شوفوا واحد اش دار لى بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شوفوا واحد اش دار لى بالصور

    السلام عليكم ورحمة الله وبركاته
    كنتمنى من المشرفات ما يحدفوش موضوعى والصور لبه هدا فذمتهم الى يوم القيامة
    لانه غينقض بزاف البنات باش ما يوقع ليهم كوقع لى انا وعائلتى
    وانا درتوا باش يتعضوا البنات ما نعطوش فرصة لولاد الحرام ونتستر عليهما
    ندخل فالموضوع
    عندى ختى مطلقة عندها ولد قترحت عليها نديرليها اعلان زواج بالنت
    لانى كنعرف بزاف البنات صدق ليهم وهى ما كتعرفش الانترنت
    مشيت انا درت الاعلان بعد موافقتها فموقع مغربي سميتوا

    المهم درت اعلان فشهر 7 صفط لى بزاف المهم لكنشوف فيه الجدية كنراسلوا كيطلب منى صورتها كنحلف بالله بانه جاد وبانه ما غيدريش بالصورة شحاجة تغضب الله
    المهم بعد ما كيحلف كنصفط ليه صورة هى دايرة زيف
    كاين لطلب منى نضيفوا على المسنجر ما كنضفهم حتى كيبان لى انه معقول حسب علمى
    وكين لطلب رقم مكنعطهومش رقم
    المهم راسلنى واحد ولد الحرام لهو لكتبت بسببوا عاد الموضوع
    وهادى اول رسالة صفطها لى
    salam khti fatima moi si Omar d'agadir 36 ans professeur du lycée je ss d'agadir dévorcer
    aussi mais sans enfant je me ss intéressé à votre annonce merci de me répondre .
    وهادى ثانى رسالة منو
    salam khti fatima rana en linge accept moi
    المهم انا ماضفتوش بقيت مترددة من بعد ضفتوا
    انا لكنت تنكتب كما سبق وقلت ليكم لان ختى مكتعرفش للنت وكتكون حداى تقولى اش نكتب
    المهم ضفتوا سيد من الاول داير صواب وعزنى بختى ويحطنى بختى صفط لى صوروا وصور عائلتوا وطلب منى صورة صفطها ليه ودخل فالموضوع دغية قاليا انا باغى زواج
    وانا استاد باكدير باعدادية المجد مطلق
    سولتوا على اسباب طلاق قالى حصلتها فدارى مع واحد درى كانت مصاحب معاه وجبت ليها البوليس وحكموا عليها بعام
    وكيحلف كيقولى الله شاهد على الا كدبت
    وكنت حاطها فعينى
    المهم قالى مرضت خمس سنين مكنفكر فزواج حتى اليوم لراسلتك دخلت الانترنت كنقلب على شحاجة لولد من عائلتى وهو يقول لى الوالد دير ولادك
    ودخلت الموقع وشفت اعلانك وصفط ليك
    المهم سيد مبين ثقالة ورزانة قال لى اشنو شروطك قلت ليه انسان يخاف الله قاليك هو انا راه ولد بحال ولدى المهم دام عاد الفوحان اسبوع يوميا كيهضر معاى على المسنجر قالك هو ولد تفراوت والوالد عندو كيقرى فمدرسة عتيقة بتفراوت عندو 9 خوت
    2 بنات وراهم لى فالصور والباقى ولاد وحدة استاد وحدة دكتورة وهو عندوا الدار وكيدير مشاريع فلاحية
    المهم من عادشى كلشى بين لى المثالية وكيهضر معاى ويقولى اخت ويجيب ايات قرانية وقال لى حافظ القران المهم لشرط عليه كيقولى لعجبك
    من بعد اسبوع قال لى غنجى لداركم راه هدرت مع دارنا وريتهم صورك وعجبتهم وقالوا لى الله يكمل ودير ولدها بحال ولدك وهدى اول حاجة حسيت انه مبالغ فيها المهم قال لى ختى بغات تهضر معاك وعطيتوا نمرة لانوا بالى لى كيهضر غير بالدين
    المهم شكرنى لانى ثقت وعطيتوا نمرة واحد اليومين وتاصل بى قال لى انا راه غنجى حسب الميعاد لعطيتك مقال تعيب المهم انا صراحتوا بكلشى ما كدبت عليه فشحاجة وكنت انا وختى مستغربين كتقولى علاه باقى شى انسان هكا يلاه تعرف عليك وممكن يجى ويكون بعاد المثالية
    المهم قلت ليها كلشى ممكن حتى بقى نهار باش يجى وقلانها لدار لانو خفنا يكون غير كيكدب كان غيجى بجمعة لمدينتى وما بقاض جى تصلات به ختى مكيجوبش تلفون كيصونى وما كيجوبش المهم بقين نهار كلوا مخلوعين شوية وصلات 9 ليل ودخل المسنجر قلت ليه علاش مجيتى وما كنجوبش على تلفون قال لى راه داير معاكم السبت نجى لدار ماشى جمعى
    قلت ليه علاش مكتجوبش على تلفون قال ليك مشى يدير اعمال الخير نهار جمعة كيمشى هو وصحابوا المستشفيات والخريات يديروا الخير
    المهم قال 5 صباح غنركب ونوصل مع 8 لمدينتك المهم قلت ليه اقت ما ركبتى صفط مساج المهم فعلا كركب صفط لى مساج مع 5 صباح ووصل مع 10 صباح وصفط لى مساج قال لى هنى وصلت صافى تشورت مع درانا وقالوا لى جيبه مشيت انا وختى لقيناه واقف فالمحطة وعرفتوا كشتوا المهم جا عندى سلم علينا انا وختى جناه لدار
    المهم فطر وتعرف على والدى وسيد ما دخل معها حتى نصف لتر الحليب جاب بديه خويين ولكن ماشى عاد المهم بدا كيهضر فتفهات وفيه كثرت الهضرة عكس ماكان كيبين فالنت المهم من 10 حتى لظهر ومازال ما هضر فالموضوع المهم حتى صفطاة ليه ختى مساج من البيت قالت ليه دخل فالموضوع المهم قراه وهو يقول الوالد جيت بغيت نتزوج المهم الوالد مشرط عليه والواقال ليه تهلى غير فالبنت وسيد كيجيب احاديث
    تقولى فقيه قال ليه الواليد ضرورى تجيب والديك قال ليه والدى كبار الوالد عندو 93 والوالدة كبيرة قال ليه حتى العقد المهم ختى قالت ليه عطينى لكارت وسيد تقرص قال ليها راه شدوها لى فالاوطيل وطبعا هدا من سابع المستحيل ولكن قلنا يمكن لان فالعادة الاوطيل كيعمر غير الاوراق وكيرضها ليك قال لينا شوية نخرج ونجيبها المهم كنتسناوه ينوض سيد كلس مبقى بغى يخرج شوية ودن طهر وهو يقول لينا بغيت نتوضى وصلى المهم حطينا الغدة
    دجاج ولحم وخير ربي الله يوكل سم كلا وكنتسناوه ينوض تيجبد مواضيع خوية وقال لاختى الوالد هو لغيكتب لينا العقد لانه عدول ونوثقوه بالمحكمة مفهمتش علاش كان ناوى قال ليها غندير العقد برمضان ومن بعد العيد ندير العرس المهم شوية ودن العصر ناض صلى ودرنا عوتانى كسكروط وسيد مسخى ينوض حتى قال ليه الوالد يلاه نخرجوا من بعد ما طفح مشى قال ليه الواليد يلاه نجيبوا لكارط من الاوطيل ووراقك تاه طلاق لانه كان قال لختى غنجى ونجيب معيا وراق المحكمة باش حصلت مرتى المهم تصل وهو فزنقة معاه الوالد وقال ليه راه مول الاطيل خرج وما كاين لغيعطينى لكارت وراه عطيت البنتك الحالة المدنية ووراق طلاق
    المهم نصف ساعة ورجع رجع مع 9 هو والوالد وقال لينا الوالد ديروا العشى باش يتعشى الوقال لينا راه عطوكم الوراق حسب مقاليه المهم دخلت ختى وقالت ليه لاش كدبتى على الوالد قال ليها لا راه قلت ليه حتى الغدة ونجيبهم قالت ليه اختى راه تعرفت عليك غير بالنت وراه وريتك الكارت ديالى المهم سيد تقرص وقال ليها غنمشى نجيبها دابة
    خرج مع 9 المهم كنتسناوه يرجع قلنا ممكن غير حنا لشكين فيه المهم ختى كتصل بيه مبقى رد حتى 3 صباح وصفط مساج قال ليها سعدتك نتى ناعسة وانا مازال كنتفكر طريقة باش درتى فى على حسب الاوراق المهم قلنا راه يمكن يرجع الغد ليه مشيت انا سولت فالاطيل لقال لى نازل فيه ولقيت ما عنهومش عاد سمية يعنى فالاخر تاكدنا راه غير نصاب وعلم الله اش كان بغى يوصل ختى قالت لينا راه حقانا كان ناوى يبث هنا ويدخل علينا شعصابة ولا كان ناوى يتزوج ولكن ماكين زواج لان قال لى الوالد ديالو لغيدير العقد اى غيكتبوا فهمتوا
    وما بقاش كيرد على تلفون ومكيدخلش المسنجر الله ياخد فيه الحق قولوا امين
    اكيد دارها لشحال من وحدة ولكن غنخد حقى وحق عائلتى متنى ومثلتهده صوره لانه فالغالب كدب فسميتوا ولكن صورة ميقدر يكدب فيها
    لقرى الموضوع ينشروا باش ميوقع لاى وحدة لوقع لينا حنا وسبب فقط حسن نيتنا
    قال لى سميتو يمنع كتابة الاسم من فضلك كيقرى باعدادية المجد بايت ملول باكادير كيقرى تربية اسلامية مطلق بلا ولاد هدا ماقال والله اعلم ولد الحرام انا غنشر صورتوا لانه الحقيقة الاكيدة لعرفت وما غنشر صور والديه وخواتات لانهم ماداروا لى والوا لهدا النشر صورة لفيها هو بوحدوا
    التعديل الأخير تم بواسطة المؤمنة دائما; الساعة 24-04-2013, 03:59.

  • #2
    الحمد لله على سلامتكم اختي نصيحتي اذا قبلتيها عمرك متديري الثقة في البراني راهم من العائلة و تيديرو المصائب..و اختك الله يسهل عليها بولد الحلال اللي يتقي فيها الله انه على كل شيء قدير..

    تعليق


    • #3
      اختي ياك الحمد لله مدار والو بالصورة ديالك’’’’

      تعليق


      • #4
        اختي الحمد الله منين وقفت القصةغير لهنا راه ولاد الحرام معامرين الدنيا الحمد الله على سلامتكم
        الله ياخد فيه الحق و الله لا يوصلو لاش كيتمنى وينتقم منو شر انتقام في الدنيا قبل الاخرة

        تعليق


        • #5
          اختي انا خايفة اسيق لخبار لهاد الموضوع وبي الصورة ديالو لي حطيتي وينتاقم .....مكانش عليك تحطي اسمو وصورتو
          نصيحتي عدلي في الموضوع وحيدي الاسم والصورة رحتى هو عند الصورة
          ديال اختك واش فهمتي قصدي?????????????????!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

          تعليق


          • #6
            نصيحة . متبقاوش تقولو ولد لحرام لكان هو خيب اش دخل والديه لي تنعتوهم بالحرام باش جابوه





            :)

            تعليق


            • #7
              في الحقيقة كانعرف جوج حالات مشابهة وقعو افي مدينة ورزازات لجوج بنات
              نسال الله يسترنا في هاد الزمان العجيب

              تعليق


              • #8
                اختي الحمد لله منين ربي نجاكم منو راه واحد فمراكش كيدير حتى هو فحال هاكا او تيقول انا تونسي مظيف طيران او تينصب على البنات او المشكل توصل لسرقة او اغتصاب او بزاف ا هو مع عصابة من بنات او رجال يعني كيجي جاهز مع عائلتو زعمة راه غير كنتلقاه غادي مع شي وحدة كيتبورش عليا لحمي لاني مكنقدر منقول او كيشوف غير لي باين فيها الفلوس الله ياخد فيه الحق حتى هو راه باقي كينصب على الضحايا الجداد كان غينصب على اختي او لصقها فالزنقة قالها خاصني نشوف داركم قبل من مشي باش المرة جايا نجيب دارنا او بقا عليها بالهضرة تاصلات عليا هي على نيتها قلتلي ها لي وقع شنو ندير قلتلها بقاي فزنقة متوصليهش لدار هزيت طوموبيل انا وخويا او مشينا عندهم فكافي درنا ليه اونكيط او تيهضر تقيل او بشوية باش ميتعاقش انو مغربي او داير شعر طويل او كيجمعو من الور بديت تنهضر بالانجليزية اوهو مفهمنيش او زادت شكوكي لاني منين تاصلات عليا مرتاحيتش فالاخير حتى هو قال لينا نازل فاوتيل 5 نجوم خليتو مع خويا او مشيت عيط الارشادات عطاوني نمرة تلاوطيل سولت او قالو لي مكاين حتى وحد من تونس بهاد الاسم او انا كنت اصلا شاكة فيه عيط لواحد الكوميسير صديق العائلة صفت لينا انسبيكتور غير شافو عارفو قال لينا راه مشدود شحال من مرة بالنصب لكن متيتوبش جبد ليه لكارط لقينا فيها نجار ساكن فحي خطييير فمراكش فيه غير الاجرام مسلكنا منو غير بالكشايف او كتب تعهد عمرو ميتقرب ليها لكن الحمد لله معرفش الدار او مدار ليها والو او تنبيه من هنا لبنات مراكش راه كيلبس كومبلي ديما او هو قصير او غليظ او سمر صورتو فحال شي خليجي او عندو شعر طويل او تيهضر بتونسية مشاء الله لا حول ولا قوة الى بالله حمد لله على سلامتكم
                sigpicاللهم اغفر لامي وابي ورحمهما كما ربياني صغيرا
                اللهم فرج همي وهم المسلمين ويسر امري وامر المسلمين

                تعليق


                • #9
                  أختي أنصحك بأن لا تنشري صورته لأن صور أختك لديه، فلا تأمني غدر هذا الماكر مرة أخرى.

                  تعليق


                  • #10
                    الاخت حفضكم لله وممكن توضعي موضوعك تعض به اخوات بدون صورة والاسم اختي ولغتفلا عليها نصب عليها لها رب يحميها بلامشاكل حنت يقدر لشاف صورتو ينتقم منك انت واختك وحط صورها عاريا او يشوهكم او رسل لك شي حد تكرفس عليك صورة مغتنفع لوالو ......غير مشاكل وبنات لكوضعو نفوسهم فهد موقف وكدوب نت كتوقعو اي حاجة سبق وقريت قصة مشابهة نفس شي فمنتدى لكن من واحد ادعا انه ملتزم وجا وادعا انه طاجو ليه فلوس وخدا منعندهم فلوس 600درهم على ماادن .....وبات وكلا وزاد ...وقاحة صراحة وقمة نصب وانحلا ل اخلاقي يدخلون بيوت لاغراضهم ضنيئة نسال لله ستر والعفو والعافية




                    [SIZE=6]اللهم بارك لي في ابني عبد الرحمان وأنبته نباتاً حسناً، واجعله قرة عيني واحفظه واجعله من أهل الصلاح والتقوى, اللهم واجعله من عبادك الصالحين الطيبين, ومن حفظة كتابك بمنك ورحمتك وعفوك يا اللــــه امين
                    [/]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X