اريد حل ارجوك اخت ام رياني او اي اخت عندها فكرة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد حل ارجوك اخت ام رياني او اي اخت عندها فكرة

    السلام عليكم ورحمة الله تعالى وبركاته
    اولا اشكر كل القائمين على هدا المنتدى الرائع
    سؤالي عن ماتت جدتي وتركت امي وهي في سن صغيرة لم تتجاوز السادسة واخوها كان اصغر منها المهم في فراش الموت اعطت لزوجة اخيها اوراق الارض اللتي تملكها لانها الوحيدة اللتي كانت تتعامل معها بكل حب لان زوجها اي جدي كان متزوج من عدة نساء وله عدة اولاد
    المهم امراة اخيها كان عندها اتنان من اولاد الدكور وبنات لما كبر واحد من اولادها الدكر سرق لامه اوراق ارضها اللي هي ديال امي وبقا كيبيع ارصها بكنطراطوا وبنا فارضها مسجد باش يبين انه راجل مزيان والناس اللي كيعرفوا بان ارض ديال المحاجر كيستغلها حتى واحد ما كيصلي فديك المسجد المهم كبرت امي وتزوجت ومشات كتفتش على اوراق ارض ما لقاتهمش عنداللي كانت ماتمن عليهم سرقهم ولدها مابغاش يعطيهالها قالها ماعندك والوا ام ديالوا كتقولوا عطيلها وهو كيدور فيها المهم دعات لله وعمل حادتة سير كانت صعيبة اصابت راسه بقي فغيبوبة مدة طويلة ونجا منها بقات امي على داك الحال حتى كبرنا حنا وبدينا نقولولها مشي شوفي ارض ديالك من مشات كانت ام ديال السارق على فراش الموت قالتلوا اعطيلها ارضها انا غنموت وغدي تبقالي على رقبتي قال للام ديالي نعطيك 100متروا مع العلم ان الام ديالي عندها 700متروا بواحدها من غير خوها قالت واخا اللهم هكدا ولا والوا بشرط اعط حتى لخوي ما بغاش صافي قالتلوا منك نالله ماخصنيش غير بوحدي تعطي حتى لخويا واخا ماتعطيهش ما خصنيش
    مرت ايام ومشا خوها وبقا كيرغب فيه حتى وافق وعطاه 100متروا ومضى بالبيع بحال زعمة شراها من عندوا من غير ما يخبرنا من عرفنا انا واخواتي تقلقنا لانوا ما فكرش فالاخت ديالوا عكس الام ديالي ماقالت والو بالعكس فرحت ولاكن باعها بالخسارة
    طولت عليكم المهم جمعنا بعضياتنا انا واخواتي ومشينا لعندوا بعد كلام كتييييييييييير شكينالوا على حال والدي مريض ومازال مكتري واخت ديالوا حتى هى مسكينة كترغب فيه مع العلم ان له فيلا كبيرة وعدة محلات تجارية وشاحنات كبيرة للنقل ولاكن قلبوا قاصح وكيقول انا عارف حالتهم ضعيفة ولاكن الارض ماغديش نعطيهالكم وتكلمت انا قلت له مازال كتملك الارض خاف من الله راه غدي يحاسبك الله اعطلنا غير 100متروا قالي خلي الله يحاسبني و ماغنعطكمش انا غدي نحتاجها انا عطيتها نخالك وباعها بالخسارة وطياحلي السوق مشا وجابلنا 2مليون وقالنا فالشهر فلاني اجيو نعطيكم متلها و مانزيدش انا مابغيتش نقبطها واخواتي قبطوها لان الارض كتعمل 30مليون 100 متروا فرق كبير لاربعة مليون وما عرافناش اش غدي نعملوا واش حتى نقبطوا جوج اخرين وندعيوه للمخزن ونعملوا بهم حجة ولا ما نقبطوهاش نرحعولوا اللي عطانا ونزيدوا ندافعوا خصنا الارض ماشي الفلوس او شنوا?
    ارجوا لي كيعرف يساعدني ودعيو معايا الله ياخد فيه الحق انا جئت اليكم لاني محتاجة لحد كيعرف ينصاحني اش نعمل قبل ما نمشيو لعندوا مرة تانية


  • #2
    الله ياخد فيه الحق
    والله ينصركم عليه
    انا في نظري تافقي مع خوتك و ماتسمحوش في حقكم راه ربي كيقول ما ضاع حق ورائه طالب
    متستلسلموش ليه وكونو يد وحدة ويد الله فوقكم و غادي يبان الحق ... غير حاولي تقنعي خوتك بانهم مخصهمش يقبلو بالخسارة
    و عندي فكرة علاش متعلموش بيه السلطات انه باغي يعطيكم مبلغ من المال مقابل تسمحو في حقكم...وملي يجي يعطيكم لفلوس تكون معاكم السلطات ... والله العظيم حتى حاسة بيك اختي الله يغلبكم عليه و ميكون غير الخير انشاء الله
    الله ياخد الحق
    [frame="4 90"]
    رب لا تدرني فردا و انت خير الوارتين



    سبحان الله وبحمده سبحان الله العظيم

    [/frame]





    تعليق


    • #3
      الله يجازيك اختي بكل خير على هد الفكرة ديالك وياربي ياخد فيه الحق ااااااااااميييييييين

      تعليق


      • #4
        الله ينصركم عليه أختي أنا معرفت باش نفيدك غير الله يكون معاكم وتأخدوا حقكم منو
        حسبي الله ونعم الوكيل والنصير
        ربي يسر لي أمري وفيض رزقي وأفرج همي وأذهب حزني وغمي وبارك لي في دنياي وآخرتي وارزقني خير الدنيا والآخرة يا حي يا قيوم

        تعليق


        • #5
          بسم الله الرحمن الرحيم

          أولا كيما قالت الأخت الله ينصركم عليه وما ضاع حق وراءه طالب وماتستسلموش ليه أختي بالعكس ايلا مكانش كايخاف الله مغايخاف من حتى واحد ديرو جهدكم للي قدرتو عليه ويلا ماخديتوهش منو طلبوه من للي فوق منو ومنا من الله سبحانه وتعالى ودعيوا الله ياخد ليكم حقكم ولا حول ولا قوة الا بالله

          تعليق


          • #6
            السلام عليكم ورحمة الله وبركاته اختي على حساب مافهمت ان الارض عندها الاوراق والحجج ديالها علاش ما تمشيوش للمحافضة وتاخدو الاصل ديال الاوراق وتدعيوه بيهم
            []

            تعليق


            • #7
              المشاركة الأصلية بواسطة أم نسمة مشاهدة المشاركة
              الله ينصركم عليه أختي أنا معرفت باش نفيدك غير الله يكون معاكم وتأخدوا حقكم منو
              حسبي الله ونعم الوكيل والنصير
              شكرا لك اختي الله يجازيك بكل خير على هد الدعاء ديالك وخا ماعرافتيش الرد غير دعيتي معايا هديك هي كل شيء الله يخليلك اعز ما عندك

              تعليق


              • #8
                المشاركة الأصلية بواسطة صداقة في الله مشاهدة المشاركة
                بسم الله الرحمن الرحيم

                أولا كيما قالت الأخت الله ينصركم عليه وما ضاع حق وراءه طالب وماتستسلموش ليه أختي بالعكس ايلا مكانش كايخاف الله مغايخاف من حتى واحد ديرو جهدكم للي قدرتو عليه ويلا ماخديتوهش منو طلبوه من للي فوق منو ومنا من الله سبحانه وتعالى ودعيوا الله ياخد ليكم حقكم ولا حول ولا قوة الا بالله
                اااااااااامين الحبيبة والله يجازيك بكل خير الله ينولك ما فبالك ويبعد عليك كل شر

                تعليق


                • #9
                  المشاركة الأصلية بواسطة oumreda مشاهدة المشاركة
                  السلام عليكم ورحمة الله وبركاته اختي على حساب مافهمت ان الارض عندها الاوراق والحجج ديالها علاش ما تمشيوش للمحافضة وتاخدو الاصل ديال الاوراق وتدعيوه بيهم
                  ام عادها الحجج ولاكن عند اللي خدا لماما الارض ولاكن كيبيع غير بالكنطراطوا والحجج مخباعهم
                  ونا ما عرافتس كيف غدي نعملوا واش غدي نقول من نمشي للمحافضة راه ماما عندا شي اوراق من شفناهم لقيناها فالحق ديالها كيطلع 700متروا ولاكن يا اختي هو عندوا المال راه واخا كتمشي تدعيه ماما ما كتجبارش الفلوس باش تكمل الدعوة اما هو كيسكت القضية غير بالفلوس الله ياخد فية الحق ااااامين وشكرا بزاااااف اختي

                  تعليق


                  • #10
                    شحاااااااال ديال المشاهدة وما تردوش غير بدعيوة الله ياخد فيه الحق
                    راه انا ما جيت نحكيلكم حتى كان والدي ف امس الحاجة لدعواتكم وردودكم ما تبخلوش علي الله يجازيكم بالخير

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X