نداء الى كل الحاجات او المعتمرات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نداء الى كل الحاجات او المعتمرات

    السلام عليكم
    اليوم قصدتكم و المقصود هو الله
    حبيتكم تعاونوني خصوصا الحاجات و المعتمرات
    ماما ماشية للحج هاد السنة منيش عارفة اشنو ممكن تدي معاها يعني اللوازم اللي خاصها ترافقها معاها نتمنى تكونو فهمتوني ........................
    اش خاصها تدي معاه في اللباس و حبيت نعرف واش ممكن تدي معاها بعض المؤكولات او منيش عارفة
    حابة ندير ليها شي مفاجئة و خصوصا هي غادي تزورني اول مرة في بيت الزوجية...........
    نتمنى منكم تساعدوني
    الأخوات اللي سبق ليهم مشاو للحج يفيدوني آش ممكن يديو ولاش يحتاجو
    راه شهر ماشي تجلس تما هي و الاب ديالي......
    في انتظار نصائحكم
    ....

  • #2
    اختي سارة انا مازال ربي ماكتبليش باش نمشي للحج
    على هدا منعرفش واش يلزمهم
    ولكن انادخلت باش انقولك ربي ان شاء الله اتروح بااسلامة وترجع بخيروسلامة وربي يتقبل منها
    وعلى فكرة بلغي سلامي وتهانية القلبية لامك وقوليلها
    حج مبروك ودنب مغفور
    وماتنسناش من دعائها امام الحجر الاسود
    في امان الله





    تعليق


    • #3
      السلام عليكم ورحمة الله وبركاته
      ينقل لقسم المناسبات الاسلامية حج مقبول وسعي مشكور اختي
      اللهم باااااارك في امهات منتدانا امي ام الصالحين ,امي نجاة,ام ربيع,ام الشهيد مروان ,ام بيان,المسامحة ,ام سارة وكل الامهات الفاضلات






      تعليق


      • #4
        شكرا ليك خيتي راضية عمري منسيتك و راني قلتها لماما الحبيبة و مزال هاهية ماجية عندي و نزيد نفكرها
        شكرا ليك محبة القدس لهلا يخطيك
        اتمنى من الاخوات يدخلو يفيدوني

        تعليق


        • #5
          السلام عليكم ورحمة الله وبركاته

          الله يديهم على خير
          أنا أختي هذه السنة من ضيوف الرحمان الله يقدرنا
          أنا ما غادة ندي معي إلا شوية سلو والبريوات، لا غير
          لأني أنا والزوج ديالي قررنا ناكلو في المطاعم ونتفرغو للمناسك
          الله يديهم سالمين ويردهم سالمين




          لتنظيم المسابقات

          [





          بداية الحمية في 12/06/2012[/CENTER]

          تعليق


          • #6
            الف مبروك على والدة ديالك الله يجعال حجة مبروروسعيا مشكورة
            على حساب المهم انا زوجى حتى هوا غادى يمشى هده سنة
            ودابة كنوجد ليه شوى سلو وبريوات وفقاص وشوية قريشلات
            مع شوية فاكية يعنى شوية لوز وكركاع وعلى حساب ياك معندها سكر
            تنتبهى لى هده الاشياء انتبيهى على امراضها وقت موجدت شى حاجة اقول لكى
            الله يدها على خير
            sigpic

            تعليق


            • #7
              المشاركة الأصلية بواسطة khadija farsi مشاهدة المشاركة
              الف مبروك على والدة ديالك الله يجعال حجة مبروروسعيا مشكورة
              على حساب المهم انا زوجى حتى هوا غادى يمشى هده سنة
              ودابة كنوجد ليه شوى سلو وبريوات وفقاص وشوية قريشلات
              مع شوية فاكية يعنى شوية لوز وكركاع وعلى حساب ياك معندها سكر
              تنتبهى لى هده الاشياء انتبيهى على امراضها وقت موجدت شى حاجة اقول لكى
              الله يدها على خير

              شكرا الحبيبة حتى انا جاكشي اللي درت عدلت شوية ديال الفقاص و الكعك الصغير ديال مدينة اسفي و الفاكية لكن سلو لا معدلتوش حقاش ماما وجداتو
              الله يدي زوجك على خير و يردو على خير شكرا ليكم كاملين الحبيبة

              تعليق


              • #8
                المشاركة الأصلية بواسطة أم سامي مشاهدة المشاركة
                السلام عليكم ورحمة الله وبركاته

                الله يديهم على خير
                أنا أختي هذه السنة من ضيوف الرحمان الله يقدرنا
                أنا ما غادة ندي معي إلا شوية سلو والبريوات، لا غير
                لأني أنا والزوج ديالي قررنا ناكلو في المطاعم ونتفرغو للمناسك
                الله يديهم سالمين ويردهم سالمين


                حتى هي داكشي اللي كتقول لكن يا اختي الحبيبة من كتمشي للمسجد في وقت الضهر كتبقاي فيه و انت متفرغة لعبادة الله و التقرب منه غادي تبقاي العصر و المغرب و حتى العشاء لكن بين تلك الاوقات غادي تحتاجي لشوية ديال اللوز او التمر او الفقاص في جيبك......و هادشي قالوه لينا ناس اللي سبقوها.....
                الله يديكم على خير و يردكم على خير يا الحبيبة
                حتى امي غادي تمشي هي و ابي

                تعليق


                • #9
                  السلام عليكم الحبيبات، ام سامي ، للا سارة، الاخوات كلهم،
                  اختي ام سامي اشنوا وجدتي في الملابس لي مهمة الله يعطك الستر، راه لبارح انا حمقوني في الخدمة شي تيقولي خدي صابو البيض، شي تيقولي ووولالالا راه غادي إطح ليك في الزحام خدي بلغينة’ شي تيقول لالالا بلغين والله شحال من وحدة كتهرب ليها من رجليها او كتضبرها، راني حماقيت، واش حتى الصاك اليد خصوا ايكون ابيض؟ والصباط باش غادي نمشي ايكون ابيض؟ او غي الجلابة والشال والملابس الداخلية ؟ ارجوكم اعتقوني راني مازال ماشريت والوا بالتلفة،
                  اوقالي عاود خاصني ندي معايا المقلة صغيرة حيث في الصباح ماغادا تلقاي باش تفطري، وندي البراد الصغير واتاي والسكر وسطيلة ديال الوضوء قالتي واحد الحاجة ديها راه ماتلقايش كيفاش توضاي راه غي تيووات تما، اوقالتلي ندي طاسة ديال الحمام، هادشي بالي كثييير، واحدة قالت لي لالالالا بزاف ماتدي وااااااااااالوا من هادشي، شي تيقولي عندااااكي راه عاد العام الببببببببرد بزاف دي التريكوات وكولونات الصوف والكاب، شي تيقولي او لالالالالالا راه تما سخون دي غي الكاب،
                  افيدونا يا الحجات لي مشاو لداك المقام الله يحفظكم ولكم الآجر الكثييييييييييير
                  بالنسبة للملابس قالو لي 2 من الحاجة ، كولون القطن البيض، بودي القطن، سليبات 4 اعزكم الله، الشورط القطن ايكون بالسنسلة بالنسبة للنقود ، 2 بيجامات داخل الفندق ، صافي، اما بالنسبة للجلابة والقميص باش غادا تمشي تخاليهم حتى ترجعي بيهم،
                  وجلابة عادية لي عندي باش نلبسها بشكل يومي، + صندالة ديال الميكة بيضة مشبكة جد مهمة هذ انا عرفاها، والشيلان ديال القطن 4
                  إلا نسيت شي حاجة قولوها لي ولكم جزيل الشكر، انا من النوع لي كيطيه ليه الطونسيو
                  اه ضروري دوليبران، وميلتيفيتامين،
                  فوطة الحمام، فوطة للرأس، فوطة الوجه، لاتروس فيه شمبوان صابون الكيس مقص الضفار مقص صغير عادي غازواغ صافي
                  ليبات + تقاشر ديال القطن
                  ياك منسيت شي حاجة
                  أنا غادا ندي انشاء الله سلو الفقاص والكركاع شوية محمر باش مايخصر واللوز والتمر فيه النافع من الداخل مزول ليه العظام للفجر انشاء الله هادشي علاش عوالة، وزيت البلدية في الصباح ملعقة كبيرة ضد الامساك
                  هادشي جد مفيد راني كولتهاليكم باش ماتنساوش والعسل الحر كل الصباح ملعقة صغيرة في كاس صغير من الماء دافي، وعند النوم في الليل، باش نتقاواو، للعبادة، راه داك المقام للعبادة فقط
                  وكنصح جميع السيدات متشاركوش في المكلة او النوبة في الطبخ كل واحدة تاكل لي عجبها راه كيكونو المشاكل شي تيبغي اتعشا شي لا شي بغا هادي شي بغا داك والوقت كيضيع في الخوا الخاوي، لالالالالالا
                  سمحو ليا طولت عليكم

                  تعليق


                  • #10
                    للا سارة الله يدي الوليدين علا خير احبيبا، ام سامي انتوانسو انا وياك ههههههههه، خديجة فارسي الله يدي رجلك اختي ويجيبوا علاخير والاخوات كلهم لكم سلامي الحار
                    أفيدونا الله يجازكم بخير راه مابقاوالوا انا شخصيا باقي ماوجت والوا

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X