باش نتعلمو نرتبو الاولويات في حياتنا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • باش نتعلمو نرتبو الاولويات في حياتنا

    السلام عليكن
    قبل سنوات وصلني رسالة في بريدي الالكتروني من احد مواقع التنمية الذاتية (موقع انجليزي)
    وكانت تحتوي على قصة
    حبيت نترجمها لاخواتي لما لها من فائدة ولاني استفدت منها بزاف

    القصة تتقول بانه كان مجموعة من ارباب الشركات والاطر العليا المستفيدين من دورة تكوينية عول الفاعلية على موعد مع محاضرة ديال الاولويات
    وكان اللي غيلقي المحاضرة مدرب كبير في السن يعني كيما كنقولو حنا (راجل حايل) وحكيم وكان عليه يلقي المحاضرة في ساعة واحدة لا اكثر ولا اقل

    مني دخل هاد المدرب لقى قدامو جمع من المستفيدين كلهم ادان صاغية والسقيل في القاعة
    شاف فيهم وعرف انهم باغيين يستافدو

    وبالسكات بلا هضرة بلا زوج تحنا تحت الطبلة المخصصة ليه وجبد اناء كبير خاوي وواحد اخر فيه مجموعة من الحجارة قد كرات التنس
    خوا الكرات في الاناء الفارغ وشاف فيهم وقال : واش ممكن نزيدو شي حاجة في هاد الاناء ؟
    كلشي جاوب ببساطة : لا
    ابتسم وعاود اتحنى وجبد اناء فيه حجيرات صغيورين وخواه في الاناء اللي فيه الحجارة وحركو باش هبطات الحجيرات حتى عمر
    وعاود السؤال ديالو: واش ممكن نزيدو شي حاجة في هاد الاناء ؟ . المستفيدين اكيد ادكياء بداو كيستوعبو شنو قصد وواحد منهم قال : يمكن نعم .
    جبد اناء اخر فيه الرملة وكبو من الفوق وكرر نفس العملية وقال : واش دابا ااناء عمر؟ كلهم جاوبو : لا باقي . ابتسم المدرب وقال لهم مزيان واخد اناء اخير فيه الماء وخواه حتى عمر

    وديك الساعة سولهم شنو كتبين لينا التجربة ؟
    احدهم اجاب : التجربة كتبين انه واخا تبان لينا الاجندة ديالنا عامرة راه مزال الوقت باش نقومو بحوايج اخرى.
    المدرب : لا، شكون عندو جواب اخر . كلشي ساكت

    اجاب الاستاد : لو اني عكست ترتيب هاد الاشياء اللي عمرت بيها الاناء واش كان يساع لي هاد الشي؟
    يعني لو بديت بالماء وعمرت بيه الاناء كله واش ممكن نزيد عليه شي حاجة
    اجابة المتدربين : صمتتتتتتتتتتتتتتتت كبيييييييييييييييييير
    كمل الستاد كلامو : الاناء كيرمز لحياتنا والحجارة الكبيرة هي الاساسيات والاولويات ديال كل واحد والحجارة الاصغر هي الكماليات والرمال هي الثانويات واما الماء فهي الامور التافهة

    كل واحد فيكم يقلب على الحجارة الكبيرة في حياتو هي اللي يحطها قدام عينو كاولوية ومن بعد يرسي الامور الكمالية اللي تساعدو يكمل اولوياتو ثم يحط الثانويات الي ماشي مشكل كبير ادا نساها اما الامور التافهة فخليوها للوقت المتبقي والفارغ راه غيكون قليل ديك الساعة
    اما اداعكستو الاية وحطيتو التوافه هي الاولى راها غتعمر ليكم الوقت وماتخليكم تديرو معاها حتى حاجة اخرى


    نتمنى تستافدو من القصة
    وكنتمنى ماتكونش مكررة لاني قلبت لا تكون سابقة في المنتدى مالقيتش
    شكرا على المرور

  • #2
    قصة زوينة وفيها معنى كبير
    بالفعل خاصنا نشوفو الاساسيات ماشي المكملات اللي باش نبداو


    «أتاني جبريل فقال يا محمّد: عِشْ مَا شِئْتَ فَإِنَّكَ مَيِّتٌ، وَأَحْبِبْ مَا شِئْتَ فَإِنَّكَ مُفَارِقُهُ، وَاعْمَلْ مَا شِئْتَ فَإِنَّكَ مَجْزِيٌّ بِهِ»، ثمّ قال: «يا محمد شَرَفُ المُؤْمِنِ قِيَامُهُ بِاللَّيْلِ، وَعِزُّهُ اسْتِغْنَاؤُهُ عَنِ النَّاسِ».


    تعليق


    • #3
      شكرا على المرور

      تعليق


      • #4
        كلمات لها معنى فعلا
        جزاك الله خيرا
        اللهم اني استغفرك من جميع الذنوب والخطايا ما علمت منها وما لم أعلم



        Uploaded with ImageShack.us

        تعليق


        • #5
          بارك الله فيك اختي على نقل القصة نعم الاولويات اولا وهذا شعاري في الحياة ننتظر جديدك باذن الله
          اشهد الا اله الا الله ا وان محمدا رسول الله

          تعليق


          • #6
            شكرا حبيبتي جمال الروح
            على المرور والرد الجميل

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X