شنو غتكون ردة فعلك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنو غتكون ردة فعلك

    السلام عليكم ورحمة الله وبركاته تعيشين حياة زوجية سعيدة و هانئة طبعا تحبين زوجك وهو يعشقك لكنك تتفاجئين يوما و هو يخبرك انه مغرم و يرغب في الزواج من اخري و العشق واضح في عينيه فانت تعرفينه جيدا ليست مجرد نزوة الموضوع جدي لا مجال للمناقشة لا تتستطعين العيش من دونه وهو لايستطيع العيش من دونها ولا الاستغناء عنك ايضا فهو متشبت بك و باولاده ماذا تفعلين؟؟؟؟؟؟؟؟؟؟؟؟؟؟؟

  • #2
    أش غادة نقول لك أختي ، إلى كان كيبغيني و كيبغي أولاده علاش باغي وحدة أخرى ، و إلى كان بغاها نقول له سير عندها و الطلاق أحسن و أولادك راك تشوفهم ، و نقول لك نقدر نعيش بلا به أش غادي يوقع ، ولكن أنا منبغيش نكون أنا و مرأة في حياة راجل واحد ، إما أنا أو هي ، و هذا عندي يا أختي ميقدرش يبغي جوج في مرة ، و عاد البارح جاب لي مسكين الورد بلا حتى شي مناسبة ، و قال لي سامحيني إلى شي نهار قلت لك شي كلمة و بقى فيك الحال ، و كيف ما يقول لي ديما أنا معرفتش علاش الرجال عندهم صداع واحد و كايبغيو يزيدو الاخر هههههههه ، و لهلا يوقع شي مرة في هاد الموقف .
    اللهم إجعل والدي ممن تقول له النار اعبر فان نورك أطفأ ناري














    تعليق


    • #3
      السلام عليكم ورحمة الله وبركاته
      غدي نخيرو ما بيني انا وما بينها هي الى ختارها الله يوفقو والى ختارني ينساها الى الابد وخا غدي يبقا هذاك الجرح عايش معايا طول العمر
      ولهلا يخلي شي راجل يفكر فشي وحدة اخرى من غير مرتو
      اللهم يسر لي أمـَري وفــَرج همي..وأعطنــي سـَؤلي
      وأشفنـَي وَوفقنَيِ وأرزقنــي رزقآ حـلالاً طيبآ ..ولكل من قــَال آمــَين
      قال رسول الله صلى الله عليه وسلم « إذا دعا الرجل لأخيه بظهر الغيب قالت الملائكة : ولك بمثل»






      الهدف الاول 51 كيلو تم تحقيقه بفضل الله

      الهدف التاني 56 يارب يسر

      تعليق


      • #4
        صعيبة بزاف و اختي واقعة في نفس الموقف و كنطلب منكم بما ان الموضوع تطرح دعيوا معاها ربي يفرج عليها و يردلها زوجها كيف ما كان معاها سابقا ...25 سنة ديال الزواج ماشي سهلة او لا لا ؟

        تعليق


        • #5
          أختي حبيبتكم في الله ، الله يهدي زوج أختك و يرد به للطريق المستقيم و يبعد عليه بنات الحرام قد ما بعدت السما مع الأرض ، و ٢٥ سنة ديال الزواج أ أختي ماشي سهلة راها ضاعت ليها من حياتها ، الله يدير ليها مسكينة تاويل ديال الخير و يجمعهم للخير مرة تانية .
          اللهم إجعل والدي ممن تقول له النار اعبر فان نورك أطفأ ناري














          تعليق


          • #6
            السلام عليكم ورحمة الله وبركات

            الموضوع صعب بس بفكر بالعقل وخاصتا اذا عندي اولاد ما اقدر اشتتهم بوافق بس بشروط

            انه يسكني بيت بروحي لي انا وعيالي هي بيت بروحى هذا شرطي اذا وافق خليه يزوج وذا ماوافق اطلب اطلاق

            وبارك الله فيك
            [frame="9 70"]



            [/frame]

            تعليق


            • #7
              حبيبتي فيقتي عليا الاهوال وصحتي جرح في قلبي ما عمرو غادي ينذمل ...انا وقع ليا نفس المشكل وعاد يا حسرة تزوجت عن حب وكان استاذي وكون محدانيش كون انتحر... تصوري حبيبتي وانا في عز صدمتي في وفاة الغالي الحبيب مروان الله يرحمه وحرقتي عليه السيد تلاقى بتلميدته واصغر من انس بعامين ومن بيئة منحطة كليا....اباها شواف.....وعايشة 2 مغامرات .وراجلي الثالث ...عام وانا في دار غفلون السيد ولا كيتثبب وكيتصابى وكيطلب مني اشياء استحيي من دكرها احتراما لبناتي واخواتي الحبيبات ..وتصوري وصلات بيه الدنائة انه نهار عيد ميلاد انس خبرو بانه على علاقة بهاد التلميدة ..وللايضاح هو مخرج مسرحي وكان مع التلاميد كيمثلو قصة معانات مروان الغالي مع المرض وانس عضو هو وعلاء مع الفرقة وكيعرفو هاد البنت جيدا وعارفين اخلاقها.. المهم لما تفضحات القضية بكى لانني خيرتو بيني وبينها ووالله العلي العظيم يلا حنا وقبل رجلي وطلب السماح ..وقال ليا انا كنت على موعد معاها ودبا هانا غادي ونخسم في امر فراقنا وانا ثقت ...دازت يوماين تفاجئت بانه مزال على علاقة معاها وانه كيخسر عليها وعلى عائلتها ببذخ ..وكيركبها من وسط الشارع بالفور....لما وضعت امام الامر الواقع وطلبت الطلاق بدا كيبكي ويرغب وقال ليا شوفي مديري ليا راه منقد نستغنى لا عليك ولا عليها كنموت عليكوم بجوج وبدا كيبكي كيف المراة....شوفي حبيبتي منتهى الوقاحة هيا بدات كتجي عندي للدار وكتقول ليا عفاك متحرمناش من بعض ...وليت كنرغبو وانا حاطة وراقي باش نمشي نعطيه الموافقة تيقول ليا من بعد...تصوري اكرمك الله حملات معاه 3 مرات وكيجهضها ..المرة الرابعة وصلات بيه الدنائة انه داها عند زوج اختي باش يعمل لها العملية..... باختصار نهار الي قلل المصروف تخلات عليه وحدات واحد في الخارج طلق مراتو و3 لالبنات و وخربات ليه عائلتو ..وديالي عيا وما يرغب قيها مبغاتش تولي ليه وحطاتو بحال شي كلب اكرمك الله تعالى عيا وما يبكي ويستعطف كل وحدة فينا من جيهة ..هيا تخلات عليه وانا على وجه ولادي ولان علاء في سن المراهقة وهي حرجة جالسة معاه ولاكن 3 سنوات واحنا منفصلين جسديا وكل الحب الي حبيتو والتضحية العظيمة الي ضحيت من اجله وتحديت عائلتي الي عمرهوم ما تقبلوه زوج ليا الى يومنا هدا هدشي انقلب ليا كره ومقت ليه...نصوري وجهه عاد اعرفتو كيف عامل كان كيبان ليا قمر الزمان ....المهم دبا كنمقتو وكنكرهو بواحد الدرجة غريبة ...سمحي ليا حبيبتي راه همي كبير وهدشي علاش مكنعقبش على المشاكل الزوجية وكنتفادى الكلام فيها.....

              تعليق


              • #8
                اختي الفاضلة ام الشهيد مروان شكرا لمرورك علي موضوعي سمحيليا الا فيقت عليك جرح الماضي انا طرحت الموضوع حيت هادشي كيوقع في مجتمعنا و حتي حاجا مبعيدا اي وحدة يقدر يوقعليها هادشي و الدليل هي قصتك و الله حتي بكيت و انا كنقراها حيت حطيت نفسي مكانك و جاتني صعيبة بزاف الله يبرد عليك اختي و يرحم الشهيد مروان و يخليلك و ليداتك و يفديلك فيهم مع العلم ان داك الزوج خاصو يبوس الارض اللي كتمشي عليها و داك الساقطة دابا تشوفي عاقبتها كهتكون ان الله يمهل و لا يهمل تحياتي غاليتي

                تعليق


                • #9
                  الله يا ميمتي أم الشهيد مروان ، بكيتني و أنا إلي كنت حاسبة أنك عايشة هنية ، قصة زوجك مع هديك المنحطة كلها غلط في غلط ، و إجهاض تلات ديال المرات ، هدو أش غادين يقولو غدا قدام الله لا البنت و لا الزوج ، أنا أحييك على صبرك على الأولاد و على طيبة قلبك إلي مكاينش بحالها ، و الله يجعل مروان يكون لك قبس من نور غدا إنشاء الله أحسن من الدنيا و مافيها و احتسبي أمي الحبيبة ، و عيشي لأولادك فهم في حاجة لك و نحن كدلك نحبك و نريد دعواتك .
                  اللهم إجعل والدي ممن تقول له النار اعبر فان نورك أطفأ ناري














                  تعليق


                  • #10
                    هاد الشي بزاف انا غ مشكل صغير و كيمرضني الله يكون فعون اختك وعونك حتا انتي يا ام الشهيد مروان

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X