إعـــــــلان

تقليص
لا يوجد إعلان حتى الآن.

اشنو رايكم؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اشنو رايكم؟

    السلام عليكم ورحمة الله تعالى وبركاته

    الصراحة شحال هذي وانا معصبة من واحد الظاهرة عندنا بالمجتمع المغربي وخصوصا الاحياء الشعبية

    طاهرة وقوف العيالات قدام الابواب والجماعة

    انا بنظري حشومة وعيب وبزاف كاع

    تصورو
    مثلا مني كنكون جايا من الخدمة وعيانة جايا مع12 فقط باش نتوضا ونصلي ونتغذا ونخرج خاصني نلقى الجارات ضروري وخا غير شي جوجات شادات الجماعة في البيبان وخاصني نضطر نقوليهم السلام ونضحك ونافق ونتي كتحسي بيهم غير كتفوتيهم كيهدرو في ظهرك والله لا عيب ولا متسوقتيهمش تولي تسمعي في خشيان الهداري بالسيف عليك ويقولو مالها هازا راسها لسما وما تهدرش معانا
    وانتي والله العظيم ما مسالية حتى لراسك انا بعدا كنمقت عارفين اشناهو المقت يعني فوق الكره
    كنمقت اي وحدة كتجمع قدام باب الدار
    ما كاين ما احسن من الزيارة الرسمية يعني بغيتي تقولي شيحاجة ديري وقيت وسيري عند جارتك حسي مسي والله المراة مخاصش صوتها يتسمع كاع
    مصيبة والله والرجال مالين الدرب حتى هم كيجيو على غفلة من شغلهم يبغو يدخلو لديورهم خاصهم يلقاو كل وحدة يا وحدة وحتى السترة ما مستوراتش ويتلاغطو بالهدرة صدقوني الرجال حتى هما مقهورين من هاده القضية عرفتها من الوالد عندي كيقولينا فلانة قاعدة قدام الباب غعريانة ماعت علاش كتقلب هههههههههههههه
    اما المصيبة الكبيرة هي نهار الاحد مني كنبغي نصبح ناعسة اول حاجة كتفيقني هي واحد جارتنا تصبح توطوط وتفروح على الدريبة انا ولدي دار انا مشيت سافرت وكتهدر بصوت عالي جدا دارو فيا الاعصاب
    وملي تكوني ناعسة بالعشية يا الله تبغي تديك الغميضة كتفزعك من بلاصتك بصوتها كتعيط على ولدها ...................................... هههههههههههههههههههههههههههههههه
    وكانها محلفة عليك
    على فكرة حنا راه ساكنين في درب زوين ونقي ومتيسع ولكن الجهل الله يستر منو

    لبنات واش انا على حق ولا لا سمحوليا الى كثرت راني تقهرت واه راه سنين هذي والتوطويط هو التوطويط ههههههههههههههههههههههههههههههههههههههههههههههههههههههههههههههههههههههههههه

  • #2
    هههههه أختي ضحكتيني عندك الصح جميع الأحياء الشعبية عاملين بحااااال هكا الصبر و كان اشنو غادي تعملي من تجي تكلمي يقولو ليك إلى ما عجبك حال رحلي من الدار أما بخصوص أنك تتكلم مع جاراتك مني تكوني جايا من الخدمة قولي السلام و هني روحك أما الهدرة راكي متبوعة بيها كيف جمعتي معاهم كيف لا المهم أنك تريحي بالك و ضميرك و الله يهدي ما خلق غاليتي

    و مبروك عواشرك حبيبتي






    سأغيب لمدة ، لا تنسوني من صالح دعائكن أحبتي

    تعليق


    • #3
      الله يبارك فيك اختي نايس وومان
      ايوا الله يجعلنا من الصابرين
      وانا اكسبريس حذيت هذا الموضوع هنا حتى نيت الى كانت شي وحدة فيكم من مالين الحال تعيق براسها ههههههههههههههههههههههههههههههههههههه
      سمحوليا راني غير كنضحك

      تعليق


      • #4
        هههههههه ياك بغتينا نعيقو وخا يالالة






        سأغيب لمدة ، لا تنسوني من صالح دعائكن أحبتي

        تعليق


        • #5
          شكرا الحبيبة على طرح هاد القضية .و بغيت نقول ليك راه ماشي غير دربكم راه واقيلا دروبة ديال المغرب كلها فيها حت حت حت.متنساليوش الله يستر من الهضرة .و منين متتشاركيهمش قال قال ديك الساعة نت راكي خايبة و هازا راسها السما و معرفت اش تتسحاب عند راسها..........ابي الله يذكرو بالخير كان الا جات عندنا شي صاحبتنا من المدرسة و لقانا حدى الباب واقفين يا ويلنا اش غادي يجرا فينا.و تربينا على ممنوع الوقوف في الباب .و الله العظيم واحد النهار كانت واحد المضاربة حدى الباب و خايبة و مكاين غير الماس .و بغيت زعما نطل من الباب غير طليت و هو يجر علي واحد الراجل من دربنا الباب و قال لي دخلي لداركم نتومة مموالفينش بهاد الشي......لهاد الدرجة كانو ملاحظين اننا متنوقفوش حدى الدار..............
          اش غادية نقول ليك الله يستر كاينين شي عيالات متديرو غير اللي قال ليهم راسهم و مكاينش الراجل اللي يحكم ثانيا.....

          تعليق


          • #6
            [frame="4 80"]
            ah 3andak sa7
            iwa ach radiri hada howa 7al la7yae cha3biya
            lmohim madiri f rasak walo
            w mathadrich m3ahom nti machi b7alhom
            rah 7ta ana kanw9af mara mara flbab
            hhhhhhhhhhhhhhhhhhhhh
            ma3andi kindir
            [/frame]

            تعليق


            • #7
              اه اختي انا متافقة معاك على ان هاد الظاهرة موجودة بزاف ولكن دارتها قلة الوعي او قلة مايدار اما جماعة وتبركيك هو لي موجود ههههههههههههه
              ولي نوصيك اختي هو تجاهلي الجيران حيت ماعمرهم غدي اتبدلوا .
              حنا كنقولوا واحد المثل وهو (سول صاحبك اش زاد عليه اما لي فيه راه فيه هههههه.)
              شكرا اختي على طرح هاد الموضوع الجد هام جزاك الله خيرا




              [IM]



              البَنــت الصحراوية.... بنـت شَيـوخ !وكﻶمهآ كـﻶم ... شمَوخ . .وكل من شَآفهآ يدوَخ *_^ بنت عز ... مـآ تنهَز . . ^^ بنت نآس .. مآ تندآسمن نسل صحراوي ... وتآج ع آلرآَس (=بنت آمَهآ ... ومحدآ بيفهمَهآ . .رآفعه حآجبَهآ ... ومحدآ عآجبهــآ يسعد .. .آﻵم آلي جآبتهــآ . . ?وينـصر آﻵرض آللــَي طلعتهآ

              تعليق


              • #8
                بسم الله الرحمن الرحيم،

                أختي غير هني راسك ماشي غير الأحياء الشعبية راه حتى بعض الأحياء أو الإقامات اللي كتعتبر شبه راقية،
                المشكل ان هدا مرض فينا و صعيب باش يتبدل.

                و الصراحة، واخا الله وصي على الجار، أنا من الناس اللي عاطية راسي التقار واخا يكولوا فيا معقدة و لا متكبرة ما
                كايهمنيش. لآ أزيد على كلمة السلام عليكم. حيت الحبيبة تأديت بزاف من الجيران وكيكولوا اللي عضوا الحنش ما
                كيعاودش يدير يدوا في الغار. دابا اللي ضراتني نقولها ليكم في المنتدى نتوما هما جيراني لهلا يخطيكم.



                تعليق


                • #9
                  الله اهدي ما خلق اختي والله ارد بالجميع
                  في الحقيقة الظاهرة المطروحة ليست وليدة اللحظة او السنوات الاخيرة بل هي متوغلة في مجتمعنا المغربي الشعبي
                  ولا ينفع معها اختي سوى الصبر و غض الطرف ان لم تستطيعي النصح او لم تجدي اذنا صاغية .
                  نصيحة تحري دائما اختي معاملة الاخر كيفما كان باحسن الاخلاق اسوة برسول الله صلى الله عليه وسلم وخاصة الجار .
                  لذا اختي وحتى لا نتوغل في الموضوع وتفاديا للوقوع في الغيبة
                  الاحرى بنا الدعاء لهن بالهداية و الرشاد.



                  تقبلي مروري اختي الكريمة
                  [flash=http://assa97.jeeran.com/azzoz.swf]WIDTH=650 HEIGHT=800[/flash]



                  فقد الأحبة في الله غربة

                  والتواصل معهم أنس ومسرة
                  هم للعين قرة
                  فسلام على من دام في القلب ذكراهم
                  وإن غابوا عن العين قلنا
                  يا رب احفظهم وارعاهم




                  تعليق


                  • #10
                    موضوع متميز أختي فعلاً هده ضاهرة متفشية في أحيائنا الشعبية إلى حد ألان. وهناك نساء مدمنات بمتل هده تجمعات أمام أبواب بيوتهن.أن الحمد لله لا أشاهد مثل هذه الأشياء في المكان الذي اقطن به بإعتباره حي من الأحياء الراقية. كل واحدة قافلة بابها ومنهمكة في مشاغلها دون اللجوء إلى عمل مثل تلك التجمعات أمام أبواب وحدة من الجارات. وأنا من طبعي أكره هده العادة السيئة لأني ليست لي علاقة مع جاراتي أبداً لا يجمعني معهم سوى السلام لله فقط. حتى التي اقطن عندها لا تدخل إلي ولا أدخل إليها لكي يبقى يجمعني بها الاحترام بدون أية مشاكل.
                    اللهم تبث ما في بطني و ارزقني ولدا واجعله تقيا ذكيا
                    واجعله سليما معافى ولا تجعل في خلقه زيادة ولا نقصان ..
                    اللهم اني اسألك هون الطلق وحسن الخلق ..
                    اللهم أرزق كل محرومة درية صالحة كاملة بدون زيادة ولا نقصان
                    اللهم آمين.

                    تعليق


                    • #11
                      والله يهدي ماخلق يااختي هدشي ولا جاري بيه العمل وكيوقفو ويبقاو على تفراق اللغا والتكركير والضحك تسمعيه من لاين ولاين فكرتيني فالغوات فواحد الجراة ركبت فيا الاعصاب والخلعة وكلشي ....تصوري يكون سكات والهدووء حتى كنسمع .......................................................بصوت كيخلع كتقفزني من بلاصتي والله كنبقى نقول غير لاحول ولاقوة الا بالله الواحد مكيحترمش راسو وزيد على هاد كتطلق الموسيق مع 9 صباح ومجهدة ايوا رتحي انت تخليك تنوض كتاكلي فراسك ايوا الصبر والسلاك اما راه كلشي كيعاني من هد الجورة الناقصة ماعرفت فين حقوق الجار لي قال عليها النبي صلى الله عليه وسلم ولكن كنشوف تكنعي كنقول هذيك شوف اشمن بيئة كابرة الله يحفظ متقولش كبرت مع الناس ههههههه لقيتي قلبي طايب شكرا لك الزين على الطرح الرائع ولي بالفعل ولينا نعانيو منه
                      اللهم بارك لي في أولادي ووفقهم لطاعتك واهديهم وخذ بأيديهم إليك يارب






                      تعليق


                      • #12
                        الاقتباس غير متاح حاليا

                        برافو عليك الالا ام حفصة العائلات لي بحالكم كنحماق عليهم وكندعي معاهم دائما بالحفظ والصون
                        فرحنيبزاف اهتمامك بالموضوع لا هنتي

                        تعليق


                        • #13
                          الاقتباس غير متاح حاليا

                          اويييييلي هذه زعما راها اختي قالت ليك كتوقف في الباب والله ونحصلك شي نهار يا حتا ندير معاك الواجب ما حشمتيش دخلي لداركم يلاه هههههههههههههههههههههه

                          تعليق


                          • #14
                            الاقتباس غير متاح حاليا
                            اهلا وجدان ردك اسعدني منورة يا الغالية
                            وكوني هانية انا مكنتسوقهمش

                            تعليق


                            • #15
                              الاقتباس غير متاح حاليا
                              الاقحوانة شكرا على الرد المتميز
                              وجزاكي الله خيرا على الكلمة الزوينة لي قلتيها لانكي كتعتابرينا جيرانك بارك الله فيك
                              والله مرض هذه العادة مثل ما وصفتيها الله يعفو وصافي

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X