إعـــــــلان

تقليص
لا يوجد إعلان حتى الآن.

شنو هي اول خطوه باش تجمع اوراق الزواج من سعودي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شنو هي اول خطوه باش تجمع اوراق الزواج من سعودي

    السلام عليكم الله يسهل عليكم لي تتعرف شي حاجه في هاد الموضوع تفدني انا مخطوبه من سعودي 3 سنين المهم كل مره عندو عدر هو مقيم هنا في المغرب والعائله في الامارات واصله سعودي الله يسهل عليكم شنو هي اول خطوه باش نجمعو الملف منين نبداو واش من العدول ولا من المحكمه ولا منين مشينا جبنا الورقه ديال الوتائق من مكحكمه الاسره ولكن من بعدها منين نبدا وهو غادي يجيب اوراقو من هنا في المغرب ولا لازم يسافر للامارات يجيبها من سفارتو هناك الله يسهل عليكم قولو لي راني ما عارفه راسي من رجلي باش الا ما كان خير نوقفو

  • #2
    اختي الا خطيبك سعودي ره لازمو تصريح والتصريح هو موافقة على الزواج من اجنبية والوثيقة هدي صعيبة شوية الا معندوش واسطة نتمنى نكون افدتك واي استفسار انا في الخدمة

    تعليق


    • #3
      تنشكرك اختي الله يسهل عليك قولي لي واش تيجيبها من هنا من السفاره ولا بلادو

      تعليق


      • #4
        السلام عليكم ورحمة الله وبركاته
        أختي بغيت نفيدك و خا غي شوية لأنني دزت من مراحل الزواج المختلط ولكن ماشي بسعودي
        المهم أول حاجة ديروها هي تجمعي وراقك طلعي و تهبطي عليهم في المقاطعة كنهضر على شهادة الخطوبة.. السجل العدلي هادا خاصك تجيبيه من لمدينة اللي تولدتي فيها و لوراق اللي عندك في هاديك الورقة اللي جبتي من محكمة الاسرة و بما انتيا تصوبي وراقك.. هو كدلك اوجد وراقو اللي مكتوبين عندكم في الورقة .. الا كان مولود في السعودية خاصو امشي ايجيب عقد الازدياد.. من تماك و في ما يخص الاجراءات ديال السعوديين سيري معاه اللي السفارة باش تعرفو اش خاصو ايدير الا بغا اتزوج اجنبية ----باش نيت مايلقى تا عدر---حيت ضروري ورقة أهلية الزواج من سفارتو زعمة واش فيه الشروط اللي تسمح ليه بالزواج كيفما قالت ليك الاخت هما خاصهم الموافقة على الزواج من اجنبية من بلادهم -دول الخليج- باش اعترفو بزواجكم لهيها ..لعدول كيجي من بعد وجدتي وراقك وولراقو ولكن تقدري تمشي تسوليه على شنو خاصك لانهم كايكونو مزوجين ناس قبل..نصيحة شوفي شي عدول حادق وفايق باش اصوب ليك و يتبع وراقك في المحكمة-تقدري ديريها راسك ما تخافيش و لكن هو مخلص مخلص اتحرك معاك هههه- و شوف ليك واش وراقك هما هادوك الا كانو نتولييييين ديري ليهم شي 4 كوبي عل الأقل باش دفعيهم المحكمة و الكوميساريةو لعدول ان شاء الله راه الزواج المختلط تقريبا بحال بحال غي كل دولة وسفارتها شنو كتطلب باش ايعطيو أهلية الزواج.. ما تخافيش توكلو على الله و كلشي غادي ايبان و يجيكم ساااهل خاص غي اتحركو لفلوس ضروري لtransport و الفوطوكوبيات وتنابر ههههه ما تعطي والو .. ان شاء الله الى كانو لوراق مزيانين في 2 سيمانات تساليو كلشي بإدن الله.. الله يوفقك أختي اي سؤال انا هنا ...

        تعليق


        • #5
          السلام عليكم ورحمة الله وبركاته
          هنا رجعت ثاني ههههه ماشي مشكل الا كان مقيم بالمغرب تأنا راجلي مقيم هنا و جاب من هنا غي شهادة العمل و الدخل و السجل العدلي من وزارة العدل بالرباط .. و شي لاخر من بلدو الاصلي اللي أنه مولود تماك...
          الله الموفق حبيبتي

          تعليق


          • #6
            akhti ila kan kaydir a3dar khasek walaboud thazmi m3ah wtfahmi achkayen chofi ahbiba ana makankhel3ekch walakin kaynin li kayshabhoum bnat nas lou3ba madam ja khteb ylzam yjma3 rasou lmaakoul ana gher kanhdrak iwa lah yj3al kolchi mbark wmas3oud wkima galo lik lbnat wkfi 3la lwrikat bach tjam3ihoum w siri lsifara souwli bach tfehmi
            سبحانك اللهم وبحمدك ، أشهد أن لا إله إلا أنت أستغفرك وأتوب إليك

            تعليق


            • #7
              الله يسهل عليكم ويعطيكم ما تمنيتو دعيو معايا

              تعليق


              • #8
                اختي ما عندي باش نفيدك الله يوقف معاك

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X