إعـــــــلان

تقليص
لا يوجد إعلان حتى الآن.

الموبايل اديال زوجك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الموبايل اديال زوجك

    بعض المرات كيجينا حب الاستطلاع لمعرفة الارقام التي لدى ازواجنا في الموبايل اديالهم ، او الاطلاع خلسة على الرسائل التي ترد عليه، هذا لايعني اننا نعمل ذلك بسبب عدم الثقة لا فقط من باب الفضول، شنو رايك الى افتحت الوبايل اديال راجلك ووجدت مثلا رقم نسائي ماذا سيكون ردة فعلك ارجو المشاركة لنعرف فقط ماذا يمكن ان نعمل امام هذا الوضع.

  • #2
    السلام عليكم ورحمة الله
    ساقول رايي بصراحة لا اعطي له اي اهتمام واطمئن مئة بالمئة
    لان الزوج اذا اراد ان يخفي شيئا لا يجعله سهلا بيد المراة
    ممكن يعمل موبايل اخر ممكن الف طريقة وطريقة
    اما هذه فانا ساقول اما اخت في العمل واما واما واما
    واستبعد فكرة اي شيء

    تعليق


    • #3
      هههههههههه ضحكتيني
      أتاري كاين مني بزاف وعاد غيبانوا

      أنا بصراحة ماعنديش أدنى شك في زوجي فهو من الخدمة للدار ما كيخرج مع اصحاب وأصلا عمره يقول عندي صاحبي ولا كنت عند صاحبي
      ماكيمشي لقهاوي
      إذا خرج من الدار عرفت ماشي عند والديه
      يعني مطمنة مليون بالمية فهو من النوع الي خلاص مايملى عينه غير بيته
      ولكن رغم ذالك ههههههه كنفتح موبايل دياله ونشوف الأسماء والأرقام والرسايل الي بعث والي جات
      وماشي مخبية لالا ساعات قدامه ومرات كيوصل sms أنا الي نقراه الأولى ونحكي له آش جا فيه
      وتلفوني كذالك يقلب فيه كيف بغا الثقة متبادلة ولكن بقات غير عادة تعودتها



      أما ردا على السؤال ديالك
      القيت رقم نسائي عادي فغتكون ديال شي وحدة محسوبة على خدمته لأن ظروف عمله تتطلب ذالك

      أما إذا كنت فالبلاد وفالعطلة داك الوقت ماعليا غير نتاصل نعرف ديال من هههههه وسبق ووقعات لي ولكن اكتشفت أن البنت صديقة ابنت أخته وهي الي تاصلات بيها من رقم خالها وكنعرف داك البنت وهي كتعرفنا
      يعني شكيت غير ظلم فزوجي خخخخخخ الله يهدينا

















      ياما كان فيها ممالك .. إلاوجهه كله هالك

      من ترابها ولترابها .. من وكان في الدنيا مالك
      مين وكان في الدنيا ملكه .. إلا جاله يوم وهلكه
      مهما نوره طال ظهوره .. جاي ليل ع الدنيا حالك

      جاي ليل ع الدنيا ضلمة .. ياما ناس في الدنيا ظالمة
      في المظالم كل ظالم .. جايله ليل أسود وحالك
      ياما كان فيها وياما .. من هنا ليوم القيامة
      الممالك والمهالك .. مالي يا دنيا ومالك











      شكرا غاليتي أمنار


      حملة الدعاء لاخواننا السوريون يوم الجمعة هلمي اختي


      ،أستحلفكن بالله..الدعاء ثم الدعاء ثم الدعاء لاخواننا في سوريا.







      تعليق


      • #4
        السلام عليكم
        انا بصراحة عمرني ماقلبت موبايل زوجي ولا حتى الماسنجر لانوكاينة ثقة كبيرة بينا وزيدون من الدار الى الخدمة ومن الخدمة الى الدار كاين صاحبو واحد الى تلاقا معاه كنخرجو كولنا مع زوجتو
        زعما مكاينش فين مسكين

        تعليق


        • #5
          شكرا اخواتي على التدخلات اديالكم اللي كلها جات ايجابية ، وماكيناشي اللي كاتشك فزوجها وهذه ظاهرة صحية، بالنسبة لي عندي الثقة فزوجي وهو الاخر من الخدمة للدار ومن الدار بعض المرات عند بعض اصدقاء اديالو اللي كانعرفوم كلهم، انا باش طاح لي هاد الموضوع افراسي واحد النهار كنت كانقلب اعلى واحد النمرة فالموبايل اديال مول الدار وانا كانقلب اظهرتلي واحد النمرة ماكنعرفاشي اديال بنت ابقيت كانفكر اديالمن هاد الرقم ماشي اديال الموظفين اديالو كنعرفهم ابقيت كنبني وانهدم ، ابغيت انسولو ماقدرتشي عيقولي ما كثيقيشي بي ونيت ما خصني اصداع ، المهم ابقيت كنفكر فالطريقة اللي عندخلو منا واحد النهار وهي يتصل ديك الرقم اخديت البورطابل واعطيتولو خليتو حتى اهضر اعلى خاطرو وقلتلو شكون هادي اللي اتصلت بك ما تصوروشي اشكون عايكون اخته ابدلت الرقم وانسيت ما اخديتو من عندو، قلت مع نفسي الحمد الله اللي ما سخنتشي راسي ونوضت امعاه شي اصداع واعلى من؟ اعلى اخته، شفتو الى اتفقدت الثقة شنو ايقدر يوقع ، ومن ديك الوقت قلت مانبقاشي انقلب لو فالبورطابل اديالو مادام الاحترام متبادل والود قائم والثقة موجودة والحمد لله.

          تعليق


          • #6
            انا شخصيا فيها هاد القاعدة ولكن غير من باب الفضول كانقلب ليه البورطابل وكانلقا بزاف ديال النوامر نسائية ولكن عارفة بلي ظروف العمل كاتجمعو معاهم الا مابغيتو يتعامل مع البنات نجلسو حدايا ونسد عليه ولكن حنا الحمد لله الثقة بيناتنا بعد المراتكايتاصلو بيه قدامي وبالنسبة لي عادي حيت كون كاينة شي حاجة مايهضر قدامي وزايدون مع الخدمة ماعندو فين يتحرك من الخدمة للدار ومن الدار للخدمة ايوا الله يهدينا وخلاص

            تعليق


            • #7
              انا الحمد لله مهنيا من هاد المشكل
              كلشي عندو رجال و المشكل لي عندي هو اني وليت كنغير من رجال ههههههه و الله
              و انا كولومبو،كنسول بزاف هههههههههههه
              اللهم ارحم ماما و بابا برحمتك و اكرمهما بكرمك و انسهما في قبريهما بما تؤنس به عبادك الصالحين و اغفر لهما ما اضاعا من حقك و اغفرلي ما اضعت من حقهما و ادخلهما الجنة دون حساب و دون سابقت عداب بعفوك و رحمتك يا حنان يا منان
              إن كنت في الصلاة فاحفظ قلبك

              وإن كنت في مجالس الناس فاحفظ لسانك
              وإن كنت في بيوت الناس فاحفظ بصرك
              وإن كنت على طعام فاحفظ معدتك
              ولدتك أمّكَ يا ابن آدم باكياً والناس حولك يضحكون سرورا

              فاحرص فديتك أن تكون إذا بكوا في يوم موتك ضاحكاً مسرورا

              تعليق


              • #8
                أنا ممزوجاش ولكن الى شفت شي اسم فتاة في موبايل راجلي غدي نعتبرها شي وحدا في العائلة او ما شابه


                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X