إعـــــــلان

تقليص
لا يوجد إعلان حتى الآن.

مجموعة امثال مغربية روعةةةةةةةةةةة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مجموعة امثال مغربية روعةةةةةةةةةةة

    الهضرة للسارية و المعنى للجارية.

    · قلب البرمة على فمها, تطلع البنت لمها.
    · الله يرحم من زار و خفف.
    · الي وصل بلاد غير بلادو خل الهم لولادو.
    · كون كان الخوخ تايداوي كون داوى راسو.
    · الفقيه دحمان, قرا البرة سبع ايام, و قاليهم الخط عيان.
    · مية تخميمة و تخميمة ولا ضربة بمقص.
    · الحر بالغمزة و العبد بالدبزة.
    · اللي ما جا بالمحبة مايجي بحزارة.
    · ضربني و بكى, سبقني و شكى.
    · الدجاجة غسلات رجليها نسات ماداز عليها.
    · إلى مشى الزين ابقاو حروفو.
    · اللي دارها بديه افكها بسنيه.
    · اللي ماقدو الفيل, زيدوه فيلة.
    · ما تيحس بالمزود غير اللي مضروب به.
    · لا ديالي بقا ولا وجهي تنقى.
    · جا ايعاونو فقبر باه, هرب لو بالفاس.
    · شوف بيتو, وخطب بنتو.
    · جا اطبو عماه.
    · اللي بغا يدفع البلا يتوضأ للصلا.
    · هاك و ارا, ما فيها حزارة.
    · ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
    · اللي قال ليك العرس ساهل يسقي لو غير الما.
    · حتى كلب ما تيهرب من دار العرس.
    · مي, أجي نوريك دار خوالي.
    · اللي خلى غذاتو لعشاتو, ما شفع ذاتو.
    · الناس في الناس والقرع في مشيط الراس.
    · إلى عطاك العاطي, ما تحرث ما تواطي حتى الجبال الطاطي.
    · طاحت الصمعة, علقو الحجام.
    · انا في همو كندادي وهو فتقلاع وتادي.
    · عيبك أولية ربيه ليا.
    · وريه وريه, و الى عما سير و خليه.
    · اللي بغى لعسل يصبر لقريص النحل.
    · السفيه تينطق غبر باللي فيه.
    · اللي عضو الحنش, تيخاف من الحبل.
    · النمل الى بغى يعذبو الله, تيدير ليه الجناح.
    · اللي جا على المناول سدة, و اللي جا على الغذا تغذى.
    · فالمقلة و تيحنزز.
    · المندبة كبيرة و الميت فار.
    · الدار دار بونا, وعبيد بانا اطردونا.
    · اللي قال العصيدة باردة, ادير يدو فيها.
    · مكلسني كلسة خوك و حاسبني حساب عدوك.
    · عيات موت الحمق ما تعض فشاربها, قاليها من جهتي غير قطعيه.
    · علاش عطيتي ميتين يعطي لباك كيتين, لا خد حمر لا سوالف ملوية.
    · لالا زينة و زادها نور الحمام.
    · تيبيع القرد و تيضحك على اللي شراه.
    · ما حد ليتيمة تتبكي, و ربي تيزيدها.
    · اللي بغى الزين, يصبر لتقيب لودنين.
    · ما عند القرعة ما ترعى من غير مشيط راسها.
    · كون تصحابها تكتاب, من دق الباب.
    · شكارت العروسة مها, خالتها و الحزارة جارتها.
    · عطاونا ثلث كواش, منهم غطا و كواش.
    · الشوف ما يبرد الجوف, والناقة ما ترضع الخروف.
    · الحرفة الى ما غنات تستر, أو واقيلا تزيد فالعمر.
    · اللي ما تيخيط كساتو, يطيب غذاتو, يحلب شاتو عزيه فحياتو.
    · المعروض فنهارو, يبقى فدارو.
    · الهضرة عليك أ لحادر عينيك.
    · إلى مات البو توسد الركبة, الى مات الأم توسد العتبة.
    · إلى طلقتي المرا, ما توريها دار باها.
    · الطلاب يطلب و مرتو تصدق.
    · العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
    · لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
    · الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
    · حماتي لالتي و بنتها مولاتي.
    · حماتي و جه الدلو, هي حارة و ولدها حلو.
    · كثرة عطيني ما تخلي حد يبغيني.
    · دخل ياكل الفريك أصبح معانا شريك..
    · اخدم يا صغري على كبري..
    · اخدم بكري ولا روح تكري.
    · خبز الدار ياكلو البراني.
    · دخلناهم يشربوا الرايب قالوا حقنا فالزرايب.
    · دوام الحال من المحال.
    · الدنيا دراعة كل واحد كيلبسها ساعة.
    · نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
    · الزين, الا زين الفعال.
    · وجه الشارفة ما يخفى, ولو تحكو بالحلفة.
    · اللي مدت يدها للحنة, تمدها كلها.
    · الزين في بناتنا سلالة, من العمة للخالة.
    · امدح صاحبك مع الناس, و لومو الراس فالراس.
    · لو كان الصفيحة ترد العار, لو كانت رداتو على الحمار.
    · كون أزماني حرش, و ها وجهي بوس و طرش.
    · تفكر حبيبك و هواه, تفكر فعايلو و نساه.
    · العشق المزروب, كله عيوب.
    · ما كينسي البنت في امها غير همها.
    · حل عينيك قبل الزواج, أما بعدو غير غمضهوم.
    · الهم المنحوس, خليتو فدار با لقيتو فدار العروس.
    · اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
    · دِيرْ عِينْ شَافَتْ وَعِينْ مَا شِافْتْ.
    · اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
    · أش خاصك العريان الخواتم آمولاي.
    · الشطابا أعروسا والجفاف أنفيسة.
    · ما نعطيوش خيرنا لغيرنا.
    · زواج ليلة تدبيره عام.
    · تا تطلب الزيت من السفناج.
    · الفقيه اللي نتسناو براكته ادخل للجامع ببلغته.
    · اربط احمارك مع الحمير، يتعلم الشهيق والنهيق وخرجان الطريق.
    · إيلا ارخص الشعير اغلات الحمير.
    · الحمار مخبي ووذنيه برّا.
    · اجيو تعلمو الحسانه في روس اليتامه.
    · طاجين الشمايت، النصبا وقلة ليدام.
    · احمر يا المشكورة، دبحو الجرو وصلاو على الهيدورة.
    · اللي ضرقك بخيط ضرقو بحيط.
    · اللي اطيبو المعفونة ياكلو رجلها.
    · الي دار راسوا قي النخالة ينقبوه الدجاج.
    · مبعيدة غير تادلة اما سبع حمير موجودة.
    · لي ضروا رسوا, اعاود لرسوا.
    · الكلب الى ما نبح ماعند مولاه فيه ربح.
    · حزموني ورزموني ولا تعولو عليا.
    · الى تقادو لكتاف يعود الكبير يخاف.
    · اللي تيشطح ما تيغطيش وجهو.
    *
    اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
    *
    كل قرد في عين مو غزال.
    *
    الرجل بالهمة أما اللحية راها حتى عند العتروس.
    *
    هبيل تزوج هبيلة وتهنات القبيلة.
    *
    حتى زين ما خطاتو لولا.
    *
    العتبة مجرودة والركاني بالدودة.
    *
    لو كان الحمام تيبيض كون بيض قبابو.
    *
    الزين تيحشم على زينو والخايب الا هداه الله.
    *
    اللي تسحر مع البعالك يصبح فاطر.
    - النواض (لفياقة) بكري بالذهب مشري.

    - لحوانت متصافه و الارزاق مختلفة .

    - باش تاكل الشوك أ عمي الجمل, باللسان لحلو.

    - لعروسه فوق الكرسي معرفتي فين ترسي.

    - لوجه المشروك عمر ما يصف.

    - الجديد جديد و لبالي لا تفرط فيه.

    - دير ما دار جارك ولا حول باب دارك.

    - الدوام يثقب الرخام.
    - الخُبْز والمَا مَا تْخَلِّي عَلَى القَلْبْ غمَّه.

    - دارنا ساترة عوارنا.

    - السلطان بالتاج و كيحتاج.

    - اللي عضو الحنش كيخاف من الحبل.

    - ختار الجار قبل الدار.

    - - اللي قال ليك قال عليك.
    - جا يكحلها عماها.
    - على قد لحافك مد رجليك.
    - عين بنادم مايعمرها غي التراب.
    - سال المجرب ماتسال الطبيب.
    - شكون يحك القرع غي ظفارو.
    - عشرة د ليهود على قنفود ومادبحوه .

    - اللي مشى بلا عراضة يجلس بلا فراش.

    - لمكسي بديال الناس عريان .

    - عند رخصو تخلي نصو.
    - اللي سبقك بليلة سبقك بحيلة
    يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
    الراحمين

  • #2
    اين ردود اخواتي؟؟؟؟؟؟؟؟؟؟؟
    يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
    الراحمين

    تعليق


    • #3
      السلام عليكم ورحمة الله وبركاته
      رآآئع بحال هاذ الأمثال كنت كنسمعها عند جدة
      الآن مابقيناش كنسمعوها أو لا لاّ ؟
      مشكوووووور والله يعطيك الف عافيه

      برنامج إحياء السنة النبوية : موضوع متجدد كل أسبوع يعرض سنة جديدة لإحيائها و تطبيقها






      تعليق


      • #4
        الله يعطيك الصحه.باينه ماكتحيديش من حدا العيالات الكبار
        ههههههههه

        تعليق


        • #5
          الله يعطيك الصحة ... وتبارك الله عليك
          فكرتينا بالذي مضى ... رجعتي لي ذكريات المغرب
          لو يرجع غير يوم من هذيك الأيام ديال جداتنا وجراتنا
          ا:s11353:

          تعليق


          • #6
            المشاركة الأصلية بواسطة oumboulagdour مشاهدة المشاركة
            السلام عليكم ورحمة الله وبركاته
            رآآئع بحال هاذ الأمثال كنت كنسمعها عند جدة
            الآن مابقيناش كنسمعوها أو لا لاّ ؟
            مشكوووووور والله يعطيك الف عافيه
            الف شكر غاليتي على المرور الطيب .
            يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
            الراحمين

            تعليق


            • #7
              المشاركة الأصلية بواسطة ام الدراري مشاهدة المشاركة
              الله يعطيك الصحه.باينه ماكتحيديش من حدا العيالات الكبار
              ههههههههه
              ههههههههههههههههههه
              ايوا شاتي والله اختي هذا امثال تحمل بزاف ديال معاني لي تفيدنا في حياتنا

              شكرا حبيبتي على ردك الطيب.
              يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
              الراحمين

              تعليق


              • #8
                المشاركة الأصلية بواسطة أم عامر مشاهدة المشاركة
                الله يعطيك الصحة ... وتبارك الله عليك
                فكرتينا بالذي مضى ... رجعتي لي ذكريات المغرب
                لو يرجع غير يوم من هذيك الأيام ديال جداتنا وجراتنا
                اه اختي عندك صح الايام لي فتات معمرها ترجع شكرا حبيبتي على ردك القيم و الجميل
                يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
                الراحمين

                تعليق


                • #9
                  ايوا فينهم ردود ههههههههه ؟؟؟؟
                  يارب يا حي يا قيوم..أسألك بكل اسم سميت به نفسك..أو أنزلته في كتابك..أو علمته أحداً من خلقك..أو استأثرت به في علم الغيب عندك..ان ترزقني زوجا يخافك ياارحم الراحمين اسالك من خيرك أكثر مما ارجو....اللهم وعظمني في قلبه..واجعلني ماء عينه ودم قلبه ودفئ حياته..واسعدني ولا تشقيني معه..يا أرحم
                  الراحمين

                  تعليق


                  • #10
                    تبارك الله عليك استمتعت ببعض هذه الامثال جزاك الله الفردوس
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X