إعـــــــلان

تقليص
لا يوجد إعلان حتى الآن.

الزواج برجل مطلق وعند ولد اوبنت

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الزواج برجل مطلق وعند ولد اوبنت

    السلام عليكم ورحمة الله وبركاته اخوتي بغيت نطرح واحدالموضوع لنقاش وهو زواج بمطلق عنداولاد وخاصة في المغر ب لمزوجة برجل مطلق وعند لولاد تشارك معانا هادانقاش وتعاود لنا تجربتها والمشكل لكتعاني منو من اولاد زوج وطليقتوا
    ونا من بعد نعاود لكم قصتي وشكرا

  • #2
    السلام عليكم ورحمة الله وبركاته اشغنكوليك اختي الكريمة عليك بالصبر وان تتقي وجه الله والله لغيخلصك لمزوجات برجل مطلق وعندو اولاد

    تعليق


    • #3
      السلام انا اختي مزوجة برجل مطلق وعندو بنت وهي عايشة معايا راه كنلقا بزاف ديال الصعوبات وكنحاول نتجاوزها شي مرات كنقدر وشي مرات كنكمدها في قلبي ونسكت راه صعيب ولكن قدري هو هادا اش غندير وايلا مرضت بالاعصاب راه هاد شي حيت خاصني نعاود تربية من اول وجديد وعاد مشاكل الحياة الزوجية واليومية والله المعين
      اللهم اغفر لي ولوالداي والمسلمين جميعا الاحياء منهم والاموات


      تعليق


      • #4
        السلام عليكم اختي انا مزوجة من رجل مطلق او عندو ولد دابا عندو 17 سنة كبير عليا ب 23 سنة انا زايدة في 1990 هو 1967 المهم من النهار الاول شفت الاهانات من ولدو او من عائلة ديالو او كنعاني من نظراتهم لانني للاسف زوجة اب ولكن انا عمري ما شفت فيه ربيبي كنت كنعاملو كتر من خويا او هوا غي زايد او يطلع عليا بالهدرة او لمعاني حتى عييت او بغيت نطرطق
        حتى انا كانت نظرة ديالي لزوجة الاب خايبة او انها شريرة ولكن مين تزوجت حسيت بان كاين لي مزيانات ولكن ربايب او لعائلة كيخليوها تقلب
        اليوم تبدلت مكنعطيهش وقت اصلا كندير لواجبات ديالي صابون, اكل....حتى وليت كنحس براسي مزوجة غي باش نخدمهم ويلا مشاتلو شي حاجة كلشي كيتاهمني.
        و اذا شفتوا دار شي حاجة جرحاتني ما كنخبيهاش في قلبي كنقولها لباه باش ما نمرضش بعد المرات كندم على الزواج ولكن كنقول راجلي مزيان او هذا لي كتب الله سبحانه او دابا عندي بنتي ولكن ممبعداهاش على خوها + المراقبة اكيد اما بنسبة الام ديالو فهي مزوجة ولكن كانت كدور براجلي او باغا تفقسني في المرة الاخيرة هدرات معايا شبعات فيا سبان ولكن جمعت معاها وطويت او هددتها او هي تكمش عمري مارتاحين دائما عايشة في توتر كنشوف صحاباتي لي مزوجين من عزابين كنقول وانا علاش كندير دور ديال امراة اخرى و فوق من هاذ شي كنتسمى خايبة او فتالي الولد يمشي عند مو لي مكتعرفوش حتى فجوج دريال او عاد نافخة المهم الله يشوف من حالنا او حال الجميع او كنصح كل بنت مديرش بحالي لانها غادي تفني شبابها من اجل مستقبل الاخرين و مصلاحتهم وتبقى هي ديما مراة الاب
        التعديل الأخير تم بواسطة ام عمار و اسماء; الساعة 29-10-2013, 21:10.

        تعليق


        • #5
          حبيبة غير صبري راه ربي غادي يجازي كل واحد على نيتو،حتى هو راه باقي صغير و معندوا عقل حيث هاديك هي الصورة لي عطاوه لأهل ديالو عليك قبل ما تكوني ،حتى واحد مكيتمنى شي وحدة تجي بلاست لأم ديالو ،إنشاء ملي غدي يكبر غادي يفهم الوضع مزيان0غير صبري أختي و الحمدلله راه ربي عطاك واحد الجوهرة لي كتنسيك فهموم الدنيا و هي بنتك0

          تعليق


          • #6
            اختي الله يصبرك ويصبر كل وحدة كتعاني انا في راييى اللي عندو الولاد بلاش من الطلاق حيت الاولاد كيضيعو الطرفين يحاولو يصبرو ويتنازلو شوي باش المركب تمشي راه المشاكل نفسها تقريبا كتكون لان العقليات بين الازواج والزوجات مختلفة كاع المستمرين في زواجهم مستمرين حيت مكيحكوش على الدبرة عين ميكة اما توحدة ملقياها كيف بغاتها المهم نرجعو لموضوعنا الا وقع الطلاق في نظري الراجل خاصو ياخد حتى هو مطلقة بحالو وعندها ولدات باش يعيشو نفس الظروف وحتى هي تكون عارفة تعامل مع الوليدات مشي وحدة صغيرة ومعندها خبرة يلاه قالت بسم الله كتلقى الولاد من نهارها الاول وهي مزال مولفات حتى الزواج عاد الولاد اللي هما بطبعهم كيعنيو نفسيا من طلاق وليديهم وكيخرجوها من مرات الاب. وكنفضل انا الولاد يبقاو مع امهم احسن كنستغرب للامهات اللي كيسمحو في وليداتهم بالارادة ديالهم على الاقل حتى يوقفو على رجليهم كبشدو العكس المرة والراجل وكينساو الوليدات سمحو لي الا خرجت على الموضوع بلحق هاد القضية كتضرني فخاطري بزاف.







            تعليق


            • #7
              السلام عليكم بغيت نقول انه قرار فيه مجازفة القبول بزوج عندو اولاد قبل ولو غير ولد واحد بحال زوجي و لكن مهما درتي كتبقاي زوجة اب و خصهم غير فين ينغصو عليك حياتك انا راجلي ولدو معيش معايا الحمد لله مع امو و لكن غير في التليفون ملي كيتصل كتلقاهم باغين غير ينغصو عليك حياتك متلا كل مرة يتصلو باش يقولوليه راه كاين مشاكل راه كدا راه كدا المهم ديما واصلك الصهد ولو عن بعد

              تعليق


              • #8
                لهدا لا انصح اي وحدة بالزواج برجل عندو اولاد راه غادي تعيش حياتها كاااااااملة في المشاكل زائد انه خلصتو ديما مقسومة على زوج ديما الشريك و كيصعاب تخططي لحياتك مع راجلك في هدوء و خصوصا ملي كتولدي كتحسي بيها مزيااااااااان زيد النظرة الدونية الي كيحسسوك بيها عائلة الرجل زعمة راكي قبلتي بيه عندو ولد بحالا راه ملقيتيش الي يقبل عليك و رضيتي بهاد الوضع و الله يصاوب و صافي لكل وحدة تحطات في هاد الموقف

                تعليق


                • #9
                  المشاركة الأصلية بواسطة sweet-shadow مشاهدة المشاركة
                  لهدا لا انصح اي وحدة بالزواج برجل عندو اولاد راه غادي تعيش حياتها كاااااااملة في المشاكل زائد انه خلصتو ديما مقسومة على زوج ديما الشريك و كيصعاب تخططي لحياتك مع راجلك في هدوء و خصوصا ملي كتولدي كتحسي بيها مزيااااااااان زيد النظرة الدونية الي كيحسسوك بيها عائلة الرجل زعمة راكي قبلتي بيه عندو ولد بحالا راه ملقيتيش الي يقبل عليك و رضيتي بهاد الوضع و الله يصاوب و صافي لكل وحدة تحطات في هاد الموقف
                  السلام عليكم انتمنى تكوني بخير والله أختي إلا كنت كنصحك بحال نفسي وكنقوليك عنداك أختي راغي التلفون غادي توحلي معاهم ولكن الإنسان بطبعو مكيبغيش يصدق حتى يعيش التجربة
                  url=http://tickers.doctissimo.fr/][/url]

                  تعليق


                  • #10
                    المشاركة الأصلية بواسطة sweet-shadow مشاهدة المشاركة
                    السلام عليكم بغيت نقول انه قرار فيه مجازفة القبول بزوج عندو اولاد قبل ولو غير ولد واحد بحال زوجي و لكن مهما درتي كتبقاي زوجة اب و خصهم غير فين ينغصو عليك حياتك انا راجلي ولدو معيش معايا الحمد لله مع امو و لكن غير في التليفون ملي كيتصل كتلقاهم باغين غير ينغصو عليك حياتك متلا كل مرة يتصلو باش يقولوليه راه كاين مشاكل راه كدا راه كدا المهم ديما واصلك الصهد ولو عن بعد

                    مازال كنتذكر شحال كنت كنصحك ابزاف ولكن منكدبش عليك مبقيتش دابا كنصح شي حد حنت كنتسمى ممزياناش ولكن الاول والاخير هي الله يصوب لينا جميعا
                    url=http://tickers.doctissimo.fr/][/url]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X