إعـــــــلان

تقليص
لا يوجد إعلان حتى الآن.

♥ فهرس اطباقي المصورة المتواضع ♥ (غير قبلو علينا) ;)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ♥ فهرس اطباقي المصورة المتواضع ♥ (غير قبلو علينا) ;)

    باسم الله هدي مده و انا غير فالكوليس و غير كندخل نطل و الا كاين ما ناخدو شي وصفات جداد و هاد النهار مالقيت ماندير قلت مع راسي نزل اطباقي و وصفاتي لي كناخدهم اما بمنتدانا الغالي علينا او من تجارب شخصيه و نتمنى من الله سبحانه و تعالى يروقكم وا خواتاتي راني غير مبتدئه قبلو عليا و خلاص
    باسم الله و على بركاته نبداو

    **نبدا بالكيك و الطرطات و قطع الكيك **


    فهاد الطرطات لي درت كلها عندهم قاعده وحده و هي الجينواز و امقادير لي انا معتامداها هي كالتالي : 4 بيضات / 80غ دقيق / 80غ سكر و طريقتها كنخدمو السكر و البيض مزيآآن بالضراب الكهربائي حتى تصبح عاقده و نضيف الدقيق بالصفايه شويه بشويه و بملعقه خشبيه نطلع من تحت لفوق ثم في مول حسب الرغبه بالنسبه لقطع الكيك انا كنعملهم فمول مستطيل و اما الطرطات فمعضمهم بمول دائري
    اما التزيين فكيبقا حسب الرغبه ديال كل وحده انا كنستعمل القشده الطريه و الشوكولا و الصور كتبين شكل النهائي































    اما هادي فهي كيك 2 فواحد ماهي كيك ماهي صابلي اي شكلها شكل كيك اما المقادير فهي للصابلي
    المقادير كالتالي : 2 بيضات / كاس زيت / كاس سكر/ 2 خماررات حومر/ 1 فاني / الطحين حسب الخليط (العجين مرخوف)
    بالنسبه للطريقه فهي كنخلط جميع العناصر و نضعه فمول مع ترك القليل من العجين للتزيين و نديرو فوق منو مربى حسب ذوقكم و من بعد نتينوه بشرائح من العجين كما هو مبين فالصوره كيجي لذيذ جربوه




    اما الكيكه المواليه فهي الفوري نوار كتجي غزاله و عندها المعجبين بزآف مقاديرها هي : كاس ماء/ كاس سكر/ 1/2 كاس زيت / كاس شوكولا غبره(انا كندير 2 معالق كاكاو باش نكمل الكاس) / 2 خمارات حومر/ 2 كيسان دقيق كنخلطو الكل و نديروه فمول مدهون بالزبده و مرشوش بالدقيق و للفرن نخرجوها ندهنوها بموس الشوكولا و التزيين حسب الرغبه انا هنا عملت لوز شرائح و خويطات من الشوكولا



    الكيكه التاليه هي عباره عن شيز كيك مزور يعني بالفلون المهم فالمقادير عملت بيسكويت مطحون مضاف ليه زبده مذوبه و نعملوه فالقاعده و ندخلوه شويه للفرن حسب 5 دقيقه و نحضرو الفلون بعصير البرتقال و طبقه اخرى بفلون الحليب بالفاني و من ثم للثلاجه



    **المعجنات**

    بالنسبه للمعجنات انا معتامده ليهوم عجينه عزييييييييزه عليا و معمرها حشماتني الحمد لله لي مقاديرها : 250 غ دقيق/ 2معالق زبده لينه/ شويه ملح / ملعقه خميره معجونه/ حليب لجمع الخليط طريقتها كنجمع جميع العناصر و نتركها ترتاح 20 دقيقه اما بالنسبه للحشوات فتختلف على حسب الاذواق و الاختيارات نقترح عليكم مثلا :
    بالنسبه للبيتزا : صوص ماطيشه ضروريه للبيتزا+ طون/كفته/فواكه البحر + فرماج +زيتون اسود
    بالنسبه للمعجنات عامه الاختيارات وآآآسعه جدا مثلا: خضر مشكلة( جزر/كرعه خضرا/بطاطس...) زيتون /بيض مسلوق/ روز مسلوق / دجاج/ طون/كفته/فرماج/....










    كيف ما يقدرو يكونو حلوين بحال هادو انا معمراهم بالتفاح معسل + كريم باتيسيير

























    الكريب

    بالنسبه للكريب المقادير المعتمده عندي و المجربه و لي كتصدق 100% هي : 4 بيضات / 1/2 لتر حليب / 2 معالق زبده مذوبه/ بالنسبه للمالح نديرو شويه ملح و شويه ابزار اما بالنسبه لحلو نعملو ملعقه سكر و فاني / 160 غ طحين و نخلطوهم بالخلاط الكهربائي و نطيبوهوم في مقلاة طيفال
    بالنسبه لكريب المالح الحشوه كما ذكرت فالمعجنات حسب الرغبه لكم كامل الختيار
    و كذلك بالنسبه للكريب الحل الاختيار ليكم قشده طريه / عسل/مربى/شوكولا /فواكه جافه او عاديه /كريم باتسيير...













  • #2
    يتبع

    بانكيك


    3 البيضات
    150مل حليب
    70مل زيت
    فاني أو قشور برتقال أو حامض
    2 خمارات
    رشة ملح
    4 معالق كبار السكر
    الدقيق حسب الخليط (حتى يولي أخف من الكيك بشوية

    طريقه التزيين كتبقى حسب الاختيار




    مورقات

    قاعده مورقات هو العجين المورق يمكن شراؤه او تحضير و تبارك الله على الانيقات مامقصريش حادكات كاين طريقه تحضير العجين هنا فالمنتدى
    هنا انا حضرت الفول او فون و
    مورقات بالتفاح و اخرى بالمربى و اخرى مالحه بالفروماج و الطون و الروز و لكم الاختيار طبعا









    بانيني و شوارما

    واحد الحاجه زوينه كنستعملها فالشوارما و كتصدق زويييينه انه كنستعمل عطريه ديال ايندومي و كتجي بنينه



    بنيي

    هاد البنييي هادو هوما القادير ديالو: 3 زلافات دقيق/قبضه ملح/بيضه/ربع كاس زيت/ربع كاس زبده مذوبه/قليل من زعفران/كاس كبير ماء/كاس صغير حليب /ملعقه خميره معجونه
    نجمعو العناصر كامله و ندلكوهم مزيان و نخليوه يرتاح 1 ساعه و من بعد نطبعوهم بطابع دائري و نخليوهم يرتاحو مره اخرى هتى يخمرو و نقليوهم فزيت سخون و نعمروهم بالوسط باش ما بغينا
    انا هنا درت نضف مالح و نصف حلو بالنسبه لهاد الاخير كتافيت بالدهن ديالو بالمربىمن الداخل و الخارج و رشيت عليه اللوز ايفيلي اما بالنسبه للمالح فعملر بالداخل ديالو سلطه خضرا و فروماج احمر و بيض مسلوق و مايونيز و زيتون مقطع كاشير محكوك






    هادي اكله تونسيه و سميتها الفريكاسي لذيذه بزاف هادا بنيي ديال تونس مقاديرها كالاتي
    :
    500غ دقيق/ملعقه كبيره زيت/بيضه/ملح/ملعقه كبيره خميره الخبز / قليل من الماء دافئ



    هاد البنيي ساهل و زوين مقادير ديالو: 500غ دقيق/بيضه/ملعقه سكر/قبصه ملح/ملعقه خميره معجونه/ماء دافئ لجمع الخليط
    نجمعو المقادير كامله و نطبعوهم على شكل بينيي و نخليوهم يخمرو و نقليوهم و التزيين حسب الرغبه








    سيكار و محينشاتو بسطيله








    البلدي : مسمن و حرشه و بطبوط
    هادو كاملين غنيين عن التعريف و انا عمرتهم بحشوات مختلفه






    **سلطات و مقبلات و ديسير**

    السلطه الاولى بالبطاطا مهروسه و معمره بالكفته و الروز
    السلطه الثانيه بالروز و الطون و الماييس و المايونيز





    الكراتان
    الاول بلي باط و الفروماج و الثاني بالروز و الكفته




    كروكيت بالبيض المقادير ديالها 4 بيض مسلوق/ بصله صغيره/ملعقه زبده/ملعقه دقيق/ شابلور / 1/2 لتر حليب / ملح و إبزار
    الطريقه ندوبو ازبده و نشحرو فيها البصله و من بعد نضيفو ليها الدقيق حتى يعقد و نضيفو الحلب بحال البيشاميل و نضيفو الملح و الابزار و نحيدوها على النار و نضوفو البيض مسلوق ومىحكوك و الشابلور و نديروها كويرات او قطبان و نديروهم فالبيض و الشابلور و نقليوهم فالزيت



    و البطاطا معمره هادا هو الرابط ديالها
    http://www.anaqamaghribia.com/vb/sho...408&highlight=



    روز سفه طريقتو : روز مسلوق / سكر صقيل/قرفه/لوز مهرمش/و للتزيين تمر و عجينه اللوز

    هادا هو الرابط
    http://www.anaqamaghribia.com/vb/sho...035&highlight=

    سلطه الفواكه معروفه


    قطبان بالفواكه هنا بغيت نوريكم فكره لتقديم الفواكه بطريقه مغايره


    دانيت 1/2 لتر حليب / 10 معالق شوكولا غبره / سكر حسب الذوق / 2 معالق كبيره مايزينه نعملوهم فوق نار مع التحريك لحين تعقاد


    فلون بالبرتقال 1/2 لتر عصير برتقال/ 3 معالق كبيره سكر (حسب الذوق) /1 فلون فاني فوق النار يعني طريقه الفلون العاديه يزين بالكريم فريش و الفريز و موس الشوكولا


    عصير منعش هادا هو الرابط دياله
    http://www.anaqamaghribia.com/vb/sho...040&highlight=


    نتمنى نكون وفيت فالشرح سمحولي على الاطاله و ماتحرمونيش بردودكم انتقاداتكم و نصائحكم و شكرا استودعكم الله



    تعليق


    • #3
      tbark llah 3lik raki 7adga

      تعليق


      • #4
        اتبارك الله اعليك الله يعطيك الصحة كلشي اغزال ماشاء الله اعليك لك احلى تقييم





        تعليق


        • #5
          الله ماشاء الله و تبارك الرحمان روعة روعة روعة واخا هاذ الكلمة قليلة في حقك شهيوات معتبرة تبارك الله عليك

          تعليق


          • #6
            المشاركة الأصلية بواسطة hayati zawji1 مشاهدة المشاركة
            tbark llah 3lik raki 7adga
            الله يبارك فيك اختي وشكرا على المرور و الرد الطيب

            المشاركة الأصلية بواسطة ام يحيى وياسين مشاهدة المشاركة
            اتبارك الله اعليك الله يعطيك الصحة كلشي اغزال ماشاء الله اعليك لك احلى تقييم
            احلى تقييم عندي هو المرور ديالك و ردك الاحلى شكرا
            المشاركة الأصلية بواسطة munia مشاهدة المشاركة
            الله ماشاء الله و تبارك الرحمان روعة روعة روعة واخا هاذ الكلمة قليلة في حقك شهيوات معتبرة تبارك الله عليك
            شكرآآآآآآآ على التشجيع ديالك الصراحه يثلج الصدر و هاد الرد الطيب ما يستاهل نقول فحقو غير روعه ربي يحفضك و ينجيك



            تعليق


            • #7
              ختي الله يحفظ لك دوك اليدين
              ماشاء الله لاقوة الا بالله لا نضربك بشي عوينة هههههههههه

              تعليق


              • #8
                المشاركة الأصلية بواسطة abuda مشاهدة المشاركة
                ختي الله يحفظ لك دوك اليدين
                ماشاء الله لاقوة الا بالله لا نضربك بشي عوينة هههههههههه
                ههههههههه ربي يخليك اختي و الله يحفضك و ينجيك



                تعليق


                • #9
                  تبارك الله عليك كلشي باين غزال

                  تعليق


                  • #10
                    تبارك الله عليك.الله يحفضك و يرزقك بما تمنيتي

                    تعليق


                    • #11
                      تبارك الله عليك

                      تعليق


                      • #12
                        تبارك الله عليك احبيبة رووووووووعة
                        يريت احبيبة الروابط

                        تعليق


                        • #13
                          بسم الله ما شاء الله ما خليتي ليا مانقول الله احفظك من كل سوء

                          تعليق


                          • #14
                            ماشاء الله عليك اختي وصفات راااائعة الله يعطيك الصحة
                            تم التقييم

                            تعليق


                            • #15
                              اتبارك الله اعليك الله يعطيك الصحة
                              rayano

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X