب الام عن البيت.
                  لما يغيب الاب.ذلما يكونو الابناء فحرية امام التلفاز وامام النت ..لما يكون مسموح للصديق يدخل يراجع مع الصديقة حيت صغار مساكن...والعكس صحيح وبمباركة الوالدين .شنو يمكن نقول راه لوالدين هم السبب بالدرجة الاولى .الله يحفظ يارب كل المسلمين يارب.
                  ام الكتامين موضوع كنت لاحذفه لكن خليه ياخذ قسط من النقاش من ادرانا ممكن نوجدو امهات ثايقين بابناؤهم اكثر من اللازم وثقتهم عمياء ووووووووووووووووووو يكون الموضوع سبب للاستيقاظ.
                  الله ينبهنا يارب ..........امين.....................

                  استودعكن الله الذي لا تضيع ودائعه
                  ام نسرين واخواتها اللهم اجمعنا في ظلك يوم لا ظل الا ظلك
                  امة الستير طهورا حبيبتي

                  تعليق


                  • #10
                    بارك الله فيك امي الغالية
                    بخصوص الموضوع
                    انا عارفة امي انه غادي يكون تناقش مامرة لكن مع دالك ارتايت نعاود نحلو لانه يهمنا كثيرولان اوضاعنا مابقات تسر حتى واحد راه من منطلق ضرني قلبي لدالك عاودت حليتو
                    على كل حال شكرا امي و ابقاك الله نبراسا لنا يا الحبيبة

                    اختي فاطمة مشكورة على مشاركتك
                    اختي ام اكرام
                    راه المجتمع فالاول والاخير ما هو الا مجموعة اسر
                    وبما ان فالاسرة الام هي لي كتربي نضرا لغياب الاب فالعمل لدالك باقي نزيد ناكد ان الام هي المسؤوولة وهنا كنعني كل الامهات دون استتناء بما فيهم انا وانت
                    لان لو كل وحدة وحدة فينا ربات وليداتها على طاعة الله وكبراتهم فحدود امكانياتهم المادية بمعنى يقنعو بداكشي لي عندهم و الله راه المجتمع ديالنا غادي يكون واحد اخر
                    بكل الحب اتقبل ارائك ورئ كل الاخوات
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X