شنوا تديري فهاد الحالة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنوا تديري فهاد الحالة

    السلام عليكم اخواتي
    بطبع فالحياة الزوجية لابدة ميكون فيها من مجادلات و مشحنات بين الزوجين لي كتزيد فبعض الاحيان لحد خصام كبير انا سؤالي فحال هاد الخصام كان شنوا تيعمل الزوج متاعك بليل تيبات برا او لا تيبات فدار نيت لكن فبيت اخر او لا تيبات فبيت نعاس متاعوا عادي
    او بين هاد الافتراضات لي حطيت اكثر حاجة تتستفزني انا شخصيا هي منين تتكون حالة الخصام بين الزوجين او زوجة تتبقى متالمة فالبيت او الزوج يخرج عند صحابوا يحيد الضغط عليه او ينسى شنوا كاين او ممكن يبات مع صحابوا او يرجع ايام العزوبية لي ضاعت منوا او يضرب عصفورين بحجر واحد فهاد الحالة انت اختي شنوا غيكون تصرفك او حالتك فهاد اليلة الى تحطيتي فيها نتمنى تفاعل من عند الاخوات
    sigpicاللهم اغفر لامي وابي ورحمهما كما ربياني صغيرا
    اللهم فرج همي وهم المسلمين ويسر امري وامر المسلمين

  • #2
    موضوع جميل جزاك كل خير أنا غادي نجوبك أنا نهار كيوقع ليا خصام مع راجلي مفيهش داك طبع أنه إخرج وخلني كيبات معايا فبيت نعاس ولكن كنعطيو ضهر كلا واحد كيتقلب على لاخر الحمد لله أنا راجلي وخى هكدك مكيدرش شي حاجة لتغضبني بزاااف حيت عرف إلى خرج ولا بات فشي بلاصة خرى غادي اكنو عواقب وخيمة حيت عرفني أنا حساسة ويمكن نموت فيها واحد لمرة نيت وقع خلاف أهز لفراش أمشى نعس fsalon أول مرة. إو مشيت عند أنا أغلبو علي دموع اقلت ليه مديرش معايا هكدا أنا منستهلش منك أرجعت كنجري لبيت اتبعني عنقني ogalliyya سمحي لي هادي هي لميزة لي فراجلي أنه مكيبغش اشوف دموع فعني من تم لحمد الله تعلم درس. أعمر داود مايعود ههههه أما إلى مشى حتى بات فزنقة غادي نهز حوايجي أنمشي لدارنا أنا طبعي صعيب مكنرضش أوخى هو دكشي كلو ميقدرش اديرها أبدا
    الهلا اجيب شي سوء

    اللهم تبث ما في بطني و ارزقني ولدا واجعله تقيا ذكيا
    واجعله سليما معافى ولا تجعل في خلقه زيادة ولا نقصان ..
    اللهم اني اسألك هون الطلق وحسن الخلق ..
    اللهم أرزق كل محرومة درية صالحة كاملة بدون زيادة ولا نقصان
    اللهم آمين.

    تعليق


    • #3
      حنونة الله يخلي ليك الزوج متاعك ويسعدكم على طول ان شاء الله يارب يالله فين هما الاخوات لي عاشوا هاد الحالة او اشنوا ممكن يقولوا فبحال هاد التصرف المستفز لي حقيقة تيطرتق القلب
      sigpicاللهم اغفر لامي وابي ورحمهما كما ربياني صغيرا
      اللهم فرج همي وهم المسلمين ويسر امري وامر المسلمين

      تعليق


      • #4
        هو الموضوع زوين ومفيد الله يجازيك بخير
        ولكن غير دعي معايا نتزوج بعدا ونعيش شي يامات زوينين ومن بعد نتخاصم انا وهو ونجي نعاود ليكم شنو طرا وجرا

        دعيو معايا نتزوج

        تعليق


        • #5
          وعليكم السلام ورحمة الله وبركاته

          الحمد لله بالنسبة لي زوجي عمرو ماخرج برا الدار وقت اللي نتخاصمو

          يمشي ينعس في بيت آخر او ممكن حدايا ولكن برا لا.

          وحتى بالنسبة للرجال اللي كيخرجو كيف ذكرتي يحيدو عليهم الضغط برا الدار مع صحابهم

          ولكن اول ما كيدخلو كيسترجعو الواقع ويرجعو لنقطة البداية وهذا طبعا حسب الرجال

          لانه كاينين اللي ماعندهم قلب.

          اما المرا الله يكون في عونها الا كانت هي سباب المخاصمة غير تمشي تعتذر

          لان حالة الخصام بين الزوجين كتخلي البرود والضغط في البيت..اللهم نصبر ونمشي نعتذر

          والا الخطأ منو نصبر ونسكت ونتعامل عادي والا هداه الله يجي يعتذر والا ماجاش نحتسبها عند الله

          اما مسالة نغضب ونمشي لدارنا فهذي ماعنديش وعمرني مامشيت غضبانة لدارناوالحمد لله.

          شكرا اختي الكريمة على الطرح المميز

          تعليق


          • #6
            لسلام عليكم موضوع زوين إوا ندعي بعد الله يبعد المشاكل و إبليس على جميع الأزواج إوا أش نقول ليكم أنا في الأيام الأولى للزواج كانو مشاكل أ كان كلا واحد كايميييك على لاخر و عمرو خرج و لا بدل البيت لكن دبى الحمد لله حفظت رجلي لاش نوصل تال الخصام كانحاول نطوي القضية كانشووفها غدا تكبر كندور الموضوع نبذله و الحمد لله مكايكون شي مشكل لي نفرح بيه الشيطان أنا شدا الضد معه هههه هو اشنو خدمته يخاصمني أنا أ رجلي باش ايقول ليه إبليس نعمة أنت ههه والله لا كانت ليه هههههههههه إوا صافي ههه و وصيتي أخواتي زوجك هو جنتك الله إهدي ماخلق
            ربي لا تذرني فردا و أنت خير الوارتين



            تعليق


            • #7
              موضوع الزوين ولكن غي بغيت نستافد من التجارب ديال المتزوجات وصافي وبصراحة المشكل لي طرحتيه اختي ام رشى صعيب الحل ديالو حيث كيختلف بين راجل وراجل وبين مرى ومرى وكذلك كيختلف حتى على حساب نوع المشكل لي وقع وشكون الظالم وشكون المظلوم وشكون لي خاص يجي يعتذر وشكون لي خاص يسامح واسهل حاجة وهو الواحد ميكبرش الموضوع ولي فيه العيب يجي يتعذر بكل سهولة مدام الازواج راهم نفس واحدة ماعندهم علاش يعلاو على بعضهم البعض ولا شي طرف يقول والله منهضر حتى يجي هو يهضر معايا ولا منعتذرش حتى يجي هو يعتذر ولا بحال هكا مقارنات بزااف كتوقع وهي لي كتكبر المشكل وتوصل لنعاس يفرقوه يا اما يمشي لبيت اخرى يا اما يخرج برى يضحك وينسى الهم ولكن كيف قالت واحد الاخت بمجرد يدخل لدار يرجع ليه كولشي في راسو

              والله يهدي ما خلق ويتاوي عشرة الازواج ويلين قلوبهم على بعضهم والواحد خاصو يتنازل شوية على حقو الى بغا الحياة تستمر راه كيقولك المثل الى شفتي جوج متفاهمين عرفي الدرك غي على واحد ميمكنش تكون المفاهمة مية في المية ضروري يكون واحد هاز الهم الاخر باش تستمر المعاشرة وفي الحياة الزوجية مكاينش عزة نفس ولا كرامة الى كونتي فعلا تبغي زوجك ويبغيك وتحسبيه بحال نفسك اوى صافي بلا شروط بلا قيود

              اوى سمحي ليا على التدخل غي بغيت نكتب شوية وصافي اما انا عمري عشت هاد الظروف ولهلا يجعلني باش نعيشها مع الزوج ديالي لي غادي يكتبو ليا الله هي ضروري تكون شي مشاحنات ولكن تكون سطحية

              وماتنساوش لي عندها الزوج بحال هاد النوع تدعي ليه بالهداية مكاين لي غادي ينفعك ويسمع ليك ويعاونك من غير الله سبحانه وتعالى

              وفقني الله واياكن لما يحبه ويرضاه

              والخير فيما اختاره الله لنا


              تعليق


              • #8
                موضوع غزال ومفيد بالتجارب ديال الاخوات وبالنسبة لي انا غير متطفلة حتا يجيب لي لربي زماني حتا انا ونقول ليكم هههه
                []






                تعليق


                • #9
                  موضوع جميل و الجمال فيه كيف نعالج مشاكلنا زوجية ب طريقة فنية و مرضية ل طرفين ،،،،أنا صراحة كانكون غالبا سبب مشاكل حانت كانتنارفاز بزاف ...المهم أنا و رجلي ديما كانحلو مشاكلنا ماعمرها وصلات لا فاميلي و لا لي أي أحد ...مني كانتخاسمو ديما هو لي كايبدا يجي عندي ويتكلم معي واخا نكون أنا لي غلطة ...داكشي علاش مني كايغلات هو كانمشي عند حتى أنا لمهام حمدلله ديما حالين مشاكلنا ،و رجلي كايقولي ديما أنا ماغانبقاش نخاسماك باش إبليس ولد لحرام مايلقى ميسور من عندنا .....إوا حمدلله أ الله يبعد مشاكل من أزواج و زوجات كلهم .........و مسألة كلا واحد ينعس ف بيت كنا نديرو ولكن من بعد تافاقانا مانبقاوش نديرو هنت هي لي تزيد فالمشاكل كتر...حمدلله دبى مفاهمين واخا مخاسمين ههههه







                  تعليق


                  • #10
                    ربي اخليك وخلي لك ماعز عليك أختي أم رشى. صراحة فاش قريييت الردود ديال لبنات عجبوني حيت حتى هما عايشين حياة زوينة مع أزواجهم إو الله إخللي لكم أزواجكم إو خصنا نتهلو فيهم حيت إستاهلو منا. رجل لكيخاف على مراتو هو رجل بحال راجلي لعزيز ههههه أنا حقيقة مزوجٍ على حب أكنمووووتو على بعديتنا ههه كترت فيه ياك هههه إو الله اسعد كل وحدة ارزقني ورزقها بدرية صالحة حيت أن هادي تقريباً عام بش مزوجة امزال مكتب الله ولاد
                    اللهم تبث ما في بطني و ارزقني ولدا واجعله تقيا ذكيا
                    واجعله سليما معافى ولا تجعل في خلقه زيادة ولا نقصان ..
                    اللهم اني اسألك هون الطلق وحسن الخلق ..
                    اللهم أرزق كل محرومة درية صالحة كاملة بدون زيادة ولا نقصان
                    اللهم آمين.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X