زوجك غاضب جدا و في حالة ثورة....

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • زوجك غاضب جدا و في حالة ثورة....

    السلام عليكم
    البنات ليوم بغيت نسولكم و بغيت كل وحدة دخل و تجاوبني بصراحة بغينا ناقشو هاد الموضوع المهم
    زوجك داخل لدار مقلق بزاف و طالع ليه الدم و غاضب جدا و نفسه ضايقة خسو غير فمن يشد
    و دخل و جبد معاك صداع على والو و بدا كغوت و صاعر
    شنو هي ردت الفعل ديالك تجاه هاد التصرف
    واش غدي تسكتي أولا دوري فيه أولا شنو
    كفاش غيكون التصرف ديالك أمام غضب زوجك؟؟؟
    كنتمنى يكون تفاعل كبير لهاد الموضوع
    تحياتي

  • #2
    بسم الله الرحمن الرحيم
    للا قمر تبارك الله على الموضوع...صراحة وخا مامزوجاش غادي نتخيل الموقف...كنظن غنسكت ونخليه يخوي ماعندو حيت ماعارفاش سبب انفعاله..من بعد نجيب ليه شي عصير يبرد بيه ايوا وعاد نتناقش معه سبب القلق ونحاولو نوصلو للحل بدون نزاعات.....وتقدر تكون طالعالي القردة للسطح ونبقا نغوت حتى أنا...نشقفو الكيسان والطباسل وحيت نتهدنو نمشيو للسوق نشريو اللي ضاع شنو فيها ربي خلاف ماهو تلاف....لهلا يجيب شي قلق ولا انفعال الله يسهل علينا في أزواج صالحين مثبتين في السراء والضراء...(قصة تهراس الكيسان للبسط فقط...) ونتيا أخيتي آش غتديري في هاد الموقف؟:)
    sigpic

    تعليق


    • #3

      عندما ترين اختي " قمر" زوجك غاضبا
      ومتضايقا حاولي أن تمتصي غضبه، ولا تستقبليه بالشكوى من الأطفال وهموم البيت، وتذكري دائما قول الرسول صلى الله عليه وسلم: " أيما امرأة ماتت وزوجها عنها راض دخلت الجنة ". (رواه ابن ماجة )
      كلما تذكرت هذا الحديث، واستشعرت به بعمق، وطبقته بسعادة واقتناع، أدركت الفائدة التي ستعود عليك، وستنعمين حينئذ ببيت سعيد بعيد عن المشاكل والمشاحنات.
      - عندما تكونين مخطئة بعمل ما، كتأخيرك لتنفيذ بعض الأمور بسبب انشغالك بالحديث على الهاتف مع إحدى الصديقات، قومي بمناداة زوجك بأحب الأسماء إليه، وقدمي له اعتذارك وسبب التأخير مع التأثر الشديد، وليس بعدم الاهتمام واللامبالاة، لكي يشعر بأنك فعلا قد أدركت أن هذا العمل خطأ، واحتملي ما قد يقوله لك من عبارات لأنه بهذه الحالة سيفرغ جزءا من غضبه.
      - إذا تحدث وهو غاضب فإياك أن تقاطعيه، وأيديه ببعض الكلمات الرقيقة مثل: أعرف أنك مرهق .. لاتتعب نفسك. فمثل هذه الكلمات ستلين قلبه وستشعره بأنك تهتمين به وبهمومه.
      - حاولي تهدئته، واضبطي انفعالك إذا كان الحق معك، وتحدثي معه بأسلوب لبق.
      - لاتستفزيه عندما يغضب، ولا تثيريه بكلمات وعبارات تبين له مدى استهانتك بشخصيته.
      - لاتنامي وهو غضبان منك، فبعد أن تهدأ الأمور، وتتأكدي من هدوء زوجك، حاولي المبادرة للرضا، فالواجب الشرعي يقول: إن المبادرة تكون من خيرهما ديناً وعقلاً، أو من أقدرهما في الغضب والرضا، كما قال أبو الدرداء لأم الدرداء رضي الله عنهما "إذا غضبتُ فاسترضيني وإذا غضبتِ أسترضيك وإلا لم نجتمع".
      - تذكري أن البيت المملوء بالحب والهدوء والتقدير المتبادل والاحترام والبساطة في كل شيء خير من بيت مليء بما لذ وطاب ومليء بالنكد والخصام.
      - لاتجعلي العبوس رفيقك، وحاولي ألا تفارق وجهك الابتسامة المشرقة المضيئة والفكاهة والبشاشة لكي تمنحي زوجك السعادة





      sigpic

      تعليق


      • #4
        تبارك الله عليكم
        أسعدني مروركم الطيب
        تبارك الله عليكم و شكرا على تفاعلكم

        تعليق


        • #5
          قمر ركي عارفني ههههههه غدا نبقى نشوف فيه و نبكي منقدر ندير والو
          شكرا على الموضوع

          تعليق


          • #6
            وعليكم السلام ورحمة الله وبركاته

            نخليه حتى يبرد على خاطرو

            مادام عارفة طبعو وعارفة اني ماعملت ليه حتى حاجة نصبر حتى تدوز هاذ الغضبة وربي كريم

            تعليق


            • #7
              اختي انا غادي نقول ليك اش كيثرى ليا بصح انا راجلي عصبي بزاف والعمل ديالو زايد عليه المهم هم مرات غير كيدخل من الباب ب كنشم صهدو ايوا كيغوت حتى كيشبع كنوض نخوي لبلاصة لي هو فيها ايوا عندو واحد الفم مممممممممممممممم عليه ههههههه
              المهم فاش كيشوف بلا درت ليه الخاطر كيولي بوس ف يالراس ايوا مريضنا ما عندو باس .

              تعليق


              • #8
                ارى ان الحل هو الانسحاب من المكان الذي يتواجد به و تجنبه الى ان تهدأ أعصابه ثم الومه على تصرفه

                تعليق


                • #9
                  السلام عليكم و رحمة الله تعالى و بركاته
                  الحمد لله تعالى ان زوجي من النوع الهادئ يعني حتوى ولو كان معصب مكيقلبش فيمن يبرده
                  اربع سنين و احنا مزوجين عمرو ما دخل مكشكش حتى الا كان طالع ليه الدم كيبقى غير ساكت و حتى الا كنا مخاصمين هو مسكين اللي كيسبق
                  للصلح واخا ميكونش هو اللي مفالط
                  الله يخليه ليا ديما هاكا و لهلا يبدل فيه شي عادة

                  و اللهم لك الحمد حتى ترضى و لك الحمد اذا رضيت ولك الحمد بعد ان ترضى
                  اللهم صلي على سيدنا محمد عدد من صلى عليه
                  و صلي على سيدنا محمد عدد من لا يصلي عليه
                  و صلي على سيدنا محمد كما امرت ان يصلى عليه
                  و صلي على سيدنا محمد كما تحب ان يصلى عليه
                  و صلي على سيدنا محمد كما ينبغي ان يصلى عليه

                  تعليق


                  • #10
                    المشاركة الأصلية بواسطة lovely_nana مشاهدة المشاركة
                    قمر ركي عارفني ههههههه غدا نبقى نشوف فيه و نبكي منقدر ندير والو
                    شكرا على الموضوع

                    هههههههههه

                    عارفة لي كاين أزين إوا الله يهديه و يهدي جميع الرجال لي كيتعصبو على عيالاتهم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X