إعـــــــلان

تقليص
لا يوجد إعلان حتى الآن.

شوفو شنو وقع ليا اليوم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شوفو شنو وقع ليا اليوم

    السلام عليكم


    اليوم جاتني واحد السلعة كنت طلبتها من *كيتيا kitea * هدي 11 يوم وتبارك الله عليهوم خاصهوم هاد المدة كولها باش يوصلو لي السلعة حتى للدار وانا ساكنة حداهوم
    المهم
    المصيبة هو انه ملي جابو ليا السلعة جابوها راكبة المعروف على *كيتيا* انهم ماتيركبو الحاجة حتى تيجيبوها لعندك في المكان، والمصيبة الكبرى انهم جابوها ليا كلها مدكدكة

    انا ماكنتش في الدار ماما مسكينة هي لي ستلمت السلعة مادات ماجابت وبقاو جالسينليها بغاو التدويرة الله ينعلها قاعيدة
    ملي جيت ولقيت السلعة ديالي في ديك الحالة بحال اليا جاية من لافيراي او من البالي تقهرت وجاتني الغمة والحكرة، آش بغاو عندي ؟ حادكين غير في الفلوس يشدوهوم ديك الساعة

    انا طرحت هد المشكلة باش ناخد رايكم

  • #2
    أمالكوم ضربتوها بسكتة؟
    20مشاهدة وحتى وحدة زعمة ماعندها حتى تعليق
    على فكرة راني بديت تنتقلق من هد المنتدى حيت تنكتب ليكوم وتتجاهلوني علاش؟

    تعليق


    • #3
      اختي علاش التقلقي منا راه غير كلها ملهي فالمطبخ
      او قسم المطبخ راكي عارفة لضاربنا ضابنا على كرشنا

      المهم بالنسبة لمشكلتك خصك ترجعي لهم و تعلمهم بلوقع لك و يجيو يهزو سلعتهم
      يبدلوها لك راه من حقك تهدري على راسك متسكتيش
      ماشي تخلي حتى تقدام القضية سيري دابا عندهم
      و هدري على حقك
      مادمت على حق متخافيش
      هدا راي لانك الى سكت تتشجعيهم على الغلط و يعاودو نفس الفعل للاخرين
      و بالصحة الفراش الجديد الله يدخل عليك بالصحة و السلامة
      [frame="2 98"]
      اللهم اغفر لوالدتي وارحمها واعف عنها
      واكرم نزلها ووسَع مُدخلهاا واغسلها بالماء والثلجِ والبْردِ
      ونَقّهِا من الذنوب كما ينقى الثوب الابيض من الدنس،
      وارحمنا إذا صرنا إلى ما صارت إليه وجازها بالحسنات إحسانا
      وبالسيئات عفوا وغفرانا وافتح أبواب السماء لروحها برحمتك
      يا أرحم الراحمين.
      [/frame]


      تعليق


      • #4
        السلام عليكم
        اختي فالحقيقة الهدرا مع مولات السلعة لحقاش نتوما كتفاهمو مثلا على سلعة جديدة وانتي كتعطيها نصيب من الفلوس ولكن الى جاتك السلعة مشي مزيانة كيما كتقولي عليك تستدعيها وتقولي لها هالسلعة كيوصلت حيت تقدر تكون رسلتها مزيانة وهادوك ضيعوها ولا شي حاجة باش ما تخسري لانتي ولا هي و كل واحد يتحمل مسؤوليته

        تعليق


        • #5
          لسلام عليكم.
          عاد دخلت للمنتى وقريت شنو وقع لك وماشي معول تسكتي.لان بعد القضية فيها ان .فلوكانت المسائل صافية اكيد كيتيا تتركب كلشي فالدار ديال الزبون.مشكلتك غدي يتماداو فيها يلا نت سكتي.غدي تمشي عند المسؤول لي شريتي منو.وبما ان الموضوع طري تحركي دابا نيت والا غدي تشمتي.وبيني بانك مستاءة وهدري بالادب وطلبي منهم يشوفو المستخدمين لي جابو السلعة وشرحي ليهم بانتك زبزنة ديالهم وضروري يلقاوحل وطلببي استفسار علاش البضاعة ما ركبوهاش فداركم.رني نتسنى ردك وربي يسر لك وقبل ما توجهي حافظي على الدم البارد وحسبك الله ونعم الوكيل.

          استودعكن الله الذي لا تضيع ودائعه
          ام نسرين واخواتها اللهم اجمعنا في ظلك يوم لا ظل الا ظلك
          امة الستير طهورا حبيبتي

          تعليق


          • #6
            المشاركة الأصلية بواسطة bellouna مشاهدة المشاركة
            أمالكوم ضربتوها بسكتة؟
            المشاركة الأصلية بواسطة bellouna مشاهدة المشاركة
            20مشاهدة وحتى وحدة زعمة ماعندها حتى تعليق
            على فكرة راني بديت تنتقلق من هد المنتدى حيت تنكتب ليكوم وتتجاهلوني علاش؟

            ههههههههه اقولي ضاربينها بسلتة
            الله يحسن لعوان اختي راه رمضان هذا وزيدي عليه المدرسة يعني نساء المنتدى غارقات فالمسؤولية والبنات مخشيات فالمطبخ الله يطلق سراح الجميع ويسهل عليهم ماصعاب

            شوفي الحبيبة 20 مشاهدة ما تعتامديش عليها لانه ممكن تكون كلها او جلها لزائرات فقط

            وكيف ماقلت سابقا كلها وظروفه وما تسمينه تجاهل فهو وسوسة الشيطان فاطرديها من بالك فنحن هنا اسرة وحدة نفيد ونستفيد غير تحفينا بما عندك

            احتسبي الاجر عند الله وراعي الظروف راه كانت غنكون اول وحدة تترد عليك , ولكن حتى بديت نكتب فالمشاركة وفاق ولدي الرضيع ماجيت نعسوا حتى سبقوني خواتاتي الله يبارك فيهم هههههههه الله يسمح لينا من الوالدين

            وبالنسبة لموضوعك الرئيسي ما قلتيش لينا اش درتي بالبضاعة ؟؟؟؟؟؟!!!!!!!
            انا ماتنعرف كيتيا kitea نظامهم كيف عامل ولكن هنا في ايكيا ( منتجات سويدية ) تتكون بضاعة مركبة فالمعرض بحيث يمكن ليك تجربي الفراش او الصالون وحتى غرفة الطعام يعني تتشوفيها على الواقع ولكن اذا بغيتي تشري تيعطيوها ليك مفككة وانت تتركبيها راسك او هما يركبوها ليك مقابل مبلغ مالي . وبعد كل فترة تعرض البضاعة المعروضة للبيع بنصف سعرها او اكثر بقليل في مكان مخصص تحت عنوان ( كما هي ) يعني ممكن يكون فيها خدش بسيييييط او قطعة مفكوكة يعني عيوب بسيطة, فهي تتكون تحت مسؤوليتك اما باقي المعروضات واللي تتكون بدون تخفيظ فتتجي مفكوكة ومغلفة كيفما خرجات من المصنع

            فانا تنظن والله اعلم انه اذا كان عندكم نفس النظام فممكن يكونوا عطاوك بضاعة كانت معروضة من قبل بسعر الجديد رغم ان حتى المعروضات المخفظة هنا تيفككوها عاد تينقلوها ليك

            لي عودة ان شاء الله لما نعرف اش درتي بالبضاعة
            [blink]السلام عليك ورحمة الله وبركاته ومغفرته[/blink]

            تعليق


            • #7
              الله ايعينك الحبيبة و لكن من حقك اترجعيها ليهم و خا انت الي هرستيها لانها باقية فالكارنتي
              حيت هنايا مثلا ملي كتشري شي حاجة عندك الحق فشهر مع المحل او كاين محلات حتي 6 اشهر و عندك الكارنتي مع الشركة المصنعة عام كامل
              شوفي انت اتسلي بيهم و قولي ليهم الي واقع و غادي اتوصلي معاهم ان شاء الله لشي حل




              تعليق


              • #8
                الحبيبة مقدرين العصب ديالك ولكن ماتلوميناش الله يرضى عليك وتتقلقي علينا وعلى المنتدى راك من تسجلتي خلاص صرتي أختنا وواحدة مننا
                المسألة ماخاصكش تسكتي عليها كيف قالوا الأخوات ارجعي عند مدير المحل شخصيا ماشي الخدامين
                وقولي له واش صار وبأن الفراش وصلك متركب وماشي جديد وأنك معترضة على تصرفهم واستهتارهم
                ماشي تدفعي فلوسك على أساس شارية الجديد ويوصلك الشوموديل
                وتفاهمي معاه يرجعوا ياخدوا بضاعتهم ويعطيوك بضاعتك الي عندك في الفاكتورة
                والله يلاقيك مع شي ولاد الحلال يرجعو لك حقك وسلعتك
                وماتنسايش تردي علينا الخبار
                في أمان الله

















                ياما كان فيها ممالك .. إلاوجهه كله هالك

                من ترابها ولترابها .. من وكان في الدنيا مالك
                مين وكان في الدنيا ملكه .. إلا جاله يوم وهلكه
                مهما نوره طال ظهوره .. جاي ليل ع الدنيا حالك

                جاي ليل ع الدنيا ضلمة .. ياما ناس في الدنيا ظالمة
                في المظالم كل ظالم .. جايله ليل أسود وحالك
                ياما كان فيها وياما .. من هنا ليوم القيامة
                الممالك والمهالك .. مالي يا دنيا ومالك











                شكرا غاليتي أمنار


                حملة الدعاء لاخواننا السوريون يوم الجمعة هلمي اختي


                ،أستحلفكن بالله..الدعاء ثم الدعاء ثم الدعاء لاخواننا في سوريا.







                تعليق


                • #9
                  السلام عليك اختى الفاضلة وكان عليك الا تسوءى الظن بنا فالكل يتعامل مع رمضان من زاوية يراها منطقية ومعقولة لكن مهما كان انشغالنا جميعا فيجب ان نعطى للصلاة والقران الكريم حقا وافرا خلال هدا الشهر الكريم والله يتقبل منا جميعا ام بالنسبة لمشكلتك فلا بد ان تطالبى بحقك حتى لا يتكرر نفس الخطا والمفروض ان سلعتك تقدم لك بطريقة مؤدبة ومعقولة فهدا واجبهم وواجبك ان تؤدبيهم حتى لا يكرروا نفس الخطا مع الاخرين وربنا يتقبل منا جميعا رمضان ومعدرة ان كان جوابنا متؤخرا نوعا ما

                  تعليق


                  • #10
                    [read]
                    السلام عليكم
                    البنات سمحوليا الى قلقتكوم بكلامي راه غير التفعفيعة ديال كيتيا الله يعطيهم كية ركبو فيا الأعصاب
                    وتنشكركوم البنات على الردود والله حتى داكشي الي درت اتصلت فيهم وقلت ليهوم ايجيو ياخدو عليا سلعتهوم المهرسة ويجيبو ليا سلعة جديدة بالومبالاج ديالها وبداو تيتاسفو و واعدوني انهم اليوم الجمعة يجيبو ليا سلعة جديدة ولكن مابقات كلمة في هد البلاد بنادم ولى غير الكدلب على خوه
                    تسنيت اليوم والو ماجابو ليا والو واتصلت تنسول على سلعتي قالو لي حقا راه حتى هي ملي جابوها لقاو فيها شي ديفو وتسناي حتى الجمعة الجاية تجيك السلعة هدي 18 يوم وانا تنستنى
                    اوى آش ضهر ليكون هادو واش ماخصهومش شي هلكة فاعلة تاركة
                    واك واك الحق آش هد الشركة ديال الويل يعرفو غير ياخدو الفلوس الله يخليها شركة
                    المهم البنات هدي هي تجربتي مع كيتيا الله يعطيها كية
                    والله يرحم ليكوم الوالدين الي تجاوبتو مع الموضوع
                    [/read]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X