هل متت ورجعت للحياة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هل متت ورجعت للحياة

    السلام عليكن اخواتي توحشتكم بزااااااف والله وخا حتى وحدة متفكراتني ولكن ماعليش
    انا اليوم بغيت نعاود ليكم واحد الواقعة وقعات لي وانا ناعسة من بعد الغداء مشيت نععس باش نستراح واحد السويعة بين ما اذن العصر المهم نعست واحد الشوية ضرباتني الفقة على اذان العصر بغيت النوض نتوضى باش نصلي متليتش قضرت نتحرك حتى عيني متحركوش حاولت نتحرك وااالو حتى حركة واحد الوقيطة جاني الصوت فودني قالي هادي هي بداية الموت وولاو رجلي كيتنملو وشعري كنحس بيه شوك حاولت نهضر والو فمي متحركش بغيت نستنجد بالوالدة كانت ناعسة حداية حتى بلاصة فجسمي ماتحركات صافي وانا نقول راه بصح انا بديت كنموت وجات لي فعيني كل لحضة فحياتي كل سيئة عملتها كل حسنة فرحت بيها واحد الشوية حسيت براسي بديت كنعس ونعست ملي فقت صافي نضت من بلاصتي عادي وحمدت ربي وشكرتو بصراحة انا باقا مفهمتش اشنو وقع ليا وملقيت حتى تفسير لهاد الحالة لي جاتني اول مرة
    []







  • #2
    [align=center]

    الحمد لله على عودتك لنا أختي وفاء القلوب

    ماتقلقيش راه غي الأنيقات مشغولين مع العطلة وبزاف اللي مسافرين

    أما على الحالة اللي وقعت ليك . فايت وقعتلي حتى أنا ولكن ماسمعتش شي صوت

    غي كانحس بحالك هاكاك

    وكل مرة كانت كاتجيني فشكل

    مرة كانحس برجليا ويديا منملين وكانبقا نغوت بلا ماكايسمعني حتى واحد

    حتى كانفيق . وشي مرات كنت بحال إلى كانتقج وكانتخنق وكانحس براسي بحال إلى مشلولة

    واخا كانبغي نغوت ماكانقدرش.

    ملي كانسول قالولي راه هاداك -- بوغطاط-- هههههههه

    والحل كنت ديما وأنا فهاد الحالة كانقرى [glow=FF0000]آية الكرسي[/glow] وكانكول الله أكبر

    حتى كانفيق . المهم دابا هادشي مابقاش كايوقعلي. الحمد لله.

    المهم نتي اذكري الله قبل ماتنعسي.. وديري ديما فبالك ذكر الله حتى فالمنام..

    وماتعمري راسك بوالو.. وماتخافيش راه حتى العقل الباطن كايلعب على النفسية.. ربما من الخوف ديالنا من

    الموت .. والتساؤلات اللي عندنا عليه.. تقدر تبان بهاد الشكل فالمنام.

    وتقدري تعتبريه واعظ باش يعاونك على الطاعة..

    المهم أي حاجة وقعات ليك فكري فيها بطريقة إيجابية لصالحك..

    وسمحيلي إلى طولت..
    [/align]


    تعليق


    • #3
      اختي وفاء القلوب الحمد لله على سلامتك..
      اختي كنظن كنتي كتحلمي..بزاااف لي وقعاتلهم وانا منهم وغير كتجيني كنت كنقرا اية الكرسي والمعوذتين بكثرة وانا نولي طبيعية..ماتفكريش فيها بزاف وماتخافيش وان شاء الله معمرك تحسي بيها مرة اخرى








      سَهِرَتْ أعْينًٌ ونامت عيونفي أمور تكون أو لا تكون
      فَادْرَأِ الهمَّ ما استطعتَ عن النفس
      فحِمْلانُك الهمومَ جنون
      إن رَباًّ كفاك بالأمس ما كانسيكفيك في غد ما يكون





      تعليق


      • #4
        باركك الله اختي هداية الرحمان على ردك والحمد لله ملي مابقاتش كتجيك وحتى انا قالو لي راه بوغطاط بصراحة انا كنت مقلقة ولكن دابا الحمد لله
        []






        تعليق


        • #5
          ربي احفضك يا الحبيبة ياسمين على ردك المريح وخا انا متاكدة مكنتش كنحلم حيت سمعت الاذان واختي كانت جالسة فpc وكنسمع الصوت ديال الكلافيا اوا والحمد لله امكن هذا تحدير من عند الله
          []






          تعليق


          • #6
            [align=center]
            بسم الله الرحمان الرحيم

            الحمد لله على سلامتك أختي وفاء القلوب
            أنا مع من قال لك بوغطاط ،في الحقيقة أنا لم يمر علي ذلك لكن عكوزتي مسكينة شحال من مرة كيجي لها ،وكتبدى تعيط من حلمها وأنا كنسمعها كأنها في بئر عميق ولما تنهض تقول أنهها تحس بثقل شديد فوقها لا تستطيع أن تتحرك منه ،وتقول لولا أننا ايقضناها لكانت ماتت
            يبحان الله ،لم أفهم الظاهرة بعد
            [/align]








            تعليق


            • #7
              جزاك الله الف خير غاليتي ام سارة على مرورك العطر والمريح والله اخلي ليك عكوزتك وولدها
              []






              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X