إعـــــــلان

تقليص
لا يوجد إعلان حتى الآن.

ما رايكن.....

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ما رايكن.....

    السلام عليكم

    حبيباتي ما رايكن في بعض الاسر التي ترفض
    زواج البنت الصغرى قبل الكبرى..

    انتظر مناقشتكن للموضوع






  • #2
    أسفة حبيبتي لا أستطيع الجواب على هاد السؤال لان ليس لي إخوة بنات مع الأسف الشديد عندي أخ واحد الله يخليه ليا و يصلحوا و يوفق في حياتو يا ربي أمين ولكن ماتانشووفش أن كاين شي مشكل في زواج البنت الصغرى قبل الكبرى لأن كل حاجة بالأجل ديالها أنا خالتي زوجات بنتها الصغيرة قبل الكبيرة و ما وقع حتى مشكل بالعكس الأخت الكبرى فرحت ليها و هي لي وقفات ليها فعرسها خاص يكون التفاهم و المحبة بين الإخوة هذا ما كان





    تعليق


    • #3
      عادي لي جاها رزقها الله اوفق اا ماعندي حتا اشكال
      []






      تعليق


      • #4
        السلام عليكم و رحمة الله تعالى و بركاته

        بحال هاد الأفكار ماخاصهمش مازال يبقاو فالمجتمع ديالنا , و خاصنا نفهمو الناس للي مازالهم يفكرو هكا بللي حرام علينا نربطو مصير الصغرى بمصير الكبرى ....
        ايلا البنت الصغرى جاها الرجل الصالح للي يتقي فيها الله , يقولو على بركة الله و يدعيوليهم بالتسخير , و الكبرى حتى هي راه جايها للي مكتبوليها الله سبحانه و تعالى و في الوقت للي كتبوليها عز و جل .

        هذه هي وجهة نظري أختي فتقبليها مني بكل تواضع و مع أطيب تحية


        كريدي البنك شنو غير فحياتك ؟

        تعليق


        • #5
          بارك الله فيكن اخواتي على مروركن العطر وردودكن العطرة

          فعلا انا معكم في الراي..لكن سبحان الله كنلقاو بعض الاسر كيتشددو فهاد المسالة وكيرفضو تزويج البنت الصغرى
          قبل الكبرى وكتبقى البنت مرهونة بزواج اختها الكبرى..وهدا خطا شائع لان الله سبحانه وتعالى هو اللي كيقسم الارزاق
          وكل وحدة يرزقها يمتى كيجيها وكتلقاي سبحان الله فبعض الاحيان ان رزق البنت الكبرى مرتبط بزواج اختها الصغرى
          وكتلقاي غي كتزوج الصغيرة كيتبعوها الاخريات هههه

          اقول قولي هذا واستغفر الله لي ولكم





          تعليق


          • #6
            وعليكم السلام ورحمة الله وبركاته

            بالفعل اختي مثل هده الافكار منتشرة في مجتمعاتنا وخاصة الاسر التقليدية التي كازالت تحافظ على التقاليد والاعراف القديمة والتي من ضمنها تزويج البنات بالترتيب الاكبر ثم الدي بعده الى اخر العنقود ولكن لي وجهة نظر وهي اننا لو فرضنا مثلا اننا ننتظر زواج البنت الكبرى في حين تخطب البنت الصغرى في هده الحالةننتظر الى ان يفوت القطار البنت الصغرى ونجد انفسنا ان ولا واحدة تزوجت والاخت الصغرى ستلقي باللوم على اختها ويتولد نوع من الكره لانها السبب في عنوستها ان صح التعبير وعدم زواجها وبهدا نكون قد خسرنا مرتين وليس مرة واحدة
            والزواج كما يقال قسمة ونصيب لهدا لازم نتخلص من هده الافكار ومن رزقها ابن الحلال دو خلق ودين فلتتوكل على الله

            اسفة طولت ولكن الموضوع دو شجون ومهم جدا

            والســـــــــــــــــــــــــــــلام عليكم ورحمة الله وبركاته
            sigpic

            تعليق


            • #7
              شكرا عزيزتي ام ايوب على الطرح المفيد اخواتي العزيزات الى عاودت ليكم القصة ديالي بهاد الخصوص يجيكوم :d:dالضحك بحال اللي كيجيني دابا اخواتي انا قبل من زوجي باعوام مللي كنت فاولى ثانوي جاني واحد الشاب جد طيب وخلوق للدار اخطبني هو تقريبا من العائلة اكانت ماما معجبة بيه لواحد الدرجة لا تتصور بالحق المشكل فين كاين فالاخت الكبرى ديالي من نهار خطبني اهي مبدلة معاي ا فالدار حرب معاي او ديما المشاكل معاها واحد النهار جا لدارنا احلليت ليه الباب اوبقينا كنهدرو شوي هو يقولي راني تلاقيت اختك الكبيرة لبارح فالشارع اراه قالت لي غير بعد منها راه متصلاحش ليك مازال مبرهشة اوزيد اوزيد المهم جاب لي الضحك حيت اصلا انا عارفها ديرها اتقد بيها المهم ديك الليلة درت صلاة الاستخارة او مللي فقت فقت مغيرة ا بغيت نرجع مع اختي كيف ما كنا حيت اصلا انا دايرة غير خاطر ماما مازال صغيرة المهم عيطت ليه ف التلفون او قتليه نتلاقو لاول مرة ضروري برا او ملي جا هو كان يحماق او ميتفارق معاي المهم قتليه شوف اولد الناس انا مزال مقدرت على الزواج دابة الله يفتح عليك بقا يقوللي علاش ما غلاش صافي خلليتو امشيت اجا عند ماما اقالها ليها ابدات تغوت علي او اللي ضحكني فهادشي كلو ماما كتغوت اختي فرحانة او مرتاحة او تبدلات معاي ديك اللحظة افرحت من تما ولليت ندعي معاها حتى تزوج عاد نزوج افعلا داكشي اللي طرا ههههههههههه
              اللهم باااااارك في امهات منتدانا امي ام الصالحين ,امي نجاة,ام ربيع,ام الشهيد مروان ,ام بيان,المسامحة ,ام سارة وكل الامهات الفاضلات






              تعليق


              • #8
                المشاركة الأصلية بواسطة نسائم الرحمة مشاهدة المشاركة
                وعليكم السلام ورحمة الله وبركاته

                بالفعل اختي مثل هده الافكار منتشرة في مجتمعاتنا وخاصة الاسر التقليدية التي كازالت تحافظ على التقاليد والاعراف القديمة والتي من ضمنها تزويج البنات بالترتيب الاكبر ثم الدي بعده الى اخر العنقود ولكن لي وجهة نظر وهي اننا لو فرضنا مثلا اننا ننتظر زواج البنت الكبرى في حين تخطب البنت الصغرى في هده الحالةننتظر الى ان يفوت القطار البنت الصغرى ونجد انفسنا ان ولا واحدة تزوجت والاخت الصغرى ستلقي باللوم على اختها ويتولد نوع من الكره لانها السبب في عنوستها ان صح التعبير وعدم زواجها وبهدا نكون قد خسرنا مرتين وليس مرة واحدة
                والزواج كما يقال قسمة ونصيب لهدا لازم نتخلص من هده الافكار ومن رزقها ابن الحلال دو خلق ودين فلتتوكل على الله

                اسفة طولت ولكن الموضوع دو شجون ومهم جدا

                والســـــــــــــــــــــــــــــلام عليكم ورحمة الله وبركاته
                مشكورة اختي نسائم الرحمة على تحليلك للموضوع وفعلا الزواج قسمة ونصيب ورزق من الله عز وجل





                تعليق


                • #9
                  المشاركة الأصلية بواسطة ommoyasser مشاهدة المشاركة
                  شكرا عزيزتي ام ايوب على الطرح المفيد اخواتي العزيزات الى عاودت ليكم القصة ديالي بهاد الخصوص يجيكوم :d:dالضحك بحال اللي كيجيني دابا اخواتي انا قبل من زوجي باعوام مللي كنت فاولى ثانوي جاني واحد الشاب جد طيب وخلوق للدار اخطبني هو تقريبا من العائلة اكانت ماما معجبة بيه لواحد الدرجة لا تتصور بالحق المشكل فين كاين فالاخت الكبرى ديالي من نهار خطبني اهي مبدلة معاي ا فالدار حرب معاي او ديما المشاكل معاها واحد النهار جا لدارنا احلليت ليه الباب اوبقينا كنهدرو شوي هو يقولي راني تلاقيت اختك الكبيرة لبارح فالشارع اراه قالت لي غير بعد منها راه متصلاحش ليك مازال مبرهشة اوزيد اوزيد المهم جاب لي الضحك حيت اصلا انا عارفها ديرها اتقد بيها المهم ديك الليلة درت صلاة الاستخارة او مللي فقت فقت مغيرة ا بغيت نرجع مع اختي كيف ما كنا حيت اصلا انا دايرة غير خاطر ماما مازال صغيرة المهم عيطت ليه ف التلفون او قتليه نتلاقو لاول مرة ضروري برا او ملي جا هو كان يحماق او ميتفارق معاي المهم قتليه شوف اولد الناس انا مزال مقدرت على الزواج دابة الله يفتح عليك بقا يقوللي علاش ما غلاش صافي خلليتو امشيت اجا عند ماما اقالها ليها ابدات تغوت علي او اللي ضحكني فهادشي كلو ماما كتغوت اختي فرحانة او مرتاحة او تبدلات معاي ديك اللحظة افرحت من تما ولليت ندعي معاها حتى تزوج عاد نزوج افعلا داكشي اللي طرا ههههههههههه
                  ههههههه مشكورة حبيبتي ام ياسر فعلا قصتك كضحك..الحمد لله لدازت الامور بخير وكنت متفهمة النفسية ديال اختك .
                  غير فبعض الاحيان كيكونو الاخوات متفاهمين بيناتهم وكتكون الاخت الكبرى
                  موافقة وراضية وفرحانة بزواج اختها لكن الاب تيكون متعنت فهاد
                  المسالة وكيرفض بتاتا الامر كله..

                  اقول قولي هذا واستغفر الله لي ولكم





                  تعليق


                  • #10
                    قريت لي كتباتو ommoyasserوبغيت نقول بان الاخت كتكون اقرب وحدة لدى خستكون في قلبها المحنةو تمنى لاختهاالخير بحال راسها لان انا الاكنتىفي بلاصتها غنتمنى ليها غير الخير الله يكون في عون من له اخت كتفكرغير في راسها وياربي تزرع الحنان في قلوب الاخوان والاخوات سمحو ليا راني خرجتعلى الموضوع ولكن ماقدرتشنقرا لي كتبتو الاخت بلا ما نرد

                    تعليق


                    • #11
                      موضوع جميل فعلا كثير من الاسر ترفض دلك
                      لا لشيء الا احتراما لمشاعر الاخت الكبرى وخوفهم عليها
                      انا بعدا ما سوقوليش ههههههههه
                      اختي الصغيرة تزوجت الصيف اللي داز قبل مني وجاتم عادية
                      احتا انا ما حسيت بوالو والله فراحتلة
                      بحال بحال مصاب غير التسير الله يسعدها ويسعد البنات كاملين
                      وعقبانا

                      تعليق


                      • #12
                        سبحان الله ولا حول ولا قوة الا بالله
                        فعلا حتى حد ما يقدر ينكر داك الشعور بالحسرة لي تحس بيه البنت الكبرى ملي تحضر لعرس اختها الصغيرة ولكن الزواج راه ربي لي كاتبو
                        الى افرضنا ان البنت الكبيرة ما كتابش ليها الزواج شو دنب البنت الصغيرة انها تمنع من حق شرعي الى ربي بعضمته رزقها بالزواج الصالح علاش العبد غايوقف فطريقها واصلا راه الزمن صعيب والبنت مهما كاتن سنها هي محتاجة زوج والا غادي دخلوا فدوامة اخرى وهاد البنت لي احنا كممجتمع غانمنعوها من الزواج معنتها مخصناش لوموها الى خطات او فرطت فشرفها
                        كنعتدر لكن تقدر تكون هدرتي قاصحة ولكن باش نمنعنوا البنت تتزوج لسبب تافه جدا فهذا اكبر عيب ومنكر

                        تعليق


                        • #13
                          المشاركة الأصلية بواسطة احلم بالجنة مشاهدة المشاركة
                          موضوع جميل فعلا كثير من الاسر ترفض دلك


                          لا لشيء الا احتراما لمشاعر الاخت الكبرى وخوفهم عليها
                          انا بعدا ما سوقوليش ههههههههه
                          اختي الصغيرة تزوجت الصيف اللي داز قبل مني وجاتم عادية
                          احتا انا ما حسيت بوالو والله فراحتلة
                          بحال بحال مصاب غير التسير الله يسعدها ويسعد البنات كاملين

                          وعقبانا
                          تبارك الله عليك اختي والله يكملك بعقلك وعقبال ليك ان شاء الله يفرحو بيك والديك





                          تعليق


                          • #14
                            المشاركة الأصلية بواسطة اميرة الحجاب مشاهدة المشاركة
                            سبحان الله ولا حول ولا قوة الا بالله
                            فعلا حتى حد ما يقدر ينكر داك الشعور بالحسرة لي تحس بيه البنت الكبرى ملي تحضر لعرس اختها الصغيرة ولكن الزواج راه ربي لي كاتبو
                            الى افرضنا ان البنت الكبيرة ما كتابش ليها الزواج شو دنب البنت الصغيرة انها تمنع من حق شرعي الى ربي بعضمته رزقها بالزواج الصالح علاش العبد غايوقف فطريقها واصلا راه الزمن صعيب والبنت مهما كاتن سنها هي محتاجة زوج والا غادي دخلوا فدوامة اخرى وهاد البنت لي احنا كممجتمع غانمنعوها من الزواج معنتها مخصناش لوموها الى خطات او فرطت فشرفها
                            كنعتدر لكن تقدر تكون هدرتي قاصحة ولكن باش نمنعنوا البنت تتزوج لسبب تافه جدا فهذا اكبر عيب ومنكر
                            تبارك الله عليك اختي تحليلك للموضوع صائب ..الارزاق بيد الله وكل وحدة امتى كيجي ليها رزقها





                            تعليق


                            • #15
                              زواج الاخت الصغرى قبل الكبرى

                              السلام عليكم انيقاتي حبيت نطرح هاد الموضوع للنقاش لي هو زواج الاخت الصغرى قبل الكبرى بالنسبة لي ماكايبانلي فيه حتى مشكل لكن في بعض العائلات كايكون رفض اما من جانب الاسرة او اعتراض من جهة الاخت الكبرى لانه كتكون فكرة ان الصغيرة هي لي تقدمو ليها الاولى معناها ان الكبيرة فيها شي عيب.
                              كنتمنى من الاخوات نتناقشو ف هاد الموضوع لانه سائد ف المجتمع و نحاولو نغيرو الافكار السلبية عند بعض الناس لانه ف الاخير الزواج تايبقا قسمة و نصيب

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X