أنتي ....و عيد الأضحى

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أنتي ....و عيد الأضحى

    سلام عليكم أخواتي
    بما أنا على مشارف عيد الأضحى المبارك ، بغيت من كل أنيقة تدخل و تحكي لي تجربتها في نهار العيد ، أي ملي تفيق في الصباح حتى الليل .... واش كاتغسلي الدوارة ، واش تعاوني في التجفاف ، .....
    نبدا أنا الأولى ، أنا كنت نفيق في الصباح ، نصلي ، و ننزل نسلم على الأم ديالي ، و نبارك لها العيد ، و نعاين الوالد ديالي لما يجي من الصلاة و نسلم عليه و نبارك له العيد حتى هو ، و نساوبو الفطور أنا و الأم ديالي ، على ماتجي العمة و نفطر مجمعين . كيجي وقت الذبح ، يجي الجزار يذبح و نغسل أنا و خويا الدم ، حيت نكونو في السطح ، من بعد مباشرة كاتاخد الأم ديالي الكبدة و الشحم و ما جوارهم ههه ، تنزل للدار التحت باش تبدا تطيب الغدا ، و أنا ملي نكمل التجفاف أنا و خويا ، كانبدا بغسيل الكرشة اخخخخ ، ولكن لوحدي ، و ملي نكمل نمشي نتغدى ، و ندوش و نصلي الظهر ، و عاد نعس واحد شوية ، نفيق نصلي العصر ، و نبدا نوجد العشاء ، حيت كاتجي أختي و ناسها و العمة حتى هي ، نتعشاو كاملين ، و من بعد يمشو لديارهم ، عاد نغسل المواعن ، الله على تمارة هههههه ، هادي ملي كنت في المغرب ، أما هاد العيد ماعرفت كيف غادي يكون . أرجو أن تنورن صفحتي و شكرا .
    اللهم إجعل والدي ممن تقول له النار اعبر فان نورك أطفأ ناري















  • #2
    اختي تبارك الله عليك راكي حادكة كاع منين غسلتي الكرشة ههههههههه
    مانكدبش عليك نهار العيد ماكندير والو حينت اصلا ماعنديش معاه ماكنغسل مكنجفف مكندير والو
    ختي مرتا خويات وماما الله يرحمها هوما كيقومو بشغالهم
    حينت معيافة وماكانلش اللحم الغنمي كنمشي الكوزينة نطيب شي ماكلتي ونود نتقعد نتفرج اولا نلعب مع بنات ختي
    وكاع منين تزوجت الحمد لله والشكر لله حتى راجلي ماكيكلوش مهنيين كنطيبو ماكلتنا عادي ونوضو نتقعدو ومع الغربة كاع مكتحسي لا بعيد لاوالو
    sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

    اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

    تعليق


    • #3
      السلام أنا في دارنا kanfi9 كانسلمو على بعضنا نفطر نتسناو لجزر يجي يذبح لينا كايخد لوليد ديلي هولي kaytayb لينا kay7dag نهر لعيد هههه أله يخليه لينا إوا أنا خواتاتي نتعاون على غسيل لكورشا و دم و لادي من راس و رجلين كانسايفتوهوم لفرن يتشاوتو على مانكملو حنا يكون لوليد سيب l9tban نتغادو نغسل لمعان حد شي كل في سطح نزل حنا و لحول ؛هي هديك كانرتاحو نمشيو عند دار خالي نبارك لايهم لعيد ؛إوا صافي نجو ندير lktaf لعش ؛في صباح kanfi9 كانمشيو عند جدي في لعربية كانديو ليه lktaf ديل حق من حولنا نتغاداو عندهم و نجو في لعشييا ؛عاد نفصل لحول ;mli tzwajt dak l3am kont 7amla mahzit ma7tit kont mta9la ;iwa hna kanmchiw n3aydo fi wa7d lblasa b3ida mli kanji 3and kanghsal lkorcha wa ndir t9alya wa chwa iwa hadi 9isati m3a 3id lad7a



      اللهم احفظ لي بناتي و اجعلهم من الصالحين اللهم اجعل بناتي مسلمات صالحات عابدات ذاكرات ..حافظات
      للقران الكريم..واجعلهم بارأت بوالديهم وأهلهم ..اللهم حسن خلقهم وخلقهم .وأعذهم من شياطين الإنس والجن

      تعليق


      • #4
        انا مللي كنت فدارنا ماكنت تندير والو حيت كنا كتار تبارك الله وانا هي الصغيرة حدها تنتصخر نجيب الملحة والعطرية من الكوزينة ههه ومللي تزوجت و حيت كنعيدو مع عائلة راجلي وتيكونو تبارك الله 5 كباش تيمشيو الرجال من بعد ما نفطرو مجموعين تيجيبو 2 دالجزارة وتيوقفوا معاهم حتى يكملو وعكوزتي هي اللي تتكون معاهم باش تتعزل لكل واحد السقيطة نتاعو الجزارة تيسيقوا نيت ويجمعو الدم تيبقاو الكروش والمصارن هادوك مللي تيمشيو الجزارة تنطلعو حنا العيالات مرات لوسي الكبير هي ولوستي تيغسلوهم وانا تنتكلف ببولفاف من بعد مانكون طيبت الدجاج محمر فالكوزينة حيت ماتيكملوش بكري باش نطيبو الدوارة صافي تنتغداو وتيمشيو راجلي وخوتو عند خوالهم يعيدو عليهم اما انا متنمشيش تنبقا مع عكوزتي تنجمعو الماعن ونوجدو كسكروط والعشا حيت راجلي وخوتو تيدوزو يعيدو على العائلة واللي بغا يعيد على عكوزتي تيجي معاهم نيت تنوجدو العشا وتنتعشاو مع العائلة اللي جا يبارك اكثرية تيكونو خوال زوجي واسرهم من بعد تنكرضو الحولي نتاعنا تنهبطو للثلاجة وتنمشي نجمع صاكي لاغدليه الصباح غير نصليو الفجر تنشدو الطريق انا وزوجي باش نمشي نعيد على والديا وهذا ماكان
        [U]صلوا على المصطفى الامين
        اللهم صلي وسلم على سيدنا محمد وعلى اله وصحبه اجمعين
        sigpic

        تعليق


        • #5
          تبارك الله عليك اختي
          ايوا راكا ماشي غير حادكة وصافي ملي كتغسلي الكرشة ههه
          انا كنوض فالصباح كنتوضا ونصلي وكنسلم على موالين الدار ونبارك ليهم العيد وكنفطرو ومن بعد بابا وخويا كيمشيو يصليو وحنا كنجمعو الدار على مايجيومن الصلاة من بعد ما كيجي الجزار ويدبح لينا انا اول حاجة كنشد الكبدة ههه (كنحماق عليها) وكنقطعهاوكنشويها ماما كتغسل الكرشة وختي وخويا كيسيقو على مانكون انا ساليت كيجيو ياكلو من بعد كنصليو الظهر وكنمشي نعاون ماما فالغدا من بعد ما كنتغداو كنجمعو الدار وكنجلسو نتفرجو شوية انا وختي على مكتجي العشية وكنمشيو عند عائلتنا نباركو ليهم العيد وفاش كنجي كنشد اللحم ونقطعها شوية ونمشي نشويها وناكلها ودارنا كيتعشاو بالكرشة اما انا مكناكلهلش وها نهاري تسالا
          مشكورة اختي الغالية على الموضوع الجميل

          تعليق


          • #6
            اللي كيعجبني فالعيد الكبير
            هو بوالبطاين ههههههههههههه
            او بوجلود كايعجبني نتفرج فيهم واخا كايخلعو بعد المرات
            ايوا شتو انا فاش حادكة ههههههههههههه
            sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

            اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

            تعليق


            • #7
              المشاركة الأصلية بواسطة جومانانا مشاهدة المشاركة
              اللي كيعجبني فالعيد الكبير
              هو بوالبطاين ههههههههههههه
              او بوجلود كايعجبني نتفرج فيهم واخا كايخلعو بعد المرات
              ايوا شتو انا فاش حادكة ههههههههههههه
              أشنو هو بو البطاين بو اجلود؟؟؟؟ جمانا اشرحي ومليحي هههههه اختك مافهمات والو

              لي عودة

















              ياما كان فيها ممالك .. إلاوجهه كله هالك

              من ترابها ولترابها .. من وكان في الدنيا مالك
              مين وكان في الدنيا ملكه .. إلا جاله يوم وهلكه
              مهما نوره طال ظهوره .. جاي ليل ع الدنيا حالك

              جاي ليل ع الدنيا ضلمة .. ياما ناس في الدنيا ظالمة
              في المظالم كل ظالم .. جايله ليل أسود وحالك
              ياما كان فيها وياما .. من هنا ليوم القيامة
              الممالك والمهالك .. مالي يا دنيا ومالك











              شكرا غاليتي أمنار


              حملة الدعاء لاخواننا السوريون يوم الجمعة هلمي اختي


              ،أستحلفكن بالله..الدعاء ثم الدعاء ثم الدعاء لاخواننا في سوريا.







              تعليق


              • #8
                المشاركة الأصلية بواسطة يارا2000 مشاهدة المشاركة
                أشنو هو بو البطاين بو اجلود؟؟؟؟ جمانا اشرحي ومليحي هههههه اختك مافهمات والو

                لي عودة
                هههههههههههههههه والله حتى ضحكتيني بو البطاين اولا بوجلود هو شي رجال كيتجمعو كيلبسو البطانة ولا الهيدورة وكايدورو على الديور وهوما كيطبلو ويغنيو على العيد والناس كيعطيوهم شي بركة السكر او فلوس او حتى الهيدورة ........
                وهادوك الفلوس وداكشي اللي جمعو وكايتبرعو بيه اولا كايديوه الجامع اولا كايديرو الكسكس وكايديوه الجامع
                ومنين كنت صغيرة ماكنت كاندخل للدار حتى كندور على المدينة كلها ديما من العيد العيد كاناكل سلخة ديال العصا حينت دارنا كايقلبو عليا وكايقولو ليا كون غير حتى انتي تلبسي بحالهم ماشي تابعاهم على والو هههههههههههههههههههههه
                sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

                اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

                تعليق


                • #9
                  السلام عليكم

                  انا تنفيق نصلي ونسلم على الوالدين من بعد نسينوا الوالد يجي من الصلاة نبدوا حوايجنا يعني حوايج العيد هههههههههه بقات فيا عادة ونهزوا فطورنا ونمشيو لعند جداتي موت لواليدة نسلموا عليها ونديو ليها حقها ديال الفطور ونمشيو لعند جداتي ام بابا ونفطروا معاها على ود العائلة كلها
                  عماماتي و عمامي وولادهم وولاد عماتي وولاد ولادهم ومن بعد تنمشيوا لدار باش ندبحوا تندبحوا انا مضروبة على غسيل المصارن هاهاهاها اما الكرشة وشي لاخر من نصيب ماما مسكينة تجمعوا السطح ونسيقوا انا وخواتاتي وبنات عمي وتنديو الدوارة والكتف ونمشيو رجعوا لدار جداتي نشويو معاها ونتغداو ونديوا كسكروط حتى تنتعشاو عاد تنرجهوا لدار .




                  تعليق


                  • #10
                    الحقيقة العيد زوين ان العائلة كتجمع وربي كيطرح فيه البركة ولكن حقيقة هههههههههههههههههههههههههههههههههههههههههههههههههههه فيه تمارة بالنسبة االنساء حيت كلشي كيجلس وهي كتبقى واقفة واحسن اعوانااااااااااااااااااااااااااااااااااااااااااااااااا
                    هههههههههههههههههههههههههههه وعيد مبارك سعيد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X