إعـــــــلان

تقليص
لا يوجد إعلان حتى الآن.

البنآآات دخلوا بزربة ودغية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البنآآات دخلوا بزربة ودغية

    السلام عليكم يا بنات اناقة مغربية كلنا كنعرفو ان الجنة تحت اقدام الامهات اليوم تحطلي فكرة كل وحدة تحكي لينا كفاش دايرة مع الام ديالها فهاد المجمع كل وحدة بغيتها تحكي كيف عايشة مع ماماها او بصاراحا نتمنى نشوف قصص وناخدو عبر والله اسمحلينا من الوالدين
    http://im34.gulfup.com/yCLAG.gif

  • #2
    سلام اخت مريومة انا بالنسبة ليا امي هي كل شيء في الحياة لانها والله الصديقة والاخت والام الحنون التي تكتم اسراري في السراء و الضراء من كنبعي نعاود كانعاود غير ليها حيت هي لكتفهمني هيا عودتنا انها تقرب منا وفعلا تقربنا ملينا كنعاود كلشي الله يخليها لينا يارب ويخلي لكل اخت امها وباها

    تعليق


    • #3
      الله يا أختي واش كاين شي إنسان أعظم من الأم من بعد الله سبحانه و تعالى ، شخصيا علاقتي بأمي هي علاقة أم و ابنة ، أولا و أنا أعتبرها أخت ، صديقة ، خالة ، عمة ، كل شي في الحياة ، ملي كنت في المغرب و الله شهيد على كلامي إما كنت نخسر ليها خاطرها ، أشغال البيت أنا إلي كنت نقوم بيها كي لا تتعب إلا الطبخ لان والدي لا يحب الاكل إلا من يدها هههه ، كنت مانخرج من البيت إلا و هي معايا باش متبقاش لوحدها ، و إلى قدر الله شي نهار خاصمت علي ، مكنتش نقدر نجلس بلا مانكلمها ، كنت نمشي لعندها و نبوس ليها راسها و إديها و نبقى حتى تضحك لي ، و دابا يا أختي راها بعيدة بزاف و كن لقيتها غير نشوفها إشتقت لها و حتى هي كدلك ، ديما تقول لي إشتقت نشوف وجهك . أش بغيتي عندي يا ختي بكيتني ، و هادي واحد الأسبوع كنت هدرت معها في التليفون و قلت ليها أ ماما سامحيني بزاف إلى درت ليك شي حاجة أو شي نهار قلت لك شي كلمة واحد الإحساس يا أختي رهيب و الله ، قالت لي حاشا عمرك درتي لي شي حاجة أنا راضية عليك دنيا و أخرة ، و الله العظيم إلى كانكتب لك و دموعي نازلين ، سامحي لي إلى طولت ولكن الموضوع يخص أعظم إنسان ألا و هي الأم ، الله يسمح ليا منها و يطول ليا في عمرها و الله يعطيها صحتها . شكرا لك أختي .
      اللهم إجعل والدي ممن تقول له النار اعبر فان نورك أطفأ ناري














      تعليق


      • #4
        السلام عليكم ورحمة الله تعالى وبركاته
        الام هي منبع العطف والحنان مكاينش بحالها وانا مانساش خيرها عليا وعلى اولادي رباتني وربات اولادي فالوقت اللي الاولاد التربية ديالهم كتكون خطيرة مع الزمان ديال البلية الله يحفظ اولاد امة محمد انا خات ليا اولادي 2 وخلات ليا لبنات2 وقالت ليا خلي لعزارى انا نربيهم ماغاداش تقدي عليهم لان شخصيتها قوية لان امي مقاومة في زمن الاستعمار وفعلا رباتهم احسن تربية الصلاة والدين ودابا راهم كبار واحد راه تزوج شحال قدني مانحكي ودبا الله يقدرني على العناية بها كتجي عندي يوميا مسكينة وكتظل معايا وهازا معايا الهموم ومانقدرش نرد ليها قيد انملة من داك الشي اللي عملت معايا الله يحفظها ويحفظ جميع الامهات يارب وشكرالكي على الموضوع
        اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

        تعليق


        • #5
          السلام عليكم
          امي الحبيبة تحث الثرى اسال الله تعالى ان يسكنها فسيح جناته ,واساله تعالى ان يحفظ لكن امهاتكن
          يارب





          تعليق


          • #6
            اشكركن علىمروركن والله الى بكاتني الاخت مريم الله اخلي ليكم امكم يارب الام وخى تظلي توصفي وتوصفي مغديش تقدري تعطي تعريف كامل للوصف انا قصتي مع امي فهي صديقتي احكي لها كل اسراري فانا ليس لدي اصدقاء اوفياءفهي وفية وحنونة وخى كنتقشو فمواضيع وكنتجحدو فلخر كنبداو ندحكو انا كنقول ياربي الى درنا شي غلط فحقها بدون قصد تسمحلينا وتغفر لينا وتجعلنا من الابرار اشكركن على تفاعلكن اوسمحيليا اختي مريم الى بكيتك هادوك الدموع الله احسبهاليك حسنات
            http://im34.gulfup.com/yCLAG.gif

            تعليق


            • #7
              الميمة هي الحبيبة تاج راسي لهلا يخطيها علي والله يجعلني نفرحها ونعوضها ولو بجزء بسيط على التعب لي تعباتو من اجلنا باش تكبرنا وشحال من مرة كنكون مهمومة مكنبغيش نعاود ليها كتحس بيا كلقاها اما جات عندي او كتهز تليفون وتعيط لي مكنقدرش نخبي مجرد ماكتكلمني كنبدا نبكي ونشكي لها كلشي وتخفف علي الله يطولنا فعمرها حتى تفرح بوليداتي لانها ديما كتدعي وتقولي لهلا يحرمنا من شوفت ذريتك الله يسمع منك الحبيبة ووتفرح باخوتي يارب
              ويرزقها حجة هي وبابا كيف كتمنى يارب
              والله يحفظ جميع الامهات ويفرحهم باولادهم
              والله يرحم جميع الامهات ويجعل مثواهم الجنة
              امين يارب
              اللهم بارك لي في أولادي ووفقهم لطاعتك واهديهم وخذ بأيديهم إليك يارب






              تعليق


              • #8
                ماما يا ماما ....منين نبدا و اش نشرح واش نقول...دموعي لو كانو يحكو دابا كون فهمتوني....بعد بابا الله يرحمو ماما هي كل شي بكل ما تحمله هده الكلمة من معنى.....انا اصغر اخوتي و بصراحة ماما دلعاتني لكن طلعاتني بنت مسؤولة سابقة السن ديالي و من يوم ما مشيت و تزوجت كنحس بلي ماما ناقصها وجودي جنبها وخا اخوتي ممقصرينش لا بصداعهم ولا بالخير ..... انا درت و مازال كندير علو ودها المستحيلات و كنشوف بلي مقصرى من جيهتها.....ياه يا اختي حبك لامك يخليك تصبري على مضايقة اعز الناس ليك غير باش متقلقيهاش او تحس بلس كاين ماشاكل بين الاخوة...........احبك ماما بزاف...........الله يخلي ليكم ماماتكم و لي توفاة ليها الوالدة الله يجعل متواها الجنة و كوني اكيدة اختي بلي كتشوفك و حاسة بيك....

                يا امي يا غلا الدنيا و اصدق عاطفه في الكون و ادفى حضن يحضنني و اكبر قلب يحويني انا بيك دنيتي الجنه و بسماتك مطر و نزول و ضحكاتك ربيع اخضر و زهوره فتحت فيني ادا شفتك ارى الدنيا صباحا بالفرح مسكون و ادا غبتي عن عيوني يغيب النوم عن عيني عشقتك و الهوى دخري ربى في خافق مفتون كبر هدا الطفل و اصبح غرامه يسبق سنيني انا يا امي انا يا امي ترى ما انفيك مهما يكون جميلك دين في عمري و ربي بك موصيني و مهما عشت ليك وافي باضل الوافي المديون لانك روح في قلبي و دم في شراييني الى الله رافع كفي عسى يشفيك و مهما عشت ليك وافي باضل الوافي المديون لانك روح في قلبي و دم في شراييني


                To Love is Nothing......To Be Loved Is Something.....but to Love And to Be Loved Is everything.....

                تعليق


                • #9
                  الله يا حلاتي مخليتلي ما نقول كفيتي ووفيتي الام جنتك او نارك انا لو ما نشوفها يوم نحس حاجة خاصاني
                  [IMG]http://up.hawaaworld.com/up/sites/up.hawaaworld.com/files/links/178f142c53fec2b59e249c721799b18b.jpm"][/URL] [/CENTER]
                  [

                  تعليق


                  • #10
                    تبارك الله عليكم البنات هدشي غزآال عندكم الله اخلي لنا امهاتنا اختي حلاتي واو عليك صرعتي عوتني هادوك العبارات الجميلة فعلن ممتازة 10/10
                    http://im34.gulfup.com/yCLAG.gif

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X