إعـــــــلان

تقليص
لا يوجد إعلان حتى الآن.

مشروع مربح ومضمووووووووووووووون بسرعة انيقاتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مشروع مربح ومضمووووووووووووووون بسرعة انيقاتي

    السلام عليكم ورحمة الله وبركاته

    اولا انيقاتي هذا مشروع استثماري حلالالالالالالالالالالالالال ارباحه مضاعفة فوق ما تتصورو الضرائب معفي منها وكيكبر يوما عن يوم
    قبل ما ندخل فتفاصيل المشروع بغيتكم تقراو هاذ الواقعة الحقيقية لاحد الاشخاص المنخرطين فالمشروع

    انا كنت مقيمة بمدينة صغيرة وقبل عيد الاضحى مشى واحد السيد للسوق ديال الاغنام باش يشري الاضحية اختار على ذوقو حولي كبير تفاوض ودارو فهوندة وطلب من صاحب الهوندة يوصل الحولي للدار اعطاه النعت لان دارو فمكان باين وكيعرف مول الهوندة متعود يلقاه فالسوق
    المهم صاحبنا خلص مول الهوندة ومشى لان عندو ما يقضي مللي كمل شغلو جاء لدارو فرحان بمقضيتو سول مرتو كيف جاك الحولي لمرا قالت ليه اشمن حولي
    الحولي اللي شريت اليوم
    اويلي شمن حولي
    وهو يقول ليها راه رسلتو مع مول الهوندة الزوجة بدات على الراجل بالخصومة اويلي كلاوك اشمايت اويلي ضحكو عليك وسرقو الحولي
    الزوج ما تاق ابنتي الله يهديك راه مول الهوندة ديما كيصلي معايا الجمعة فالمسجد وهو راجل كبير كنعرفو من زمان

    المهم صاحبنا فنفس الوقت استغرب كيفاش الحولي ماجابو
    مشى للمحطة ديال الهوندات وبقى تما حتى جاء مول الهوندة وهو يسولو فين ادا الحولي مول الهوندة كيقسم ليه بالله الى وصلو للدار ومرتو فتحت ليه الباب
    قالو يالله معايا نسولوها مللي ركب معاه فعلا وصلو للمكان اللي نعت ليه ولكن ماشي نفس الدار قالو راه غلطتي اسيدي فالدار دقوا فتحت ليهم واحد السيدة قال ليها سمحي لي الالا راه واحد الحولي جبتو ليك قبيلا غلطت فالدار ها مولاه وبغينا الحولي الله يجازيك بالخير
    السيدة هبطات راسها للارض وقالت لو ايه اسيدي حوليك موجود غير الى جات على خاطرك حتى ينعسو ادراري واجيو اديوه لانهم فرحانين كيلعبو معاه دابا حيث ما مولفة نشري العيد من نهار مات راجلي
    الراجل وصاحبو حشمو مول الهوندة قال ليها واخا لالا الله يجازيك بالخير
    مول الحولي قال ليها ما كاين مشكل خللي لوليدات يفرحو بالحولي راح حلال عليكم
    لمرا مسكينة كتبكي من الفرحة والتاثر
    اشنو رايكم انيقاتي هذا هو المشروع والا فلا انها بالفعل تجارة لن تبور
    تصوروا حجم الفرحة اللي دخل على هاذ الايتام تصورو السعادة اللي دخل على ارملة قلبها يتقطع حزن وهي كتسمع صوت الاضحيات عند الجيران ويوم الذبح كتشم ريحة الشواء وشواط وبيتها خاوي

    ما رايك انيقتي
    شحال من نهار استغنيتي عن شراء اشياء ثانوية فحياتك ومشيتي فرحتي اطفال ايتام شحال من مرة شريتي ملابس العيد وفاجات طفل يتيم بها او طيبتي بالزايد ونويتي تذوقي جارتك اللي كتوحم او اللي عندها كومة اطفال وظروفها جد مزرية
    شحال من مرة وقفتي مع نفسك وقلتي اخر الشهر باذن الله غادي نعاون هاذ المريض او هاذ لمريضة بدواء ونشريه ليه غادي تقولي تابعني لكريدي وباغا نبدل اتلامط ووندفع لذهايبي باش نخرج الخاتم اللي دافعة فيه او راه جا الضوء غالي او او الى ما لانهاية له من الاعذار

    اختي لكريدي دائما متبوعين به وتلامط اللي باغا تبدلي كاين مسكين الي مفرش غير الكارطون يعني هاذي هي الحياة كل شهر بمشاكله ومع ذلك هذا لا يمنع باش تتصدقي وباحسن ما عندك عودي نفسك على العطاء باش تستشعري لذة العطاء وتخففي من ذنوبك وتضمني لنفسك ميزان مثقل بالحسنات

    هذا هو مشروعي انيقاتي فمن شاء سارع للانخرط فيه

    والسلام عليكم ورحمة الله وبركاته
    اختكم منة الله

  • #2
    tbarkalah 3alik okhti ahssan macheroua3

    تعليق


    • #3
      السلام عليكم اختي بارك الله فيك حبيبتي و الله لقد صدقت و نعم التجارة احسن مشروع اللهم اجعلنا من المحسنين و تقبل منا اجمعين يا رب جزاك الله خيرا و الله هدا المشروع مربح فعلا و مضمووووووووون عند الله

      تعليق


      • #4
        جزاك الله خيرا فعلا تجارة لن تبور
        اللهم اشفي أمي شفاءا لا يغادر سقما اللهم عجل لها بتفريج الكرب اللهم وارزقها الصبر على الابتلاء وارفع درجاتها فى الجنان بصبرها اللهم البسها ثوب الصحة والعافية واقر اعيننا بشفاءها سبحانك اللهم وبحمدك نشهد أن لا إله إلا أنت نستغفرك ونتوب إليك اللهم إنا نسألك الصبر على البلاء في الدنيا اللهم ارزقنا قلوباً خاشعة وأعيناً دامعة وألسناً ذاكرة وأجساداً على البلاء صابرة

        تعليق


        • #5
          جزاكن الله الفردوس الاعلى اخواتي الصدقة ثم الصدقة اتقوا النار ولو بشق تمرة تمعنو في الحديث لتفهمو قيمة الصدقة

          تعليق


          • #6
            فعلا احسن مشروع

            جعله الله في ميزان حسناتك

            تعليق


            • #7
              جزاكي الله خيرا فعلا مشروع مربح ونسال الله ان يجعلنا من المحسنين المتصدقين
              بدئنا المنافسة يوم الجمعة 18 يونيو 2010






              سبحان الله وبحمده عدد خلقه ورضا نفسه وزنة عرشه ومداد كلماته

              تعليق


              • #8
                allah yenawrak we nawar hyatak bnour l imane

                تعليق


                • #9
                  نعم ونعم الربح ونعم التجارة مع الله نسال الله ان يرزقنا من فيض نعمه التي لا تنفذ حتى ننعم باجر ادخال الفرح والسرور الى قلب كل مكروب

                  تعليق


                  • #10
                    الله يقربنا مما يحب امييييييييييين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X