رسالة الفنانة التائبة والمعتزلة حلا شيحة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رسالة الفنانة التائبة والمعتزلة حلا شيحة

    بسم الله الرحمن الرحيم
    اللهم صل على محمد وعلى آله وصحبه أجمعين

    تركت الحوار كما هو باللهجة المصرية عفوا
    صدمات البدايه ... وتوبة الفنانه ( التائبه ) : حلا شيحه

    قرار التغيير يحتاج إلى :
    لحظة صدق + وقفه حاسمه


    وهذه رسالة وجهتها لكم الفنانه المعتزله حلا شيحه

    لمشاهدة المقطع المرئي للرساله
    رسالة الأخت حلا شيحه


    الشيخ / هاني حلمي : النهاردة انا عايزك توجهى رسالة لكل الناس النهاردة و انت ..يعنى انا هاخليكى النهاردة داعية و تدعى الناس عبر الشاشة و تقوليلهم كلمة من خلال التجربة دى كلها بكل ما فيها ..تقولى للناس كلهم ايه ؟



    الفنانه التائبه / حلا شيحه : حاضر ..نمرة واحد ..متعيشوش يا بنات الدنيا كده يعنى انا نفسى اقول لهم متعيشوش الدنيا زى ما تيجى تيجى.. قفوا و فكروا .. قبل ما تعملوا اى خطوة قفوا و فكروا طب هو انا ربنا خلقنى ليه ؟ و جابنى الدنيا دى ليه


    الشيخ / هاني حلمي : جميل


    الفنانه التائبه / حلا شيحه : و انا عايشة عشان ايه ؟ دى رسالة انا باوجهالهم و نفسى جدا مياخدوش الدنيا كده .. لا يقفوا و يفكروا و يتدبروا...يتدبروا كلام ربنا سبحانه و تعالى ..لأن احنا سبحان الله أمور الدنيا كلها نعرفها كويس اوى نقدر ننزل و نروح نشترى اللبس اللى احنا عايزينه و عارفين الأماكن اللى بنحب نروح فيها و كل الحاجات دى متاحة جدا بالنسبة لنا ..بس ان احنا نقف شوية و نتفكر و نحاول نتدبر القرآن الكريم و نحاول نعرف ربنا سبحانه و تعالى عايز يقول لنا ايه من الكلام ده عايز يقول لنا ايه من خلال المعانى الطيبة اللى فى القرآن الكريم دى .هنلاقى نفسنا حياتنا هتتغير تماما اكيد


    الشيخ / هاني حلمي : يبقى اول حاجة خلينا ندى الناس النهاردة نقط عملية : رقم 1 : كل واحد يراجع حساباته


    الفنانه التائبه / حلا شيحه : يراجع حساباته و يتفكر ..حتة التفكر دى


    الشيخ / هاني حلمي : يتفكر فى المصير ..النهاية فين ؟


    الفنانه التائبه / حلا شيحه : نهايتى انا هتبقى فين طب لو انا بعيدة عن ربنا هاعيش كده و هاموت كده و فى الآخر مش عارفة مصيى هيبقى فين ؟ ليه ابقى بين جنة و نار ؟ ليه ان شاء الله كده اموت على يقين و احسب اننا ان شاء اله من اهل الجنة و ان شاء الله ربنا يقبلنى ليه ماموتش و ربنا ان شاء الله راضى عنى ليه اقابل ربنا و انا خايفة


    الشيخ / هاني حلمي : مم جميل ..تانى معنى عايزين نقول لهم بقى المعانى اللى قلناها ضمنا و انت بتتكلمى كده..حسن الظن بالله شبحانه و تعالى


    الفنانه التائبه / حلا شيحه : طبعا دى نمرة واحدة


    الشيخ / هاني حلمي : ان ربنا سبحانه و تعالى لن يضيعنا..عايزين نقول للناس كلها : اى حد النهاردة خايف من الطريق ..شايف ان ممكن هتبقى فى ادامه مشاكل نقول له كلمة واحدة : آلله أمرك بهذا ؟ اذا لن يضيعنا ..لن يضيعنا


    الفنانه التائبه / حلا شيحه : ده مظبوط .. و فى حاجة تانية احب اقولها يا شيخ هانى : نفسى الناس تحب ربنا بجد .. تحبه ..هو الحب بيعمل كل حاجة ..الحب اللى يخلى اى حد يلتزم و الحب اللى يخلى اى حد يقرب من ربنا و الحب ..بالحب كل حاجة ..نحبه نحبه نحبه و نحاول..


    الشيخ / هاني حلمي : نستشعر نعمه علينا


    الفنانه التائبه / حلا شيحه : نستشعر نعمه علينا و نحاول نعرفه بجد من خلال اسمائه و صفاته ..نعرفه من خلال القرآن ..نعرفه


    الشيخ / هاني حلمي : الصلاة


    الفنانه التائبه / حلا شيحه : الصلاة طبعا اكيد


    الشيخ / هاني حلمي : ايه كمان ؟ نقول لهم الصحبة


    الفنانه التائبه / حلا شيحه : الصحبة طبعا ..الأصحاب بتعين جدا فى طاعة الله سبحانه و تعالى جدا ..لما تبقى أخت فى الله و انا عندى نقص فى شىء و عندى حاجة انا غلطانة فيها مذنبة فيها هتكلمنى تقول لى و الله كذا كذا يا حلا .. طب ماتصلحى الحتة دى ؟ طب مش بتصلى طب ماتيجى مثلا نصلى مع بعض ..طب نقيم الليل مع بعض ..طب نقرأ قرآن مع بعض ..طبعا الصحبة بتعين جدا لكن لما تكون الصحبة بعيدة عن طاعة الله سبحانه و تعالى بتضل


    الشيخ / هاني حلمي : يعنى جزاكى الله خيرا يا ام هنا


    الفنانه التائبه / حلا شيحه : و اياكم يا رب


    الشيخ / هاني حلمي : بارك الله فى هنا و خديجة..اسأل الله تعالى ان ينبتهما نباتا صالحا و يصنعهما على عينيه
    .
    .
    .

    المصدر :
    حلقة صعوبات البدايه / برنامج " من هنا التغيير" لفضيلة الشيخ "هاني حلمي" / قناة الناس

    لمشاهده الحلقه وتحميلها



    من أجمل ما سمعت

    صعوبات البداية-قناة الناس-5-3-2009
    Downloadللتحميل

    لمتابعة البرنامج : قناة الناس / الخميس / الساعه 1.45 ظهراً / الإعاده 4,30 فجر الجمعه
    اللهم ثبتها وايانا على طاعتك ورضاك
    منقول
    بسم الله الرحمن الرحيم
    قال رسول الله ‏صلى الله عليه وسلم ‏‏{ استحيوا من الله حق الحياء قال قلنا يا رسول الله إنا ‏ ‏نستحيي والحمد لله قال ليس ذاك ولكن ‏ ‏الاستحياء من الله حق الحياء أن تحفظ الرأس وما وعى والبطن وما ‏ ‏حوى ‏ ‏ولتذكر الموت ‏ ‏والبلى ومن أراد الآخرة ترك زينة الدنيا فمن فعل ذلك فقد استحيا من الله حق الحياء}

    ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ

    [SIZE=7[/SIZE]

  • #2
    لقد شاهدت هده الحلقة عبرة قناة الناس وقد تحدث زوجها المستضاف عبر القناة الدي اعتنق الاسلام

    تعليق


    • #3
      الحمد لله امة محمد دائما فيها الخير الله يثبتها يارب

      تعليق


      • #4
        الله يتبتها تبات الصالحين ويتبتنا على الصراط المستقيم حتى نلقى وجه الله الكريم

        تعليق


        • #5
          هنيئا هنيئا لها التزامها وبعدها عن كل المغريات الزائفة والعقبى لنا يا رب يا رحيم ادم علينا نعمة الاسلام وحلاوة الايمان وجنبنا طريق المعصية والضلال وجميع المسلمين امين يا رب العالمين

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          شاركي الموضوع

          تقليص

          يعمل...
          X